مرحبـا بِ رائحة الكـاديوالزيزفونْ ,
شـَ حالكم , , 
جيت وجبت معاي تقرير حلاوة هالزياره اللي بذكرها
من كان في رفقتنا أو عفوآ نحن بـِ رفقتها , استاذتنا ووكيلة قسم علم النفس 
واستاذتنا الثانيه اللي انبسطنا بموافقتها للذهاب معنا
اليوم : الأحـد
الموافق : 4 - 5 - 1432 هـ
الإنطلاقه : قرآبة الثامنه والثلث !
المكان : المدرسه الثانويه الأولى لـِ تحفيظ القرآن
طبعآ نجي لكواليس ماقبل الزياره ’ وهي انّو وكيلتنا مقرره علينا الحضور الساعه السابعه والنصف في المبنى الإداري
وخاصه الإنتظار عند باب غرفتها .. وبالأخير هي تأخرت علينا 
حتى بغينا نسحب => افخّم السالفه خخخ
بعدين جت وكانت تعبانه ومع هذا كافحت , يالله شقد روحها حُلوه هالإنسانه .. الله يخليها لنا 
واتفاقيتنا كان على إنّنا نلبس اسود وبالطو ابيض , ( لازم نعيش جو الاخصائيات ) 
ومقسمين كل طالبه تمسك إضظرابين , وتم التجهيز لهم بكافة المعلومات في عقلنا ,,
ايضآ كنّا مسوين برشورات للتوزيع بطُرق مختلفه وملونه , ولبسنا عبايتنا عشان ننزل مع الاصنصير
بما انّو عددنا 6 طالبات مع الوكيله والاستاذه طلعنا 8 ! والاصنصير مايكفي وهم بيدخلون كان فيه بنتين
نزلت انا وصديقتي مع الدرج فطلعتهم الوكيله ونادتنا , حسيتها اُمـي نروح سوى ونرجع سوى
يعني قدام العين كلنا 
نزلنا للدور الارضي وكانت الوكيله تكلم مسوؤلة الامن , وبهالوقت فيه بنتين منفعلات وبينهم مُشاداة مع مسوؤلة الامن
مااسمع إلا هواش وتدخل الوكيله لِ الدفاع وفض النزاع !
للآسف مدري وش السالفه لكن اشوف الوكيله تتناقش معاهم ,
بعدها طلعنا الباص ينتظرنا عند البوابه ركبنا , وانطقلنا !!
الطريق كان طويل شوي , طبعآ حريم يعني ماراح يسولفون مُستحييييل ننهبل !
موب شيء غريب إننا نعتبر وكيلتنا واستاذتنا صديقات , لـِ لُطف تعاملهم وحديثهم المُمتع طول مشوار الرحله الجميله
طبعآ ( المواقع ) آخذت حيّز كبير من السوالف , وكانت تقول الوكيله
: ليه ماتدخلين المواقع النفسيه بطلتيها !
ويكفي بأنّ هالمواقع تُعتبر جزء كبير من تفاصيلها المُمتعه ,
يعني لمّا حكت لي عن محبتها للمواقع خاصه وللقسم عامه ولِ الإنتماء لهم من جميع الطرفين اشعلت الشوق في داخلي
عشان يكون تقريري يتحدث عن هاالإحتواء النفسي : $
طول الطريق واجواء السواليف تحلو اكثر واكثر , وتكلمنا عن قسمنا وعن المواد والدكاتره ... الخ
دخلنا الاحياء القديمه ولفتت نظري البيوت , وبعض البنات خافو ! مع انّي كنت اقولهم عادي عادي بالعكس الاماكن هذي
حُلووووه , بس اللي موحُلو تواجد مدرسه فيها ! ماينمع لانها الإولى وتعتبر قديمه جدآ
وصلنا لـِ المدرسة الساعه التاسعه , نزلنا من الباص ودخلنا , طبعآ تجهزنا ولبسنا البالطو وكانت اشكالنا تُحففففه 
اللي حقها وسيع واللي ماتدري هي شلون صايره لكن الوكيله محذره محد يفصخه
الا وحده فينا مضبطه امورها وجايبه على مقاسها تماام ماتلعب
دخلنا للمدرسه بعد ماكنّا في ساحتها الخارجيه , وقابلتنا استاذه مدري مديرتهم المهم ودتنا فوق , والبنات كانو يطالعوننا
مستغربين , ابد ماعلقنا وجنناهم وحنّا نمشي => الوكيله ماتدري ( ياويلك ) 
رحمت البنت شكل عندها فوبيا من الاطباء لمّا شافتنا قلت لها تبين إبره الحقيني => 
دخلنا لمكتب المُديره وجلسنا , وقدمو لنا القهوه والشُوكليت وهالشُوكليت ذكرنا بَـ ايام الطفُوله والحلويات القديمه الذيذه
موب مثل حلويات هالايام :/
وشطحنا لإفلام الكرتون القديمه بعد , ووش اللي كنّا نحبها , يعني دخلنا بعمق في هالسوالف
نستغل الوقت إلين يبدأ لِقانا بالطالبات ’ وسلمو علينا استاذاتهم ومديرتهم , اكرمونا بالضيافه والرحابه
بعدين جت استاذه ومعها ورقه فيها سؤال تبي له حل وهو عن مُشكلة طِفلها اللي ينام عندها !
وتناقشنا جميعنا لإستخراج الإجابه , وايضآ حدثتنا عن مُشكلة طالبه حياويه جدآ وماتنسجم مع الطالبات .... الخ
وطلبت لنا حل او حتى مقابلتها ومن ضمن صديقاتي الاخصائيات ’ هي من اخذت هالبنت بعيد عنّا
لـِ الحديث معها وحل مُشكلتها ,
بعدين توجهنا للمُصلى وبطريقنا ماحد سلم من لساننا ’ يعني مسويين نمون عليهم ماننلام حنّينا لايام الثانويه
وتخيلنا اشكالنا بالزي المدرسي , 
مجهزين لنا بالمصلى طاوله وكراسي ومايك يعني تجهيز جميل , وعلى الطاوله ( مـاء + عصير )
جلسنا نسولف ياذا السوالف اللي ماتخلص , الوكيله
تقول وش كننا قلت طقاقات وناا مطربتكم 
بعدين دخلو ا لنا البنات وجلسو وحنّا قدامهم , وبدت استاذتهم تقولهم عنّا وتشكرنا و و و الخ
واخذت المايك الوكيله ترحب فيهم وتعرّف بنفسها وكيلة قسم علم نفس وإحنّا طالباتها المثاليات المُتميزات
وفيه كثير كثير لكن اخذتنا حنّا , واننا راح نجاوب على كل اسئلتهم وعرفتهم علينا اسم اسم , زنقه زنقه , => بتنطق هههههههههههه
وبعدين إستاذتهم وزعت اوراق واقلام يكتبون لنا إسئلتهم , ويعطونا وبدت كل وحده ومداخلتها تقرأ السؤال وتجاوب عليه
يعني ماشاءالله بنات يعرفون يكتبون اسئله بطريقه حُلوه , مدري احس اسئلتهم اعجبتني رغم انهم ثانويه !!
احلى شيء جاني السؤال : انها عندها طموح وهدف تلاقي فيه حياتها وماتقدر توصله شيء مُستحيل !
اعطيتها مثال وانا لابسه البالطو قمت من الكرسي ووقفت قلت حلمي اتخصص في علم النفس والبس بالطو واوقف قدام جمهور
شيء صعب ؟ هذا هو تحقق لكن حنّا نحتاج لصبر وكِفاح ( وضحت لها اكثر ) بمعنى مافيه شيء ايجابي وحلو صعب نوصله
تنوعت الاسئله منها حنّا نجاوب ومنها وكيلتنا والاستاذه غاده , طبعا حوالي ساعه وحنّا مابين اسئلتهم ومابين إجاباتنا
وحماسهم واهتمامهم انهم يفهمون النفس وماتحويها !
طبعآ انا وصديقتي , تنحنا بقووووه لمّا استاذتهم قالت عطوني اللاقط ! جالسين ندور يمين يسار وشو اللاقط ذا 
ونناظر تحت مافهمنا عليها , اخر شيء تطالع المايك واعطيتها صار هذا اللاقط , اللي تقصده 
بعدين استاذتهم مدري مشرفتهم قالت فيه مفاجاه وحده من طالبات وكيلتكم موجوده !
ماحّد شاف عيونها ابد وهي ماتدري وش السالفه الا ودخلت طالبه هي صديقتنا بالقسم وبالمستوى بعد ,
كانت تدرس بالمدرسه من الابتدائي وحتى تخرجت منها !
القت لنا مشاعرها لاستاذاتها وانها حققت احلامها في علم النفس , واهدت المساعده هديه شُكر ,
وشكرت وكيلتنا طبعآ هذي كانت مشاعر صعبه ومفاجئه لنا حضورها , ودموعها غاليه علينا ’ وفرحتها فيها
بهذي الزياره
تأثرنا ( قلوبنا رهيفه ) * 
بعدين قبل نودعهم طلبت الوكيله نشيد بصوت صديقتنا بما تمتلك من صوت جميل في الإلقاء , وصفقو لها جميع الطالبات والمُعلمات
وبعدها قالت لهم الوكيله : غمضو عيونكم وخذو نفس بعدين فتحو ! وبعدها سوت حركة ( استرخاء صوت المطر ) 
انبسطو اكثر من كثيييييييييييير انا بنفسي ماتوقعت انها بتسويها ( شكرآ ياوكيلتنا ) ارتحنا كثير بهالحركه الجميله
اخر شيء ! قالت لهم صديقتي من هي ملكة جمال 2011 ! تبسمو مايدرون وش يقولون !
وكانت صديقتي تحمل معها مثل الشيء المربع الاسود لما تشيل الاسود يطلع مراءة وتعكس وجيه الطالبات جميعهم
قالت انتن ياطالبات التحفيظ 
وتم توزيع البرشورات اللي عملناها لهم اوراق كُتبت فيها حكم ! ورُسمت فيها ابتسامه واوراق ايضآ ملونه
واوراق على شاكلة - سِواره -
وبعدها كل طالبه تنادينا بِ اسم استاذه 
ض1
تسألنا بمُفردها ونجاوبها , وشكرونا على هذي الزياره , وطلبونا نزورهم ثانيه
طلعنا من المدرسه الساعه 11 ونصف ! كان ودي اصور لكن ممنوع !
ماقدرت اصور الا الباص لمّا جاء ياخذنا
حنّا بالباص استرجعنا اللي صار بالمدرسه والاشياء اللي حصلت
وبعدين طلبت منّي الوكيله اقول قصيده فيها , لكن انا ماكان يحضرني شيء 
يعني قصيده يالله تنولد سنه فيني
اذا خاطره يالله بالطريق كتبت لها بالبي بي ووريتها 
ورجعنا نسولف عن الجامعه يعني امور كثيره الين وصلنا الجامعه الساعه 12 ونصف تقريبآ
نزلنا بنروح سياراتنا , وودعنا بعض وشكرنا استاذه غـاده على حضورها وانها اسعدتنا جدآ جدآ
وايضآ شكرنا الوكيله اللي متعودين على روحها ونحبها كثير كثير , ووصتنا ننتبه على نفسنا
اللي استفدناه من هالزياره :
- شعورنا كـَ اخصائيات نفسيات
- تعودنا على طريقة الاجابه على مُشكلاتهم
- البسـاطه في كل شيء من وصولنا لخُروجنا
- دراستنا لـِ ثلاث سنوات اجتمعت في هذه الرحله
يمكن فيه اشياء نسيت اقولها لكن هذا اللي طلع معي والله , اتمنى تقريري يكون واضح
الى اُمي الثـانيه !
لفظ قوي انّ اجعل لي اُم اخرى , لكن هيَ تسللت الى داخل اُمي واخذت من حقل اِهتمامها وقطفت لي
في كُل مرّه اشعر انّي بـِ حاجه لأُمي حينَ اكون في مكانٍ بعيد ! لكن هيَ من تناولت شقاوة عيني
واخذتني بِ حديثها طفلة لاتأبى الغياب عنها ثانيه واحده
لـِ القلب الكبير / الوكيله
هذي صور وقت الطريق ووقت وقوف الباص عند المدرسه
وصورتين للبرشور
البقيه المُلونه والحلاو ماقدرت اصوره :/
* اتمنى الجميع يحكون لنا زياراتهم لاي مكان
مدرسه مركز مؤسسه .... الخ
وش استفادو من خطواتهم وش اخذو ووش عطاهم
انا سبق ونزلت زيارتي لمركز التأهيل الشامل
وهالمره المدرسه
والجايات اكثر اطمح لمستشفى نفسي
موضوعي صح اني فسرّته كثير بالسوالف
هو مُجرد توضيح صورة لاعضائنا
اننا محتاجين رحلات علميه
رحلات تساعدنا في مجال دراستنا
أنتهى ولكم المجال :/
شكرآ , كابتن ع التصميم
12-05-2011, 04:12 AM
♥ | خطوهَ اولى للأمام : الثانوية الاولى لتحفيظ القرآن نلتقيَ ونرتقي ™
رد: ♥ | خطوهَ اولى للأمام : الثانوية الاولى لتحفيظ القرآن نلتقيَ ونرتقي ™
ض1 ..
=> ماجاها برد 
العرض العادي
