..

السلام عليكم ورحمة الله وبركاته

أسعد الله أوقاتكم بكل خير





من فينا مايعرف الجن ؟

الموضوع هذا راح يكون مرعب وأرجوا من أصحاب القلوب الضعيفة عدم القراءة


هنا نكتب سوالفنا معاهم

او بمعنى آخر موافقنا مع الجن
يعني واحد طلع له جني الخ


بذكر لكم سالفة قالها واحد من الشباب يقول إنها صارت لواحد من أقاربه


تخيلوا الموقف ..

جالس بغرفتـــه وبأمـــان اللــه يقول وما كان احد حوله لحاله بغرفتــه

وكــان بــاب الغرفــة مردود يعني شبه مسكر .. حلو ..

وكان يقول سريره قدام باب غرفته بالضبط .. وهو كان على سريره وحاضن لاب توبه ..

وحاط السماعات وعلى المنتديات ويتسمع الأغاني ..

قال فجــأه بــاب الغــرفه ينفتــح على خفيف .. قال حسبته واحد من البزارين يستهبل ..

وهو ينفتح .. تبين كشه صفراء .. شقرا يعني بس كشه منفوشه ..

وتدخــل عليــه وحــده ماعليهـا شي أبـدآ .. وصدرهـا جاي ثلاث ادوار عن الطبيعي

والكــشه مغطيه وجهها .. والجسم كله كنها طالعه من طيـن زي كذا ..

هو قال لحظتها طبعا جاه صدمه داخليه هزت جسمه كامل لدرجة يبي يصايح ماقدر ..

يبي يتحرك ماقدر .. و هي تمشي تقرب منه بشويش ..

قال حسيت بالضبط نفس طريقة الجاثوم .. بس مو حلم حقيقة ..

قال تقرب تقرب والمسكين شوي يموت من الخوف ..

يوم مابقى شي بينهم .. قال سبحان الله الا واخوي جاييني .. دخل اخوي ..

ويسالنــي سلامــات وش السالفة بعد ما شاف وجهي قالب قوس قزح .. قال انا أون مقدر اتكلم .. واستغربت انه ماشافها ..

طلع اخوه مايشوفها .. وهو يقرب من اخوه بعد ماشاف الزبد طالع من فمـه على خفيف ..

قال هنا اختفــت الحرمه .. واخوه يضرب على راسه بخفيف ولا نطق بكلمه باقي مصدوم ..

يحاولون معه يولد شفيك ماقدر ينطق بحرف وساكت ..

ودوه مستشفى نفسي وبعد حول السنة قال السالفه ومازال مفهي مسكين واثرت على حياته كلها ..


/





وهذا موقف صار لشخص أعرفه ونقلته لكم بلـسانه



هي يوم كنـت بالديـرة طبعــا مــع عمامــي

وعمــامي من عشـاق سوالـف الجـن وما الجـن

كان عندنــا ملعــب نتجمـع فيـه يوميـا وخـذ من هاللعــب

وحنـا مو ذيك المجموعــه بس تقريبا خمسـه وهمنا الوناسه

جا يوم خلصنــا من اللعب بـدري قبـل صلاة المغـرب بشوي

ومسكـت معنـا نحـذف الطيـور .. ونطاردهـا ونشوف وين متجمـعه

عاد حزة المغرب بالشجر تلقاها احزاب ..

وخذتنـا الفلــه ورحنـا داخــل بمقطعـه على خفيف ..

وشفنـا شجرة كنهـا غريبـه لحالهـا ..

ماصدقنـا طبعـا .. وخذ ياحذف وتنتيـف ..

المهمـ إنـا طلعنـا إلي بروسنــا .. ورجعنـا البيــت ..

وفليناهــا بالليل .. وحسيـنا واحد من عمامي مو على بعضـه ..

بس ما اهتمينـا .. ويوم جات الساعـه والله مذكر بس اخر الليل ..

قــام عمــي يشـرب مويـه من المطبـخ في بيت جدي هالكلام ..

وسمعنــا فجـأة صوت ضربة ماندري وش السالفـه ..

قمنـا كلنـا نتراكـض .. ما شفنـا الا اخونا في الله منتكس ..

منسدح على الارض مثل المغـوم .. حاولنا نصحيـه .. أبدا مافيه فايده ..

يفتح على خفيف مثل الدايخ .. اخذ نـص ساعــه .. وفتـح عينـه بقـوة ..

واللــه الي كان عند راسـه إنه فـز فزه موب صاحيـه .. وعمي قـام يخربط بالكلام

يقول كلام غريب .. عرفنـا حزتهـا إنه مسكون من واحد من الربع ..

على طول نادينـا شيخ .. واخذ يقرى وطول معه .. لين مارجعت حالته وبدى ينطق الجني ..

لانه الجني ماينطق الا اذا حشرته بالاذكـار والايات .. يساله الشيـخ وش تبي انت ومن هالكلام ..

قال ابي اخذ حقـي منهم .. قال الشيخ منهم هذولا .. يقول منهم .. مارد عليـه الجني وسكت ..

هو قالهـا ولا ما قالها .. واللـه العظيـم جانـي انهيـار بصمامات القلب .. اول مرة اخاف من قلب ..

قال ابي اخذ حقي منهم ما قال منـه .. يعني ناوينـا الرجـال ..

وحنـا نعلـم الشيخ بالسالفـه كلهـا ..

وبعدهـا بكـم يوم وباقي الجنـي بعمـي ..

كنــت نايــم بغرفـة الضيـوف ومعــي واحد من اخوانــي ينام بالغرفة بس ماكان فيه ..

ونايمين على الارض .. المهم وانا نايـم كذا مثل الي ببدا افقد وعيي بالنوم

الا وواحد فتح الباب .. ما اهتميـت لان اخوي برى وتوقعت انه هو ..

حزتها طار النوم لاني انا ادنى دقه افز .. هالكلام وانا ووجهي يـم الجدار ..

أنتـظر طقـه الباب عشان يتسكر بس ماتسكر .. انا هنا شكيـت ..

وفي نفس الوقـت السالفـه حقت عمـي ماتخليني اجازف واناظـر ..

المهم إني قررت اناظر .. والف براسي ..

واشوف عمي واقف عند الباب وقفة مثل العصـا ويخز بعينه كنه ابليس وساكت ..

والله من ردة الفعل والخوف قلت ( سلامات ) مادريت وش اقول ..

ما رد وواقف ويناظر !!

وانا هنا قمت اصايح ياعيـال ياعيـال .. وهو باقي ساكت ويبحرني .. ويجي اخوي هو وعمي الثاني

ويمسكونه وراح معهم بهدوء بدون مايقاوم .. وبعدها سلكت الامور بخير ..

السالفـه طولـت واللـه مع عمـي .. وطلـع الجني بعد جهد جهيـد ..

بس باقي الخوف فيني وفي باقي العيـال ماراح ..

طبعـا شهرين حولهـا من سالفـة عمي وانا ما اروح مكـان إلا ومعي احد ..

واقرى الاذكـار بكل لحظة .. حتى لا جيت العب بلايستيشن أسمـي بالله ..

هالكـلام كلـه من متى .. من ثلاث سنين تقريبـا ..


حاليـا نسيـت ومـر الموضوع ..



وجـات عطلـة الصيـف إلي فاتت ..

واهـلي سافـروا فتـرة بسيطـه وانا لحالـي بالبيـت ..

طبعـا الحمدلله مافي خوف خلاص وناسي السالفـه ..

وجيت يوم اطلـع العـب كورة العصـر وطولت مع العيـال ليـن صلاة العشـاء ..

ورجعـت البيت تعبـان ..

وادخـل البيـت وبغير قصد ناظرت فوق شفت راس اسود يناظر مثل الظل بس ..

انا هنـا قلت بدينـا .. نزلت راسي وتوقعتهـا اوهـام ..

رحـت داخـل البيت مدري كيف جاني قوة قلب .. واطلع لدور الثاني ..

واخذ ملابسي وادخل الحمام عزكــمـ اللـه عشان اتروش ..

وانا اتروش ولحـظة الصابون على عيني .. حسيـت براس جمبي ..

حسيت بشي قريب مني جالس يقزني .. احاول افتح وخايف ..

والله موقف لا احسد عليـه ..

هاللحظة تذكرت كل شي السالفه حقت عمي والراس الي يناظر مدري الظل وتلخبـطت الامور ..

شوي واصيح من الخوف رحت الف راسي صوب المويه واغسل عيوني بس مافتحت ..

وختمت القران في نفسي من الخوف .. وابدا افتـح وماشفت شي طبعـا ..

رحـت على طول للغرفـة تعبــآآآآن واحــط راســي واغطـي نفسـي بالبطانيـة وطقهـا نومــة ..

والله العظيـم إنـي تحلمـت بنفـس الليـة بواحد يكلمنــي في الحلـم .. طبعا في نص الكوابيس

يقول ( ترانـي كنـت ناويك انت بس اهلك محصنينك بالاذكـار ) ..

قمـت من النوم الظهر جانـي تبلـد من الخـوف ..

رحت واخذت اغراضي على طول بدون حتى ما افكـر ..

واسلك دربي للاستراحـه واكـب السالفـه للعيـال وقلت لهم والله ما اطب البيت لين يرجعـون اهلي

وواحد من العيـال قدر وضعي وصار ينام معـي بالاستراحـه ..

ليـن رجعـوا اهلـي وعلمتهـم بالسالفـه ..

والحمدلله إلى الان ماصار شي ..

وعلمـت شيخ قال حاول تذكر ربك وتحافظ على الصلاة وماراح يقربك شي ..



/

المواقف كثيرة وشيقة ,, هنـا اكتبوا مواقفكم مع الجن

موضوعك جدا يخوف ومرعب بس احب اسمع مثل كذا
اسمع عن الجن داائما بس ماعمري شفت بعيني
بس قبل شهر تقريبا كنا طالعين بالبر وكاان الجو مرره باارد وكنا مولعين ناار ونطبخ العشاا
كان الوقت بين المغرب والعشااء وانا اشووف ضوء من بعيد متجهلنا وانا على بالي وااحد رااكب دبااب واقول لامي والله هذا شكله مو شايفنا خلينا نبيين انو في احد وامي تقول معقوله ماايشوف النار المهم ولما قرب منا والله ولاه دبااب ماحد عليه ويقعد يفحط عندنا واحنا حالتنا حاله من الخوف وابوي يكبر بصووت عالي عرفنا انه الدبااب مسكوون اعوذبالله بس الحمدلله مع التكبير صقع باقرب شجره له وبعدها توبت مااجلس بالبر بالليل


ملاحظه: الجهة الي كنا قاعدين فيها معرووفه اعوذ بالله انها مسكونه بس ماصدقنا لين شفنا بعيونا

الله يكفينا الشر

الله يكفينا شررررهم

ويعطيك العاااافيه

الله يكفينا شررررهم ..

..

الله يكفينا شررررهم ..



يعطيكـ الف عاااافيه

يمه موضوعك يخوف
الله يبعدنا عنهم

االله والله مره يخوف الله يبعدنا عنهم يمه