<HR style="BACKGROUND-COLOR: #bdbdbd; COLOR: #bdbdbd" SIZE=1>

بسم الله الرحمن الرحيم


اولاً نحمد الله على فوز الزعيم وحصد النقاط الثلاثه ومواصلت الصدارة وان شاءالله نحسم البطوله قبل نهاية الدوري بأربع اسابيع او خمسه .. دائم الزعيم صاحب انجازات تعجيزيه

اما الموضوع عن رادوي وماحصل منه هذا لانرضاه من لاعب محترف وقائد فريق لكن ماهو سبب فقد رادوي لاعصابه ؟! ومن هو خلف استفزازات رادوي؟؟!!


كل مباراه نلاحظ ان هناك لاعب من الفريق المقابل يستفز رادوي ويخاشنه ونحن نعرف رادوي روماني يعني ماعنده لاعب على طول احد يتمحرش فيه يعطيه كف على وجه

اللي جلست اضحك منه رئيس الأهلي الامير فهد بن خالد والذي رادوي ما يلعب نبيه يتوقف مباراتنا الجايه مع الهلال ومن حقي اطلب ايقافه . وكلام هالشخص الخواف اللي نسى وش سوى لاعبه الجزاوي وغيره من لاعبين الطحالب ..
فعلاً اذا لم تستحي فأصنع ماشئت؟ نبعد عن هذا الشخص والكلام فيه لان ما نبي نعطيه اكبر من حجمه




اما بخصوص برنامج الجوله وفيه ناس تقول ان البرنامج يهتف او يبي يثير الموضوع بصراحه يا اخوان ان من متابعين هالبرنامج وحبيته هالبرنامج تعرفون ليه لان نادي الفقر مقاطعينه صرت اتابع البرنامج وان عارف اني ما راح اسمع صوت او تصريحات خبيلان ابو نفسيه نسال الله السلامه

برنامج الجوله قال وجاب اللي صار وكان وليد الفراج يدور مبرر لارادوي . اكيد ما يبي يخسر الزعيم وادراته من البرنامج ولا راح يفشل. بس عتبي على البرنامج انهم جابوا المغربي وقال كلام اعتقد وانا اقول اعتقد ان احد اعطاه كم جمله يقولها لاكن الفوده قال انا ما راح احكم على كلام لاعب او من طرف واحد عندنا لقطه وحده بس وهي الموجوده!



يا زعماء لاتكبرون الموضوع ترى ان غاب رادوي فيه عزيز وربما ضاره نافعه والاداره الهلاليه راح تعاقب رادوي وهذا لابد منه .. اما بخصوص العقاب من لجنة الانضباط اعتقد ان فيه مباراه بين الفيصلي والاتحاد وصار ركل ورفس من لاعبين الاتحاد اسامه المولد وكريري اعتقد وكان على مرى من المشاهدين ولم يتأخذ اي عقاب عليهم والسبب كما ورد من لجنة الانضباط ان الحكم لم يدون شي او اي احداث يعني!!





والبارح فالجوله يقول وليد ان الحكم اكتفى بالكرت الاحمر بس يعني ماكتب شي . ونفرض ان تعاقب ماهي نهائة العالم الزعيم في كل مكان وزمان


واتمنى من جميع جمهور الزعيم الحضور يوم الاربعاء نبيهاااااا فل نبي نهز الملعب وان شاءالله نضيف الاهلي فالقائمه الخماسيه الجديد وموعدنا الاربعاء ان شاءالله

يستفزونه وتبيه يضحك لهم مثلآ
جرب احد يستفزك وحس بشعوره ..

لازم تعاقبة الادارة الهلالية مايصير كل مباراة مطرود

رادوي يستحق
كل انسان يخطي
يعطيك العافيه

اكلامك يا جميل يا وحيد


رادوي يستحق توقيف بعيد عن امور لجنه القانون يمشي على الجميع


وحركت رادوي البارحه لا نرضها في الملعب السعوديه


ضرب متعمد وضرب بي لكمه قويه جدآ يستحق حتى اقصى عقوبه في الادراه


لانه احرج فريقه في دقايق الاخيره


واحرج فريقه في المباريات الجايه



يعيطك العافيه وتقبلو مروروي

رئيس الهلال رفض التعليق ونائبه يوكد تطبيق اللائحه على اللاعب
والحكم دون في تقريره ( سلوك مشين ) الله يستر بس من الايقاف
وفي الاخير اذا غاب نجم يطلع نجم في انتظار ابداعك وتالقك يا خالد عزيز

مشكوووووور والله يعطيك الف عافيه

خلاص يكفيه كرت احمر وليش تعاقبه الأداره اكيد احد استفزه وش تبيه يسوي..,
عوووافــي..,

من البدايييه وهم يستفزووونه واكيد موب ساكت لهم
بس تصرفه كان قووووي والله يستر من لجنة الانضباط
عاد هم يبون يستغلووون هالفرصصصه جت لين عندهم
الله يصلحك ي رادوووي

زالله لو انا مكان رادوي مو كذا وبس

والله لااخليه يروح المستشفى ويمكن القبر طوالي

من بدت المباراة وهو يتمحرش على زورو

وش تبونه يسوي

الله يعافيك احوي تياقو
كل فعل وله ردة فعل
هذا ماحصل مع رادوي
بالتوفيق ياهلال,,

يبغونها من الله انهم يوقفونه
بس الله يخيب ظنهم
رادوي غلطان ماقلنا شي بس سبحان الله اذا غلط اي لاعب هلالي شافوه بس اللاعبين في الأندية الثانية لا مايغلطون
وبعدين رئيس الأهلي ليه يطالب بأن مايلعب رادوي عنده ناس ماشاءالله يكفون ويوفون
الله المستعان
ويارب توفق الهلال يوم الأربعاء والفوز هلالي يارب

رادوي لازم يعاقب من الاداره والهلال محتاجه في المباريات الجايه اكثر من قبل> بالتوفيق للهلال والقناص

رادوي


كم انت كبير



ظهر عضو الشرف يصفق لااخذك للكرت الاصفر(مسكين)


واليوم يظهر رئيس ويطالب بايقافك(مريض)



فعلاكم انت كبير

ودي...