صَلآة الجِمآعه / سعيد بن مانع :
انا وش الـلي بغيبتـك مستفـيـده
صدري وصل مَ الهم حد الشباعه
الصبح يضحـك لي بضحكـه جديـده
وانـا الـى هالحـيـن مانـمـت سـاعـه
اسهـر واسـامر كــل نجـمه فـريده
وان نمت قالت ليه هذي القطاعه
ياغايـبه واللـيـل لا قـويــت ايـــده
يدي ضعيـفـه مـاتـقـاوي صـراعــه
الــحـب دمٍ والـمـواصـل وريـده
والقـلب هــو الـلي يـزيـد اندفـاعـه
غبـتـي وسمـيـتـك : قـريـبـه بـعـيـده
والعـين تحـسـد خافـقـي عالقنـاعـه
جـاعـت عيـونـي شـوفـتـك ياعـنـيـده
ماترحميـن اللـي بلتهـا المجـاعـه ؟
بـيـنـي واحـزانــي عـلاقــه وطــيــده
مثـل العلاقـه بيـن عـقـرب وسـاعـه
فــراقـــك الله يـمـحـقـه لا يــعــيــده
لازاد زاد الـجــرح مـعــه اتـسـاعـه
نسيانـي اكـذب مــن كــلام الجـريـده
وكتماني اعتـم مـن عتـام الإشاعـه
وأشواقي اصدق مـن فعايـل رفيـده
وأبلغ من طعـون اليديـن الشجاعـه
شوقٍ هبا فـي القلـب وسـم الحديـده
والقلب لـولا الصـدر ؟ تـم انتزاعـه
ولاجـــداي الا حـــروف الـقـصـيـده
عـســى تـزودنــي شـويــة مـنـاعــه
لــك الله اصـبـر عالـريـاح الـشـديـده
يالمركـب اللـي ضـاع منـه شراعـه
عسـى الفـرج يقـبـل ويهـنـاك عـيـده
وتبات عيـن اللـي شقـا البُعـد لاعـه
وأقــول للنجـمات فـرصـه سـعـيـده
والمـعـذره دامـي نـويـت القـطـاعـه
ياغـايـبـه والـنـخـل يــبّــس جــريــده
ولا يــغــرك راســهـــا وارتـفــاعــه
بـه فـي غيابـك فـايـده بــس وحـيـده
يمكـنّـهـا هـــي الـعــزا والـشـفـاعـه
تدريـن وش فـي غيبتـك مستفيـده ؟
انـي اصـلـي الفـجـر ويــا الجمـاعـه
شِيخْ السِجآيا / سالم الطلوحي :
عليك ومنك مكثور العطايا
ياربي لا تمر الناس بيته
وداعة قلب بعروق وحنايا
في وادٍ غير ذي زرعٍ رميته
ابي لا طقّته شمس الخطايا
ظلالٍ بأصدق اعمالي شريته
من الرحمه تهيّئ له مطايا
ضرير ان كانه ابطى ماهديته
بعد فرقا شريكي بالخلايا
هذآك اللي عن انفاسي كميته
سوايا غيبته عني سوايا
تذكرني وانا افنى مانسيته
عزيز النفس مجبول النوايا
طبيب القلب لو ماذاع صيته
اجي له شايل همومي سرايا
واروّح كل مامني .. فديته
ابو عنقٍ يقسمّني شظايا
على سفحٍ من اللهفه رقيته
ضحكته لين بكيّت البقايا
ولا ادري من ضحك .. ساعة بكيته
اشوفه كل ماشفت الهدايا
على حطة مواثيقٍ عطيته
له الله كل ماطيفه تهايا
يهّد الصبح جفني ماسليته
اسّج بضاحية شيخ السجايا
واقول اللي لو افطن ماحكيته
رحل , ماكن بالدنيا صبايا
وانا لا اثبت شي .. ولانفيته
اقول , الله يجنبه المنايا
رسولٍ ياصله كلما .. طريته
يبلغ صاحبي عذب التحايا
كثر ماهمت فيه , ولا لقيته
|
الوّنِه / بلا ميعاد :
يومين ماجاني منه مرسال ولا رنه
يومين وانا مابين آهات وظنون
الناس رقاد وانا للصبح اسامر الوًنه
يهون الجرح بيًا وحبه مايهون
عساه بخير كثر مانشد الشوق عنه
وعساه يحس بغربة الروح وشلون ؟
بعده عذاب والقلب من البعد كنًه
مشكك بحبه هو موفي به ولايخون
ماترك عقلي بحاله ولاسمع حنًه
داله(ن) عن جوفي والاضلاع يبكون
فاضت هموم البارحه على ظنًه
لعل من غاب عذره يشفع له بهون
وكنه مفارق وعيونه تقول انه
البشر وطبع البشر مع الايام يسلون
من غاب لأجل عيني تبكنًه !
تبطي سنينه وما تبكي بغيابه عيون
صحيح ان القلب ماشبع منًه
منه ماجاني من هموم الحب يكفون
يومين لارساله ولا طنه ورنًه
ياضيقه الخاطر لو تدرون وشلون ؟
مَجموعة آغَاني / الفجر البعيد :
بالهوى يا حبني لك يا وحيــــد ..
إنت فرحي وأنت همّي والعذاب
لو بكيت الصد والوصل العنيد ..
في عيوني لوعة الفرقا جواب
ارجع انثر لي حروف الحب عيد..
رد لي و آمر تدلل لا تهاب
قف وناظر دمعت الحزن الاكيــد ..
في عيوني شافت النظرة سراب
دايما دقات قلبي لك تــزيـــــد ..
نبضها وين أنت تكفى لا تغاب
قلت للغايب عذر بس وش يفيد ؟
يوم أنا دايم أعاني هالغيـاب .. !!
وياللي تقول وش تابع من الجديد ؟
غيوض تكفيني عن شعر الشباب .. !!
يَابحِر / عبد الله بن سحمان :
يا بحر غدرك واضح بضحك الأمواج
ويضـيـق الخـاطـر دمــوع التماسـيـح
قاعك حبيس الصمت والمـوج هـراج
فـي الغبـه كـنـوزك وعـنـدي مفاتـيـح
شفني على شاطيـك فـي يـدي سـراج
والليـل قمـرا غيـر انـا آقـوم وآطـيـح
أخاف يكشـف سـري المـوج لا هـاج
مفـروض تفـهـم حالـتـي دون تلمـيـح
مافـيـه هـــم إلا وســـط خـافـقـي لاج
ومافـيـه حـــزن إلا بـكـتـه التـبـاريـح
مــا يـبـرح الخـفـاق والظـلـع منـعـاج
والأورده لأثـقــل هـمـومـي مـراجـيـح
تبـرق صـدوف الدهـر والدمـع ثجـاج
والـحـظ ينـبـت يـــوم وتـهـبـه الـريــح
يـا بحـر نـا جيتـك ولــو طعتـنـي نــاج
ناج السواحل وأسأل الـورد والشيـح
يـا بحـر مافـي الأرض لــول وديـبـاج
ولا سقـى الضامـي مــزون مـراويـح
يـا بحـر جـلـت الأرض وآدور عــلاج
والـحـال مـتـردي ومحـتـاج تصـحـيـح
لـعـل فــي غبـتـك مالضـيـقـه أفـــراج
وأصبر على موجك ولو فيـه تجريـح
يـا بحـر شحـت الأرض ويمـن هـداج
وأنــا عـزيـز مــا أبــي مـنـة شحـيـح
وقفت كريم فـزع لـي قبـل مـا أحتـاج
ولا بخيـل مـا فـزع لـي وانــا آصـيـح
إحتِرامي / الزعيم القرني :
إحــتــرامـي , لــــلــذي حـاز اهــتــمــامـي
وحـاز مــعــهـا كــل ودّي واحــتـــرامي
يلتزمنـي الصـمت فــي حـضـرة وجــوده
ولــيـــت بــســكــاتـي أوصــلّـه كــــلامـي
منه أحـسّ , ومنـه أداري فـي شعـوري
كــلّـهــا مــابـيــن صفــــوه , واحـــتـــدامـــي
فـــيـه قـــربـي , وابــتــعــادي , وانــعــزالـــي
فيـه جـودي , ثـم وجــودي , وانعـدامـي
وفيـه صبحـي بـس , مابـي ليـل عـنـده
لانّ ذا لــيــلـي أحــسّ انّـه حـــرامــــي !
يـــســرق الاشـــواق , ويــبــعــثــر أمــلـهـــا
ويــنــجــلي كــــلــه , ولا هــــمّــه هـــيـــامي
آتــكـدّر مـــنـه ولا قـــرّـبـت اعـــاتــب
آتــفــــاجـــأ بـــالـــمـــرايــــات ,إبـــتـــســـامـــي!!
يـنـكـســر لــومـــي واحـــسّ انّـــــي مــحــطّــم
واشـتـعــل حــــب ومــــودّة مـــــن حـطــامي
ولـيـت مـــن بـعــد اشتـعـالـي لـــه خـمـدني
ما اعتبرت بظـلّ غصـنً مـات ظامي
هــيــيـــيـه , والـــدنـــيــا تــطــلّــعــهــا بــراءة
لــيــت مــــا بـادرت فـي يـوم بـســلامــي
بس لانّي كنت مُعجب , بس مُعجب
مــاهــقــيــت انــــهــا بـــتــوصـــل لــلــغــرامـي
يالله انّي طـــالبـــك تـــغـــفــر ذنـوبـي
وتجعـل احزانـي , مقاصيـصً لاثامي
صــاحـبـي , والأمــر كـــلّـه بــيــد ربّـك
مـنــه يحـصـلّـي انـتـصـاري , وانـهـزامـي
كــل شي, ـ جــايــز فهـالــدنــيـا الـعـجـيــبــة
الـصـفـوف تبـعـثـرت , حــتّــى الأمــامـي
عــلّــم الــلــي صــــاب رمــيــه , واسـتـحـبّــه
رمــــــيـــــــةً ,, لـــكـــنّــــهــــا مــــــــــــن دون رامـي
لا يـحـابــيــنــي , لــيــــا ضــــاقــــت عـــلـــيّـــه
دنــيـــةً خـــلّـت صــدر عـــمّــي انـتـقــامــي
آنــــا واحــــد , بــس لا ثــرت بـشـعــوري
أخـلــوا الـسـاحات مــن هــول ازدحـامي
بــحــزم أشـيــائي , وبـاقـي مـن هــدايــا
واعـــلن فــســاحــة مـــودّتـه اعـتــصــامي
واحــتــرم رايــه , لأنّـي جـزء مــــنّه
حــتّـى لـــو كــانـت مـقـاصــده انـقـسـامي
حـتـى لــو كــان المـسـبّـب فــي فــسـادي
واطلق جيـوش المشاعـر فـي عظامي
احــتــرمــه , وكــلّ هـــمّـــي بـــس يــدري
أن بـاقـي ضـــمن فـكــري واهـتــمــامي
واحـتـرامـي , مـاهــو بيـعـنـي خـضـوعـي
إحـتــرامي , يـعــنـي افـرض احــتــرامي
قَانون قلبِي / қвяєэτ :
لي صاحبٍ لا ضاقت الدنيا أجيه ..
يمسح دموعي ويدثر الآهات فيني
يرسم لقلبي بسمة الكُون بيديه ..
بهجَة حياتي شوفته , ضيٍّ لِعيني ..
هُو طاهر الإحساس ؟ , أو كلي يبيه ؟!
هو خافي الذّكرى وهُو مطلب سنيني ..
يالله عسى لا تقسى هالدّنيا عليه ..
وان كان بِه سوءٍ / بدَل عنّه " يجيني "
كم ليلةٍ فيها الأماني .. ترتجيه ,
لا كان وحدِه يذكر أيّامي و حنيني ..
هذي حياتي عِشتها .. مِنّه وفيه ,
وهذي حياته : كلّها مِنّي وِ فيني ,
كلّ المشاعر شفتها يُوم أبتديه ,
هو كذا " قانون قلبي" مبتليني ..
جعل الهوَى اللي قد بلاني .. يبتليه
يجتاح قلبه , ثم قلبي / ويكتسيني ..
ماني أحبّه , لا وربّي مِهتويه ,
واكبر دليلٍ لِه حياتي , ويفتديني
الصّاحب اللّي كلّ رُوحي تبتغيه ,
يفداه قلبِي .. دام إنّه مهتويني , !
لي عزّةٍ مابين خلق الله عليه ,
ولِه عزةٍ ما بين هالعالم بِ عيني ,
خلٍّ"ن" وعدتِه يُوم أتمسّك " يديه "
وقت الشّدايد ما أباعدها يدِيني ..
الجِريده / وليد المري :
يــا مزار الفكر . . والا يا مزاري
يا احتواء الشارده والا الفريده
أذعن لصاحبك في حضرة قراري
يوم كلن يذعن لتاريخ سيده
بين نزوة هتلر. . وحكي البخاري
ياقف احساسي على جمله مفيده
صرت اجهل في غيابه انحداري
و انطوائي بين ذرعانه و ايده
ايه وانفاسه تسبب انصهاري
واختفائي من مساحات عديده
ان بغيت أبدأ مع النشوه حواري
ينبض الخافق على نبضة وريده
كنت ضاري ع المفارق!! صرت ضاري
ع المواصل . . واللقاءات العديده
بين بوسة خده . .و فــكـــة زراري
يبتسم شيطان محسوبك . و اكيده
كان يغويـنـي . ويفرح بنكساري
لين غار وجاب لي فكره جديده
صرت افهم كل شي في جواري
الإناره . . والأثـاثــــــات البليده
كـلــــــها راحت وخلتني بداري
مع شريط(ن) كل ما اخلص اعيده
صوته اللي فيه يتعدد خياري
بين نزف جروح او ليله سعيده
همت ! .عفوا ما لهداتي مواري
انطلق أحيان من جوف الطريده
والله انك لو تجين وكنت داري
ما لقيتي غير حزني والجريده
لن شيطاني مؤثر. . وانتحاري
وانهزامي لو على ضني أريده
في حضوره شاعر وجدا نـــــزاري
في غيابه .! في غيابه جاب عيده
يا مدار الشعر والا يا مداري
يا انطلاقاتي إلى نزف القصيده
ما دفعني للفرايد أي طاري
غير جمهور(ن) جعل ربي يزيده
يعتني بالقاف لي جبته حضاري
مُسّتَمد من الخيالات العنيده
يعني اسذج شي شعار الحواري
كل كلمه في معاجمهم سديده
سمع بوري!! يكتب ازعاج البواري
ياخي ارفق ع التخلف يا حفيده
ما هقيت اني بمل من انتظاري !!
لين صارت دمعتي تنزل وحيده
بين بضع اشياء والرابع جداري
الألم والصمت واحساس الفقيده
غَلطِتي / ABO FAISAL 20:
غلطتي في حبك إني تسرعت
و غلطتك تعشق لك إنسان ثاني
عشمتني حتى قدرت و تمكنت
و سرقتني من دنيتي يا أناني
خليت خلق الله عشانك و جنبت
عن درب منهو بالمحبة بغاني
جيتك بصدق إحساس و إنته تصعنت
و أنا على الله سقت لك من حناني
لقيت في عيني غرام و تشبعت
و لقيت في عينك ضياع الأماني
و إحتجت لك مرات لكن تعذرت
و تحتاجني و أجيك قبل الثواني
وقصرت في حقي و أنا ما تأخرت
وكم بعت من شانك غلا من شراني
أدري خطاي إني على الجرح كابرت
و أدري خطاك إنك تصاغرت شاني
و أدري إنصحوني ربعي و ماتراجعت
خليتهم لعيونك و جيت عاني
أدري على شوفك أنا حيل أدمنت
و أدري على صوتك كرهت الأغاني
و أدري تغيرتي و أنا ماتغيرت
كذبك رفعك و صدقك اللي رماني
أدري و أدري و البلا ماتعلمت
كملت في درب الغرام و نهاني
تدري وش اللي يذبحك و إنت ماخنت
إنك تحب إنسان و يحب ثاني
حسبي عليك الله من وين مارحت
يبليك ربي في غرام(ن) بلاني
يَ | حبيبي .. مامضىَ , جدآ حزيــن !! / شوق الغ ـوالي :
صاحت عقيمه والمواني عتيمه
والدمع اصبح في حلى العين محتار
حظٍ تملك روحها هالسقيمه
جمّع معاني و للحزن .. نظمّ اشعار
ثارت طقوس الدمع تبكي اليتيمه
من وين مالدّت غزى العين تذكار
صاحت / حبيبي قالوا إني عقيمه
يعني هذاك الحلم من داخلي طار
يعني أسم هالطفل مامنه قيمه
محدن يناديني أبد بـ أم عمّار
ياغاليه .. دام النوايا سليمه
لاتحزني هذا الفضا عاش دوّار
نادي المحبه تمطر اليوم ديمه
تغسل بقايا دمع فالعين مدرار
ياغاليه طبع المحبه حشيمه
عيشي بها تمحي خطا كل ماصار
لا تزعلي لو كان اسمك عقيمه
عمر الاسامي ما امنعت سير الأقدار
خلّي الأمل يكبر كما كبر غيمه
وياعلّ باكر يبتدي بأجمل أخبار
¬ « أهـل المعـروفَ . . يـا الطيَـبَ /! / كبرتني يا هــــم :
لو ( المراجل ) يا شويري على الكيف
محدن سعى لطيب يرجي حليفه
كان الردي يشبع بصيده هل السيف
و لا يعتبر دام القضيه بكيفه
و زود على هذا من القول بضيف
صعبه تقارن بين برده و صيفه
هيض شعوري من يحسب التكاليف
إلاّ على المعروف ما عز ضيفه
وصّى ولده ابلا تزود المصاريف
ولا كلف إلاّ من يسمى هديفه
قد قالها من له سلوم المشاريف
( الضيف في بيتك يعادل خليفه )
لكن ما لومه يوم الشوف التصاريف
[ خبل ] يتوبع من تصلح رغيفه
وحيف من يمدح ها كالوجه وحيف
انشهد انه ما يقول الشريفه
ومن صك بابه في وجيه المواليف
تموت ناره لو يكبر مظيفه
خذ منبع الحكمه ولو كنت بطريف
وحتى لو أنك نازل بـ الحتيفه
( وما كُل من ربى دقن بـِ الضحا شيف )
ولا كل من شاله ينادى بجيفه
هواش الشِفآيا / باريس :
تعلمت الصبر من كبـر شايـب
وصبر عسى الايام تشفي البرايا
النار شبت وسط ضلوعي لهايب
والحطب جمًـر بـ كل الحنايا
محتاج لحضرتك و بطلب طلايب
من شان حضنك. بسوي الخطايا
يكفي علينا مر... ويكفي نحايب
اليا متى وحنا ..نشكي الـنوايا
هاتي يدينك دام صرنـا حبايـب
وبترجم الشوق بـ هوااش الشفايا
اثنين وحبو بعـض و إبلا مصايب
وسولفوا بالليل كــله بكل الحكايا
خلي العــواذيل تصرخ سبايب
وتكتب عن حالنا شـين الروايا
هذا الصـدر لك مادمت.. طـايب
وهذا الخد ملكي وكل الخــلايا
مجنون وفــيني ثـورة غلايب
أغلب واحلق بعالي سمــايـا
الشوق ملعـون وسط الغرايـب
والموت لا شفـت غيرك صبايا
ما اقوى ع غيبتك والشك خايب
وما اقوى ع الصده يا غاية مناي
هاتــي يدينك دام حنا حبــايب
وبترجم لك الشوق بـ هوااش الشفايا
هاتــي يدينك دام حنا حبــايب
وبترجم لك الشوق بـ هوااش الشفايا
الحَكِآيا /ற7mđ:
حالت الدنيا صعيبه لا بدا وقت الغياب
ماتِعَرف من الحسايف غير آه ودمعتين
انقفل بابك بوجهي وانفتح للهجر باب
والحكايا كل ابوها همها (هل ترجعين)؟
واسمعك بين الضلوع تغني اشعار العتاب
سقتها مثل المطر لاخفف اصوات الانين
والحشا ماغير قلّب صوت ذكرى ماتغاب
عن عيونك كنها تنعاد من جوف السنين
سافرت كل الاماني ولا لها رحلت إياب
والمصابيح النحيله نوّرت درب الحنين
وينها عيونك دخيلك وجدها فالقلب شاب
غابت وكني ضريرٍ يبحث الانوار وين
لو دموع العين ترحم وضعنا هالحين طاب
وليت دمع العين يرحم يوم شفتك ترحلين
يوم رحتي صرت اتبع خطوتك بين الضباب
اتبع اصواتك وطرفك انحجب ماهو يبين
ضاعت اطلال المدينة الحق اطراف السراب
ويوم شفت الماي عندي صرت مقصوص اليدين
صارت احزاني دموعٍ لابسه خدي ثياب
وانتظر من هو يمسّح دمعتي في كل حين ,
|