|
رد: ديوان الشاعر محمد بن فطيس المري
قصيدة اقول لها ... اقول لها وقد طارت شعاعا .. .. من الشعار ويحكي لا تراعي ترى اللي كاتبه ربي بياتي .. .. ولو ما أسعى للحظي جاش ساعي عليك الصبر والباقي على الله .. .. وعلى التصويت ما للخوف داعي تحزمت بقصيدي والقبايل .. .. وجا شعري على الدفع الرباعي أنا في مركب الشعر الحقيقي .. .. وجمهور الشعر حسبة شراعي امامي لجنه كفو باهلها .. .. وعلى الشاشات لي جمهور واعي وما دام ان ديرتي دار التميمي .. .. فأنا ما ظنتي يحجب شعاعي تربينا على حب الطليعة .. .. وندعس للوطن روس الأفاعي نعيش لرفعته ونعيش لأجله .. .. ونموت لعزته موت جماعي قطر داري ودار ابن الفجاءة .. .. بلاد نبتها سيف ويراعي ظهر ابن الفجاءة في زمانه .. .. وأنا ابن فطيس تظهرني ذراعي قصيدة غاسل كفي ... غاسل كفي من مصافحة بعض اليدين .. .. وقافل بوجيه أهلها صناديق البريد أشهد اني للبلاوي على الدنيا مدين .. .. كل ما راجعت نفسي طلعت المستفيد المواقف تشخل الناس والطيب يبين .. .. كل عام يطيح تسعه ويصفى لي وحيد |
رد: ديوان الشاعر محمد بن فطيس المري
قصيدة الا يا وجودي ... ألا يا وجودي وجد من فاجأه ديان .. .. برغم اعتزال الناس من كثرة اديونه بعد ما فضى جيبه وكفه وحاله شان .. .. تناسوه ربعه كنهم ما يعرفونه تناسوا مواقيفه ولا كن شي كان .. ..على غير ما ترضى الكرامه يحدونه وهو كان منقع طيب منهل وفا واحسان .. .. فلاشك عوان الزمان ايتحدونه رفع كفه الخالي الي الخالق الرحمن .. ..عقب ما تصافوا كلهم ظلم من دونه قصيدة البايع الشاري ... البايع الشاري مع الناس مقبول .. .. بيع وشرا عادي.. قبول وتراضي الى اجتمع مرهي وشاعر ومخبول؟؟ .. خلطة ادب فاشل تثير امتعاضي تشرى الذمم واتباع بالعرض والطول .. .. والكل ينظرها بعينه وراضي المال خلا غير معقول؟؟ معقول!! .. ما ألوم نجم الاغنيه قام ياضي ياللأسف.. ما كل منقول مقبول .. .. ثوب مشجر جنب ثوب ابياضي |
رد: ديوان الشاعر محمد بن فطيس المري
قصيدة قد عطيتك ... قد عطيتك وانت ماضنك لئيم .. .. والنصيحه لليالي تذكره لاتحرك جرحي الماضي الاليم .. .. ولاتحسب ان طول بعدك طهره كل جرح يهون يالجرح القديم .. .. وكل شي قد مضا معك اذكره جرحي وذكراك والليل البهيم .. .. حزت فوادي بمثل المنشره العذول غراب وانا اكبر غشيم .. .. والجروح الماء وطاريك حجره والزمان اكرم من الحظ الكريم .. .. لانفتح لي باب صوبك سكره وحبك اللي لاطرى لي رحت اهيم .. .. قمت احسب اصغر كلامك واكبره ليتني عاد الهوا توه فطيم .. .. انعذلت لعاذلي بس خيره مالقيت من الوفاء ياول نديم .. .. كون صدق الحزن وجهه وظهره عقب رمح الشوق في وجه الصميم .. .. سيف هجرك في قفاه وشف ثره وانت شكلك تحسبني في نعيم .. .. لني اخبي صوابي واستره لايغرك حلم رجال حليم .. .. مهون اللي من سكوته فجره ولاتحسب الجفن من دمعه عقيم .. .. يستحي منك والى اقفيت انثره ولايغرك وان بدا جسمي سليم .. .. والله ان جسمي سوار المقبره والله ان امر من ضحك الغريم .. .. شوف حقي بين اياديه اشكره والله ان احر من دمع اليتيم .. .. دمعة الرجال من فرقا مره قصيدة في غيبتك ... في غيبتك ما ألد منا ومنا .. .. ذكراك تملى وحشتك في غيابك بالوقت في شوفة حلاك اتهنا .. .. في وقفتك في مشيتك في ثيابك لاجل العيون الناعسات اتغنا .. .. الله يخلي لي غلاك وشبابك البوح لك في شوفتك ما تسنا .. .. مثل الكفوف الى شغلها التشابك نسيت نفسي بين خنه وحنا .. .. بين العيون وبين صافي عذابك |
رد: ديوان الشاعر محمد بن فطيس المري
قصيدة يسعد صباح الشنب ياشيخ نصر الله ... يسعد صباح الشنب يا شيخ نصر اللّه يسعد مساء هيبتك ياسيد الشيعه يسعد مساء هيبتك في الحرب والملّه يسعد مساء ديرتك لبنان والضيعه رجولتك والفراسة تخجّل الشلّه ياشيخ برّاك الأقصى من هل البيعه اللي بصدري تقوله دوم وتدلّه كنك تترجم شعور الناس وتذيعه ردائك اظهر عيوب البشت والخلّه والثوب لا انشق مازيّنه ترقيعه على هل البشت سارت تضرب الذلّه ياشدّة القبح لاصرّح جرابيعه علمهم انك قضيت من العمر جلّه مامت والموت في ديرتك تقليعه بالأمن ربي سلبهم هيبة الطلّه وأنت أسفل القصف والدنيا لك مطيعه لانامت عيون من يقضي العمر كلّه بالذلّ يشري عدوه فيه ويبيعه بأرواحنا ترتفع مناصب الثلّه والدم يسقي ثرانا من ينابيعه ما ارتحت والقدس مسلوبه ومحتله باسمك يبيع العدو غالي مشاريعه علّمتهم بالصبر ومثابر القلّه وأسقيت صهيون من كاسات ترويعه علمتهم طعم فرقى الخل عن خلّه والحزن فينا وفيهم عدت توزيعه ما انت بزعيم ولكن صوبك الدلّه فنجالها لك يعدّى الفاشل وريعه شعر تشرف بمدح الشيخ في حلّه يقسى على البعض وأنا قلت باطيعه ما كبّر الذل سكنى القصر والفلّه اما انت كبّرت حتى كلمة (( الضيعه ))!!!! ؟ قصيدة شفني وانا مقفي على كثر مااغليك ... الله يجازي من يسوي سواتك وبذنوب من سوا سواتك يجازيك مشيت درب الثقل و تحب ذاتك ما تدري انه للمهالك يوديك وغرك جمالك يا خسارة حلاتك ما تدري إن ما غير طبعك يحليك بتقول زينك يشفع لسيئاتك الحسن ماهو عن وفا الحب يعفيك لو التواضع و الوفا من سماتك بعت الحبايب كلهم دين و اشريك لكن عجزت أغيرك يا جراتك على الغياب اللي بلا عذر ينجيك خطاي في توضيح وش هي غلاتك وخطاك في توضيح وشو تغليك وشلون توصيني و تنسى وصاتك و تصد عن صوتن تقطع يناديك ما فاتك التجريحوالعذر فاتك و تبغي رضاي الحينما عاد يمديك صحيح أحبك بس هذي جزاتك بعلمك درسن يفيدك و يحييك تدري وش أبيض من خفوقكعباتك وتدري وش اللي غرنينظرتي فيك أدري بتستغربتصبر و جاتك قصيدة من واحدن كان يبغيك و تبغي تناظر و انت عايش مماتك شف وحدتك و الناس تجلس حواليك وتبغي تشوف أشجع رجل في حياتك شفني وأنا مقفي على كثر ماغليك |
رد: ديوان الشاعر محمد بن فطيس المري
قصيدة الذيب كانه ذيب يدرع فالذياب... الذيب كانه ذيب يدرع فالذياب يخلي الخرفان للضبع العويق العام خذت البيرق وصدت العقاب يوم الرجال حلوقها من دون ريق أسرجت شعري والجماهير الزهاب وإسنادي بلاد ولد عم ورفيق وحولت فالوادي وهو دونه ضباب مدري ورى الوادي مطر ولا حريق كم فارس وده يحول غير هاب يستوحش الماخوذ لاشاف المضيق أقدمت والفرسان ترتاب وتهاب أجري الهياب وأجر الطريق ومثلت داري بالقصيد وبالجناب من الشمال إلى العديد إلى العريق ترابها بالحس ماحسه تراب وحزومها تسوى الزمرد والعقيق ومثلت راية من تلين إله الرقاب صليب راي وكفو وحجاجه طليق ممشاه للعليا ذهاب بلا إياب الشيخ ابو مشعل حمد علم دقيق ومثلت كل الشعب من شايب وشاب بدو وحضر تاريخنا عز عريق ومثلت ربع فالوغى مخلب وناب مرية تاريخنا ماهو لفيق حن مزبن اللي لايجار ولايثاب وحن فزعة اللي ذودهم راحت وثيق أقدامنا جبال وعمايمنا السحاب وأمجادنا تشبه سهيل إلها بريق ومثلت يام بكبرها والإنتساب إلى بني همدان نجم له شعيق الله خلقنا سيلا متونه هضاب كل السدود يحطها حب دقيق شاركت متوكل على منشي الحقاب وحزامي من الشعر والعدة يضيق وطرقت بيبان القواقي باب باب وقدمت ماشفتوا جميع إنه يليق وحشمت أذانيكم عن سقاط الخطاب ورقيت بأيديكم على قمة طويق وعدت داري بالفخر قبل الكتاب وفيت بأمر الله بالعهد الوثيق وسترت بأفعالي مزينة الخضاب وقهرت عدواني ونومست الرفيق ولطم بعيري شوط واحد للركاب يقوم راس وينتهي ماهو زريق ومن كف ابو خالد تسلمت النصاب من كف من عينه على القمة تويق شيخ يروم المجد ويروم الصعاب خلى الشعر من نومة الغفلة يفيق واليوم لاوالله شفت القاف شاب صار الشعر كورة وكل له فر يق وضاع الهدد بين الحديا والغراب وضاع الصهيل مكرمين من النهيق إلا الرجال اللي قصايدهم عذاب اللي لها معنى بها حس رقيق لاتشعل الفتنة ولاتطرد سراب ولايرقع مانقصها بالزعيق بس العرب ماعاد تدري بالصواب ماميزوا ويش الزفير من الشهيق من جاب ضيعة قيل شوفوا ويش جاب انا اشهد انه جاب له معنى عميق الذيب كانه ذيب يدرع فالذياب يخلي الخرفان للضبع العويق ماجيت انافس جيت دعما للشباب وفوزي دمه عاده على القمة يريق تم بحمد لله ,, وكل ما هو جديد بنزله هنا وسامحوني على القصووور ... |
| الساعة الآن 05:43 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0