بسم الله الرحمن الرحيم
السلام عليكم و رحمة الله و بركاته
بعد غياب طويل جدا عن هذا القسم
القريب لي و المحبب إلى قلبي
حبيت أرجع لكم كالعاده بقصيده جديده
ولكن هالمره بطريقه مختلفه وهي بصوتي
وقبل كل شي أحب أشكر عزيز مكس على معالجه الصوت
و أشكر عبدالله على تصميم الفاصل
عساها تعجبكم
و تروق لمسامعكم
!.. وين العيون اللي هدبها مسايير ..!
الله يصبح بعض الوجيه بالخير
وبعض الوجيه أطلب عسى يهداها
صحيح بعض الناس تحتاج تغيير
وبعض البشر كل يوم زايد غلاها
من جيت للدنيا وأنا قلبي كبير
وأسامح صغارن تكاثر خطاها
ماجيت أدور للمشاكل معاذير
جيت بقصايد تبهر اللي قراها
نبيل وإن كان الشعر لذته غير
ترى السبب إعجابك يزود بهاها
وين العيون اللي هدبها مسايير
اللي سحرت كل البشر من حلاها
اللي تصف الناس مثل الطوابير
وكلن تمنى في حياته لقاها
الله عليها لا قبلت كنها الخير
تفرح قلوبن تكدر هواها
هذي ملامح والشعر لجلها يصير
مثل الخواتم لابغت ماعصاها
وان كان شعري فيه يازين تقصير
بعوضك بـ أحلى قصايد وراها
لاتحرمونا من ردودكم و أرائكم و إنتقادكم
لكم
تحياتي لكم أخوكم:-
ABO FAISAL 20 (محمد)
18-07-2011, 11:12 PM
||.. وِين العيووُن / اللِي هدبهآ مسَايير ..||
العرض الشجري
