بسم الله خآلق الكون ومقدّر الارزاق
وجامع الناس ليومٍ لا ريب فيه
سلامٌ من اللهِ ورحمه
> يمديكم ع المقدمه
طبعاً لا يخفى على كل فرد من افراد مجتمعنا السعودي العزيز مكانة المدارس في
قلوب طلابه وطالباته
وكذلك لا تخفى مشاعرنا تجاه على الصرح التعليمي العظييم
وبلا شك ف هذا الصرح يربّى قبل أن يُعلم ..
لكني آرى وأعاني من بعض الاشياء التي لا يستطيع عقلي تفسير
الفائده المرجوّه منهآ
سأبدها بالترتيب ..
في الصباح البآكر ندخل فناء المدرسه الداخلي نحيي الصُحبه الصالحه ونفترش أرضاً !
لا أعلم لماذا وُضعت ابواب عند الدرج ! , وما الفائده كذلك ؟
هل هذا خوف على الدرج منآ نحن الطالبات ؟
* يعني وش راح يضر لو صفينا الطابور بدون شناطنا ؟
نرجع للفُصحى
صففنا طابور بعد 7 دقائق من رنينه , بدأت الاذاعه ولا داعي ان احلف ان جمييع
مواضيع الاذاعه تحفظها الطالبه ( مثل اسمها ) منذُ مرحلة الابتدائي
لا اعتقد ان استمرار الاذاعه له فائده لنا كطالبات ثانوي , المواضيع متكرره ..
يعني من رأيي أنا : تشغيل صوت أحد أئمّة الحرم او اي قارئ , لإجبار الطالبات
على السكوت واختصاراً للوقت لنستمع إلى صوت المديرة الجمييل
* ملاحظه .. تشوفون المديرات بحاجه إلى مايك ؟
ما شاء الله إللي عندنا الصوت نسمعه واضح من دون مايك وبمايك أنواع الازعاااج
ومع صوت التصفيير اللي يطلع بعد
الله تكمل
المهم , بعدها نستدير الي الفصول , طبعا انا إللي اخبره ان الطابور ثنتين ثنتين
فجآه عند الباب اللي عند الدرج نصير عشر عشر > يا لبّانا بس , نظامييات
المهم يبدأ مسلسل الحصص | طبعا كبنات علمي معروف لدينا رياضيات كيمياء فيزياء
فسحه بعد الفسحه E واذا كان لدينا احياء لا مانع , ثم عربي أو ديين
آمنا بالله الحصص ما جينا للمدرسه إلا عشان ندرس
بس الموت والقهر والطاعون اذا قالوا : حصص نشاط !
أي نشاط أبي أفهم ! , الا خموول قسم بالله
يعني المربيه الفاضله تطرح الموضوع إذا وجِد حطوا (تحتها خطين ) ابد ربع ساعه وهي مخلصه وبعدها
تعطينا الخامس وتصكّ الباب وعند خوياتها المربيات تجلس تسولف برى
ودورات المياه أكرمكم الله بالدور ! , اذا جت فلانه أطلعك ! , إبتدائي !؟؟
يعني أشبّه نفسنا بـ تمر مرصوص
ابد تفتحون الكيسه وتطلعون تمره تمره وبطلعة الروح بعد
المهم نجي للشي الحلو بالموضوع [ الفسسسسحه ]
وهـ بس " بس عندي ملاحظه عليها : احياناً احسها طويله واحياناً قصيره ليه ؟
يمكن مع النوم مدري
عاد تبدا المشاغل المتنقّله تشتغل , بالفصل وبدورات المياه ( اكرمكم الله ) وقدام أي قزازه تعكس الصوره ,
اللي تبّري كحل وإللي تعطي مسكرآ وهلم جرا
ما علينا منهم بكيفهم , نجي للحلوين الشطورين إللي ياكلون
أول شي حلبه مصارعه قدام المقصف , > تخيلوا يطيح لكم ريال ..
امّما بتلقوونه , لا تحاولون اسرقوا من اللي حولكم
بعدها الحمد لله نشتري
لكن يا طلاب وطالبات , تحسون انكم تاكلون شي تحبونه ولا عشان هذا المتوفّر ؟
استغفر الله هي نعمه واحترام النعمه واجب , لكن كمملكه عريبه سعوديه
وكدوله ميزانيتها جدا عاليه وكشعب سعودي يقّدر الاكل
المفروض تتطوّر مقاصفنا المليانه من منتجات كاكو
وبسكويت بسكريم ( ابو القرطاسه السوداء )
إلى كفتيريات , والجامعات تتطور إلى مطاعم رسميه , ولاّ شرايكم كذا أحسن
عموما القناعه زينه > علمي نفستس
والحمد لله على كل حال , بعدها بنرجع نضرب بالغدا
نجي لشي ثاني [ فسحة الصلاه ]
يعني ما فيه الا القليل اللي يصلون , وما ادري انا اشوفها تنقلب فسحة اكل ثانيه
ف من رأيي اذا محد يصلي خلاص يلغونها ونطلع مبكرين يمدينا عليها بالبيت ان شاء الله
عموما النقاط واجد بس احس طوّلت , واذا ذكرتوا شي زيدوا من عندكم
ترى المجال مفتووح
بس بالنهايه فيه كم سؤال
- تشوفون ان حصص النشاط مفيده ولا مضيَعة وقت ؟ يعني اليوم اللي علينا فيه
حصص نشاط نطلع 1:30 دقيقه ! قسم بالله نموت جوع
غير الملل والزهق واذا كان علينا اختبار ما يمدي
- فيه مدارس مثلنا الصبح مسكّرين علينا الدرج عشان مانرقّي
شناطنا
ولاّ مدرستنا بس ؟ لهالدرجه ما يبون الدرج يندقّ من كثر
الرقيَه والنزلَه
- شلونكم ؟
نهايةً انا اذكر إني باديه الموضوع بالفصحى وش غّيره مدري
عموما الموضوع ترى ولييد اللحظه , جتني الفكره بعد المباراه والتأهل , ف على طول المجلس إضافة موضوع
يعني اقبلووه زي ماهو , واي خطأ تعالوا هاوشوني > امزح
وترى باقي لي كم شهر واتخرج , من مثلي ؟
بس ما تخيلت شكل حياتي بدون فسحه و3 ريال كم صبح
مخرج :")
فسحه فسحه واللي نايم يصحى