ورق العنب .. أكله نسائيه ! - الصفحة 2 - شبكة القناص

**فيصل** · 26-06-2011, 08:58 PM

*
*
*
السلام عليكمـ ..

الف مبروك للي نجحو وعقبال الدرجات العليا وظيفه لكل واحد مثل خشته عاد انتم وخششكم واحدن بيصير وزير وثاني بيلقط قواطي في القوايل

ممم عاد لأوصيكم ترى البعثات على قفى من يشيل واتركو عنكم جامعتنا الخرطي ولا اجل واحد مثلي يتخرج بمقبول ولو فيه ضعيف عطوه .. هل يعقل هذا الشئ !

دايم لما امر على دعايات سواء بالتلفزيون او بالشارع او بأي مكان كان القى 2×1 او 3×1
فقلت مهب احسن مني وبتكلم اليوم عن اشياء يمكن تصير 15×1 الزبده هي مواضيع قصيره وماتستاهل كل سالفه افتح لها موضوع

..

ورق العنب .. اكله نسائيه !

كثير اشوف هالورق العنب سواء بالعزايم الفخمه اللي يجي فيها بوفيه واننا الناس الكويسَين اللي عندنا دراهم

مادرو ان المفطح ابرك وازين ويكفي بس جلسته اريح خخخ

خصوصا لاصرت تمون على اللي حولك وجدعت شماغك وتربعت وسميت بالله

تقول كنهم جايبين واحد من الباديه وماقد شم ريحه بنت نظيفه وداخل ع زوجته بليله الدخله وانصرع من الريحه وقعد ياكلها اكل

ماعلينا من هالسالفه اللي ماوراها الا المصايب

..

لما اشوف قدامي ورق العنب يغريني شكله واحسه لذيذ وكذا لاتلقائي اسلم نفسي له بس لما افتح خشتي واحاول اني اكله اسوي ستوب

ماش الريحه تصصصك بخشمي وعاد ريحته مهيب تجوز لي ابد ودي اشم تتن 24 ساعه ولا اشم ريحه هالورق العنب .. الله يكرم النعمه بس ..

عاد البلى لاصارت وحده قريبه لك مسويته ومتفننه ووجت وغصبتك تاكله .. فيذا الحاله تبلش

تحاول انك تبلعه ماتقدر ويضيق صدرها الضعيفه وتحسب شغلها شين وان رجلها بيطلقها

( ع طاري الطلاق وراه الطلاق صار موضه هاليومين .. الصدق صرت اسمعه اكثر من الزواج

ويقولون الحراج مليان من غرف النوم المستعمله حقت ابوشهر )

عاد مره من المرات حاولت تغصبني خالتي بس للاسف تعبت اجامل وقلت معليش بس ذي اكله نسائيه !

.. وبصراحه انا اشوف ورق العنب اكله نسائيه او برستيج

كل تراب !

الظاهر هالكلمه اكثر شئ نسمعه بالعالم خخ الله من زين الحتسي عندنا صدق شعب جاف

عاد قريت قبل فتره بسيطه مقال ان اكل التراب شئ كويس او شئ زي كذا ناسي والله بالضبط ايش
وتذكرت الايام الخوالي وايام البخشه اسمها القديم اما الحالي فهو الحديقه

كنا الله يذكرنا بالخير نحشي هالتراب في خششنا كل ماجعنا ومغير اكل

ولين صرنا نبيه لين وينبلع بسرعه وريحته زينه كينا عليه شوي مويه ومايوقف البلع ابد

هههههههههه احس بطني لو يطلعون التراب الحين اللي فيه كان بنو فيله عظم

والحمدلله ان اخوالي الغوها وبنوا فيها ولا كان الحين الوضع مزري ..

عاد لاتسألوني وقتها ليش ناكل تراب .. بس صدق كلنا تراب

وبهذه المناسبه احب اصبح على ناصر القصبي

سروال وفنيله ..

انتشرت في البلاك بيري قبل اسبوعين هجومي بحت على السروال والفنيله مع انه ملبوس جميل ولطيف

وارقى بكثير من الشلحه ومع ذلك بعض الناس مايعجبهم العجب ولا الصيام برجب ..
المشكله الاكبر ودي اعرف مثلا هالبنات اللي ينشرون البرودكاست ومبسوطات مثلا ابوها يلبس جينز تحت الثوب

..
( تذكرت ايام المتوسط لين لبسنا الترنق تحت الثوب وجت حصه الرياضه وخذ لعب وانواع العرق ولين خلصت لبسنا الثوب فوقه مايدخل المدرس الا وهو منصرع عند الباب

) ..
عاد كنت في الاستراحه وكان يقول واحد من الشباب ان السعوديين عندهم طموح وعقول كويسه
وانهم محرومين من الشغل والتطور وجى سبحان الله في نفس الوقت برودكاست مظاهرتهم في التحليه بسروال وفنيله خخخخ قلت هذا شبابك المتطور ؟

بصراحه شباب فاشل

تتظاهر على ايش وليش ؟ يعني للدرجه هذي عقول ساذجه ؟ الله يخلف على اهل جابوك وانت طالع تتمشى بسرروال وفنيله تبي تقهر الجنس الثاني

ترى طالع شكلك مصخره والعالم تضحك عليك مب تقول انت قوي وزاحف وحبتيييين

.. فالنهايه بعض شبابنا وبنسبه 60 % يحتاج الى سنين ضوئيه ليتطور ويكون منتج في البلد وللاسف كل جيل اردى من اللي قبله

..

وبكذا تخلص دعايتنا

..
فتكم بعافيه

26-06-2011, 08:58 PM	#1
فيصل عضو مؤسس للموقع	ورق العنب .. أكله نسائيه ! * * * السلام عليكمـ .. الف مبروك للي نجحو وعقبال الدرجات العليا وظيفه لكل واحد مثل خشته عاد انتم وخششكم واحدن بيصير وزير وثاني بيلقط قواطي في القوايل ممم عاد لأوصيكم ترى البعثات على قفى من يشيل واتركو عنكم جامعتنا الخرطي ولا اجل واحد مثلي يتخرج بمقبول ولو فيه ضعيف عطوه .. هل يعقل هذا الشئ ! دايم لما امر على دعايات سواء بالتلفزيون او بالشارع او بأي مكان كان القى 2×1 او 3×1 فقلت مهب احسن مني وبتكلم اليوم عن اشياء يمكن تصير 15×1 الزبده هي مواضيع قصيره وماتستاهل كل سالفه افتح لها موضوع .. ورق العنب .. اكله نسائيه ! كثير اشوف هالورق العنب سواء بالعزايم الفخمه اللي يجي فيها بوفيه واننا الناس الكويسَين اللي عندنا دراهم مادرو ان المفطح ابرك وازين ويكفي بس جلسته اريح خخخ خصوصا لاصرت تمون على اللي حولك وجدعت شماغك وتربعت وسميت بالله تقول كنهم جايبين واحد من الباديه وماقد شم ريحه بنت نظيفه وداخل ع زوجته بليله الدخله وانصرع من الريحه وقعد ياكلها اكل ماعلينا من هالسالفه اللي ماوراها الا المصايب .. لما اشوف قدامي ورق العنب يغريني شكله واحسه لذيذ وكذا لاتلقائي اسلم نفسي له بس لما افتح خشتي واحاول اني اكله اسوي ستوب ماش الريحه تصصصك بخشمي وعاد ريحته مهيب تجوز لي ابد ودي اشم تتن 24 ساعه ولا اشم ريحه هالورق العنب .. الله يكرم النعمه بس .. عاد البلى لاصارت وحده قريبه لك مسويته ومتفننه ووجت وغصبتك تاكله .. فيذا الحاله تبلش تحاول انك تبلعه ماتقدر ويضيق صدرها الضعيفه وتحسب شغلها شين وان رجلها بيطلقها ( ع طاري الطلاق وراه الطلاق صار موضه هاليومين .. الصدق صرت اسمعه اكثر من الزواج ويقولون الحراج مليان من غرف النوم المستعمله حقت ابوشهر ) عاد مره من المرات حاولت تغصبني خالتي بس للاسف تعبت اجامل وقلت معليش بس ذي اكله نسائيه ! .. وبصراحه انا اشوف ورق العنب اكله نسائيه او برستيج كل تراب ! الظاهر هالكلمه اكثر شئ نسمعه بالعالم خخ الله من زين الحتسي عندنا صدق شعب جاف عاد قريت قبل فتره بسيطه مقال ان اكل التراب شئ كويس او شئ زي كذا ناسي والله بالضبط ايش وتذكرت الايام الخوالي وايام البخشه اسمها القديم اما الحالي فهو الحديقه كنا الله يذكرنا بالخير نحشي هالتراب في خششنا كل ماجعنا ومغير اكل ولين صرنا نبيه لين وينبلع بسرعه وريحته زينه كينا عليه شوي مويه ومايوقف البلع ابد هههههههههه احس بطني لو يطلعون التراب الحين اللي فيه كان بنو فيله عظم والحمدلله ان اخوالي الغوها وبنوا فيها ولا كان الحين الوضع مزري .. عاد لاتسألوني وقتها ليش ناكل تراب .. بس صدق كلنا تراب وبهذه المناسبه احب اصبح على ناصر القصبي سروال وفنيله .. انتشرت في البلاك بيري قبل اسبوعين هجومي بحت على السروال والفنيله مع انه ملبوس جميل ولطيف وارقى بكثير من الشلحه ومع ذلك بعض الناس مايعجبهم العجب ولا الصيام برجب .. المشكله الاكبر ودي اعرف مثلا هالبنات اللي ينشرون البرودكاست ومبسوطات مثلا ابوها يلبس جينز تحت الثوب .. ( تذكرت ايام المتوسط لين لبسنا الترنق تحت الثوب وجت حصه الرياضه وخذ لعب وانواع العرق ولين خلصت لبسنا الثوب فوقه مايدخل المدرس الا وهو منصرع عند الباب ) .. عاد كنت في الاستراحه وكان يقول واحد من الشباب ان السعوديين عندهم طموح وعقول كويسه وانهم محرومين من الشغل والتطور وجى سبحان الله في نفس الوقت برودكاست مظاهرتهم في التحليه بسروال وفنيله خخخخ قلت هذا شبابك المتطور ؟ بصراحه شباب فاشل تتظاهر على ايش وليش ؟ يعني للدرجه هذي عقول ساذجه ؟ الله يخلف على اهل جابوك وانت طالع تتمشى بسرروال وفنيله تبي تقهر الجنس الثاني ترى طالع شكلك مصخره والعالم تضحك عليك مب تقول انت قوي وزاحف وحبتيييين .. فالنهايه بعض شبابنا وبنسبه 60 % يحتاج الى سنين ضوئيه ليتطور ويكون منتج في البلد وللاسف كل جيل اردى من اللي قبله .. وبكذا تخلص دعايتنا .. فتكم بعافيه التوقيع: صفحتي ع التويتر- اتشرف بتواجدكم https://twitter.com/#!/Fai9al15 لِـ / أحْلَامُنَا بَقَايّا لَنْ تكْتَمِل إلاّ فِيّ [ ,’ الجَنّه ,’]

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري