السلآم عليكم ورحمة الله وبركاته
مسآء الخير للشاعر عفاس بن حرباش
مسآء الخير للمتابعين . .

وهلا بكم من جديد
مرحبا ياعفاس وإن شاء الله استضافتنا راح تكون ممُتعه معك ،

يَ هلا والله ومسهلا
بِ شاعرنا بن حرباش
حييت ويمسيك الله بالخير


هلابكم جميعا حييتم
مع شاعر نتوق الليله لِ متابعته

حيآك الله ياعفاس
بنبدا بالاسئله
تحملنا شوي




اول شي : كانت لعفَاس مشَآركة بشاعر الملَيون / نبيك تعَلمنا عنِها وتعلمنا عن موَقفك قبل الدخول للجنه ؟!

هلا وغلا يامحمد

بالنسبه لمشاركتي كانت في الجزء الثالث
وكنت في وقتها ماكملت سنه في كتابة الشعر
التجربه كانت جميله بجميع المقاييس .. لكن
لو كنت بنفس تفكيري في الوقت الحالي ماخضتها .!
وكان نصف جمالها في مرافقه المبدع محمد السبيعي
طبعاً كان متوتر ووترني وصدمنا في مواقف الفندق
ودخلنا على اللجنه دايخين

تبقى تجربه
رائعه ولها جماليتها
وسلامتكم والله من الدوخه

*

الشَاعر يَلد من رِحم المعَاناه ،
وش رآي عفاس بهالمقوله وهل يراها صحَيحه ؟

حبيبتي وانا حبَيب المعَاناه . .
والليل وجزال الشِعر والمعاني

الله عليك يابو محمّد ،
وجوابك دليل على ارتباط ذاتك بشِعرك

-

وش قَصة حادثك بالسياراة اللي (بعَفيف) ؟/ والحمّد لله على سلامتك

هههههههههههههههههههه
حادث عفيف كان حادث نفسي ولافيه ضرر مادي
هذا صديقي المبدع متعب الشيباني .. اتقابل انا وياه بشكل يومي في الرياض
وعلاقتنا بعفيف لاتتجاوز الزياره مره او مرتين لاقاربنا هناك
وفي بداية الاجازه الصيفيه رحت لعمي هناك وكنت مقابل متعب قبلها بيوم ولاقالي
انه بيروح لعفيف ..المهم كنت جالس في الحديقه انا والشعراء المبدعين ( راشد النفيعي
ورحيّم الغنامي ) وجوالي يدق .. ناظرت في الرقم لقيته متعب الشيباني وكانت بطارية جوالي بتخلص .. قلت بيني وبين نفسي متعب ملحوق عليه واكيد ماعنده شي مهم وبخليه لين اشحن الجوال .. المهم ارسلّي رساله يقول ( انتبه للفورد الفضي اللي قدام سيارتك لاتصدمه ولاتلقي ظهرك الشارع بعدين يجي احد يصدمك ) طبعاً دريت انه في عفيف ولاراح اعلمكم انه تهزاءت بسبب اني مارديت عليه .. وصار بعدين يدق وانا نايم وارد عليه اخاف انه عندي في البيت

ههههههههه
الحمدلله على سلامتك والله


*



اتمِنى تعلم الاعضَاء عِن موقِفك بعَد هالهدف !
+ وجهة نظَرك بالكابتن يَاسر !؟

ههههههههه والله بغيت ادخل على مقاطع ياسر اللي بعد هالمقطع واترك اللقاء

طبعاً الهدف هذا سالفته سالفه ...
كنا نتفرج انا والشعراء ( عبدالله حنيف .. وياسر العتيبي .. ومتعب الشيباني ) في المباراه
طبعاً عبدالله حنيف لايقل تعصباً عني .. وكنا في حاله هستيريه من الهدف الثالث للغرافه
وقاعدين ناكل اظافرنا < طبعاً كل واحد ياكل اظافره لحاله
وانا قربت من الغيبوبه خلاص .. وجا الهدف طبعاً نقزت انا وعبدالله وقعدنا نضم بعضنا وصارت النقزه الغير موفقه وطحنا على ياسر العتيبي .. طبعاً ياسر انا اشك انه نصرواي مندس في
الجلسه ذيك وجا فيها تكسير دلال وجوالات

بالنسبه لوجهة نظري في ياسر القحطاني الظاهر ماتحتاج توضيح
بس ياسر بالنسبه لي افضل لاعب سعودي واسيوي انجبته الملاعب
وفي اسوء حالاته افضل لاعب سعودي ...

ولي بيتين فيه تقول :

انت مبدع بالشهود وبالإفاده
وانت مكسب .. من كره فرحتك خاسر

لو ندقق في المباشر والاعاده
مايفوق ابداع ياسر .. غير ياسر