|
:: هل أنا أعيش حياتي مرتين ؟ أو أني أعيشها بالنيابه عن شخص آخر ؟ ::
السلام عليكم بدون مقدمات ... لاني ما احبها ! قد مر على احد منكم يوم من الايام عاش لحظه او مر عليه موقف تحس انه سبق وان عاشه بكل التفاصيل يعني مثلاً تكون على الماسنجر يكلمك شخص .. تحس ان المحادثه ذي صارت قبل كذا بنفس التفاصيل .. نفس لون الخط .. نفس التوبيك .. نفس النوافذ اللي انت فاتحها .. نفس الصوره الشخصية .. نفس الكلمات والجمل ؟ باختصار كانك جالس تشوف فلم سبق ان شفته قبل كذا او انك تروح مكان معين .. ما سبق انك رحت له قبل كذا .. وتقابل شخص .., اول مره تشوفه في حياتك فجاءه .. تحس انك كنت هنا في يوم من الايام وشفت هذا الشخص .. ودار بينكم نفس الكلام بنفس الجمل ونفس الكلمات حتى احياناً لما يقول كلمة .. انت تتوقع الكلمة اللي بعدها في نفس لحظة نطقه لها .. يعني كانك عايش اللحظات ذي من قبل تحاول تتذكر .. متى شفت الشخص ذا ؟ او متى جيت هنا ؟. حتى جوازي مافيه ختم الدولة ذي ؟ انا يصير لي الشئ ذا كثير ... لدرجة اني صرت افكر باشياء ( يالله تعفو عنا ) اول كنت اعتبرها من الـ( باراسيكولوجي ) .. " علم الخوارق " .. وقريت في كتب كثيره عن الظاهرة في محاولة ان اوصل لحل اقتنع فيه .. لكن بعد ما عرفت ان الأغلبية مروا بمواقف زي كذا صرفت النظر عن البحث في العلم ذا .. " يعني طلعت انسان طبيعي " اكثر الحلول اللي لقيتها .. ماهي مقنعة .. وبعضها مستحيل عشان اعرض لكم الهدف من الموضوع بتسلسل بالحلول اللي وصلت لها اولاً قالوا ان الجنين في بطن امه يشوف ( شريط مصور ) لكامل حياته في المستقبل يعني كل شئ يبي يصير لك يعرض لك وانت في بطن امك في شريط سينمائي ( تجلس مع كوب ذره .. وتحط رجل على رجل في بطن الوالده .. وتشوف وش يبي يصير لك ) اتوقع ان الطفل يبكي حالما يولد من المصائب اللي شافها في الفلم ولكن ينسى اغلب المواقف .. ويبقى في ذاكرته جزء بسيط من المواقف اللي مرت عليه فاذا مر عليك موقف في حياتك ( بعد الولادة ) .. وكان الموقف ذا من ضمن المواقف اللي للحين مخزنه في الذاكره .. ( من الفلم ) .. تحس انك عايش اللحظه ذي قبل كذا وبنفس التفاصيل بينما انت في الحقيقة تتذكر( الفلم ) اللي شفته في بطن الوالده " مسرح مو بطن " اخذت الحل ذا مدة من الزمن رغم اني ما اقتنعت فيه .. لكن كان هو الوحيد المتوفر بعدين سمعت عن تناسيخ الارواح وراقت لي الفكرة .. قلت يمكن بقى معلومات مخزنه في الروح قبل لا تحل في الجسد ( وما تفرمتت زين ) .. << الله من زين التعابير فلما يمر عليك الموقف تشوفه بعينك وتسمعه باذنك .. يروح المخ يبي يخزن الموقف يحصله موجود مسبقاً .. فتحس انك عايش اللحظه ذي من قبل بنفس التفاصيل .. والحقيقة ان اللي عايش اللحظه ذي هو الروح اللي حلت في جسدك .. يعني انت جالس تسوي " ريبلاي " لحياة واحد ثاني قريت كتاب عن تناسخ الارواح .. لكن من الخرابيط اللي حصلتها في الكتاب .. ايقنت انها ماتخش العقل قال ايش ...؟ قال نسخ : حلول الروح في جسد ادمي والمسخ : حلول الروح في جسد حيوان و الفسخ : حلول الروح في جسد حشره .. والرسخ: حلول الروح في جسد جماد شجر وإلا حجر يعني بالعربي خرابيط .. من تشوفها تدري انها غير قابلة للتصديق اخيراً اكيد بعضكم سمع عن ظاهرة " دي جافو " او استباق القدر الظاهرة ذي تشرح شلون تحصل لك انك تحس بانك سبق وان عشت اللحظة ذي الفكرة ان المخ يتكون من فصين .. صح ؟ فص ايمن .. وفص ايسر العين اليمنى مرتبيطة مع الفص الايسر والعين اليسرى مرتبيطة مع الفص الايمن فلما تشوف شئ قدامك .. تاخذ العين اليمنى المعلومات وترسلها للفص الايسر في المخ في نفس اللحظة .. تكون العين اليسرى جالس تاخذ المعلومات وترسلها للفص الايمن في المخ اللي يحصل في حالة " دي جافو " ان وحدة من العيون تتاخر في إرسال المعلومات للفص المعين بينما تكون الثانية ارسلت وخلصت .. والمعلومة تخزنت في الذاكرة فلما تجي العين الثانية ترسل المعلومات للفص الخاص فيها .. وتبي تخزن المعلومات في الذاكرة وش تحصل ؟ تحصل ان العين الثانية سبقتها .. وان المعلومات " اوردي " موجودة في الذاكرة .. يعني صعب انها تسوي " اوفر رايت " على المعلومات اللي موجودة .. لذلك يحصل " ايرور " يتنبه له العقل .. ويحس ان الانسان انه عاش اللحظة قبل فترة طويلة بس مايعرف متى ؟ ولا كيف ؟. بينما في الحقيقة ان اللحظه عاشها قبل ( اجزاء صغيرة من الثانية هي مدة تاخر العين او تاخر الأعصاب في النقل ) لكن وحدة من العيون هي اللي تاخرت في إرسال المعلومات او تاخر سريان السيالات العصبية في الانسجة .. او تاخرت عملية المعالجة والتخزين عن العين الثانية .. المهم اي مصيبة من اللي فوق صاروا إلى هنا تمام ... ! اليوم ( منبطح ) على سريري وقدامي الجوال ودخان أخوي .. وموقفهم وراء بعض بطريقة ( طوابير العسكر ) لما اناظر لهم بعيني اليسرى بس واسكر عيني اليمنى تطلع الصورة ذي ( لا حظوا ان شعار الشركة نصه طالع وحرف الـ R والـ I ظاهرين ) لكن لما اسكر عيني اليسرى وافتح عيني اليمنى بس تطلع لي الصورة ذي تشوفون شعار الشركة اختفى ؟؟؟ رغم اني ماتحركت من مكاني الخلاصه .. عندي سوال .. محيرني .. المخ يخزن الصورة اللي تلقطها العين اليمنى .؟ او يخزن الصورة اللي تلقطها العين اليسرى .؟ او يخزن الأثنين بصورة منفصلة .. مما يعني ان تفسير ظاهرة " دي جافو " غير مقنع لان المعلومات ماراح يصير فيه حاجة انه يسوي لها " اوفر رايت " لأنها مختلفة ! تدرون .. هونت عن الموضوع خلاص معد أبي أعرف :( |
رد : :: هل أنا أعيش حياتي مرتين ؟ أو أني أعيشها بالنيابه عن شخص آخر ؟ ::
والله موضوع خطير ورائع
ودائما تمر علي بعض المواقف بعد اسابيع او شهور يتكرر نفس الموقف بالضبط صوت وصوره وشكل وتحس بدوخه براسك انا اتوقع انه وساوس شطيانيه تتركب على شكل الموقف السابق !!!! يعطيك الف عافيه ،، وبانتظار اراء الاخوان ان شاء الله نجد الاجابه الصحيحه ،، عواافي يالغالي ،، |
رد : :: هل أنا أعيش حياتي مرتين ؟ أو أني أعيشها بالنيابه عن شخص آخر ؟ ::
كويس في أحد مثلي:D .. بعد انا طبيعية مثلك ياهلالي ss p3 والله صدق ذا الحالة من زمان تجيني أشك في عمري قلت يمكن يومي صغيرة تعرضت لنفس الموقف بس ان صرت اشوف اشياء استحالة انها تصير يومي صغيره.. مرات كثيرة اجلس مع وحدة من صديقاتي تسوي حركة او تقول كلمة احس هاللحظة قد مرت علي .. وشلون ما ادري .!!.p8 او لبس معين اشوفه في السوق او علي او على غيري اقول قد شفته ..وشلون بعد ما ادري!! .. موقف يصيري مع اهلي او مع نفسي .. وينتهي بنفس اللي في بالي ..اقول وشلون مخي قاعد يربط بعد ما ادري !!.p8 . بس مع ذلك مع ماعمري قلت لأحد خايفة يشكون في عقليpp11 ماصدقت يوم قريت موضوعك ،، وماشاء الله عليك خليتنا نستوعب حقائق علمية بطرح بسيط واحنا ماندري .. وهذا الاسلوب يعجبني في الطرح دخلنا في حلول واثباتات علمية سواءا اقتنعنا فيها او ما اقتنعنا المهم ان اننا عرفنا حقيقة علمية واستوعبناها اكثر .. هلالي ss يعطيك العافية على طرح الثري والخفيف في نفس الوقت .. والله يزيدك وينورك دوم في كل مفيد ونافع مثبــت ... |
رد : :: هل أنا أعيش حياتي مرتين ؟ أو أني أعيشها بالنيابه عن شخص آخر ؟ ::
انا نفس الشي محتاره في هالموضوع
قبل كم من يوم صار لوحده من صديقاتي نفس الشي وتقول انه يوم كنا بالفصل كنت اتخيلك ((انا )) تقومين وتقولين الكلمه الفلانيه وبعد شوي صار هذا حقيقي وقالوا لها البنات انه الجنين وهوا ببطن امه يشوف حياته كلها p8 بس انا مو مصدقه هالشي واذكر زمان صار لي موقف بعد نفس الشي كنا بمصر اول ماوصلنا المطار وكان اول مره اروح لهالمطار وشفت كراسي وجالس عليها رجال وكاني شايفتهم من قبل من جد موضوع يحير ماادري شلون معقدp21 ومشكووور على الموضوع وعلى الحلول والاثباتات ولو اني للحين ماقتنعت ^.^ |
رد : :: هل أنا أعيش حياتي مرتين ؟ أو أني أعيشها بالنيابه عن شخص آخر ؟ ::
موقف صارلي يوم الإربعاء الي فات .. كنا نفطر بالمدرسه .. جتني الحاله .. وكنت أحس إن خويي بيحكي عن مباراه العين :) .. من زود القهر صفقته وقلت لا تقول عن مباراه العين :) .. وقال والله إنها على لساني ..
16 سنه هو عمري وبكل يوم أو كل أسبوع تمر علي مواقف مثل كذا وأستغرب .. عموما أنا علمتكم لأن فيه كثير من الناس يحسبون أنهم مجانين أو شي مثل كذا .. :) وربي رحمكم وجابلكم واحد صريح :p .. مشكورين على التثبيت وأهم شي نبي أحد يتفاعل ويقولنا وشلووووووووووووون :( |
رد : :: هل أنا أعيش حياتي مرتين ؟ أو أني أعيشها بالنيابه عن شخص آخر ؟ ::
.
. والله يعني الســـالفة طبيبعيه أجل أنا أحسبها قبل حلم حلمته ويتحقق كثيــــر تصيرلي مثل هـ الموااقف يعني يكلمووني بشي وأحس أنهم قالوال هـ الكلا من قبل بس أحاول أعرف متى صااار شي أعجز والله والله أنا مثلكـ مااعمري قلت لأحد ولافكرت كنت أخاف والله بس مره صاارلي موقف مع وحده من صديقااتي فـ قلت لها أنتي قايلتي هـ الكلام قبل فقالت لي والله وعلمتها انه حااسه انه صار لي هـ الموقف معاها وهي علمتني أنه الجنين لما يكوون في بطن أمه يشووف كل شي يصير له في الحياة أول شي توقعتهاا تلعب علي بس يووم قريت اللي كتبته أخوي هلالي من هـ الحقائق العلمية وعلمتنا نعرف حقيقة هـ الموااقف أخوي هلالي ss ألـــــــــف شكر لكـ والله موضــوع ممتع وأفدتني فيه صرااحه.. |
رد : :: هل أنا أعيش حياتي مرتين ؟ أو أني أعيشها بالنيابه عن شخص آخر ؟ ::
أه ... يا علم لو تدون وش كثر أعاني
وربي .. وربي .. وربي يوم قريت موضوعك يا هلاليSS ودي أبكي من قلبي مدري وش هالشعور بس ...... يمكن ............؟؟!!<<ما يحتاج اقول المهم مشكور اخوي وصديقي وقرة عيني << اها بس مشكور هلاليSS عالموضوع وبصراحه كثير صار لي مواقف كذا المهم انا الحين طالعه بروح انام بكرة وراي مدرسه لكن قبل أنام بروح ابكي ( يمكن الازمة اللي فيني تروح ) هذا اذا قدرت انام .. بصراحه انا اخذتها قاعده قبل انام لازم أصيح << لازم لأروح عند كتور نفساني ادري اني قمت أخرف عليكم وطلعتكم من الموضوع لكن عشان ابين لكم ان حالتي وايد صعبه باي وتصبحون على خير |
رد : :: هل أنا أعيش حياتي مرتين ؟ أو أني أعيشها بالنيابه عن شخص آخر ؟ ::
تصبحين على خير سمر .. صديقتي وفلقه كبدي :) < == لا يكثر
لي عوده مع باقي الردود .. وآسف طمرتكم بس البنت بتروح تنام :) .. |
رد : :: هل أنا أعيش حياتي مرتين ؟ أو أني أعيشها بالنيابه عن شخص آخر ؟ ::
اقتباس:
انا ما أعتقد إنه وساوس شيطان .. لأن أحيانا تكون أشياء قريبه من المخ .. يعني ما فيه أمل تكون بينك وبين نفسك .. يووووه عجزت أعبر .. بس انا اعتقد أنه شي بالمخ والقصه مخخيه بحت < == يعجبني تعبيرك يا أخي p6 الله يعافيك .. |
رد : :: هل أنا أعيش حياتي مرتين ؟ أو أني أعيشها بالنيابه عن شخص آخر ؟ ::
اقتباس:
كلنا مثل بعض ولله الحمد :D :D اقتباس:
وهذا الشي الي يخليني أعتقد أن إستباق القدر هي الأقرب للعمليه .. أحيانا تحسين إنها بتقول بروح اصلي مثلا .. وتروح تصلي .. هنا فيه ناس كثير إنهبلوا والسبه هالحاله .. الله يكافينا الشر p3 .. اقتباس:
كلنا نستفيد من بعض .. وإذا الواحد مننا عنده مشاكل لازم يطرحها حتى لو كانت غريبه .. لنتناقشها .. :) اقتباس:
الله يعافيك .. ومشكوره على التثبيت .. وإنتظري الي يسرك خلال الأيام القادمه .. سُعدت بمرورك وإشادتك اللطيفه .. p11 |
رد : :: هل أنا أعيش حياتي مرتين ؟ أو أني أعيشها بالنيابه عن شخص آخر ؟ ::
اقتباس:
اقتباس:
أختي قلت لناس كثير وقالولي ( تقلع بس ) :D .. بس أنا أجزم إن فيه سبب .. عموما .. مو مجبوره على الإقتناع ولا أحد يقدر يقنعك لأن المسأله ما لقينالها حل علشان نقنع فيها p21 العيال برى بروح أتعشا .. ولي عوده مع باقي الردود |
رد : :: هل أنا أعيش حياتي مرتين ؟ أو أني أعيشها بالنيابه عن شخص آخر ؟ ::
سبحان الله يصير لي هالشي
أقول لأمي وتقول مافيج إلاالعافيه بس لاتخافون لأن يقولون شي عادي |
رد : :: هل أنا أعيش حياتي مرتين ؟ أو أني أعيشها بالنيابه عن شخص آخر ؟ ::
والله موضوعك دايما يتسائل فيه الكثيرين
وهذا الشي مره حصلي في مسلسل اول مره يعرض لما جت الحلقه الأخيره تخيل عرفت وش بيسير قبل لا تجي اللقطه سبحان الله |
رد : :: هل أنا أعيش حياتي مرتين ؟ أو أني أعيشها بالنيابه عن شخص آخر ؟ ::
:D :D .. رغده .. :D :D اقتباس:
ولله الحمد :D اقتباس:
اقتباس:
فيه كثير من الناس يعتق د إن أساسه حلم .. ربما يكون أحيانا ولكن مو كل المواقف حلم لأنها ( صعبه شوي ) p21 اقتباس:
|
رد : :: هل أنا أعيش حياتي مرتين ؟ أو أني أعيشها بالنيابه عن شخص آخر ؟ ::
هلا بكم يا موسوسين :D <-- اشوا انك مثلهم :$
الحقيقة هالحالة موجودة للجميع ماتنطبق على شخص او اثنين يعني مهوب يجي واحد يقول أنا المهدي المنتظر :D كل هاللي يصير لنا علاقته تتمحور في المخ :) أنا منيب متأكد لكن عندي افتراضات مدري وش الصحيح ووش الخطأ.. لما يمر واحد قدامك في سوق أو أي مكان عام تعتقد انك تعرف هالشخص او قد شفته من قبل يعني " الوجه مألوف " مع أنك لو تذكر وتفكر راح تقول ماعمرك قد شفته وهذي ظاهرة تحتاج لتفسير.. المعلومات تجري في الاعصاب على هيئة اشارات كهربائية يترجمها المخ للحالة اللي تشك انك قد شفت مثلها او الشخص اللي من الممكن يكون " مألوف " المخ عبارة عن مناطق وكل منطقة لها مهمة مثل ما الرؤية تكون في مؤخرة الدمجة :D والسمع عالاطراف بس الهجمة يبي لها لاعب ينهيها في منطقة الــ18 p8 <-- ياشين التميلح مثل ماقالت المزن الهلالي مثلا انها تشوف "حركة معينة" سوتها صديقتها وتحس ان هالحركة مألوفة أو توقعتها <-- المزن أقول طلعي البلورة السحرية بس لايكثر :D الحركة اللي شافتها المزن ترجمها الجزء الخاص للرؤية اللي وظيفته ترجمة الاشارات لصورة مثل ماشافتها المزن لكن فهم هالصورة او تذكرها في جزء ثاني يسمى الجزء الخاص للادراك أو cognitive center وفي هالحالة يصير فيه تأخر في العمليتين وتكون فيه فترة بين بين دخول الصورة لمركز الذاكرة قبل جزء الادراك وبعدها الصورة تنتقل لجزء الادراك ويعتقد المخ انه قد شاف هالصورة يعني لما تكون العيلة مع بعض سوالف وحش في خلق الله وتقشيم حب وشاهي منكب عالزولية وبزر يطارد هنا وهناك يعني جلسة عائلية p9 تسمع نفس الكلام ويأكد لك انك في نفس هالمكان حتى بقعة الشاهي المنكب على نفس جهة الزولية اللي متوقعها p8 تسترجع الماضي وتحاول تتذكر وتسأل عمرك متى قد صار هالموقف؟ هل هو حلم؟ معقولة صارت هالاحداث في الحلم؟ بعدها تجيك حالة برود وتبلد احساس وتقول للموجودين ماقد صار لنا هالموقف قبل؟ لانك تكون متأكد ان هالجلسة متكررة <-- هالكلام للعاديين يعني أصحاب الروتين الممل برا لو سمحتوا :D طيب ليش نحس كذا؟ يرجع هذا انه في خلال تواجد الشخص في هالمكان المألوف الاحادث يتم ترجمتها لاشارات في الأعصاب فترسل الأعصاب هالاشارات إلى مركز الذاكرة القصيرة ليتم حفظها بس هي جزء من ثانية..!! يعني من الممكن ارسال الاعصاب نفس الاشارات لمركز الذاكرة الطويلة بالخطأ فيشعر الشخص ان هالموقف صار قبل كذا.. ومركز الذاكرة الطويلة من المعروف انها المكان اللي يتم فيها حفظ احداث قديمة ممكن استرجاعها مع الزمن.. خلق الانسان وتركيبه معجزة الهية فــسبحان الخالق الوهاب وجل جلاله عما يصفون.. {وَفِي أَنفُسِكُمْ أَفَلا تُبْصِرُونَ }الذاريات21 هذا والله أعلم مع العلم ان هالتفسير قابل للتصديق وقابل للطعن في صحته يعني ممكن تفسيري خطأ <-- جحد راعي التفسير :D لي رجعة بكثير من التناقضات وطعن في التفسير السابق ويمكن الرؤيا لها دور كبير في هالحالة وراح أرجع قريب ان شاء الله والتفسير مهوب لي طبعا ولا تشوفوني شاب على روبن هود يفتح قسم للأعصاب <-- طبعا فرع للكرت الاحمر :D وعند فيصل العلم اليقين :$ <-- يهيضه بهالايقونة كود يعلمنا وش السالفة p3 |
رد : :: هل أنا أعيش حياتي مرتين ؟ أو أني أعيشها بالنيابه عن شخص آخر ؟ ::
8
8 8 جايك بالعلم اليقين بس لين ارقد واصحى مصحصح :$ راجع لك ياهلالي LTZ :D سلامو |
رد : :: هل أنا أعيش حياتي مرتين ؟ أو أني أعيشها بالنيابه عن شخص آخر ؟ ::
بإنتظارك يا pp13 فيصل 430
|
رد : :: هل أنا أعيش حياتي مرتين ؟ أو أني أعيشها بالنيابه عن شخص آخر ؟ ::
http://www.asmilies.com/smiliespic/FAWASEL/002.gif
بسم الله الرحمن الحريم اخوي هلالي ss موضوعك اعجبني حيل واعتبره من اجمل وافضل المواضيع الي قرأتها في المنتدى ومو عارفة كيف اشكرك على المعلومة هذي الي أول مرة أقرأ عنها وفعلا الي اخر لحظة قبل اقرأ موضوعك وانا عندي اعتقاد بانه الطفل يشوف حياته كامله قبل ينولد من بطن امه طبعا فيه أدلة تثبت ان البشر جميعا خلقوا وشهدوا ان لا اله الا الله مع بداية الخلق وهذا دليل من سورة الأعراف http://quran.al-islam.com/GenGifImag...172/0-6,9,.png وجاء في تفسير القرطبي : رَوَى عَبْد اللَّه بْن عَمْرو عَنْ النَّبِيّ صَلَّى اللَّه عَلَيْهِ وَسَلَّمَ أَنَّهُ قَالَ : " أُخِذُوا مِنْ ظَهْره كَمَا يُؤْخَذ بِالْمُشْطِ مِنْ الرَّأْس " . وَجَعَلَ اللَّه لَهُمْ عُقُولًا كَنَمْلَةِ سُلَيْمَان , وَأَخَذَ عَلَيْهِمْ الْعَهْد بِأَنَّهُ رَبُّهُمْ وَأَنْ لَا إِلَه غَيْره . فَأَقَرُّوا بِذَلِكَ وَالْتَزَمُوهُ , وَأَعْلَمَهُمْ بِأَنَّهُ سَيَبْعَثُ إِلَيْهِمْ الرُّسُل ; فَشَهِدَ بَعْضهمْ عَلَى بَعْض . قَالَ أُبَيّ بْن كَعْب : وَأَشْهَدَ عَلَيْهِمْ السَّمَاوَات السَّبْع , فَلَيْسَ مِنْ أَحَد يُولَد إِلَى يَوْم الْقِيَامَة إِلَّا وَقَدْ أُخِذَ عَلَيْهِ الْعَهْد . وَاخْتُلِفَ فِي الْمَوْضِع الَّذِي أُخِذَ فِيهِ الْمِيثَاق حِين أُخْرِجُوا عَلَى أَرْبَعَة أَقْوَال ; فَقَالَ اِبْن عَبَّاس : بِبَطْنِ نَعْمَان , وَادٍ إِلَى جَنْب عَرَفَة . وَرُوِيَ عَنْهُ أَنَّ ذَلِكَ بِرَهْبَا - أَرْض بِالْهِنْدِ - الَّذِي هَبَطَ فِيهِ آدَم عَلَيْهِ السَّلَام . وَقَالَ يَحْيَى بْن سَلَّام قَالَ اِبْن عَبَّاس فِي هَذِهِ الْآيَة : أَهَبَطَ اللَّه آدَم بِالْهِنْدِ , ثُمَّ مَسَحَ عَلَى ظَهْرِهِ فَأَخْرَجَ مِنْهُ كُلّ نَسَمَة هُوَ خَالِقهَا إِلَى يَوْم الْقِيَامَة , ثُمَّ قَالَ : " أَلَسْت بِرَبِّكُمْ قَالُوا بَلَى شَهِدْنَا " قَالَ يَحْيَى قَالَ الْحَسَن : ثُمَّ أَعَادَهُمْ فِي صُلْب آدَم عَلَيْهِ السَّلَام . وَقَالَ الْكَلْبِيّ : بَيْن مَكَّة وَالطَّائِف . وَقَالَ السُّدِّيّ : فِي السَّمَاء الدُّنْيَا حِين أُهْبِطَ مِنْ الْجَنَّة إِلَيْهَا مَسَحَ عَلَى ظَهْره فَأَخْرَجَ مِنْ صَفْحَة ظَهْرِهِ الْيُمْنَى ذُرِّيَّة بَيْضَاء مِثْل اللُّؤْلُؤِ http://www.asmilies.com/smiliespic/FAWASEL/002.gif الحمد لله زي كده اشياء ما تحصل لي الا في النادر علشان كده ما حاولت ابحث وراها واتوقع الكُتب الي ذكرتها لنا غير متوفرة في السوق السعودي اذا ما كنت غلطانة ولو سمحت ابغاك تعطيني اسم الكتاب او المصدر الي احضرت لنا المعلومة منه http://www.asmilies.com/smiliespic/FAWASEL/002.gif بصراحة شرح الموضوع بطريقة علمية جدا مقنع واقنعني بشكل كبير وفعلا قد يكون هذا هو التفسير المنطقي لهذي العملية المركبة المعقدة الي تحصل في المخ يعطيك الف عافية وتسلم يدك على الموضوع ولك مني تحية ملؤها الاحترام والتقدير http://www.asmilies.com/smiliespic/FAWASEL/002.gif اختك: شهرزاد |
رد : :: هل أنا أعيش حياتي مرتين ؟ أو أني أعيشها بالنيابه عن شخص آخر ؟ ::
يا جماعة وش السالفة بالضبط p6
ممكن واحد يشرح لي الموضوع .. ويفسره لي بهدوء ويعطيني على قد عقلي :D :D وبعد ما افهم الموضوع راح ادلوا بدلوي فيه p10 ورحم الله امرئاً عرف قدر نفسه :$ السياسة بصراحة ما افهم فيها شيء :D p30 محمد p30 الامضاء : عين . ضاء |
رد : :: هل أنا أعيش حياتي مرتين ؟ أو أني أعيشها بالنيابه عن شخص آخر ؟ ::
^
^ ^ بطمرهم وأجيك ,, وأجيك يسلم راسك وشلون ما أجيك pp13pp13 أبو ريان لي باك .. أفصفصلك الموضوع كل أبوه , بس لك نيه تفهم ؟ pp13pp13 |
رد : :: هل أنا أعيش حياتي مرتين ؟ أو أني أعيشها بالنيابه عن شخص آخر ؟ ::
أبو ريان في رد شهرزاد في اشاء دينيه تثبت . . . وبرجعلك برد علمي ,
شهرزاد , أبدعت في وصف هالحاله ( دينيا ) , وسأعود لأشرحها علميا ( كما فعل زعيم هلالي ) , |
رد : :: هل أنا أعيش حياتي مرتين ؟ أو أني أعيشها بالنيابه عن شخص آخر ؟ ::
سبحان الله يصير لي هالشي أقول لـــ اهل وبذات دكتورة علم النفس الفلسوفة أختي فجيروتقول مافيج إلاالعافيه بس لاتخافون لأن يقولون شي عادي |
رد : :: هل أنا أعيش حياتي مرتين ؟ أو أني أعيشها بالنيابه عن شخص آخر ؟ ::
هـو شي غريب يواجهنـي
بس احيـانا اقـول في نفسي انه اوهـام :D ما كان ودي اقول لا احد عشـان ما يقول الحمدلله على العافيه .. :( لكن مشكور اخوي هلالي اس اس اتمنـى اشـوف حل .. : ) .. !! |
رد : :: هل أنا أعيش حياتي مرتين ؟ أو أني أعيشها بالنيابه عن شخص آخر ؟ ::
بصراحه موضوعك يتكرر معي دائما بس انا بصراحه ما أقنعني الكلام اللي قلته كله الا يمكن شريط الحياه للجنين اقنعني شوي
بس انا اعتقد ان هالأشياء نشوفها في الحلم او تمر علينا في الحياه او مدري دخت بصراحه موضوع محير جدا جدا جدا مشكوووور على طرح مثل هذي المواضيع |
رد : :: هل أنا أعيش حياتي مرتين ؟ أو أني أعيشها بالنيابه عن شخص آخر ؟ ::
كلمت واحد مختص في دراسة هالاشياء ويقول فيه تفسيرين راح اذكرهم على عجل:
1- تفسير ممكن العقل مايستوعبه وهو ان الروح تطلع من الجسد وتشوف المستقبل بعدين ترجع..!! مادخل مزاجي هالتفسير للامانة ولا حتى هو يقول غير مقنع عقليا : ) 2- العقل الباطني والظاهري والباطني يحفظ معلومات كبيرة جدا جدا جدا فوق ماتتخيلون ممكن في حال بغيتوا ادعيه للمنتدى ويعطينا حلول مع انه مشغول جدا ما اضمن جيته صراحة.. فيصل لا تجحد :( |
رد : :: هل أنا أعيش حياتي مرتين ؟ أو أني أعيشها بالنيابه عن شخص آخر ؟ ::
.
... أهـلين هلالي .. اووف ...! ياكـثر ماتمر هالحاله !! http://www.eqla3.com/vb/images/smilies/Looking_anim.gif المـشكله كل المواقف اللي تصير لي ... بسـيطه مرره !! يعني ياوحدهـ أشوفها تقول كـلمه ..! http://www.eqla3.com/vb/images/smilies/Looking_anim.gif او تتـحرك حركه معيـنه !! امممم ... ماعـندي خلفيه مـثلك أتمنى أعرف جوابها ... : ) المسـأله يبيها " تـركيز " وأنا بالتركيز الله يخلف !! خخخخ :$ : : عــوافي هـلالي ..، ( F ) ... |
رد : :: هل أنا أعيش حياتي مرتين ؟ أو أني أعيشها بالنيابه عن شخص آخر ؟ ::
مــســاك اللــه بالخــيــر .. هلالـي
اولا : أنا من المعجبين بالموضوع هـذا وبأسلوبك وبطرحك للموضـوع .. ثانــيا : مشاركاتك وردرودك تستاهل المدح والثناء .. أبـدعـت بقلمك ^^^ لاهنت يا الغالـي ::::::::::: ثـالـثا : تقبل تحياتي : أبـوحبيب (: |
رد : :: هل أنا أعيش حياتي مرتين ؟ أو أني أعيشها بالنيابه عن شخص آخر ؟ ::
ابو حبيب .. تحيه طيبه وبعد ,,
إشادتك وسام غالي على صدري أعتز فيه .. وأفتخر إنك معجب بطرحي , بصراحه أنا الي أتشرف بمرورك على موضوعي وقراءه ردودي ,, دمت وساما يا أبو حبيب |
رد : :: هل أنا أعيش حياتي مرتين ؟ أو أني أعيشها بالنيابه عن شخص آخر ؟ ::
ماشاء الله ياسلام عليك على هالموضوع الرائع ويعطيك الف عافيه
طيب يقول المثل اسال مجرب ولاتسال طبيب انا كانت الحاله هذي تجيني دائما مع ان فيه ناس فهمت الموضوع غلط زي الاخت هلاليه فوق فوق تقول انها عرفت ايش بيصير في المسلسل اللي يصير انك لما تكون بموقف تحس انه مر عليك قبل كذا يعني نفس التفاصيل كامله وبسرعه مايروح عنك هالشعور المهم انا قلبت الدنيا الا ابي اعرف ايش هذا لاني اول شي كنت اصدق انه مر علي قبل كذا الين ماوصلت لدرجه ان ناس اول مره اشوفها وقلت لنفسي كيف تجي هذي؟ اول مره اشوفه واحس اني بنفس الموقف قبل وسالت ناس كثير ودكاتره وبالاخير وصلت لتفسيرين وباقولها بالعاميه بالاختصار الاول دينيا :: ان الموقف اللي تحس انه تكرر عليك فعلا هو تكرر عليك بس متى ؟؟ الجواب يقول انك تشوف المواقف هذي اثناء نزول الروح للجسد والثاني طبيا :: ان الموقف هذا يصير لك في حالة ارهاق العين واللي يصير انه شبكيه وحده من العينين تسبق الثانيه برؤيه الموقف وتتاخر الثانيه على ماتشوف نفس المشهد فتحس انك شفتها قبل وسلامتكم وانتو اختارو التفسير اللي يعجبكم اتوقع انها قريبه من كلام الاخ صاحب الموضوع الا اني قلتها على قدي ^_^ والله يعطيك العافيه على الموضوع المفيد والرائع ولاتحرمنا من مشاركاتك |
رد : :: هل أنا أعيش حياتي مرتين ؟ أو أني أعيشها بالنيابه عن شخص آخر ؟ ::
اقتباس:
يالغالي , أنت ماقد مرت عليك مواقف تحسك إنك قد عشتها قبل , مثلا رحت لمكان اول مره تروحله وتحس أنك قد جيتله وقد شفت الأشخاص الي فيه وبكل إختصار عشت تفاصليل هالمكان فهمت p7 < == والله مدري عنك :D الي فوق هي النقطه الأولى والأهم , طيب فيه ناس يقولون هذا السبب هو تناسخ الأرواح يعني وأنت نايم تطلع روحك للسماء مثل توم وجيري p21 وتروح لذاك المكان وترجع الروح قبل ما تقوم :D .. وتروح لهالمكان وتحس انك جيته والي جاء الروح مو انت .. هذا السبب هو الأضعف بالنسبه لقناعاتي p11 السبب الثاني .. يوم أنك كنت في بطن ماما :D كنت تشوف فلم عن حياتك يعني ابو ريان متربع وطاقها ذره ويتفرج وش بيجيه بالدنيا .. فإذا راح للمكان يحس قد جاه وطبعا كثير من المعلومات تنمسح إلا شي بسيط وهالشي البسيط يسوي ( تحديث ) فـ تحس إنك عشت هاللحظات بتفاصيلها مسبقا وهو في الحقيقه في بطن ماما الشي الثاني والي حبيت أضيفه هو .. فيه مره تشوف شخص تقول انا قد شفته قبل ولا تذكر وين ,, تحفر تناقز تحفر بير نفط ولا تتذكر وين :D :D .. أو انك تسمع مقطع اغنيه او بدايتها وتقول وشي هالأغنيه يا ربي وتحاول تذكر .. هالحالتين متشابهتين أحيانا تذكر وأحيانا لو تطير p21 ,, هذي كما أشار زعيم هلالي أعلاه ان العقل الباطني يختزن ملايين المعلومات ( المكان .. الشخص .. الأغنيه .. .... الخ ولكن العقل الصدقي ما يذكر فيحتاج أنك تدور المعلومه في العقل الباطني .. إذا أنت قوي ذاكره مارح تاخذ كثير من الجهد والوقت بس لاصرت درج مثلي p21 تحفر خندق مالقيت المعلومه ,, بكل بساطه هذا هو الموضوع ,, الكلام للجميع مو بس لأبو ريان هذا تفسير علمي اوضح من الي بالموضوع ,, وبس .. !! |
رد : :: هل أنا أعيش حياتي مرتين ؟ أو أني أعيشها بالنيابه عن شخص آخر ؟ ::
صار معاي هالشي:( |
رد : :: هل أنا أعيش حياتي مرتين ؟ أو أني أعيشها بالنيابه عن شخص آخر ؟ ::
والله دايم تصير معي هالأشياء بس ماأقول إلا سبحان إللي خلقنا :) مشكوووووور اخوي هلالي على الموضوع والله يعطيك العافيه يالغالي |
| الساعة الآن 10:08 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0