ديوان الشاعر محمد بن فطيس المري - شبكة القناص

إستٍـثـنـَــآئـﮯ · 09-04-2011, 07:36 PM

الاسم: محمد حمد محمد فطيس المري

السن: 27
البلد: قطر
المهنة: موظف

نبذة مختصرة عن حياته :

له عدة مشاركات في مجال الشعر ينتسب إلى قبيلة آل مرة يعمل موظف إداري بأحد المراكز الصحية بدولة قطر حاصل على دبلوم إدارة بدأ مشواره بالساحة في 2001 تقريباً شارك في العديد من المهرجانات الخليجية والعربية منها مهرجان الدوحة الثقافي ، مهرجان حائل ، مهرجان الخالدية في الأردن ، معرض الصيد والفروسية بأبوظبي ، ومؤخراً في شاعر المليون

قصيدة ليه السماء...

ليه المسا عوق الشقاوي وطبّه؟

وليه الهبوب تصحي القلب لا بات؟

وليه القمر يدعي جريح المحبّه؟

ويقول له يا هيه..ما فات ..ما مات

جرحك ظهر لو قلت للوجه خبّه

وللحزن في ضحكك رسوم وعلامات

وليه المطر بالذات ريحه.. وصبّه

كنّه رسول بين الاحباب بالذات؟

اشتاق فيه لشوفتك واتنبّه

للي نسيته من مواقف ونظرات

لا استانس الخافق ذكر من يحبّه

ورجع يراجع فالوناسات ما فات

يا مرتع القلب الحزين ومربّه

يزيين بك مثل الذهب صدر الابيات

هيهات ينسى القلب شخص ٍ لعبّه

وهيات يدله خاطري منك هيهات

سبك مديح ومدح غيرك مسبّه

تقول واذني صوتها تقول لك هات

ونبع الغلا عندك وعندي مصبّه

ومن الولا .. في خافقي لك ..ولايات

وطيفك حطب عيني..وعيني مشبّه

والشوق برد ٍ ما انقطع لو للحظات

ومكانك الصدر ولك القلب شبّه

بين الظلوع اللي فردها التنهات

ولك بيرق ٍ فالقلب حبك يهبّه

شامخ ولا هزه من العذل غارات

محبتك فالوقت ذا ما تشبّه

الا بخيمة بدو بين العمارات

ان شفتني ضايق واهوجس واسبّه

اخاف غدر الوقت.. والوقت دورات

لا تحسب ان دمعي نزل دون سبّه

ابكي من الفرقا وهي مابعد جات

اليوم كل امورنا..مستتبّه

وبكره ماندري وش معه من مسرّات

اربّ قلبك مثل قلبي اربّه

ما يخلفه شور العرب والمسافات

إستٍـثـنـَــآئـﮯ · 09-04-2011, 07:36 PM

قصيده ياهيه...

ياهيه اللتفت لي واسمع ادعاي لك ياهيه
ترا عادك بتشبع من البعد وتواجه
دعيتك بصوت ٍ ياصلك ليه ماتوحيه
وانا اسمع ضلوعك من صدى الصوت لجّاجه
عليك الفؤاد اخلاجه مصمّخ ٍ راعيه
خف الله في راعيه ماتسمع اخلاجه
ترا العفو قد جاك اوله واغتنم تاليه
وترا الحلم بحر ٍ غير لا تامن امواجه
وترا الود ليل ٍ مظلم ٍ جيت لك ساريه
سراجه وصاك والجفى ينفخ اسراجه
وترا قصرنا اللي كم سنه نجمع ونبنيه
هوى الهذل طيّح بابه العود وسياجه
لي أيام مدري وين دارك ولا ادري ليه
وانا خابر اني باب شفك ومزلاجه
غياب ٍ بلا سبّه هجاد ٍ بلا تنبيه
وجفا أغلا العرب نار ٍ على الكبد وهّاجه
نضج قلبي من البعد وش حاجتك تكويه
جفاك الجمر والصبر في بعدك الصاجه
طبع حبك بقلبي والايام ما تمحيه
هذا هجرك يحاول يموجه ولا ماجه
يموت الأمل لكن ضنون الغلا تحييه
وعروق الوفا فالروح والقلب وجّاجه
خبرتوا حد ٍ يبكي على واحد ٍ يبكيه
وخبرتوا حد ٍ مسجون مايبغي أفراجه
احبه ولا ابغضته على شيّن إيسويه
ولا زالت ارقاب الرجا فيه منعاجه
عسى منزل ٍ ضمه حقوق الوسم تسقيه
وتضحك له الدنيا وهو يضحك أحجاجه
فقد خاطري شي ٍ من الضيقه مسلّيه
وغدت روحي من الناس والليل هجّاجه
اروح لمكان ٍ خابره ..خابره ياتيه
اسوق القدم صوبه وهي مالها حاجه
مكان ٍ نزيه وأول مواجهي له فيه
وانا خابر ٍ مارجل مثله بدواجه
لعل وعسى ما حدني للمجي ..يدعيه
واشوفه وانا ماودي اسبب احراجه
يحب الجريح آخر دروب اللقاء ويجيه
وتحب القدم جيّة مكان اول مواجه

قصيده حكم ضميرك

حكم ضميرك بين الاثنين واختر ..
.. لاهل العلا جره .. وللدون جره

الطيب ماحدد ابحر ولا بر ..
.. من جا على دربه من الخلق سره

يوم اللقا ما انصف ضعيفٍ ولا سر..
.. اللا مع من جاد كره وفره

لو كان شفت الناس ببشوت وغتر ..
.. كم من محارٍ ما لقي فيه دره

الحلقه ان زرت ابطان الجمل زر ..
.. ما استر من لا عزوة له تسره

الجمره ان ماتت فلا ينفع الكر ..
.. مافادها الشباب لو زاد كره

كم واحد يضحك وهو يضمر الشر ..
.. عرق الشري ما انباك لونه بقره

ما كل من يضحك بوجه الفتى بر ..
.. من يصدق الصاحب بالافعال بره

إستٍـثـنـَــآئـﮯ · 09-04-2011, 07:37 PM

قصيدة المحروم ما ينعطا وجه ...

ماهو بكيفك عقب شيٍ حصلي
من ذوّق المحتاج يصبر الى احرجْه

خليتني من حلو حاليك احلي
واصبحت مدمن حب والقلب روّجْه

بين العروق وصار مافيه ملي
ولا وله جُرّه تمرّه وتسهَجْه

وذود الغلا في عشب قلبي تفلي
وتراب صدري للمطر منْك ما احوجْه

يمحل الى صدّيت ويموت يا اللي
صديت عنّه والله احياه واخرجْه

ولي خاطر ٍ يسألْك من لي ياخلي؟
غيبتْك تلعب به وشوفتْك تبهجْه

ولي عين حالي دمعها لك يهلي
وانْ رحْت راحت مالح الدمع تزعجْه

غالي ولا يحتاج بسّك تغلي
غلاك اخذ قلبي وروّضْه واسرجْه

ولو قلت ياعيني بصدره تملي
شافت خفوق ٍ حبك الذرْب توّجْه

وماهو على كيفك عقب ما حصلي
من ذوّق المحتاج يصبر الى ازعجْه

عطيتني وجهك وانا جيت كلي
محروم والمحروم ما ينعطا وجْه

قصيده خيمة بدو ...

ليه المسا عوق الشقاوي وطبّه ؟!!
وليه الهبوب تصحي القلب لا بات ؟!!

وليه القمر يدعي جريح المحبّه ؟!!
ويقول له يا هيه ما فات ما مات ..

جرحك ظهر لو قلت للوجه خبّه
وللحزن في ضحكك رسوم وعلامات ..

وليه المطر بالذات ريحه وصبّه
كنّه رسول بين الاحباب بالذات ..

اشتاق فيه لشوفتك واتنبّه
للي نسيته من مواقف ونظرات ..

لا استانس الخافق ذكر من يحبّه
ورجع يراجع فالوناسات ما فات ..

يا مرتع القلب الحزين ومربّه
يزيين بك مثل الذهب صدر الابيات ..

هيهات ينسى القلب شخص ٍ لعبّه
وهيات يدله خاطري منك هيهات ..

سبك مديح ومدح غيرك مسبّه
تقول واذني صوتها تقول لك هات ..

ونبع الغلا عندك وعندي مصبّه
ومن الولا في خافقي لك ولايات ..

وطيفك حطب عيني وعيني مشبّه
والشوق برد ٍ ما انقطع لو للحظات ..

ومكانك الصدر ولك القلب شبّه
بين الظلوع اللي فردها التنهات ..

ولك بيرق ٍ فالقلب حبك يهبّه
شامخ ولا هزه من العذل غارات ..

محبتك فالوقت ذا ما تشبّه
الا بخيمة بدو بين العمارات ..

ان شفتني ضايق واهوجس واسبّه
اخاف غدر الوقت والوقت دورات ..

(( لا تحسب ان دمعي نزل دون سبّه
ابكي من الفرقا وهي مابعد جات ))

اليوم كل امورنا مستتبّه
وبكره ماندري وش معه من مسرّات ..

اربّ قلبك مثل قلبي اربّه
ما يخلفه شور العرب والمسافات ..

إستٍـثـنـَــآئـﮯ · 09-04-2011, 07:38 PM

قصيدة يالشبرمي و أنت راعيها ...

مبروك ياوافي الاشبار
يالشبرمي وأنت راعيها

إنئكد الفوز بالتكرار
ولمشكك الناس نثنيها

عادتنا الفوز والاصرار
وعادتنا مانخليها

إرجال قبل نغدي شعار
وحصن على الدار يحميها

حضر وبدو راحل وبحار
أمجادنا من يجاريها

من ماضي الغوص للمحار
والبل وحامي تواليها

أفعالنا في الظلام أنوار
الليل يعجز يغطيها

داري قطر للبيارق دار
رض البيارق نسميها

نباتها المجد والامطار
أمجاد وجهود بانيها

أميرنا الفارس المغوار
هو سورها الي يذريها

غيث على ديرته مدرار
يمطر لداره ويرويها

يبذر ويجني بها الاثمار
وبالعزم والدعم يسقيها

يغرس سيوف وقلم وأحرار
وتنبت بيارق بأراضيها

قصيدة عن مافي خاطري ...

يامرحبا ترحيبة البدو بالبرق
اللي لهم عامين ما رحبوا به

رحبه اوسطهم ومن فرحته غرق
جفنه بدمع بلل أطراف ثوبه

البرق شرق وهو له صويحب ٍ شرق
وبرَق وصدره بارق ٍ مادروبه

ياللي سرقت النوم والعافية سرق
يازاد قلب اللي هواك وحروبه

تغيب ماهمك وأنا ألاحي الورق
ولا تخاف من الجفا والعقوبه

الوصل مرهم كبد وإلا الجفا حرق
والصبر ينفض في غيابك جيوبه

كسرت كل أبواب وصلك من الطرق
وغيرك طرق قلبي ولاني بصوبه

واللي يريد الوصل يامكثر الطرق
لو وقفوا كل العرب في دروبه

إستٍـثـنـَــآئـﮯ · 09-04-2011, 07:39 PM

ياهوا الغربي ...

دخيلك ياهوا الغربي على قلبي تهب بزين
تراك محمل باشيا تهز القلب وضلوعة

تراك محمل باشيا خفية مستحيل تبين
ولايفطن لها كون الجريح اللي تلوع لوعة

عليك الله وجاه الله تلف يسار والا يمين
ولا تحيي عروق حروج من عامين مقطوعة

تنحرتك وانا اعرف النتيجة دمعة وبيتين
مجموعة هواجيس تخالف هي ومجموعة

وتنفستك وانا اعرفك على روح الشقي حدين
لكن الله امرك وجبني بقدام مقلوعة

وجودي وجد من خلي يقيدة الزمن للدين
وعفيف مظهر الحاجة ولافزعوا لة ربوعة

والا وجد حالي وجد من خلي بشوف الشين
يتيم كلمتة لامن شكى ماهيب بمسموعة

توفى ابية عادة مابعد ينطق اسمة زين
وعاش بلا اخوان وناقع(ن) كمة من دموعة

على اللي راح بفوادي انا دري لية وادري وين
وروح روحة(ن) مجبوعة(ن)ماهيب متبوعة

ملا صدري غلا واقفي وانا ضامي فواد وعين
لو انه غير ودعني علي اهون من الروعة

بنى له في الحشى صور(ن) مثل صور(ن) بني فالصين
يرد العاذل ويحمي ورود(ن) فية مزروعة

حلف لي دين ماينسى وانا اللي قد عطيتة دين
انا ديني على ماهو وهو ماغير طبوعة

على خبري لكني رحت ادور للحقيقة لين
عرفت اسباب ماتقنع وشفت اسباب مشروعة

لونة راح هاجرني علي اهون من الثنتين
مراح(ن) مايبيةوعبرتن فالحلق مقروعة

عسى ربي يسامح كل من لة فالفراق يدين
سبق سيف الفراق العذل ياروحين منزوعة

دخليلك ياهوا الغربي ترى ماني من السالين
ولو بينت لك ضحكة تراها صدق مصنوعة

دخيلك كف والا لف والا غير هب بزين
ترى ماهو يعرفك كون انا ملاوع اللوعة

قصيدة كهربتني بالعين ...

ياللي دخلت السوق وقف بحاكيك
وش ذا العيون اللي تسوي سوايا..

كهربتني بالعين الله يجازيك
نظرات شلت في ضميري خلايا..

لولا فيوزٍ وسط قلبي توماتيك
ماكان عيّن من فؤادي بقايا..

يفصل إلى من شاف هذي وهاذيك
صادف مواقف من بنات القرايا..

قالت تحمد يوم ربي منجيك
ولا توقف في طريق الصبايا..

قلت الصبايا والمزايين تفديك
ماشفت عينك في جميع البرايا..

قالت هذي عيني عسى الله يقويك
وشلون لو بتشوف باقي المزايا..

لكن مادامك ممن القلب بسويك
رح في طريقك والنوايا مطايا..

والا ترى بتعبك وأعلن تحديك
وأشوف قلبك بيتحمل حلايا..

قلت أسمعي:وأن فزت..قالت: بكافيك
على حسابي من محل الهدايا..

بس أنتظر لحظه بسيطه وأرويك
ثم أظهرت ثغرٍ زهته الثنايا..

قلت أنتبه ياقلب منها توطيك
وأسمع صداه يصيح خلف الحنايا..

ثم أنفجر جد الفيوز التوماتيك
وأقفت وأنا أجمع بقايا الشظايا..

إستٍـثـنـَــآئـﮯ · 09-04-2011, 07:40 PM

قصيدة الضيقة ...

الضيقة اللي دايمٍ تالي عصير ..
.. وش حيلتي وأردها لا تجيني

لا طال ظل العود حزة عشى الطير ..
.. كنها على سجن الحديد تحديني

يضيق صدري كل ما جات وأسير ..
.. ولايخفف سوج رجلي حنيني

لا حولنا مشراف ولا اقدر اطير ..
.. يالله قمسة خير لا تبتليني

وعقارب الساعة توقف عن السير ..
.. ولاكن في الدوحة سواتي حزيني

والعبره اللي تاصل الحلق وتحير ..
.. يا قربها لو قيل لي يا عويني

أمل شوف الناس ورد ومصادير ..
.. واللي يقول اشفيك كنه يهجيني

يعني على ما قيل من باب تصوير ..
.. (لاحد أبي قربه ولا أحد يبيني)

أروح أدور خط مابه دواوير ..
.. وأدور اللي هادها تهتديني

وآخذ مع الهاجوس سجة وتفكير ..
.. وأراجع اللي فات بيني وبيني

وأحسب ذنوبي وأدور التكفير ..
.. عساي ما قصرت في والديني

وعساي ما قارنت من ينفخ الكير ..
.. واللي يحمل المسك جعله قريني

ويطري علي يوم الحشر وأطلب مجير ..
.. ما أعطى كتابي في شقيقة يميني

ويطري علي صدقان كثر الدنانير ..
.. اللي اتعاديني إلا كثر ديني

وراعي الهروج اللي سوات المناشير ..
.. أصد عنه وأدري انه يعنيني

الله حسيبه يوم عرض القواوير ..
.. والله حسبي من صواب مكيني

وإلا طرالي واحد كانه اصغير ..
.. أم أصغر بيومين ولا سنيني

دريت وش قومي وعينت تفسير ..
.. للضيقة اللي من زمن تعتليني

حبه بصدري سالفة سر في بير ..
.. وكن الفواد يقول هذا زبيني

أشفق على علمٍ يجي منه من غير ..
.. لا يسمع اللي سولفوا به ونيني

يا كثرهم غيرهم ولكن خبر خير ..
.. ما غير شوفه في الوجود يهنيني

رايي كذا يا عاشقين الغنادير ..
.. ماله على وجه البسيطه وزيني

العام أجيهم من حساب المسايير ..
.. واليوم حال عداي وينه ويني

خطاي تعليق الأمل في المدابير ..
.. الين راح وشفت حقري بعيني

صبرٍ جميل وخابر إنه مقادير ..
.. والله على تخفيف حزني عويني

ذي حالتي لين اتغبا الشمس واصير ..
.. معطى سراحي عقب مانا سجيني

واذا امتلى جوف الشجر بالعصافير ..
.. طلبت من رب العباد يهديني

يعتقني المذن عقب ضيقة عصير ..
.. اللي على سجن الفراق اتحديني

إستٍـثـنـَــآئـﮯ · 09-04-2011, 07:41 PM

قصيدة انا مسروق...

شفتك وزاد بي الولع والشوق
غنيتها من ساعة أقبلتي

عيني ماقد شافت كذا مخلوق
كنك على ذوقي تشكلتي

قلتي لي أصبر بس أنا المطفوق
عجلت في شوفك وعجلتي

أثر معك لي مرسل ومسبوق
عز الله انك قلتي وطلتي

عين وشفاه وعاتقٍ منتوق
وجسمٍ تغطينه ولاحتلتي

الليل عن وجه القمر مفهوق
والعود مالومك إلى ملتي

غصنٍ على ساقي وفيه عذوق
وش الغريبه لو تمايلتي ؟!!

لكن قبل تمشين أنا مسروق
من صدري قبل شوي وش شلتي؟!!

أتلى العهد به قابضه معلوق
من ساعة أقبلتي وحولتي

ماريته خالي وفيه فتوق
رديه .. وأعدك تجملتي

قصيدة البارحة ربي كتب لي ومريت ...

البارحة ربي كتب لي ومريت
درب عليه بروق الأحباب لاحت

جيت المكان اللي جمعنا وخفيت
وقامت جروحي للجوارح وصاحت

ياليتني في لفة الدرب زليت
كان العيون من الدموع استباحت

التم غيم الدمع من يوم لفيت
ورقا القصيد لشوفة الغيم ناحت

وضحكت ماأبغي الناس تدري يبالفيت
لكنها غصب على العين ساحت

حارت دموعي في عيوني وصديت
وأرمشت مابيها تبين وطاحت

وعقبه برق في العين براق واسقيت
خدي وناتي بصدري تلاحت

وأنا أحسب إني في فراقه تشافيت
وان عبرتي من مدخل الزاد زاحت

اللي يحسب إني على البعد سجيت
والا ان عيوني للرقاد استباحت

ياليتني من قبل لا أحبه اقفيت
والا ان دروبي عن دروبه تناحت

أهون علي من البكا والتناهيت
وأشلا من سدود على الناس باحت

عرفت كيف الحي يفرق عن الميت
وعرفت قيمة نعمتي يوم راحت

قولوله اني عقب بعده تدانيت
ورجلي عن دروب المعافين شاحت

البعد نار وطاعة العذل كبريت
يقصر على بعده ترى الكبد فاحت

إستٍـثـنـَــآئـﮯ · 09-04-2011, 07:42 PM

قصيدة ماني بمن ياتي ولا يدري به...

ماني بمن ياتي ولا يدري به
شطر حفظته ما أعرف كتابه

شطر يناسبني لمثل الليله
وآشوفني في ذا المكان أولى به

أبا أتكل بالله ونعم بالله
اللي ما يوصد دون خلقه بابه

باقول واللجنه تقيم قولي
ومن كثرة الشعار ماني آبه

الحمد لله واثق من روحي
وإن كنت ذيب فالرجال ذيابه

ما أقول أنا أشعر واحد في العالم
لكن قصيدي كفو وأنا أدرى به

الشعر جمعنا لو تفرقنا
حدودنا وظروفنا الغلابة

الله يبيض وجه راعي الفكرة
عز الله انها تنحسب لحسابه

والله يبيض وجه من يرعاها
محمد الله يحفظه لأحبابه

محمد ولد زايد عريب المجنى
ولي عهد الديرة الخلابة

الشعر تاريخ لنا من مبطي
وإعلامنا يوم السنين نهابه

الشعر بيت والوزن عمدانه
معناه طنب وقافيته حجابه

الشعر واد فيه صيد واجد
وكل على الوادي يهج ركابه

والأفكار صيد وكل شاعر قانص
وكل يدسم شاربه مخلابه

أحد خياله حر وأحد وكري
وأحد خياله كوبج بقطابه

وأنا خيالي كل ما هديته
حول على الوادي وصاد عقابه

شاركت أمثل ديرتي وربوعي
وكل يمثل ديرته وأقرابه

والله إلى الله راد والله قاله
إني لا أسلمها الفخر وكتابه

داري قطر وأنا هنا أمثلها
المجد مطلوبي وأنا طلابه

عهد علي إني لا أشرف داري
ترك صبي ما يعز ترابه

شوفوا دمي من حبها عنابي
وحماستي من ضوها شبابه

شاعر خليجي والعروبة بيتي
والبيت ما ياقف بدون أطنابه

وإن عودت بين القبايل فزعه
أنا أشهد إني في اللوازم لابه

لي في القبايل ربع وأقدرهم
ماني بمن يجهل مقام أصحابه

وإن عودت لأصلي فأنا أصلي مري
من صلب يام أهد القنا وخضابه

قوم لنا فوق المعالي بيرق
والسيف قوة سلته بنصابه

الشعر طوقني وأنا طوقته
قمت آتمشى به وأفك أبوابه

يا بنت ياللي تفرقين بعودج
ما ألومهم لو كثروا الخطابه

لامر بج دربج على خلق الله
قالوا كذا بالأصبع السبابه

زينج يزينه فعل أبيج وجدج
وإنتي بدورج للنقى كسابه

قومي تباهي بي وفلي راسج
عليج من ستر الشرف جلبابه

وإن ما سترتج بالفعول وباسمي
فعقبني الفنجال يا صبابه

قصيدة دكتور العيون ...

يامؤمن الريفي انا جيتك زبون
جيتك على مدح اكثر الناس وعنيت

جيت وتعالى الله عما يشركون
لولاه يامؤمن لطبك ما اهتديت

راضي بحكم الله علي مهما يكون
عالج عيوني لو بعد طبك عميت

ودي اخاشر فالبصر من يبصرون
واشوف دربي لا سرحت ولا ضويت

والى قنصت اثبت مع اللي يثبتون
واشوف طيري كل ما اوميت ودعيت

ياكثر ما يضرب خويي الطابلون
من كثر ما اكلته مطبات وكليت

ودي اشوف اللي علي يعرضون
وبعض الليالي ودي اسري دون ليت

واشوف ناس فالقفا ما يرحمون
اما وقفت لصاحبي والا مشيت

من دون نظاره ولا هم يحزنون
ياكثر ما كسرت كشمات وشريت

لكن يا دكتور جعلك ما تهون
ابغيك كلمت راس دامك ما بديت

اسمعولا ابغي اللي وزانك يسمعون
ربي كتب يكشف لك اسراري وجيت

صورة عديل الروح عندك فالعيون
واخاف تقطعها بموسك ما وعيت

ولا عليك امراطوها تحت الجفون
وعقبه لو تقطع عيوني ما شكيت

هي راس مالي والعرب ما يدركون
اني على باب الممات و ما حكيت

ياقو قلبي يوم قفن الضعون
اللي على ذاك الموادع ما بكيت

ويا صبر صبري والعواذل يحسبون
اني دلهت من الهوى والا سليت

اسكت عساهم من سكاتي يسكتون
وانا عن اللي في ضميري ما انتهيت

وادور الفرحه مع اللي يسهرون
وان ذكروني خذت فنجال وسريت

اخذت من وقتك يا دكتور العيون
عالج عيوني لو بعد طبك عميت

واستر علي واللي معك لا يفطنون
انت الوحيد اللي بعد ربي دريت

إستٍـثـنـَــآئـﮯ · 09-04-2011, 07:43 PM

قصيدة الحب مثل النوم ...

الحب مثل النوم .. والوصل .. الاحلام..
.. والشيين من الاحلام..صد المحبيين

نوم ٍ طويل ٍ عمره اشهور واعوام ..
.. وان قمت.. ففهمها فراق وسهر عين

وانا رقدت وعمري اربع عشر عام ..
.. وصحيت في شهر اربعه عام الالفين

نوم ثقيل كله احلام واوهام ..
.. ونصيبي من احلامه الجانب الشين

صحى الفراق اقلوب في عكسه..نيام ..
.. وغاب الفرح وانا بعكسه الى اللحين

ياحزن كبدي حزن من ضاق ثم حام ..
.. اخذت فروخه مادرى ليه ولوين؟

بعد ما شاف العش عيدان وعظام ..
.. خالي..تفكر فوق ويسار.. ويمين

خلا عشاها فيه ومن الوطى شام ..
.. زبن على روحه وفل الجناحين

وياوجد حالي وجد من نام ثم قام ..
.. على صياح امه وهو دون رجلين

عويق وامه تنعته والنعت سام ..
.. وهو خابر انه يقسم الصف صفين

حبا وصاح بصيحة تاصل الشام ..
.. منها تقطع في خفوقه شرايين

على وليف قسم اظنوني اقسام ..
.. واقفى وانا ما اعرف طرد المقفين

راح وترك في صدري وسوم واعلام ..
.. وصى علي طيفه وقفى بقلبين

ليته تعذر كان ماهو بملام ..
.. بعد ماشاف الدرب بيسير دربين

اشوى عليه شوي..من عظ الابهام ..
.. واشوى علي شوي..من دمعة البين

تمشي بنا الاقدام والموت قدام ..
.. وميعادنا يمفرق اثنين بعدين

ياعين لا تبكين وعيونه تنام ..
.. عادش الى ما خاب ظني بترضين

لو الدموع اتفيد فادن الايتام ..
.. ولو الكلام يفيد عادت فلسطين

ولو النبات يطلعه دمعة هيام؟..
.. شفتوا على وجهي ورود وبساتين

الحب سجن..وبعد الاحباب الاعدام ..
.. وقلوبنا السجان مدري مساجين

الحب نوم عمره اشهور واعوام ..
.. وان قمت ففهمها فراق وسهر عين

قصيدة يالله عفوك ...

يالله عفوك يوم تصفية الحساب ..
.. يوم حصاد لما زرعنا في السنين

يوم الحشر قرب ولا معنا زهاب ..
.. اليوم في الدنيا وبكرة راحلين

نجني ذنوب ونرتجي عفو وثواب ..
.. وعلى نصر ربي لنا مستعجلين

تدرون ليه آمالنا كنها سراب ..
.. تدرون ليه النصر سيف الأوليين

الأوليين أعمالهم وفق الكتاب ..
.. قاموا عليه وباعوا الدنيا بدين

وحنا غفلنا بين مالذ وطاب ..
.. والنصر سيف ما يسله غافلين

نصبح على شوف انتهاكات وخراب ..
.. ونمسي على دمع وتنهات ونين

بصدورنا شي تذوب اله الهضاب ..
.. وأفعالنا والواقع رياح .. وطحين

وعلى العيون من الفتن مثل الضباب ..
.. معد درينا من يسار ومن يمين

ما للضيف الا الدعا لو ما يجاب ..
.. ما غيره الا الشوف مكتوف اليدين

يالله زلزل تحت الأعداء التراب ..
.. والطف بنا واحقن دماء المسلمين

ندعوك يا قادر على جعل السحاب ..
.. جيش لنصرة قلة مستضعفين

أغرقهم بنوع من أنواع العقاب ..
.. غرق الغلام اللي يحسب انه فطين

لوما عصى نوح نجا به في رحاب ..
.. سفينته وأمضى معه في العمر حين

لكنه اختار الخساره والذهاب ..
.. اصنع بهم صنعك به وانت المتين

والا اخذهم يا مجري سود الحقاب ..
.. أخذ العجوز اللي بقت في الغابرين

ذوقهم اللهم أنواع العذاب ..
.. اللي عثوا في أرضك أمن المفسدين

وألطف بمن لبسوا من التقوى ثياب ..
.. عبادك المستهدفين المتقين

تكالبت عليهم أنياب الذئاب ..
.. ولا غير عونك يا معين الصابرين

من بينهم شيبه يعجزون الشباب ..
.. من وقفته من طولها في الركعتين

ومن بينهم بنت تون بلا حجاب ..
.. أحجابها لفوا به الجرح المكين

وطفل عن عيون أمه الثنتين غاب ..
.. تبكيه عين وتلتفت لأخيه عين

من هول ما يجري لهم شاب الغراب ..
.. يا وسع حلمك وانت ما فوقك مدين

أدعيك وانت ادرى بحال أهل المصاب ..
.. وأمد كفي لك يا أكرم الأكرمين

إستٍـثـنـَــآئـﮯ · 09-04-2011, 07:44 PM

قصيدة عقبال مية عام...

عقبال ياماخذ فؤادي مية عام ..
.. ضيعتني منك وانا ما اهتديتك

لا ..ما نسيتك كيف بانساك ما دام ..
.. ذكرى الفراق تهزني لو نسيتك

حبك قدر وانا على دين الاسلام ..
.. مكتوب في وجه الجبين ورضيتك

لك في الضمير الود والحشمه اتوام ..
.. ولي في ضميرك مثل ما انا بغيتك

ولك منزل في نايف القلب وخيام ..
.. وذود الغلا ترعاه ولا شكيتك

يفطر عليك القلب وان فارقك صام ..
.. والله لونك شوك سدره كليتك

القلب طيرٍ لادعي للهوى حام ..
.. والا انت وكره من كثر ماهويتك

كن العيون من النظر عقبك ايتام ..
.. وكني ماريت الا انت من يوم ريتك

وكنك معي وانا فقدتك من اعوام ..
.. مع الخيال القاك كني لقيتك

من صعب وصلك ما تهنيتك احلام ..
.. وان جابتك فزيت شوق ومحيتك

يعني وصالك صعب واهدافي اوهام ..
.. يعني زرعتك للقدر ماجنيتك

صبرك يقولون العرب كل الايام ..
.. يوم عليك ويوم لاجاك جيتك

ويا قلب ياللي ورثك اجروح وآلام ..
.. بليتني ماهو بانا اللي بليتك

ولعتني من عادني في الهوى خام ..
.. واسرفت بي وانا خطامك عطيتك

طعتك وزبدة طاعتك هم وهيام ..
.. مالله كتب لي واستخرت وعصيتك

لوللقلوب اسواق بايع وسوام ..
.. لابدلك وان جيتني ماشريتك

والا انت ياللي جيش عينيك مقدام ..
.. لا اقنعت منك والرجا مارجيتك

كني سجين بين..افراج ..واعدام ..
.. وكنك سجن وانا بنفسي بنيتك

تنبيك عن حالي محاصيل الالهام ..
.. وتخبرك نظراتي نهار التقيتك

عقب الوصال اللي على عين من لام ..
.. قدهو يكفيني عن الوصل صيتك

وقدني الى مريت بالشارع العام ..
.. لديت من ما في الضمير ودعيتك

ادري ان صوتي ماقطع عشرة اقدام ..
.. وادري بي اعود الى من نصيتك

ياشينها يامحنيٍ راس الابهام ..
.. ماقدر على شوفك وانا عند بيتك

الاعمار ما تضمن وانا اخاف الاحكام ..
.. ارثيك خاف اودعك ما رثيتك

إستٍـثـنـَــآئـﮯ · 09-04-2011, 07:45 PM

قصيدة ودي بك وابيك واباك وابغاك ..

ودي بك .. وابيك واباك وابغاك .... جمعتها لرضاك واختار فيها
شف ويش منها يتبع احكاك ورضاك .... واللي لك اسقي مسمعك لا ضميها
غديت افراحكاي واساير احكاك .... وانا تشرف لكنتي واهتويها
مضمونها ودي بشوفتك واهواك .... ياللي دروب اهل الردى ما تجيها
صانك ولي امرك وحبك وداراك .... لاقدر ردع الحظوظ ومجيها
نفسك مهذبها وعز الله رباك .... مايدري ان جيش الهيام يغزيها
والله قسم يبلاك بي وانت يبلاك .... باللي سواتي في العرب يرتجيها
محبة ذربه من القلب تكساك .... محبة صدق الهوى يكتسيها
يامرك قلبك بالوفا لي وتنهاك .... ناس على لاماك تفرك يديها
رزين عقل ومن مزايا مزاياك .... نفسك تحب وعفتك تمتطيها
وتطيع عقل ما بعد زل واغواك .... مشاعرك تعصاه وانت تعصيها
ماشفت منك الا عيونك ويمناك .... محبة راع الردى ما يبيها
يقبض فوادي لا تخيلت فرقاك .... ياشف عين ما سواك يعنيها
وياعزوة اخوانك ومطلب هذولاك .... ناس محبة والدك تدعيها
ناس تخدم ابيك كله لعيناك .... وهو يحسب ان الله عليه يهديها
ياجعلها تفدى على الارض ماطاك .... والله بمن هو مثلها يبتليها
لكن لعب في ياوليفي تغلاك .... ونفسي غلاك من الصدود يحديها
تبطي علي وانا هنا واتحراك .... وكبدي لواهيب الصبر تشتويها
اجمع علومك امن هناك وهناك .... والله لو انها تنشرى لا اشتريها
وعذرك انا لاهي يا ويش اللي الهاك .... لاهي ومرمنت لاهي تليها
كانك مشكك في الوفا والغلا هاك .... جوالي اقر القائمه كل ابيها
رقمك مع الصادر ولا وارد اسواك .... والناس في اللي لم يرد عليها
واياك واياني...واياني اياك .... من غيبة من دون عذر يحميها

قصيدة في شاعر المليون للشعر مضمار ...

في شاعر المليون للشعر مضمار
والسابقة في الشوط تظهر بيدها

امضمرين أبكار الأفكار شعار
وكلن يحضربكرته في وعدها

واللي تردت لا يدور لها أعذار
معذورة ما دام قد ذا جهدها

واللي تعوص وتضرب الحاجز يسار
تشل ف الدنة وترجع بلدها

وأنا ذلولي بنت صوغان الأشعار
من حبها عندي تفحم وحدها

إن جاره الله من تصاريف الأقدار
جاتك وجاك الجيش كله بعدها

الله عليها من مقاريد الأنظار
وصلت تحست ما غشاها زبدها

وتلقوفها بالعلم رمز وإشعار
وصفق لها منهو بعينه شهدها

ومن روبها أول ما تنصخ تمطار
ياللي تزعفرها من الطاس زدها

شبهت بالهجن الأصيلات الأشعار
وقصيدتي تراث أهلنا مددها

أعتزبه وأقبله إجلال وإكبار
واحة شرف يا سعد منهو وردها

أغلبنا في موجب الضيف والجار
يحلب لبنها قبل يذبح ولدها

وتراثنا من دونه نبيع الأعمار
وبأفعالنا روس المعالي صعدها

واليوم ضاق الجو من كثر الأقمار
تبث حقد لي لحقده رفدها

غزا الشعر قبل أمس غازين الأفكار
قومن على الساحة دفعها حقدها

تلفقوا ثم جاؤوا من كل الأقطار
هذا يصبحها والآخر هجدها

هذا يحرف في الأسف سر وإجهار
وهذاك يذبح موهبة في مهدها

وقفوا علم للشعر في وقت الأسحار
غاروا على الساحة وعروا جسدها

وصاحت بعد ما شافت سترها طار
وقف ولد زايد محمد ساعدها

قال أبشري بالستر وبردة الثار
وأضفى عليها سترها ما نشدها

واستل سيف في المواجيب بتار
واطلب وردن في العلا من فقدها

على خطى زايد خطاويه ما بار
والحاجة اللي في خياله وجدها

أغنى العرب من شوف أكاديمي ستار
ومن شوف أمر من السخافات وأدهى

شفت الشعر بستان وأبوابه أزهار
وقطفت ما يسقي المشاعر شهدها

قطفتها من ديرة تنبت أحرار
من دار بو مشعل ذراي وسندها

إستٍـثـنـَــآئـﮯ · 09-04-2011, 07:46 PM

قصيدة عطيتني وجهك وانا جيت كلي...

ماهو بكيفك عقب شي حصلي
من ذوق المحتاج يصبر الى احرجه

خليتني من حلو حاليك احلي
واصبحت مدمن حب والقلب روجه

بين العروق وصار مافيه ملي
الا وله جره تمره وتسهجه

وذود الغلا في عشب قلبي تفلي
وتراب صدري للمطر منك ما احوجه

يمحل الى صديت ويموت يا اللي
صديت عنه والله احياه واخرجه

ولي خاطر يسألك من لي ياخلي
غيبتك تلعب به وشوفتك تبهجه

ولي عين حالي دمعها لك يهلي
وان رحت راحت مالح الدمع تزعجه

غالي ولا يحتاج بسك تغلي
غلاك اخذ قلبي وروضه واسرجه

ولو قلت ياعيني بصدره تملي
شافت خفوق حبك الذرب توجه

وماهو على كيفك عقب ما حصلي
من ذوق المحتاج يصبر الى ازعجه

عطيتني وجهك وانا جيت كلي
محروم والمحروم ما ينعطا وجه

قصيدة في كفها خاتم وفي خدها خال ...

في كفها خاتم وفي خدها خال
وفي عينها غيم وعمارات وبيوت

الخال شفته واضح من ورى الشال
والخاتم الماس مرصع بياقوت

والعمر في العشرين كني مانيب زال
والجسم كنه من جبل ثلج منحوت

جبل ولكن لا طرقه الهوى مال
وخطواتها ماهي بالأمتار بالفوت

ماهي تشوف الشمس من ظل الاظلال
ومصيافها ما بين لندن وبيروت

الشمس لو تشرق على جسمها سال
كنها مجسم محلبيه وبسكوت

ومن صغر مبسمها شقى حالها الحال
ما تاكل الا اللوز والخوخ والتوت

ماهي تشوف الناس تمشي وتختال
ومر على جاكور ومر على حوت

وخدامتين وهي بلا زوج وعيال
وسمعتها تدعي الدريول يياقوت

وثلاث جوالات ماهو جوال
ومن يوم خلقت كل شي بريموت

لكن قلبي مالها فيه مثقال
وش قرب البشت الحساوي من الكوت

ياجعلها للي خذت قلبي نعال
اللي غلاها عندي الشرب والقوت

حورية من فوقها الليل شلال
كنها صبح فوقها الليل مكتوت

قلبي لها من كثرة الشوق مشخال
وللسر عن كل المخاليق تابوت

تنحت لي من الحب في القلب تمثال
وحبي لها ينحت على الساحه بيوت

في عينها ماكل رجال رجال
وأقصى حدود الوصل في سلمها الصوت

زود على القلب وعلى الحسن من آل
روس لهم روس على متونها بشوت

الى رضت موتوا يا أهل روس الأموال
وإلى زعلت جربت وش سكرة الموت

من دونها رجلي وراكب وخيال
والسيف والأمواج والبحر والحوت

إستٍـثـنـَــآئـﮯ · 09-04-2011, 07:48 PM

قصيدة بعض العرب ...

بعض العرب حبة يوردك الجنون
ولا يوصف لة غلاة احكاك لة

ما يقنعة وصف الغلا وش يكون
لو كل حرف بالحرير يحاك لة

الموت جاك وهو تقبلة الظنون
ولا لك الا الصبر ....وش وداك لة

ان قلت ضاق ..قال..هونها تهون
مايدري ان ضيقتك لة ..وبكاك لة

تقعد تحبة وانت ساكت ومغبون
يمكن بيوم يقال لة ما اوفاك لة

وكانك مشكك هو يمون ..او ما يمون
تخيل ان عفت الصبر فرقاك لة

غلاة من فوق الغلا ماهوبدون
وحكاة سمعك يجبرك بارخاك لة

ودك تحطة فالعيون من العيون
وتبسط على رمضى الثرا يمناك لة

وتظلة من الشمس في ظل الجفون
ولا يمر اذنة سوا لباك لة

وتسج من غيرة لونهم يذكرون
ومنين ما سجت القدم ممشاك لة

فلو يميلة الترف ميل الغصون
غصن ليان ومكرمة بسقاك لة

جديلة الى اقفي ستر منة المتون
كني بريحة لا لتفت لدعاك لة

يزها الملابس ..اي لبس..واي لون
وفالليل وجهة لا ظهر قداك لة

كيك وعسل لكن ما هو في صحون
ودعاك من عين الحسود اغطاك لة

اللة لا يعطية ناس س ينضلون
ويستر علية من النحل لا ياكلة

والوصف والتعبير في وصفة يخون
غير اطلب الله يستجيب ادعاك لة

وهذال قلبك في محبتة يجسون
سكينهم عن قطع حبلة حاكلة

اللي من لحوم الاوادم ياكلون
وحلوقهم دافع البلا متواكلة

ناس عن اعراض العرب ما يعرضون
ودايم على نفس الشكل والشاكلة

في سلمهم او لا بالاكل الاقربون
واطيبهم اللي صيدتة شكواك لة

يدعيهم الشيطان للذيب ويجون
هذا يقطع لة وذاك يواكلة

من جاك منهم لا تبين لة سنون
واضرب يمينة لا بغى يسراك لة

يا جعلهم فدوة ثر الغض الفتون
اللي على درب الطويل اخطاك لة

طيفة الى نام البشر زادك بهون
وطيفك الى نام البشر سراك لة

حبة دفان ومقبرة خضر الطعون
بين العظام العوج كنك ناكلة

فلو غلاة يوردك حوض الجنون
ولا يوصف لة غلاة احكاك

قصيدة ياهل العقول الواعية ...

ياهل العقول الواعيه والرشيده
المنكر الي عمنا يبغي انكار
//
اسلامنا واسلوم اهلنا التليده
بنو مابين الحق والباطل جدار
//
واوطانا صرخة تطور تشيده
في مايخدم المجتمع علم واعمار
//
وبعض الفضائيات تبغي تبيده
وتنشر مابين اجيالنا الخزي والعار
//
حرب الجيوش اهون شهيد وشهيده
بس المصيبه والبلا حرب الاقمار
//
قتيلها جيل وعقول وعقيده
وموت العقول اشد من قصف الاعمار
//
بعض البرامج للمتابع مكيده
واحبالها يقع بها اصغار واكبار
//
قناة ساحر حط فيها بريده
يقول راسلني واعلمك وش صار
//
وقناة رقص ونقص والي يزيده
شات كلامه يجرح اعراض الاحرار
//
وقناة دز اسمك سعيد وسعيده
واصبر وشوف للحب نسبة ومعيار
//
وقناة تجمع كل جنس وضديده
بين اربعة جدران من كل الاقطار
//
وتابع تفاصيل الحياة الرغيده
حتى إذا ناموا وقاموا للإفطار
//
واسهر وشجع يمكن الي تريده
يفوز ويسمونه العالم استار
//
راحوا ضحاياها فئات عديده
ومع ضياع الوقت تسمم افكار
//
وراعي القناة اهم حاجه رصيده
لا لامته نفسه ولاخاف من نار
//
وترى الفضائيات فيها المفيده
ماننكر انها في الدجى مثل الانوار
//
قناة دين علم واشياء حميده
تاريخ واشعار وثقافات واخبار
//
بإسم الضمير اقولها في قصيده
يكفي خراب بيوت وافكار وديار

إستٍـثـنـَــآئـﮯ · 09-04-2011, 07:49 PM

قصيدة ياقو قلبك على الصده وياصبرك ...

ياقو قلبك على الصده ويا صبرك
وياوسع صدري على صدك ويا صبري

وياطول عمرك بذاكرتي وياكبرك
وياشيب عيني بشيب عاد ذا كبري

والله لون حمل صبري فوقك ان تبرك
والله ولو تعتذر منت بعلى خبري

ان ما جبرك الغلا ما اقدر على جبرك
ياللي على ارض الوفا ما شبرك بشبري

تزعل وترجع وتلقاني على خبرك
وانا انكسر لك واجيك ادور لجبري

طيفك وذكراك طيلة غيبتك سبرك
وشوقي لشوفتك طيلة غيبتك سبري

امحق وليف ومحبه والا اقول ابرك
حسبي عليك اعشقك وانت اتحفر قبري

قصيدة لا ضاقت الدنيا عليك وتشاويت ...

لا ضاقت الدنيا عليك وتشاويت
خلق الله اللي فالرخا كان واجد

ومن العرب والصوت والثوب مليت
وقامت عليك هموم بأقعا تراجد

فارفع يديك لخالقك لا توضيت
وادعو تراك أقرب إليا صرت ساجد

وقت من أوقاتك للأوقات توقيت
وسجل لنفسك في المساجد تواجد

وأبشر بفزعة حامي الدين والبيت
إليا هجدك من الهواجيس هاجد

اللي يميت الحي ثم يحيي الميت
لرضاه شف كثر البشر بالمساجد

إستٍـثـنـَــآئـﮯ · 09-04-2011, 07:50 PM

قصيدة يوم الزايين ...

من لابتي مره الى جدي افطيس
ربعي مطوعة الصعب بالصمايل

ناموس ياللي تكسبون النواميس
ياهل العلوم الغانمه والجمايل

اهل السموت وفي الملاقا فواعيس
يقطعك ياهرج بليا دلايل

انتو خيارين على الخيل فريس
اسم ينومس بين كل القبايل

يامقلطين شذرة السيف والكيس
قد قالها ابن حميد ضمن المثايل

منصا الرجال اللي على ضمر العيس
وفالحرب نطاحة شبا كل عايل

هواجر لاجات قدهي مقاويس
ركب الضيوف امن السرا والقوايل

تنصا رباع امتعبين المحاميس
مروين حد المرهفات الصقايل

يردون غصبا والعزاوي متاريس
لاجا نهار فيه عدل ومايل

وامسيسين اسياسة الفوز تسييس
باللبل وبالهجن السباق الاصايل

تفوز في يوم المزاين وفالريس
من كل منعوته تسمى وحايل

ولو حصل للبل من الناس تفليس
يكفيكم انك فالعرب من لاوايل

تلبس من العناب زين الملابيس
يوم المزاين مع ارجال الحمايل

يزها بها لون العلم تتبع افنيس
ابل لها عادات كسب النفايل

ومدحي لبو زايد محمد بلا قيس
مدح لو يقارن بفعله قلايل

الله يمهل به ويخزي لاباليس
وايدوم ذكره فوق كل الطوايل

قصيدة سولفوا تكفون لا عاد تسكتون ...

سولفوا تكفون لا عاد تسكتون
قبل لا أهوجس وياتيني بلاي

السكات يزود طعوني طعون
وتنكسر لا جا على راسي عصاي

سولفوا لو ما بغيتوا اتسولفون
قبل لا اقعد في الحزن رايح وجاي

واضحكوا لو بالعماله تضحكون
وجاملوني لو يضايقكم حكاي

لي وليف راح جعله ما يهون
هو دواي وداي أو داي ودواي

راح لكن طيف زوله في العيون
مرة قدامي ومرة وراي

وإن سكتوا جا وهو طيفه يمون
رحت أهوجس له وأبين له ولاي

مكسب عيوني من الفرقا مزون
تمطر لطاريه والبرق أصدقاي

كل ما طروه لو هم يمزحون
احرموني من غداي ومن عشاي

أدري إنه ما تناسى الود كون
تسمع إذنه في قفاي اللسن عداي

وكانهم قالوا نسيته يكذبون
وإلا أنا فيه أمتلك نظرة وراي

كان حبه لي على خبري مصون
والله ان كني بقدري وبغلاي

ذي بقايا الحب وأطلال الجنون
والله أعلم في ضميره وش بقاي

غير طيعوني ولا عاد تسكتون
ولا والله إن أسمعكم بكاي

09-04-2011, 07:36 PM	#1
إستٍـثـنـَــآئـﮯ قناص جديد	ديوان الشاعر محمد بن فطيس المري الاسم: محمد حمد محمد فطيس المري السن: 27 البلد: قطر المهنة: موظف نبذة مختصرة عن حياته : له عدة مشاركات في مجال الشعر ينتسب إلى قبيلة آل مرة يعمل موظف إداري بأحد المراكز الصحية بدولة قطر حاصل على دبلوم إدارة بدأ مشواره بالساحة في 2001 تقريباً شارك في العديد من المهرجانات الخليجية والعربية منها مهرجان الدوحة الثقافي ، مهرجان حائل ، مهرجان الخالدية في الأردن ، معرض الصيد والفروسية بأبوظبي ، ومؤخراً في شاعر المليون قصيدة ليه السماء... ليه المسا عوق الشقاوي وطبّه؟ وليه الهبوب تصحي القلب لا بات؟ وليه القمر يدعي جريح المحبّه؟ ويقول له يا هيه..ما فات ..ما مات جرحك ظهر لو قلت للوجه خبّه وللحزن في ضحكك رسوم وعلامات وليه المطر بالذات ريحه.. وصبّه كنّه رسول بين الاحباب بالذات؟ اشتاق فيه لشوفتك واتنبّه للي نسيته من مواقف ونظرات لا استانس الخافق ذكر من يحبّه ورجع يراجع فالوناسات ما فات يا مرتع القلب الحزين ومربّه يزيين بك مثل الذهب صدر الابيات هيهات ينسى القلب شخص ٍ لعبّه وهيات يدله خاطري منك هيهات سبك مديح ومدح غيرك مسبّه تقول واذني صوتها تقول لك هات ونبع الغلا عندك وعندي مصبّه ومن الولا .. في خافقي لك ..ولايات وطيفك حطب عيني..وعيني مشبّه والشوق برد ٍ ما انقطع لو للحظات ومكانك الصدر ولك القلب شبّه بين الظلوع اللي فردها التنهات ولك بيرق ٍ فالقلب حبك يهبّه شامخ ولا هزه من العذل غارات محبتك فالوقت ذا ما تشبّه الا بخيمة بدو بين العمارات ان شفتني ضايق واهوجس واسبّه اخاف غدر الوقت.. والوقت دورات لا تحسب ان دمعي نزل دون سبّه ابكي من الفرقا وهي مابعد جات اليوم كل امورنا..مستتبّه وبكره ماندري وش معه من مسرّات اربّ قلبك مثل قلبي اربّه ما يخلفه شور العرب والمسافات التوقيع:

09-04-2011, 07:36 PM	#2
إستٍـثـنـَــآئـﮯ قناص جديد	رد: ديوان الشاعر محمد بن فطيس المري قصيده ياهيه... ياهيه اللتفت لي واسمع ادعاي لك ياهيه ترا عادك بتشبع من البعد وتواجه دعيتك بصوت ٍ ياصلك ليه ماتوحيه وانا اسمع ضلوعك من صدى الصوت لجّاجه عليك الفؤاد اخلاجه مصمّخ ٍ راعيه خف الله في راعيه ماتسمع اخلاجه ترا العفو قد جاك اوله واغتنم تاليه وترا الحلم بحر ٍ غير لا تامن امواجه وترا الود ليل ٍ مظلم ٍ جيت لك ساريه سراجه وصاك والجفى ينفخ اسراجه وترا قصرنا اللي كم سنه نجمع ونبنيه هوى الهذل طيّح بابه العود وسياجه لي أيام مدري وين دارك ولا ادري ليه وانا خابر اني باب شفك ومزلاجه غياب ٍ بلا سبّه هجاد ٍ بلا تنبيه وجفا أغلا العرب نار ٍ على الكبد وهّاجه نضج قلبي من البعد وش حاجتك تكويه جفاك الجمر والصبر في بعدك الصاجه طبع حبك بقلبي والايام ما تمحيه هذا هجرك يحاول يموجه ولا ماجه يموت الأمل لكن ضنون الغلا تحييه وعروق الوفا فالروح والقلب وجّاجه خبرتوا حد ٍ يبكي على واحد ٍ يبكيه وخبرتوا حد ٍ مسجون مايبغي أفراجه احبه ولا ابغضته على شيّن إيسويه ولا زالت ارقاب الرجا فيه منعاجه عسى منزل ٍ ضمه حقوق الوسم تسقيه وتضحك له الدنيا وهو يضحك أحجاجه فقد خاطري شي ٍ من الضيقه مسلّيه وغدت روحي من الناس والليل هجّاجه اروح لمكان ٍ خابره ..خابره ياتيه اسوق القدم صوبه وهي مالها حاجه مكان ٍ نزيه وأول مواجهي له فيه وانا خابر ٍ مارجل مثله بدواجه لعل وعسى ما حدني للمجي ..يدعيه واشوفه وانا ماودي اسبب احراجه يحب الجريح آخر دروب اللقاء ويجيه وتحب القدم جيّة مكان اول مواجه قصيده حكم ضميرك حكم ضميرك بين الاثنين واختر .. .. لاهل العلا جره .. وللدون جره الطيب ماحدد ابحر ولا بر .. .. من جا على دربه من الخلق سره يوم اللقا ما انصف ضعيفٍ ولا سر.. .. اللا مع من جاد كره وفره لو كان شفت الناس ببشوت وغتر .. .. كم من محارٍ ما لقي فيه دره الحلقه ان زرت ابطان الجمل زر .. .. ما استر من لا عزوة له تسره الجمره ان ماتت فلا ينفع الكر .. .. مافادها الشباب لو زاد كره كم واحد يضحك وهو يضمر الشر .. .. عرق الشري ما انباك لونه بقره ما كل من يضحك بوجه الفتى بر .. .. من يصدق الصاحب بالافعال بره التوقيع:

09-04-2011, 07:37 PM	#3
إستٍـثـنـَــآئـﮯ قناص جديد	رد: ديوان الشاعر محمد بن فطيس المري قصيدة المحروم ما ينعطا وجه ... ماهو بكيفك عقب شيٍ حصلي من ذوّق المحتاج يصبر الى احرجْه خليتني من حلو حاليك احلي واصبحت مدمن حب والقلب روّجْه بين العروق وصار مافيه ملي ولا وله جُرّه تمرّه وتسهَجْه وذود الغلا في عشب قلبي تفلي وتراب صدري للمطر منْك ما احوجْه يمحل الى صدّيت ويموت يا اللي صديت عنّه والله احياه واخرجْه ولي خاطر ٍ يسألْك من لي ياخلي؟ غيبتْك تلعب به وشوفتْك تبهجْه ولي عين حالي دمعها لك يهلي وانْ رحْت راحت مالح الدمع تزعجْه غالي ولا يحتاج بسّك تغلي غلاك اخذ قلبي وروّضْه واسرجْه ولو قلت ياعيني بصدره تملي شافت خفوق ٍ حبك الذرْب توّجْه وماهو على كيفك عقب ما حصلي من ذوّق المحتاج يصبر الى ازعجْه عطيتني وجهك وانا جيت كلي محروم والمحروم ما ينعطا وجْه قصيده خيمة بدو ... ليه المسا عوق الشقاوي وطبّه ؟!! وليه الهبوب تصحي القلب لا بات ؟!! وليه القمر يدعي جريح المحبّه ؟!! ويقول له يا هيه ما فات ما مات .. جرحك ظهر لو قلت للوجه خبّه وللحزن في ضحكك رسوم وعلامات .. وليه المطر بالذات ريحه وصبّه كنّه رسول بين الاحباب بالذات .. اشتاق فيه لشوفتك واتنبّه للي نسيته من مواقف ونظرات .. لا استانس الخافق ذكر من يحبّه ورجع يراجع فالوناسات ما فات .. يا مرتع القلب الحزين ومربّه يزيين بك مثل الذهب صدر الابيات .. هيهات ينسى القلب شخص ٍ لعبّه وهيات يدله خاطري منك هيهات .. سبك مديح ومدح غيرك مسبّه تقول واذني صوتها تقول لك هات .. ونبع الغلا عندك وعندي مصبّه ومن الولا في خافقي لك ولايات .. وطيفك حطب عيني وعيني مشبّه والشوق برد ٍ ما انقطع لو للحظات .. ومكانك الصدر ولك القلب شبّه بين الظلوع اللي فردها التنهات .. ولك بيرق ٍ فالقلب حبك يهبّه شامخ ولا هزه من العذل غارات .. محبتك فالوقت ذا ما تشبّه الا بخيمة بدو بين العمارات .. ان شفتني ضايق واهوجس واسبّه اخاف غدر الوقت والوقت دورات .. (( لا تحسب ان دمعي نزل دون سبّه ابكي من الفرقا وهي مابعد جات )) اليوم كل امورنا مستتبّه وبكره ماندري وش معه من مسرّات .. اربّ قلبك مثل قلبي اربّه ما يخلفه شور العرب والمسافات .. التوقيع:

09-04-2011, 07:38 PM	#4
إستٍـثـنـَــآئـﮯ قناص جديد	رد: ديوان الشاعر محمد بن فطيس المري قصيدة يالشبرمي و أنت راعيها ... مبروك ياوافي الاشبار يالشبرمي وأنت راعيها إنئكد الفوز بالتكرار ولمشكك الناس نثنيها عادتنا الفوز والاصرار وعادتنا مانخليها إرجال قبل نغدي شعار وحصن على الدار يحميها حضر وبدو راحل وبحار أمجادنا من يجاريها من ماضي الغوص للمحار والبل وحامي تواليها أفعالنا في الظلام أنوار الليل يعجز يغطيها داري قطر للبيارق دار رض البيارق نسميها نباتها المجد والامطار أمجاد وجهود بانيها أميرنا الفارس المغوار هو سورها الي يذريها غيث على ديرته مدرار يمطر لداره ويرويها يبذر ويجني بها الاثمار وبالعزم والدعم يسقيها يغرس سيوف وقلم وأحرار وتنبت بيارق بأراضيها قصيدة عن مافي خاطري ... يامرحبا ترحيبة البدو بالبرق اللي لهم عامين ما رحبوا به رحبه اوسطهم ومن فرحته غرق جفنه بدمع بلل أطراف ثوبه البرق شرق وهو له صويحب ٍ شرق وبرَق وصدره بارق ٍ مادروبه ياللي سرقت النوم والعافية سرق يازاد قلب اللي هواك وحروبه تغيب ماهمك وأنا ألاحي الورق ولا تخاف من الجفا والعقوبه الوصل مرهم كبد وإلا الجفا حرق والصبر ينفض في غيابك جيوبه كسرت كل أبواب وصلك من الطرق وغيرك طرق قلبي ولاني بصوبه واللي يريد الوصل يامكثر الطرق لو وقفوا كل العرب في دروبه التوقيع:

09-04-2011, 07:39 PM	#5
إستٍـثـنـَــآئـﮯ قناص جديد	رد: ديوان الشاعر محمد بن فطيس المري ياهوا الغربي ... دخيلك ياهوا الغربي على قلبي تهب بزين تراك محمل باشيا تهز القلب وضلوعة تراك محمل باشيا خفية مستحيل تبين ولايفطن لها كون الجريح اللي تلوع لوعة عليك الله وجاه الله تلف يسار والا يمين ولا تحيي عروق حروج من عامين مقطوعة تنحرتك وانا اعرف النتيجة دمعة وبيتين مجموعة هواجيس تخالف هي ومجموعة وتنفستك وانا اعرفك على روح الشقي حدين لكن الله امرك وجبني بقدام مقلوعة وجودي وجد من خلي يقيدة الزمن للدين وعفيف مظهر الحاجة ولافزعوا لة ربوعة والا وجد حالي وجد من خلي بشوف الشين يتيم كلمتة لامن شكى ماهيب بمسموعة توفى ابية عادة مابعد ينطق اسمة زين وعاش بلا اخوان وناقع(ن) كمة من دموعة على اللي راح بفوادي انا دري لية وادري وين وروح روحة(ن) مجبوعة(ن)ماهيب متبوعة ملا صدري غلا واقفي وانا ضامي فواد وعين لو انه غير ودعني علي اهون من الروعة بنى له في الحشى صور(ن) مثل صور(ن) بني فالصين يرد العاذل ويحمي ورود(ن) فية مزروعة حلف لي دين ماينسى وانا اللي قد عطيتة دين انا ديني على ماهو وهو ماغير طبوعة على خبري لكني رحت ادور للحقيقة لين عرفت اسباب ماتقنع وشفت اسباب مشروعة لونة راح هاجرني علي اهون من الثنتين مراح(ن) مايبيةوعبرتن فالحلق مقروعة عسى ربي يسامح كل من لة فالفراق يدين سبق سيف الفراق العذل ياروحين منزوعة دخليلك ياهوا الغربي ترى ماني من السالين ولو بينت لك ضحكة تراها صدق مصنوعة دخيلك كف والا لف والا غير هب بزين ترى ماهو يعرفك كون انا ملاوع اللوعة قصيدة كهربتني بالعين ... ياللي دخلت السوق وقف بحاكيك وش ذا العيون اللي تسوي سوايا.. كهربتني بالعين الله يجازيك نظرات شلت في ضميري خلايا.. لولا فيوزٍ وسط قلبي توماتيك ماكان عيّن من فؤادي بقايا.. يفصل إلى من شاف هذي وهاذيك صادف مواقف من بنات القرايا.. قالت تحمد يوم ربي منجيك ولا توقف في طريق الصبايا.. قلت الصبايا والمزايين تفديك ماشفت عينك في جميع البرايا.. قالت هذي عيني عسى الله يقويك وشلون لو بتشوف باقي المزايا.. لكن مادامك ممن القلب بسويك رح في طريقك والنوايا مطايا.. والا ترى بتعبك وأعلن تحديك وأشوف قلبك بيتحمل حلايا.. قلت أسمعي:وأن فزت..قالت: بكافيك على حسابي من محل الهدايا.. بس أنتظر لحظه بسيطه وأرويك ثم أظهرت ثغرٍ زهته الثنايا.. قلت أنتبه ياقلب منها توطيك وأسمع صداه يصيح خلف الحنايا.. ثم أنفجر جد الفيوز التوماتيك وأقفت وأنا أجمع بقايا الشظايا.. التوقيع:

09-04-2011, 07:40 PM	#6
إستٍـثـنـَــآئـﮯ قناص جديد	رد: ديوان الشاعر محمد بن فطيس المري قصيدة الضيقة ... الضيقة اللي دايمٍ تالي عصير .. .. وش حيلتي وأردها لا تجيني لا طال ظل العود حزة عشى الطير .. .. كنها على سجن الحديد تحديني يضيق صدري كل ما جات وأسير .. .. ولايخفف سوج رجلي حنيني لا حولنا مشراف ولا اقدر اطير .. .. يالله قمسة خير لا تبتليني وعقارب الساعة توقف عن السير .. .. ولاكن في الدوحة سواتي حزيني والعبره اللي تاصل الحلق وتحير .. .. يا قربها لو قيل لي يا عويني أمل شوف الناس ورد ومصادير .. .. واللي يقول اشفيك كنه يهجيني يعني على ما قيل من باب تصوير .. .. (لاحد أبي قربه ولا أحد يبيني) أروح أدور خط مابه دواوير .. .. وأدور اللي هادها تهتديني وآخذ مع الهاجوس سجة وتفكير .. .. وأراجع اللي فات بيني وبيني وأحسب ذنوبي وأدور التكفير .. .. عساي ما قصرت في والديني وعساي ما قارنت من ينفخ الكير .. .. واللي يحمل المسك جعله قريني ويطري علي يوم الحشر وأطلب مجير .. .. ما أعطى كتابي في شقيقة يميني ويطري علي صدقان كثر الدنانير .. .. اللي اتعاديني إلا كثر ديني وراعي الهروج اللي سوات المناشير .. .. أصد عنه وأدري انه يعنيني الله حسيبه يوم عرض القواوير .. .. والله حسبي من صواب مكيني وإلا طرالي واحد كانه اصغير .. .. أم أصغر بيومين ولا سنيني دريت وش قومي وعينت تفسير .. .. للضيقة اللي من زمن تعتليني حبه بصدري سالفة سر في بير .. .. وكن الفواد يقول هذا زبيني أشفق على علمٍ يجي منه من غير .. .. لا يسمع اللي سولفوا به ونيني يا كثرهم غيرهم ولكن خبر خير .. .. ما غير شوفه في الوجود يهنيني رايي كذا يا عاشقين الغنادير .. .. ماله على وجه البسيطه وزيني العام أجيهم من حساب المسايير .. .. واليوم حال عداي وينه ويني خطاي تعليق الأمل في المدابير .. .. الين راح وشفت حقري بعيني صبرٍ جميل وخابر إنه مقادير .. .. والله على تخفيف حزني عويني ذي حالتي لين اتغبا الشمس واصير .. .. معطى سراحي عقب مانا سجيني واذا امتلى جوف الشجر بالعصافير .. .. طلبت من رب العباد يهديني يعتقني المذن عقب ضيقة عصير .. .. اللي على سجن الفراق اتحديني التوقيع:

09-04-2011, 07:41 PM	#7
إستٍـثـنـَــآئـﮯ قناص جديد	رد: ديوان الشاعر محمد بن فطيس المري قصيدة انا مسروق... شفتك وزاد بي الولع والشوق غنيتها من ساعة أقبلتي عيني ماقد شافت كذا مخلوق كنك على ذوقي تشكلتي قلتي لي أصبر بس أنا المطفوق عجلت في شوفك وعجلتي أثر معك لي مرسل ومسبوق عز الله انك قلتي وطلتي عين وشفاه وعاتقٍ منتوق وجسمٍ تغطينه ولاحتلتي الليل عن وجه القمر مفهوق والعود مالومك إلى ملتي غصنٍ على ساقي وفيه عذوق وش الغريبه لو تمايلتي ؟!! لكن قبل تمشين أنا مسروق من صدري قبل شوي وش شلتي؟!! أتلى العهد به قابضه معلوق من ساعة أقبلتي وحولتي ماريته خالي وفيه فتوق رديه .. وأعدك تجملتي قصيدة البارحة ربي كتب لي ومريت ... البارحة ربي كتب لي ومريت درب عليه بروق الأحباب لاحت جيت المكان اللي جمعنا وخفيت وقامت جروحي للجوارح وصاحت ياليتني في لفة الدرب زليت كان العيون من الدموع استباحت التم غيم الدمع من يوم لفيت ورقا القصيد لشوفة الغيم ناحت وضحكت ماأبغي الناس تدري يبالفيت لكنها غصب على العين ساحت حارت دموعي في عيوني وصديت وأرمشت مابيها تبين وطاحت وعقبه برق في العين براق واسقيت خدي وناتي بصدري تلاحت وأنا أحسب إني في فراقه تشافيت وان عبرتي من مدخل الزاد زاحت اللي يحسب إني على البعد سجيت والا ان عيوني للرقاد استباحت ياليتني من قبل لا أحبه اقفيت والا ان دروبي عن دروبه تناحت أهون علي من البكا والتناهيت وأشلا من سدود على الناس باحت عرفت كيف الحي يفرق عن الميت وعرفت قيمة نعمتي يوم راحت قولوله اني عقب بعده تدانيت ورجلي عن دروب المعافين شاحت البعد نار وطاعة العذل كبريت يقصر على بعده ترى الكبد فاحت التوقيع:

09-04-2011, 07:42 PM	#8
إستٍـثـنـَــآئـﮯ قناص جديد	رد: ديوان الشاعر محمد بن فطيس المري قصيدة ماني بمن ياتي ولا يدري به... ماني بمن ياتي ولا يدري به شطر حفظته ما أعرف كتابه شطر يناسبني لمثل الليله وآشوفني في ذا المكان أولى به أبا أتكل بالله ونعم بالله اللي ما يوصد دون خلقه بابه باقول واللجنه تقيم قولي ومن كثرة الشعار ماني آبه الحمد لله واثق من روحي وإن كنت ذيب فالرجال ذيابه ما أقول أنا أشعر واحد في العالم لكن قصيدي كفو وأنا أدرى به الشعر جمعنا لو تفرقنا حدودنا وظروفنا الغلابة الله يبيض وجه راعي الفكرة عز الله انها تنحسب لحسابه والله يبيض وجه من يرعاها محمد الله يحفظه لأحبابه محمد ولد زايد عريب المجنى ولي عهد الديرة الخلابة الشعر تاريخ لنا من مبطي وإعلامنا يوم السنين نهابه الشعر بيت والوزن عمدانه معناه طنب وقافيته حجابه الشعر واد فيه صيد واجد وكل على الوادي يهج ركابه والأفكار صيد وكل شاعر قانص وكل يدسم شاربه مخلابه أحد خياله حر وأحد وكري وأحد خياله كوبج بقطابه وأنا خيالي كل ما هديته حول على الوادي وصاد عقابه شاركت أمثل ديرتي وربوعي وكل يمثل ديرته وأقرابه والله إلى الله راد والله قاله إني لا أسلمها الفخر وكتابه داري قطر وأنا هنا أمثلها المجد مطلوبي وأنا طلابه عهد علي إني لا أشرف داري ترك صبي ما يعز ترابه شوفوا دمي من حبها عنابي وحماستي من ضوها شبابه شاعر خليجي والعروبة بيتي والبيت ما ياقف بدون أطنابه وإن عودت بين القبايل فزعه أنا أشهد إني في اللوازم لابه لي في القبايل ربع وأقدرهم ماني بمن يجهل مقام أصحابه وإن عودت لأصلي فأنا أصلي مري من صلب يام أهد القنا وخضابه قوم لنا فوق المعالي بيرق والسيف قوة سلته بنصابه الشعر طوقني وأنا طوقته قمت آتمشى به وأفك أبوابه يا بنت ياللي تفرقين بعودج ما ألومهم لو كثروا الخطابه لامر بج دربج على خلق الله قالوا كذا بالأصبع السبابه زينج يزينه فعل أبيج وجدج وإنتي بدورج للنقى كسابه قومي تباهي بي وفلي راسج عليج من ستر الشرف جلبابه وإن ما سترتج بالفعول وباسمي فعقبني الفنجال يا صبابه قصيدة دكتور العيون ... يامؤمن الريفي انا جيتك زبون جيتك على مدح اكثر الناس وعنيت جيت وتعالى الله عما يشركون لولاه يامؤمن لطبك ما اهتديت راضي بحكم الله علي مهما يكون عالج عيوني لو بعد طبك عميت ودي اخاشر فالبصر من يبصرون واشوف دربي لا سرحت ولا ضويت والى قنصت اثبت مع اللي يثبتون واشوف طيري كل ما اوميت ودعيت ياكثر ما يضرب خويي الطابلون من كثر ما اكلته مطبات وكليت ودي اشوف اللي علي يعرضون وبعض الليالي ودي اسري دون ليت واشوف ناس فالقفا ما يرحمون اما وقفت لصاحبي والا مشيت من دون نظاره ولا هم يحزنون ياكثر ما كسرت كشمات وشريت لكن يا دكتور جعلك ما تهون ابغيك كلمت راس دامك ما بديت اسمعولا ابغي اللي وزانك يسمعون ربي كتب يكشف لك اسراري وجيت صورة عديل الروح عندك فالعيون واخاف تقطعها بموسك ما وعيت ولا عليك امراطوها تحت الجفون وعقبه لو تقطع عيوني ما شكيت هي راس مالي والعرب ما يدركون اني على باب الممات و ما حكيت ياقو قلبي يوم قفن الضعون اللي على ذاك الموادع ما بكيت ويا صبر صبري والعواذل يحسبون اني دلهت من الهوى والا سليت اسكت عساهم من سكاتي يسكتون وانا عن اللي في ضميري ما انتهيت وادور الفرحه مع اللي يسهرون وان ذكروني خذت فنجال وسريت اخذت من وقتك يا دكتور العيون عالج عيوني لو بعد طبك عميت واستر علي واللي معك لا يفطنون انت الوحيد اللي بعد ربي دريت التوقيع:

09-04-2011, 07:43 PM	#9
إستٍـثـنـَــآئـﮯ قناص جديد	رد: ديوان الشاعر محمد بن فطيس المري قصيدة الحب مثل النوم ... الحب مثل النوم .. والوصل .. الاحلام.. .. والشيين من الاحلام..صد المحبيين نوم ٍ طويل ٍ عمره اشهور واعوام .. .. وان قمت.. ففهمها فراق وسهر عين وانا رقدت وعمري اربع عشر عام .. .. وصحيت في شهر اربعه عام الالفين نوم ثقيل كله احلام واوهام .. .. ونصيبي من احلامه الجانب الشين صحى الفراق اقلوب في عكسه..نيام .. .. وغاب الفرح وانا بعكسه الى اللحين ياحزن كبدي حزن من ضاق ثم حام .. .. اخذت فروخه مادرى ليه ولوين؟ بعد ما شاف العش عيدان وعظام .. .. خالي..تفكر فوق ويسار.. ويمين خلا عشاها فيه ومن الوطى شام .. .. زبن على روحه وفل الجناحين وياوجد حالي وجد من نام ثم قام .. .. على صياح امه وهو دون رجلين عويق وامه تنعته والنعت سام .. .. وهو خابر انه يقسم الصف صفين حبا وصاح بصيحة تاصل الشام .. .. منها تقطع في خفوقه شرايين على وليف قسم اظنوني اقسام .. .. واقفى وانا ما اعرف طرد المقفين راح وترك في صدري وسوم واعلام .. .. وصى علي طيفه وقفى بقلبين ليته تعذر كان ماهو بملام .. .. بعد ماشاف الدرب بيسير دربين اشوى عليه شوي..من عظ الابهام .. .. واشوى علي شوي..من دمعة البين تمشي بنا الاقدام والموت قدام .. .. وميعادنا يمفرق اثنين بعدين ياعين لا تبكين وعيونه تنام .. .. عادش الى ما خاب ظني بترضين لو الدموع اتفيد فادن الايتام .. .. ولو الكلام يفيد عادت فلسطين ولو النبات يطلعه دمعة هيام؟.. .. شفتوا على وجهي ورود وبساتين الحب سجن..وبعد الاحباب الاعدام .. .. وقلوبنا السجان مدري مساجين الحب نوم عمره اشهور واعوام .. .. وان قمت ففهمها فراق وسهر عين قصيدة يالله عفوك ... يالله عفوك يوم تصفية الحساب .. .. يوم حصاد لما زرعنا في السنين يوم الحشر قرب ولا معنا زهاب .. .. اليوم في الدنيا وبكرة راحلين نجني ذنوب ونرتجي عفو وثواب .. .. وعلى نصر ربي لنا مستعجلين تدرون ليه آمالنا كنها سراب .. .. تدرون ليه النصر سيف الأوليين الأوليين أعمالهم وفق الكتاب .. .. قاموا عليه وباعوا الدنيا بدين وحنا غفلنا بين مالذ وطاب .. .. والنصر سيف ما يسله غافلين نصبح على شوف انتهاكات وخراب .. .. ونمسي على دمع وتنهات ونين بصدورنا شي تذوب اله الهضاب .. .. وأفعالنا والواقع رياح .. وطحين وعلى العيون من الفتن مثل الضباب .. .. معد درينا من يسار ومن يمين ما للضيف الا الدعا لو ما يجاب .. .. ما غيره الا الشوف مكتوف اليدين يالله زلزل تحت الأعداء التراب .. .. والطف بنا واحقن دماء المسلمين ندعوك يا قادر على جعل السحاب .. .. جيش لنصرة قلة مستضعفين أغرقهم بنوع من أنواع العقاب .. .. غرق الغلام اللي يحسب انه فطين لوما عصى نوح نجا به في رحاب .. .. سفينته وأمضى معه في العمر حين لكنه اختار الخساره والذهاب .. .. اصنع بهم صنعك به وانت المتين والا اخذهم يا مجري سود الحقاب .. .. أخذ العجوز اللي بقت في الغابرين ذوقهم اللهم أنواع العذاب .. .. اللي عثوا في أرضك أمن المفسدين وألطف بمن لبسوا من التقوى ثياب .. .. عبادك المستهدفين المتقين تكالبت عليهم أنياب الذئاب .. .. ولا غير عونك يا معين الصابرين من بينهم شيبه يعجزون الشباب .. .. من وقفته من طولها في الركعتين ومن بينهم بنت تون بلا حجاب .. .. أحجابها لفوا به الجرح المكين وطفل عن عيون أمه الثنتين غاب .. .. تبكيه عين وتلتفت لأخيه عين من هول ما يجري لهم شاب الغراب .. .. يا وسع حلمك وانت ما فوقك مدين أدعيك وانت ادرى بحال أهل المصاب .. .. وأمد كفي لك يا أكرم الأكرمين التوقيع:

09-04-2011, 07:44 PM	#10
إستٍـثـنـَــآئـﮯ قناص جديد	رد: ديوان الشاعر محمد بن فطيس المري قصيدة عقبال مية عام... عقبال ياماخذ فؤادي مية عام .. .. ضيعتني منك وانا ما اهتديتك لا ..ما نسيتك كيف بانساك ما دام .. .. ذكرى الفراق تهزني لو نسيتك حبك قدر وانا على دين الاسلام .. .. مكتوب في وجه الجبين ورضيتك لك في الضمير الود والحشمه اتوام .. .. ولي في ضميرك مثل ما انا بغيتك ولك منزل في نايف القلب وخيام .. .. وذود الغلا ترعاه ولا شكيتك يفطر عليك القلب وان فارقك صام .. .. والله لونك شوك سدره كليتك القلب طيرٍ لادعي للهوى حام .. .. والا انت وكره من كثر ماهويتك كن العيون من النظر عقبك ايتام .. .. وكني ماريت الا انت من يوم ريتك وكنك معي وانا فقدتك من اعوام .. .. مع الخيال القاك كني لقيتك من صعب وصلك ما تهنيتك احلام .. .. وان جابتك فزيت شوق ومحيتك يعني وصالك صعب واهدافي اوهام .. .. يعني زرعتك للقدر ماجنيتك صبرك يقولون العرب كل الايام .. .. يوم عليك ويوم لاجاك جيتك ويا قلب ياللي ورثك اجروح وآلام .. .. بليتني ماهو بانا اللي بليتك ولعتني من عادني في الهوى خام .. .. واسرفت بي وانا خطامك عطيتك طعتك وزبدة طاعتك هم وهيام .. .. مالله كتب لي واستخرت وعصيتك لوللقلوب اسواق بايع وسوام .. .. لابدلك وان جيتني ماشريتك والا انت ياللي جيش عينيك مقدام .. .. لا اقنعت منك والرجا مارجيتك كني سجين بين..افراج ..واعدام .. .. وكنك سجن وانا بنفسي بنيتك تنبيك عن حالي محاصيل الالهام .. .. وتخبرك نظراتي نهار التقيتك عقب الوصال اللي على عين من لام .. .. قدهو يكفيني عن الوصل صيتك وقدني الى مريت بالشارع العام .. .. لديت من ما في الضمير ودعيتك ادري ان صوتي ماقطع عشرة اقدام .. .. وادري بي اعود الى من نصيتك ياشينها يامحنيٍ راس الابهام .. .. ماقدر على شوفك وانا عند بيتك الاعمار ما تضمن وانا اخاف الاحكام .. .. ارثيك خاف اودعك ما رثيتك التوقيع:

09-04-2011, 07:45 PM	#11
إستٍـثـنـَــآئـﮯ قناص جديد	رد: ديوان الشاعر محمد بن فطيس المري قصيدة ودي بك وابيك واباك وابغاك .. ودي بك .. وابيك واباك وابغاك .... جمعتها لرضاك واختار فيها شف ويش منها يتبع احكاك ورضاك .... واللي لك اسقي مسمعك لا ضميها غديت افراحكاي واساير احكاك .... وانا تشرف لكنتي واهتويها مضمونها ودي بشوفتك واهواك .... ياللي دروب اهل الردى ما تجيها صانك ولي امرك وحبك وداراك .... لاقدر ردع الحظوظ ومجيها نفسك مهذبها وعز الله رباك .... مايدري ان جيش الهيام يغزيها والله قسم يبلاك بي وانت يبلاك .... باللي سواتي في العرب يرتجيها محبة ذربه من القلب تكساك .... محبة صدق الهوى يكتسيها يامرك قلبك بالوفا لي وتنهاك .... ناس على لاماك تفرك يديها رزين عقل ومن مزايا مزاياك .... نفسك تحب وعفتك تمتطيها وتطيع عقل ما بعد زل واغواك .... مشاعرك تعصاه وانت تعصيها ماشفت منك الا عيونك ويمناك .... محبة راع الردى ما يبيها يقبض فوادي لا تخيلت فرقاك .... ياشف عين ما سواك يعنيها وياعزوة اخوانك ومطلب هذولاك .... ناس محبة والدك تدعيها ناس تخدم ابيك كله لعيناك .... وهو يحسب ان الله عليه يهديها ياجعلها تفدى على الارض ماطاك .... والله بمن هو مثلها يبتليها لكن لعب في ياوليفي تغلاك .... ونفسي غلاك من الصدود يحديها تبطي علي وانا هنا واتحراك .... وكبدي لواهيب الصبر تشتويها اجمع علومك امن هناك وهناك .... والله لو انها تنشرى لا اشتريها وعذرك انا لاهي يا ويش اللي الهاك .... لاهي ومرمنت لاهي تليها كانك مشكك في الوفا والغلا هاك .... جوالي اقر القائمه كل ابيها رقمك مع الصادر ولا وارد اسواك .... والناس في اللي لم يرد عليها واياك واياني...واياني اياك .... من غيبة من دون عذر يحميها قصيدة في شاعر المليون للشعر مضمار ... في شاعر المليون للشعر مضمار والسابقة في الشوط تظهر بيدها امضمرين أبكار الأفكار شعار وكلن يحضربكرته في وعدها واللي تردت لا يدور لها أعذار معذورة ما دام قد ذا جهدها واللي تعوص وتضرب الحاجز يسار تشل ف الدنة وترجع بلدها وأنا ذلولي بنت صوغان الأشعار من حبها عندي تفحم وحدها إن جاره الله من تصاريف الأقدار جاتك وجاك الجيش كله بعدها الله عليها من مقاريد الأنظار وصلت تحست ما غشاها زبدها وتلقوفها بالعلم رمز وإشعار وصفق لها منهو بعينه شهدها ومن روبها أول ما تنصخ تمطار ياللي تزعفرها من الطاس زدها شبهت بالهجن الأصيلات الأشعار وقصيدتي تراث أهلنا مددها أعتزبه وأقبله إجلال وإكبار واحة شرف يا سعد منهو وردها أغلبنا في موجب الضيف والجار يحلب لبنها قبل يذبح ولدها وتراثنا من دونه نبيع الأعمار وبأفعالنا روس المعالي صعدها واليوم ضاق الجو من كثر الأقمار تبث حقد لي لحقده رفدها غزا الشعر قبل أمس غازين الأفكار قومن على الساحة دفعها حقدها تلفقوا ثم جاؤوا من كل الأقطار هذا يصبحها والآخر هجدها هذا يحرف في الأسف سر وإجهار وهذاك يذبح موهبة في مهدها وقفوا علم للشعر في وقت الأسحار غاروا على الساحة وعروا جسدها وصاحت بعد ما شافت سترها طار وقف ولد زايد محمد ساعدها قال أبشري بالستر وبردة الثار وأضفى عليها سترها ما نشدها واستل سيف في المواجيب بتار واطلب وردن في العلا من فقدها على خطى زايد خطاويه ما بار والحاجة اللي في خياله وجدها أغنى العرب من شوف أكاديمي ستار ومن شوف أمر من السخافات وأدهى شفت الشعر بستان وأبوابه أزهار وقطفت ما يسقي المشاعر شهدها قطفتها من ديرة تنبت أحرار من دار بو مشعل ذراي وسندها التوقيع:

09-04-2011, 07:46 PM	#12
إستٍـثـنـَــآئـﮯ قناص جديد	رد: ديوان الشاعر محمد بن فطيس المري قصيدة عطيتني وجهك وانا جيت كلي... ماهو بكيفك عقب شي حصلي من ذوق المحتاج يصبر الى احرجه خليتني من حلو حاليك احلي واصبحت مدمن حب والقلب روجه بين العروق وصار مافيه ملي الا وله جره تمره وتسهجه وذود الغلا في عشب قلبي تفلي وتراب صدري للمطر منك ما احوجه يمحل الى صديت ويموت يا اللي صديت عنه والله احياه واخرجه ولي خاطر يسألك من لي ياخلي غيبتك تلعب به وشوفتك تبهجه ولي عين حالي دمعها لك يهلي وان رحت راحت مالح الدمع تزعجه غالي ولا يحتاج بسك تغلي غلاك اخذ قلبي وروضه واسرجه ولو قلت ياعيني بصدره تملي شافت خفوق حبك الذرب توجه وماهو على كيفك عقب ما حصلي من ذوق المحتاج يصبر الى ازعجه عطيتني وجهك وانا جيت كلي محروم والمحروم ما ينعطا وجه قصيدة في كفها خاتم وفي خدها خال ... في كفها خاتم وفي خدها خال وفي عينها غيم وعمارات وبيوت الخال شفته واضح من ورى الشال والخاتم الماس مرصع بياقوت والعمر في العشرين كني مانيب زال والجسم كنه من جبل ثلج منحوت جبل ولكن لا طرقه الهوى مال وخطواتها ماهي بالأمتار بالفوت ماهي تشوف الشمس من ظل الاظلال ومصيافها ما بين لندن وبيروت الشمس لو تشرق على جسمها سال كنها مجسم محلبيه وبسكوت ومن صغر مبسمها شقى حالها الحال ما تاكل الا اللوز والخوخ والتوت ماهي تشوف الناس تمشي وتختال ومر على جاكور ومر على حوت وخدامتين وهي بلا زوج وعيال وسمعتها تدعي الدريول يياقوت وثلاث جوالات ماهو جوال ومن يوم خلقت كل شي بريموت لكن قلبي مالها فيه مثقال وش قرب البشت الحساوي من الكوت ياجعلها للي خذت قلبي نعال اللي غلاها عندي الشرب والقوت حورية من فوقها الليل شلال كنها صبح فوقها الليل مكتوت قلبي لها من كثرة الشوق مشخال وللسر عن كل المخاليق تابوت تنحت لي من الحب في القلب تمثال وحبي لها ينحت على الساحه بيوت في عينها ماكل رجال رجال وأقصى حدود الوصل في سلمها الصوت زود على القلب وعلى الحسن من آل روس لهم روس على متونها بشوت الى رضت موتوا يا أهل روس الأموال وإلى زعلت جربت وش سكرة الموت من دونها رجلي وراكب وخيال والسيف والأمواج والبحر والحوت التوقيع:

09-04-2011, 07:48 PM	#13
إستٍـثـنـَــآئـﮯ قناص جديد	رد: ديوان الشاعر محمد بن فطيس المري قصيدة بعض العرب ... بعض العرب حبة يوردك الجنون ولا يوصف لة غلاة احكاك لة ما يقنعة وصف الغلا وش يكون لو كل حرف بالحرير يحاك لة الموت جاك وهو تقبلة الظنون ولا لك الا الصبر ....وش وداك لة ان قلت ضاق ..قال..هونها تهون مايدري ان ضيقتك لة ..وبكاك لة تقعد تحبة وانت ساكت ومغبون يمكن بيوم يقال لة ما اوفاك لة وكانك مشكك هو يمون ..او ما يمون تخيل ان عفت الصبر فرقاك لة غلاة من فوق الغلا ماهوبدون وحكاة سمعك يجبرك بارخاك لة ودك تحطة فالعيون من العيون وتبسط على رمضى الثرا يمناك لة وتظلة من الشمس في ظل الجفون ولا يمر اذنة سوا لباك لة وتسج من غيرة لونهم يذكرون ومنين ما سجت القدم ممشاك لة فلو يميلة الترف ميل الغصون غصن ليان ومكرمة بسقاك لة جديلة الى اقفي ستر منة المتون كني بريحة لا لتفت لدعاك لة يزها الملابس ..اي لبس..واي لون وفالليل وجهة لا ظهر قداك لة كيك وعسل لكن ما هو في صحون ودعاك من عين الحسود اغطاك لة اللة لا يعطية ناس س ينضلون ويستر علية من النحل لا ياكلة والوصف والتعبير في وصفة يخون غير اطلب الله يستجيب ادعاك لة وهذال قلبك في محبتة يجسون سكينهم عن قطع حبلة حاكلة اللي من لحوم الاوادم ياكلون وحلوقهم دافع البلا متواكلة ناس عن اعراض العرب ما يعرضون ودايم على نفس الشكل والشاكلة في سلمهم او لا بالاكل الاقربون واطيبهم اللي صيدتة شكواك لة يدعيهم الشيطان للذيب ويجون هذا يقطع لة وذاك يواكلة من جاك منهم لا تبين لة سنون واضرب يمينة لا بغى يسراك لة يا جعلهم فدوة ثر الغض الفتون اللي على درب الطويل اخطاك لة طيفة الى نام البشر زادك بهون وطيفك الى نام البشر سراك لة حبة دفان ومقبرة خضر الطعون بين العظام العوج كنك ناكلة فلو غلاة يوردك حوض الجنون ولا يوصف لة غلاة احكاك قصيدة ياهل العقول الواعية ... ياهل العقول الواعيه والرشيده المنكر الي عمنا يبغي انكار // اسلامنا واسلوم اهلنا التليده بنو مابين الحق والباطل جدار // واوطانا صرخة تطور تشيده في مايخدم المجتمع علم واعمار // وبعض الفضائيات تبغي تبيده وتنشر مابين اجيالنا الخزي والعار // حرب الجيوش اهون شهيد وشهيده بس المصيبه والبلا حرب الاقمار // قتيلها جيل وعقول وعقيده وموت العقول اشد من قصف الاعمار // بعض البرامج للمتابع مكيده واحبالها يقع بها اصغار واكبار // قناة ساحر حط فيها بريده يقول راسلني واعلمك وش صار // وقناة رقص ونقص والي يزيده شات كلامه يجرح اعراض الاحرار // وقناة دز اسمك سعيد وسعيده واصبر وشوف للحب نسبة ومعيار // وقناة تجمع كل جنس وضديده بين اربعة جدران من كل الاقطار // وتابع تفاصيل الحياة الرغيده حتى إذا ناموا وقاموا للإفطار // واسهر وشجع يمكن الي تريده يفوز ويسمونه العالم استار // راحوا ضحاياها فئات عديده ومع ضياع الوقت تسمم افكار // وراعي القناة اهم حاجه رصيده لا لامته نفسه ولاخاف من نار // وترى الفضائيات فيها المفيده ماننكر انها في الدجى مثل الانوار // قناة دين علم واشياء حميده تاريخ واشعار وثقافات واخبار // بإسم الضمير اقولها في قصيده يكفي خراب بيوت وافكار وديار التوقيع:

09-04-2011, 07:49 PM	#14
إستٍـثـنـَــآئـﮯ قناص جديد	رد: ديوان الشاعر محمد بن فطيس المري قصيدة ياقو قلبك على الصده وياصبرك ... ياقو قلبك على الصده ويا صبرك وياوسع صدري على صدك ويا صبري وياطول عمرك بذاكرتي وياكبرك وياشيب عيني بشيب عاد ذا كبري والله لون حمل صبري فوقك ان تبرك والله ولو تعتذر منت بعلى خبري ان ما جبرك الغلا ما اقدر على جبرك ياللي على ارض الوفا ما شبرك بشبري تزعل وترجع وتلقاني على خبرك وانا انكسر لك واجيك ادور لجبري طيفك وذكراك طيلة غيبتك سبرك وشوقي لشوفتك طيلة غيبتك سبري امحق وليف ومحبه والا اقول ابرك حسبي عليك اعشقك وانت اتحفر قبري قصيدة لا ضاقت الدنيا عليك وتشاويت ... لا ضاقت الدنيا عليك وتشاويت خلق الله اللي فالرخا كان واجد ومن العرب والصوت والثوب مليت وقامت عليك هموم بأقعا تراجد فارفع يديك لخالقك لا توضيت وادعو تراك أقرب إليا صرت ساجد وقت من أوقاتك للأوقات توقيت وسجل لنفسك في المساجد تواجد وأبشر بفزعة حامي الدين والبيت إليا هجدك من الهواجيس هاجد اللي يميت الحي ثم يحيي الميت لرضاه شف كثر البشر بالمساجد التوقيع:

09-04-2011, 07:50 PM	#15
إستٍـثـنـَــآئـﮯ قناص جديد	رد: ديوان الشاعر محمد بن فطيس المري قصيدة يوم الزايين ... من لابتي مره الى جدي افطيس ربعي مطوعة الصعب بالصمايل ناموس ياللي تكسبون النواميس ياهل العلوم الغانمه والجمايل اهل السموت وفي الملاقا فواعيس يقطعك ياهرج بليا دلايل انتو خيارين على الخيل فريس اسم ينومس بين كل القبايل يامقلطين شذرة السيف والكيس قد قالها ابن حميد ضمن المثايل منصا الرجال اللي على ضمر العيس وفالحرب نطاحة شبا كل عايل هواجر لاجات قدهي مقاويس ركب الضيوف امن السرا والقوايل تنصا رباع امتعبين المحاميس مروين حد المرهفات الصقايل يردون غصبا والعزاوي متاريس لاجا نهار فيه عدل ومايل وامسيسين اسياسة الفوز تسييس باللبل وبالهجن السباق الاصايل تفوز في يوم المزاين وفالريس من كل منعوته تسمى وحايل ولو حصل للبل من الناس تفليس يكفيكم انك فالعرب من لاوايل تلبس من العناب زين الملابيس يوم المزاين مع ارجال الحمايل يزها بها لون العلم تتبع افنيس ابل لها عادات كسب النفايل ومدحي لبو زايد محمد بلا قيس مدح لو يقارن بفعله قلايل الله يمهل به ويخزي لاباليس وايدوم ذكره فوق كل الطوايل قصيدة سولفوا تكفون لا عاد تسكتون ... سولفوا تكفون لا عاد تسكتون قبل لا أهوجس وياتيني بلاي السكات يزود طعوني طعون وتنكسر لا جا على راسي عصاي سولفوا لو ما بغيتوا اتسولفون قبل لا اقعد في الحزن رايح وجاي واضحكوا لو بالعماله تضحكون وجاملوني لو يضايقكم حكاي لي وليف راح جعله ما يهون هو دواي وداي أو داي ودواي راح لكن طيف زوله في العيون مرة قدامي ومرة وراي وإن سكتوا جا وهو طيفه يمون رحت أهوجس له وأبين له ولاي مكسب عيوني من الفرقا مزون تمطر لطاريه والبرق أصدقاي كل ما طروه لو هم يمزحون احرموني من غداي ومن عشاي أدري إنه ما تناسى الود كون تسمع إذنه في قفاي اللسن عداي وكانهم قالوا نسيته يكذبون وإلا أنا فيه أمتلك نظرة وراي كان حبه لي على خبري مصون والله ان كني بقدري وبغلاي ذي بقايا الحب وأطلال الجنون والله أعلم في ضميره وش بقاي غير طيعوني ولا عاد تسكتون ولا والله إن أسمعكم بكاي التوقيع: