السلام عليكم

بموضوعي هذا ودي اخذ راحتي وأتكلم بالعامي):

شخباركم عساكم بصحه وسلامه

اصبح التاكسي مطلب من متطلبات العصر الي لاغناة عنها،،،

الا اني قد ماعشت من سنين ماأحب التاكسي رغم أن اللي حولي مطلب أساسي لهم بسبب
صعوبة المواصلات،،،

وفي يوم ما كنت معلمه اتأخرو علي وزميلتي طلبت تآكسي من شركه وطلبت مني أروح معها
وتميت ع موقفي وراحت عني
رغم حرارة الشمس )الحمد الله)
تميت انتظر ساعات لجل هاليوم كان به ظروف
نظرتي دايم سلبيه
اجعلونا نكون أكثر واقعيه
الشياب في بعض الباصات في الجامعات عيونه)متبريه منه)
وشلون أصحاب التآكسي
لو سألنا البنات الي تشوف التآكسي
مهم وضروري لها
وش تحصلين بهاالعالم
عجب العجاب
منهم:
تقول وأمي معي يرقم طبعا بطريقه غير مباشره يقولها للخدمه
تقول عيونه تقول )غير ذلك

ومن الضرر الخارجي الشباب اذا شافو بنات بتاكسي خذ يا ازعاج
بالاشارات ويضايقون صاحب التاكسي طبعا اذا كان سواق اجنبي
وتلفظ وغيره والسبب

انها راكبه طلب دون محرم:

ومخاطر التاكسي وقصص التاكسي
كثيره
والا حصائيه تقول
تسعه وتسعون بالمئه يستخدمون التاكسي ل:
‏*مطاعم
‏*افراح
‏*منتزه
‏*اسواق

وعشره بالمئه لضروره !!!!

أنا أشوف اذا كان موجود نقص
رجال بالعائله أو العائله مافيها بركه
رغم اني مو مقتنعه الا أني أشوف

سواق خاص للعائله ولا طلب تآكسي وطبعاقمنا نشوف هالآيام
سآئق اندونسي وخلفه بنت عمرها مايتجاوزثمانية عشر
معقوله هالكثر واثقين فيه
أو جهل بالعائله
ومو معقوله هناك جهل ببلاوي السايقين وخاصه اذا كانت مراهقه

مسلسل أسوار صحيح انه ناقش المشكله بشكل خاطئ
الا انا لو نظرنا من زاويه اخرى نجد فيها بعض الصحه
لتنبيه الأسر الغافله

‏!ما رأيك سواق عائله ويخون عآئله كا فلته!!!!
أجل طلب بأشارة يد بالشارع
يؤمن!!!!!

والله أنا اتشمس ولا افضل التاكسي سواء من شركه أو غيره
آولا
لا عادات وتقاليد تسمح لنا
ثانيا
مجازفه وعدم راحه وثقه بسائق
سعودي اجنبي شايب كلهم رجال

وهالايام اصبحنا نشوف بالشارع الواحد عدد هائل منهم
لجل البنات أصبحو في استخدامها اكثر من أول بكثير!!!!!

لجل الأهل قد فهمو مفهوم الحريه بشكل خاطئ!!!!
وبرآيهم صحباتها مو أحسن منها
و،،،و،،،و،،،
ومعاد تفرق اهم شي بنظرهم
مو سعودي
رغم ان هذه النظره قمة الجهل
وقمة التخلف مع احترامي الشديد
لمن ينظر هذه النظره،،،،

أصبحنا بعصر الفتن والقنوات وعصر ان نخاف من العولمه بدل
ان نسعد بالتطور،،،،
الله يكفينا شر هالزمان***

بنظري لو أول مدمنين تاكسي افضل من هالوقت المشين

الي نخاف من سرقة الكحل بالعيون):

لشباب:
بأمانه هل تسمح لأختك استخدام التاكسي لسبب انشغالك او اي ظرف خاص بك؟؟؟

للبنات
هل انتي ممن يستخدمون التاكسي!!وترين ان من يرفضها جاهل وانها مطلب ضروري؟؟؟

ابي الصراحه بالتعقيب
لاهنتو

وأسعد الله اوقاتكم بالسعاده بمحياكم

تداااني

* بأمانه هل تسمح لأختك استخدام التاكسي لسبب انشغالك او اي ظرف خاص بك؟؟؟

مستحيل مستحيل مستحيل .. لو على موتي ..


أتفق معك في كل كلمه كتبتيها في هالموضوع ..

شكرا لك من القلب

تــقــديــري ..

هل انتي ممن يستخدمون التاكسي!!وترين ان من يرفضها جاهل وانها مطلب ضروري؟؟؟

لاأبداً ..

يرفضه جاهل لاماأعتقد

نعم أحياناً يكون ضروري الله يجبرر الوااحد عليه ..

مشكوووووره عزيزتي..

شكرا لكم
ع اطلالتكم

اهلاً وسهلاً اختي تداني

صراحه نادر اركب تاكسي , ركبه بمكه الله يشرفها
واذا حصل واحتجت راح اركب بوجود محرم او نكون ثنتين وأكثر

- اللي يرفضها مو جاهل , سامع قصص عن بلاوي التكاسي وخايف يصير له شي منها
- وهي ضروريه للناس اللي عندهم نقص في العيال بالعائله او عيالهم ما بهم بركه
بكذا مصالحهم راح تتعطل ف مالهم الا التاكسي

بس عندي تعليق ع اللي يرفضون يركبون مع سعودي وعادي مع اجانب !
ليه وش فيهم عيال البلد يعني مساكين حتى بديرتهم وبشغلتهم نفضل غيرهم عليهم !
على شان بس إذا سولفت ما يفهم لها الهندي !! هذا اكبر تخلف وغباء
الرجال كلهم واحد وبالعكس الهندي يشيل حقد علينا والسعودي ما اعتقد بيحقد على بنت ديرته
وبالعكس أأمّن على نفسي اكثر إذا مع سعودي
والمحترمه بيحترمها السعودي والهندي اما اللي تسولف وتتضحك وترفع الصوت
ما تبييه يناظرها اقولها : كولي هوى بس


كل الشكر لك على هالطرح

ya36uk alf 3fuh

هل انتي ممن يستخدمون التاكسي!!وترين ان من يرفضها جاهل وانها مطلب ضروري؟؟؟
استخدمه عند الضروره فقط
ومن يرفضها مو جاهل

ياليتها تركب مع السواق لـحالها وبس...
صديقتي تقول..أركب معاه وأكشف عشان أزيّن مكياجي..
<< يعني ضااق الوقت بـ بيتهم..؟
وإذا قلت ليه..
تقول..عاادي اندونيسي..

||
بصراحه التاكسي شر لابد منه...
صحيح إني ما أركبه..
لكن البعض يكون بـ حاجة له..
(( والله لا يحدّنا عليه ))


||
تدااني..
مشكورة عالطرح السلس..
ربي يحفظك..