عندي قضية نالت من البنات في الشوارع

على الأقل في فريجنا (حارتنا)<<


<<بنات حارتنا

=========


أتذكر قصيدة لنزار قباني ربما في معناها الحقيقي لا تمت

لقضيتي بصلة

لكن في معناها السطحي ..نعم..


يقول مطلعها :


في حارتنا ديك سادي سفاح..

ينتف ريش دجاج الحاره ..

كل صباح

ينقرهن

يطاردهن

و لا يتذكر أسماء الصيصان..!!

==========



هاجر ماشيه في أمان الله تمارس رياضة المشي مع خويتها في

طرقات الفريج الآمنه و الهادئه


<<لبى هاجر بس




و القمر فوق يناظرني بنظرات مدري بس كنها نظرات غيره




عاد مالكم بالقمر ..

لكم فيني




و تجي سياره فيها تمساح مدري وش ديانته تعطيني فول لايت

من ورى



و تمشي خفيف مره لين تعدي من عندي



و ممكن ينزل الدريشه و يعطي كم كلمه أو كم رقم متبري من يلي

وراه ..!!

==========================



بعد شوي يتكرر الموقف تجي سياره ثانيه فيها تمساح نبيل

اول ما يلمح هجوره تمشي مع خويتها يطفي النور..

لين يعدي



لبى الذوق و الاخلاق بس


--------------------------------

نستنتج من هذا الحدث :



ان الولد الذي أول واحد مش كويس..

و الولد الثاني مؤدب و مررره كويس..



صح ؟



يعني على الأقل انا و خويتي نستنتج كذه
مدري عنكم ..؟


=============



بس والله انا اشوف انه سبب وجيه للزواج

يعني لو يتقدم واحد للزواج و يقولون للعروس ترى هذا يطفي نور

السياره لا شاف بنات يمشون بالشارع

المفروض توافق و هيه مغمضه

لو منها أوافق..

---------------------------------------



فيه أمور تدل على النزاهه و الأدب بكل مصداقيه و بدون زيف

زي الموقف فوق


==================


يعني يقولون بعد اذا تبي تسأل عن يلي تبي تخطبها

اسأل خدامتهم



قول لها فلانه كيفها معك؟




تهاوشك ؟




تقوم بدري؟





ههههههههههههه حبيت نومتها بقوة






تعرف تطبخ ؟





كم مره تسبح باليوم؟





ف البيت كيف شعرها ؟مرتب و الا كشه ؟؟




تساعد ماما و تسمع كلامها ؟





تحط مكياج اذا طلعت السوق




تحافظ ع الصلاه؟







و ربي بتجاوبه بكل مصداقيه الخدامه عادي صح

اصلا مفهيه و متدري ليه يسألها هو


و ما عندها اي سبب يخليها تكذب عليه بعد




و أكيد واحد زي هذا اذا كانت اجاابات الخادمه ايجابيه عن البنت

أكيد مليون بالميه بخطب البنت ذي..

صح ؟



والله انا اقول صح و مدري عنكم



=============





فيه مشهد حياتي آخر

يقرف و يقهر بعد




بعض هه التماسيح يسافرون برا

سوريا - لبنان -



و لا زادت فلوسهم وصلو تركيا




على حسب يعني




و يجون من هناك يحسبون انهم شافو الحور العين

و يقعدون سب و ذم في بنات الديره



اقول اعقل بس


شايف شكلك انت بالأول


قوم اطلع برا بس




أعوذ بالله و استغفر الله بعد






يعني تقارن بين وحده متعففه و متستره

و بين وحده أطول لبس عندها للردف..!!







تتوقع لو الللبس عندنا بالخليج مشخلع يعني عينك ما بتشوف حلوات فيهم


أكيد ..طبعاً




لكن الدين أهم من ارضاء عينك انت و اياه

و اياه

و انت يلي ورى هناك<<مسويه تشوفكم







واحد من يلي مو شايفين خير كلش

لما رجع من هذه البلدان


كتب قصيدة اشتهرت يمدح و يعظم بجمال بناتهم و يذم و يشتم

بجمال بنت ديرته

و كان للقصيده ردود من نبلاء الرجال اشتهرت ايضاً

============



قال في قصيدته اللي مو شايفه خير..



خذ من علومي علم أوصافه أوصاف .. جزل سمين يشتعل له سعيدة
الزين عقب المغربيات ينــــــــــــعاف ..غيد لهن بالزين ذكره و ســـيره
ياللي تنشد عن علوم الــــــذي طاف.. كل البحور وكل دوله وديـــــره
فيهن حلا طاغي ولين و تــــــــعطاف .. وفيهن حنان يشعل القلب غيره
حلوات وصف وفاهــــمات بالأعراف .. زيننات منطق صافيات السر يره
بنات قوم طيبهم غصــــــــــــب ينشاف .. اولاد مغربى باميره الليل العسيرة
ياللي تنشد عن علومي بالانصــــــاف .. هرجي يكفي صامله عن كثـــيره
الزين في لميا وتغريد و الطــــــــــاف .. ماهوب في حصه و كشره و منيره







و الرد الشافي كان بقلم المرحوم طلال الرشيد

يابن الحلال ان طعتني خل الاســـراف .. واترك جمال الغيد لاهل البصيــــره
الزين موبس في الملامح والاوصـــــاف .. الزين روح وعفه وطيب سيــــــــره
مانيب من يهوى سريا وانصـــــــــــــاف .. انا هواي وبس بنت الجزيــــــــــره
بنت الخليج اللي تماري بالاعــــــــراف .. وحنا نماري باسمها كل ديــــــــره
مالي غرام بقول وخا وبالـــــــــــــــزاف .. اذبحتني عند الطرحه المستديــره
احب قولة ياهلا وعل وماخــــــــــــلاف .. من بنت ثوبي بنت الارض النضيـره
اللي تحلاها الظبي حلو الاطــــــــراف .. جمال في عفه ورقه وغيــــــــــــره
واللي بها سحر مهو سحر عــــــــراف .. ياعل عين ماتراها ضريــــــــــــــــره
عطف وحنان وذوق في لين الاعطــاف .. والى كشفت لثامها شفت أميـــره
صعب على اللي بالردي شاف ماعاف .. وحلوه علىاللي سنه الله ضميــره
شمس الى من اشرقت والدجا طـاف .. غابت نجومك غصب لو هي كثيــره
السيف مايزهى سوى كف سيـــــاف .. والخيل دون حصانها مستخيـــــــره
بس أنت دورلك على قدك لحــــــــاف .. وان طعتني دور بدلنا عشيـــــــــره

<<





============

و فيه رد بطل كمان لشاعر آخر :


قال الذي في بدع الامثال صراف .. جزل يفرق بين درهم وليـــره
ياللي مدحت المغربيات بجـــحاف .. الله يجيرك من عماه البصـــــيره
لو تعجبك لميا وتغريد والطــــاف .. مايصلحن لهل الوجيه الســـــفيره
مفصخات و لبسهم حـول الأرداف .. وبليس اغواهم بكشف الستيره
متعودات كلهم زيف وخفـــــــــاف .. على التغنج والتعطف وغيره
كل يوم مع صاحب و لافيهم اعفاف .. خويهم اللي فلوسه كثيره
ترى البضايع عده اشكال و اصناف .. وكل ينوخ وسط سوقه بعيره
عز الله ان الطيب في بنت الاشراف .. اللي على الحشمه تربت صغيره
ولا تبين منها كود الاطــــــــــــــراف .. مثل القماشه فالبحور الغزيره
ياللي تدور بالجواهر و الاصـــــــــداف .. الزين كله في بنات الجزيره







و سلامتكم عاد

هذا ما جال في خاطري في ليله جافى النوم فيها

مضجعي