ريم: متاكده ان صحباتك قدها؟؟؟
مرام: تخيلي خربطوا الدنيا فوق ماهي مخربطه
دلال:ندى عصبيه اخاف تستفزها ديما وتخربها
رولا: لا لا مااظن نسيتي ميسسون وسهى هناك يعني لاتخافين من عصبيتها
اروى: والله ياخوفي هم بعد تفلت اعصابهم
ريم: لا لاانشششاء الله
دلال: بتصل ع شيهانه بشوف وش مسوين؟
شيهانه: اهلاا هنادي
دلال: مين هنادي؟؟
شيهانه: لا قولي لخالتي اني عند ديما مجتمعين البنات>>طبعا شيهانه لازم تتكلم بالالغاز مع دلال عشان ماتحس ديما بشئ>
دلال: اهاا هنادي بنت خالتك يعني انا بنت خالتك قدامها
شيهانه: بدري
دلال: المهم صورتوها؟
شيهانه: لا اصلا ندى من اول ماجينا ع المسن تخيلي مطنشه الشله عشان المسن
دلال: يعني اخلي ياسر يدخل الحين؟
شيهانه: اي طبعا سهى جات
دلال: طيب باي
شيهانه: لاتدقين كل شوي خليني استمتع مع صحباتي بكرا اجيك
دلال: تسوين حركات عشان كل شوي ادق صح
شيهانه: اي قلت لك غبيه ماتصدقين
طيب باي
شيهانه : باي
ديما: من هذه؟؟
شيهانه: هنادي بنت خالتي كنت مواعدتها اجيها الليله
ديما: اهاا اللي مركبه تقويم؟؟
شيهانه اي اللي قابلتيها في العرس
ديما: مششاء الله مره قريبات من بعض
شيهانه:فوق ماتتصورين
&&&
عند الشباب كان الجو مولع اكثر بالذات طلال اللي خايف ان الموضوع يفلت منهم
طلال: ياسر بسسرعه وش قاعد تخربط ع الاب
ياسر: اسكت بالله خلني اركز
خالد: انت بتكلم مين الحين؟
ياسر: بكلم ندى صحبتهم
خالد: وش بتقولها؟؟؟؟؟؟؟؟؟
ياسر : بسوي اني رولا واسولف معها على ما احذف وادمر الاب
طلال اسكت دلال تدق: الو
دلال: يلا ندى من زمان ع المسن
طلال: اوك باي وسكر بدون مايسمع رد
طلال: يلا ياسر ادخل ندى في المسن من زمان بسسرعه
ياسر : اوك
ياســــر زفــــــــر وناظــــر طــــلال بكــــــل يئـــــــس
طلال:" وش فيه؟؟؟؟؟؟؟؟؟؟
ياسروهو ابتسم: كم الباسورد؟؟
خالد: اي باسسورد؟؟
ياسر: باسورد ايميل رولا من جد دلوخ
طلال لحظه ادق ع دلال
دلال:ها هكروتوه
طلال:اول شي كم باسورد ايميل رولا
دلال: رولا كم الباسورد
رولا بعفوويه: مابقوولك بقول لريم لانه باسورد كل شئ فحياتي وانتي ماينوثق فيك ههههه
طلال اللي سمع: بــالله خلصونا وين ريم
رولا تلفتت تــدور ريم لكن ريم مو فالغرفه
دلال رمت الجوال ع رولا: خذي قولي له بنفسك >وقامت تبكي لانها متضايقه من هالسالفه
رولا اللي حطت نفسها فموقف صعب ماقدرت تسوي شئ غير انها تطلع من الغرفه
رولا: الو
طلال يوم سمع صوتها تجمد:
رولا: الوو.. الوو
طلال: اي رولا كم؟
رولا : الانوثه الطاغيه
طلال بدون مايحس ع نفسه : ادري
رولا: شنو؟
طلال : اقصد يعني وش قلتي؟؟
رولا: انووووووه الباسورد الانوثه الطاغيه>من الاحراج قفلت الخط فوجه طلال>
طلال وهو يناظر الجوال: الانوثه الطاغيه
خالد وياسر ناظروه بنظرات تقول وش السالفه!!!
ياسر: وش الباسورد خلصنا؟
طلال: ماتسمع انت الانوثه الطاغيه
خالد: حسبتك انهبلت
ياسر: وانا بعد ههههههه
طلال: بدون هذره خلصونا من هذا الهم
ياسر اللي فتح الايميل يلا بدأ الشغل بس اي وحده فيهم ندى؟؟كثير المتصلين.
طلال: دلال تقول اللي حاطه توبيك..باخذ بثاري منك والبادي اظلم..
اذا كان للانوثه معنى فعلموا بوجودي:
سلام
باخذ بثاري منك والبادي اظلم:
هلااا رورو
اذا كان للانوثه معنى فعلموا بوجودي:
اخبار علوم؟
خالد: هيه انت حس انك بنت وش اخبار علوم قلها كيفك ولا شلونك
طلال: ههههه من جد
اذا كان للانوثه معنى فعلموا بوجودي:
اقصد شلونك؟؟
باخذ بثاري منك والبادي اظلم:
ههههههه كلها واحد..بخير
اذا كان للانوثه معنى فعلموا بوجودي:
تلعبين معاي ؟؟
باخذ بثاري منك والبادي اظلم:
طيب بس شنو؟
طلال: انت غبي تستهبل وقتك الحين
خالد: ياسر بلا سماجه مو وقتك ابدا شغل
اذا كان للانوثه معنى فعلموا بوجودي:
كرة قدم.,,
باخذ بثاري منك والبادي اظلم:
طيب..
اذا كان للانوثه معنى فعلموا بوجودي:
انا وانتي نلعب في فريق واحد صح؟؟؟
باخذ بثاري منك والبادي اظلم:
اي طبعااا
اذا كان للانوثه معنى فعلموا بوجودي:
خلص الشوط الاول واحنا مهزومين 1_0
يرضيك؟؟
باخذ بثاري منك والبادي اظلم:
لا طبعااا
اذا كان للانوثه معنى فعلموا بوجودي:
تبينا نفوز؟؟
باخذ بثاري منك والبادي اظلم:
اكيييييد وغير الفوز مايرضيني
اذا كان للانوثه معنى فعلموا بوجودي:
يلا شدي حيلك الكوره معنا الحين ونبي نصول ونجول في الملعب
باخذ بثاري منك والبادي اظلم:
اي ونبكي الخصم..
اذا كان للانوثه معنى فعلموا بوجودي:
طبعا بيبكي...لاتخافين
طلال: ياسر ذا وقته تتكلم عن الكوره انت عقلك ملحووس شنو تخربط
خالد: ماني فاهم شئ قاعد احاول افهم!!! ،، الظاهر ندى تسلك لك
ياسر: وربي البنت ذي ذكيه مو مثلكم حنا نتكلم عن ديما واخوها وكيف نبي نبكيهم
طلال: اهاااا
باخذ بثاري منك والبادي اظلم:
اذا دخلتي هدف عطيني خبر
اذا كان للانوثه معنى فعلموا بوجودي:
انتي رووقي وانا بجـــــــيب لــــــك الكاس
باخذ بثاري منك والبادي اظلم:
هههههههه اووك ونحتفل وطبعا تعطيني شئ بمناسبة الفوز
اذا كان للانوثه معنى فعلموا بوجودي:
يلا عششانك لاعبه مميزه بجيب لك من باسكن وبس عاد ماني ولد اجيبلك اللي تبينه لي حدود فامكانياتي
باخذ بثاري منك والبادي اظلم:
الحين كاس واهداف واخرتها باسكن هههههههه بخيله
اذا كان للانوثه معنى فعلموا بوجودي:
والله ماتبين توفرين هههههه بعدين كان الفوز لي لوحدي اظن بينذكر اسمك في التاريخ
باخذ بثاري منك والبادي اظلم:
ههههههه خلاص مو لازم اهم شئ شوفي شغلك وجيبي الكاس
اذا كان للانوثه معنى فعلموا بوجودي:
طيب دقيقه اصلا امي تناديني لان تبيني انظف المطبخ
طلال: رولا ماتقول لان تقول لانووه
خالد وياسر ناظروه باستغراب >>وش دراك يعني>>
طلال اللي ارتبك: احيان اسمعها وهي تكلم البنات
ياسر: والله عن نفسي ماسمعتها
خالد: مدري ....
طلال اللي يصرفهم: هاه وش صار معك
ياسر: لحظه بقي شوي
$$بعد ربع ساعه$$
باخذ بثاري منك والبادي اظلم:
يلا سسجلتي الاهداف البنات يبون الاب اخاف اقفل بعد شوي ويروح علينا الكاس
اذا كان للانوثه معنى فعلموا بوجودي:
لا لاااااااا مو الحين انتظري
باخذ بثاري منك والبادي اظلم:
والله مو بيدي ترا البنات فوق راسي
اذا كان للانوثه معنى فعلموا بوجودي:
طيب بقي شوي وميسي يسسجل هدف الفوز
ديما: وقتكم تتكلمون عن مباراه
ندى: مو بيدي المباراة حماس برشلونه ومدريد
ديما: يارب يفوز مدريد
ندى: هههه صح متقدمين بس والله مو ع طول
شيهانه اللي تكلم دلال: اي من زمان تصوور مع ياسر القحطاني
دلال: مين
شيهانه : اي يمكن 4 صور
دلال: اهاا صورتيها
شيهانه:ايوا بس مو انا ..انا مااشجع الهلال
دلال: المهم انتبهوا..وعلى فكرة يازينك وانتي تتكلمين بالالغاز
شيهانه:اكيد اعرف المهم انا بيزي باي
دلال:بايات
في الجهه الثانيه
اذا كان للانوثه معنى فعلموا بوجودي:
ندى خلاص قفلي المسن واعطيهم الاب واوعدك بالكاس
خالد: خلاص
ياسر: اي وتدرون وش بعد
طللال: وش
ياسر: ذي الصور خزنتها و شكلها لديما
ياسر: اي بس الحين بدمر الاب لكن بعد ماتتركه ندى حرام اوهقها
باخذ بثاري والبداي اظلم:
اوك باي
اذا كان للانوثه معنى فعلموا بوجودي:
بايات
خالد: الحين بتهكر
ياسر: وش بلاك خلاص هكرت بس مادمرت لسى
طلال: طيب لاتتفلســـف اخلص
ياسر: بعد شوي حرام البنيــــه تساعدنا ونوهقها
من جهه اخـــــــــــــرى,,
شيهانه: اي هنادي
دلال: الاب مع مين الحين
شيهانه : اي ديما افتكرتـــــــــــــــــــكـ
دلال: وش تقولين؟؟؟؟؟؟؟؟؟؟؟؟؟؟؟؟؟؟
شيهانه: اي قالت لي االلي مركبه تقويم اللي قابلتها في العرس
دلال: اهاا اشوا انفجعت، اوك شوي ادق والله انلحست من الالغاز
شيهانه: ههههههاي ملزومين
دلال: وانتي الصادقه،، يلا باي
شيهانه: باي.
&&&&
دلال: الو طلال اسمع خلاص الاب مع ديما
طلال: اوك الحين اقول لياسر باي
دلال: سلام
طلال: يلا هكر الاب مع ذيك الغبيه
ياسر: هههههه الحين اخليك تشوف الشغل شلون يحلو
خالد: مششاء الله عليك مصييييييييبه
ياسر: ولد عمك وش تتوقع
طلال: اتوقع دلخ
ياسر: ههههههههههههههههههههههه
خالد: رح اقلب وجهك بس
ياسر هكر الاب وعدم ابو الجاهز وخربه لديما وكتب رساله لديما : لاتلعبون بالنار...alra7al
صارت ديما تطفي الجهاز وتبكي: يابنات تعالوا شوفو الجهاز مو راضي ينطفي
ندى: نزلي البطاريه طيب
ديما نزلتها مو راضي معلق ع ذي الرساله
خلود: مين الرحال؟؟؟؟
ديما: والله معررف
ندى: انتي دخلتي شات؟
ديما: لا ,لايكون خربتيه ياندى؟؟؟؟؟؟؟؟؟
ندى اللي شمقت فوجهها: وش بسوي فيه مثلا؟؟
ديما: بروح اوديه لاخوي
&&&
ياسر: ههههههههههههههههههههه الرحال ماينلعب معاه
خالد : يعني خلاص
ياسر: لا باقي نفقـــــــع وجهــــــــــــــــه
طلال اللي باس راس ياسر: هذي خلـــــــها علي
ياسر: مايحتاج تبوس الا منه ذا الاحراج
خالد: هههههههه مااخبرك تستحي ياسر
طلال: ولا انا ذي جديده علي
ياسر: وش تعرفون انتم اصلا
دخل عزوز: ياشباب وش عندكم؟؟؟؟
ياسر: قفل الاب وارتبكوا الشباب و بين ان عندهم شئ مخبيـنـــــــه
عزوز: وش وراكم؟؟؟؟؟؟؟
ياسر: ولا شئ ابد سلامتك اخبارك وين كنت وش تسوي؟
عزوز: والله مااظن انه ولا شئ لكن براحتكم اذا عندكم شئ خاص لاتطرونه
ياسر: افا عليك ابو العز هذا ياطويل العمر كنا قاعدين نرقص ويوم شفناك استحينا
طلال: هييه عزوز ترا يكذب وش نرقص ذي.. ترا يهايط عليك
خالد: اقول ياسر لاتطلع عني سمعه انت اللي كنت ترقص لحالك انا كنت اتفرج بس
ياسر: هههههه ومين اللي كان يقلد نانسي عجرم توو؟؟
عزوز: اجل رقص ونانسي عجرم كفوو >وضحك بسخريه
خالد: ياسرروه لاتجنني وش نانسي عجرم والله مارقصت عزوز منت مصدقه صح؟
عزوز: اي ياعمي طبيعي المجرم ينكــر وماعليك انا ولد عمك ارقص على كيفك بس لحد يعرف والله فيها قبايل هههههههه
خالد>اللي فلتت اعصابه بسرعه>: كنا نهكر ايميل وحده خلاااص
ياسر: صدق مفضووووح
طلال: انت ورع ماتعرف تمسسك لسانك
خالد: شووف انا عصبت ولا عصبت ماادري عن نفسي وش الللي ارقص ونانسي عجرم
عزوز: الله ياخذكم مين هالبنت؟؟؟
طلال: ووحده موذيه دلال
عزوز: صدق انكم ماتستحون ع وجهكم ماتقدرون غير ع البنات
خالد: اقول انت هيه ذيك الواطيه تهدد دلال بصورها
عزوز: ووووووش؟؟؟
ياسر: خالد من جد انت لسسانك يبيله قص
عزوز: وش سويتم معها؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
طلال: ياشين المتحمسين اخر السالفه خلاص انتهت السالفه
ياسر: بس باقي نتوطا فبطن اخوها تخاوينا
دخل اياد: اخو مين؟؟؟
طلال: لا السالفة كبرت مره الظاهر بعد شوي ابوي اللي بيعرف >وطلع برا الغرفه>
اياد: وش فيه ذا؟؟
ياسر: اول شئ اللي بتسمعه ماتنطق بيه
اياد: ايه وش حصل؟؟
وجلس ياسر يششرح للشباب اللي حصل
&&&&&&&&
رفال: اها يعني خلصت الهرجه دي
لمار: اي ياحبيبتي خلصت
رفال: والله دي البنت يبغالها ضرب
لمار: لا يكفي اننا بنضرب اخوها الرمه
رفال: لا مو اللي ماتتسمى ديما اقصد دلال ليه ماعلمتني؟
لمار : لا بس تخبرين شوي احراج لها
رفال: انتي دحين في المزرعه؟؟؟؟
لمار: اي
رفال: والله ابغى اقولك هرجه مره مزعلتني
لمار: افااااااا وش حصل؟؟
رفال: والله بابا رح يسافر لامريكا وانا مرآآآ زعلانه من دا الشئ
لمار: وش الجديد في الموضوع ابوك دايم يسافر مو اول مره يعني
رفال : بس دحين حيقعد يمكن شهر وبعدين حيروح للبرتغال واسبانيا اسبوعين وبعدين حيرجع
لمار: اوووف الشغله مطوله!!!!!!!!!!!!
رفال: لا والغبيه دي بتجيب اخوها عندنا البيت>>ساره زوجة ابوها
لمار: اووف لايكون السكير اللي دخل السجن من فترة
رفال: وقال اش قال يحمينا في غياب بابا
لمار: ذا يبيلكم من يحميكم منه
رفال: قلت لبابا قال: اذا ماتبغي تقعدي معاه تعالي معايا بس انا طبعا ما وافقت
لمار: زين والله خليك اضيع من دونك
رفال: والله عشانك حنسى الفكره
لمار: فديتك والله يابعد روحي
رفال: يلا ياعسل ابغى انام كان نفسي اجيكم بس النوم سلطان
لمار: يلا الجيات اكثر انشاءالله
رفال: تصبحين على خير باي
لمار: وانتي من اهله باي..
.................................................. ............
الحين طبعآآآ الكل مبسوط ومحد رآآآح يتخيل نهاية الليلة اللي بدايتها توتر وفنصها فرح .. بس اخرتها فوق تصور الجميع ............شنو راح تكون؟؟؟؟؟؟؟؟؟؟؟؟