امممممممم وش السالفه !؟
مين ؟! وش بتتكلم عنه ذي !؟
اكيد جاء ببالكم اشياء واشياء ..
طبعاً لاني وشو ؟! < داجه
المهم ودي احكي .. عن شى يحتاج له ايام عشان
اوصل لكم هـ الشعور
يحتاج لغه فصحى يحتاج احسن خلفيه
يحتاج احلى اعداد .. يحتاج ترجماان روحي .. لـ "تفسيره " !

ولكن !

جيتكم بـ بساطته بـ لهجتي وصياغتي !
لاني ودي يكون لكم اقرب ودي تستوعبونه
حتى لو تبون احكي اجنبي ، فرنسي
المهم تحسوونه تستشعرونه !

بيني وبينكم !

ما يجيكم فراغ عاطفي .. ؟!
مع انه هـ الايام طحنا بـ موضة " ازدحام عاطفي "
يعني بدال ما تحب واحد عندها واحد وخمسه احتياط
يعني مو البنت بس اللي هيك لا مشاءالله العيال آلعن !
بس تعال نغوص فـ الحاله النفسيه تبع هالشخص !
اللي عنده تشبع عاطفي اساساً من كثر اللي حواليه مب عارف مين يحب
او تحسه يحب عشره من الفراغ اللي فيه ..
تجي حالته كسيييفه !

- ماغير !
ودي اغير جو ، بـ سافر ..
آبغى ناس جدد ..
ملل ، الدنيا والدنيا !
مع العلم ان هالشخص ..
عاش وسافر ومآكل وشارب وماش ايده بـ الطوفه ويتسدح بكل مكان !
وين الخلل فيه ؟!
وش عاد يبي زود ؟!
ليه مش سعيد لييه ؟!

لا ودايماً دايماً الاخلاق قافله
وش فينا يابو ؟!
عشره اللي يحبونك واهلك بخير وانت تمشي وبصحه وكلش تمام
مادري كذا مالي خلق ، ماني رايق :/

والحياه تستمر والفجوه تكبر ..
وتكبر وتكبر !!
فيه شى بـ داخلنا مايحتاج مويه !!
ولا حبيب ولا ام ولا اب ولا حتى سفر او طلعات او اصاحب !!
شى يبي يتغذا .. وآهلكنآه جووع

شى يمرض ، يتعب ، يتوعك ..
يدور الحياه يدور النفس .. لكن وين ؟!
بـ العلاقات المحرمه ؟!
او بـ الاصحاب أو السفرات او حفلات او غيرها ؟!
يدور مكان يآخذ فيه نفس وكل الاماكن ملوثه
فـ يموووت
يسمى " قلب"
هاه نقولكم بـ الانقلش " heart " < عشان تستوعبون
قال تعالى :

(( ثُمَّ قَسَتْ قُلُوبُكُمْ مِنْ بَعْدِ ذَلِكَ فَهِيَ كَالْحِجَارَةِ أَوْ أَشَدُّ قَسْوَةً
وَإِنَّ مِنَ الْحِجَارَةِ لَمَا يَتَفَجَّرُمِنْهُ الأَنْهَارُ وَإِنَّ مِنْهَا لَمَا يَشَّقَّقُ فَيَخْرُجُ مِنْهُ الْمَاءُ
وَإِنَّ مِنْهَا لَمَا يَهْبِطُ مِنْ خَشْيَةِ اللَّهِ وَمَا اللَّهُ بِغَافِلٍ عَمَّا تَعْمَلُونَ ))

بس هالقلب بـ كلمه وحده يعيش
مو يعيش وبس ... إلا يعيش احلى حياه
إلا يبكي يبكي يبكي مثل الطفل اول ما تولده امه ..
ترحيباً للحيآه
إلا يعيش ويعيش غيره
تخيلوا محد منا قلبه كـ الحجاره انا متآكده ..
ومتفأله اننا مهما تغافلنا او نسينا .. ما وصلنا لـ مرحلة الحجاره !
بس دققوا بـ كلامه جل في علاه
من الحجاره من يتششق ويخرج منه الماء !!
تخييلوا .. يعني مهما كان قلبك او حياتك او عيشتك !!
- دمااااااااار

ممكن أنت يكون فيك شى ما يكون في غيرك
ممكن قلبك يهبط لـ رحمة ربي وانواره ، ويجتبيك وتكون من المقربين !
بل يحبك !

وياااابخته ويانياالووه من قلب اللي يعيش حياته
تحت شعار " حب الله "
حب ربك
ماراح تلقى احد آحن عليك اكثر منه
لا امك لا ابوك لا حبيبتك !!
" بسط يده فـ الليل لـ مسيئ النهار وبسط يده في النهار لـ مُسيئ الليل"
فيه آحن من كذا ؟!
والله حتى امك امك اللي تموت على الهوى اللي تتنفسه !
اذا غلطت بـ حقها تقول " بـ قلعته مانيب مسامحته " !!
اجل ربي جل جلاله وعظم سلطانه ينتظرك بس تقوله ... " استغفر الله يارب "
يحب التوابين يحب المحسنين يحب المتقين يحب القانتين ..
يحب عباده يحبكم !!

والله لو فكرنا شوي .. واخذنا دقيقه او اقل منها بعد
ميين احق شخص اطلق عليه " احبــه " ؟!
مين ؟!
جد جد ميين !؟
مين يرحمني ؟!
مين معاي يفهمني .. مين يعرف كلامي اللي بيني وبين نفسي
احياناً اسمع البنات
تقول والله احبها لانها " تفهمني من غير ما احكي " !
الله الله .. مره او مرتين فهمتك بس لايكثر
بس جد هناك فوق سبع سموات ..
رب يسمعك وإن ما حكيتي يفهمك
رب يحتري رجعتك له
دموعك اللي تنزل عشانه " ترفعك "
إلا تخلي بوجهك نور
وجه المًحبه لله غيييييييير والله غيير
ووجه اللي تتمخطر بـ الدنيا شاحب مهما حطت ميك آب والله جد
حتى الولد لمن يسوي ستايل وكذا ..مايجي زين
بس سبحان الله اللي ربي يحببه غير !
اسلوبه مع الناس يجي يجنن ..
من يقوم الناس تمدح فيه !
إلا كل الناس تحبه جميع الفئات العمريه
لانه يحب ربي

الحين يقولون وش تقولين حنا ما نحب ربي !؟
لا لا تحبونه
بس فرق بين اللي يحبه ويراقبه ويخشاه ..
اللي يبحث عن عمل اي عمل يرضي الله فيه
مثل ما يعشق خليله ولله المثل الاعلى طبعاً !
بوصف لكم حبيبين طيب
شوفوا اي واحد يطلق عليه حبيب فعلاً !

- الاول :
ما ينام لين يكلم حبيبته ، ما يآكل الا ويتذكرها ، وسط الناس يتكلم عنها ويمدحها
وبينه وبين نفسه ما شى اغلى ، لو تطلبه ينام واقف نام واقف ليه ؟!
مو عشانه يحب !!
لو قالوا له غيب عنها يوم او يومين مراح يصير شى ..
يمووت ما يقدر ليه ؟! لانه يحبها

< الحين البنات يقولون يابختها هاه كني اسمعكم الحين

الثاني : يحبها بس عادي ينام متى ما صحى كلمها ..
متى ما تذكرها اووه ايه ياحليلها< لانه دايماً ناسيها هاه
بس حيبها يحسها شى حلو وجميل بس ماهي كل همه ما يبذل المسحيل عشانها
ابداً متى ما احتاجها جاها ومتى ما ان حواليه ناس تركها ..
بس تراه للحين في دائرة انه يحبها اوكيه !!

مين يحب ؟!
اكيييد الاول مو ؟!
لو احنا نحب ربي ما ننام لين نصلي
ما نآكل لين نذكره ..
حتى وسط الناس اذكره اثني عليه اي جمله ممكن تذكر غيرك فيه
احنا لو نحب جد كان صرنا نعبد الله صدق !
فيه شعر وشو ما اذكره المهم اللي بما معناه
انه لو تختار اني اموت او اتركك .. والله اني بختار اموت
ماعلينا !!
بس هذا إن ذل فهو على كبر العاطفه اللي جواه
احنا نحتاج نصرف عواطفنا صح !!
عواطفنا جاها زي جده ان امطرت غرقنا وإن ما جاها مطر جفت
جزء كبيير من القلب .. لا يعيش بدون " حب الله "
ما اقول ذكر لا الذكر غير والحب غير
اذا حبيتي ربك ..
تشوفين الدنيا تموووت عليك الا تتلصق فيك الدنيا تغريك !
عشان وشو .. " لعبت الشيطان "
عشان تلهيك يموت الشيطان قهر وهو يشوف انه انت تحب الله !
اصلن اللي يحب يسوي اي شى يؤمر به !

احنا شى بسيط وتافه جداً هاه
الاغاني !!
احد منا يقدر يتركها ؟!
لا اللي ما يسمع مادري وش ينقال عنه بعد
بس احد بيموت اذا ما سمع اغاني !؟
محد ميت

-اترك شى لله ..
تشوف خيرات تهل عليك من كل ناحيه
حتى انت بنفسك تقول لوي داري كان تركتها من زمان
وبعدين ياخي اثبت حبك ، لازم تثبت انك تحب صدق !!
مو بس شى نتكلمه ما نطبقه اللي يحب يبان بعيونه الوله
خلو هالحب يبان بعيونك ينعكس على تصرفاتكم على حياتكم ..
على اقوالكم
والله ما نهى عبده من شى الا وهو خير له !!
يابني هو راحمك من الشقى يعني يبي لك الخير
انت تروح تعصيه ليييه !؟
غاوي تعب يعني !؟
ونغلط ونغلط ونغلط ... بس نبكي بـ لحظة خشوع
يقال قوموا مغفوراً لكم طبتم وطاب ممشاكم
آويلاااااه
فيه احلى من كذا ؟؟! فيه ارحم من كذا ؟!!
فيه شخص يستاهل احبه اكثر منه ؟!

لا وجل جلاله محد يستاهل الحب غيره
واللي بيقرب من الله بتغير نفسيته وبيجي هنا ويقول انا اشهد ان القلب ..
كان ميت بـ غفلتنا وتهاونا .. في حبه !!

وصفة علاج سحريه ..
سجاده ودموع وشعور بـ الذنب ويدين
تراه مو زي ملوك الارض !!
لازم تآخذ موعد وتاريخ معين فـ الشهر الفلاني عشان يقدم لك مساعده !!
لا لا
هو ملك ملوك الارض
وبرغم من ذلك فاتح لكم ابوابه متى اردتم
بـ انتظاركم ..
لانه يحبكم ، ادقونوا فن حبه
تنعموا بـ حياتكم جداً

- محبتكم شغف
راجعه لكم بـإذن الله ويبغاله تكمله ..
بس ادعولي هاه

موضوع رائع رائع رائع صحيح مافية أحد يحبك زي ربك حتى أهلك ربي يسامحك يغفرلك يرزقك يجيب دعواتك والله مافيه زي رب العالمين ..... مشكوره أختي عن جد كلام رائع

السلام عليكم و رحمة الله و بركاته


جعله الله في ميزان حسناتك اختي شغف..

كلام من القلب الى القلب فعلا ..


(ألا بذكر الله تطمئن القلوب)



حب الله وحده هو أصدق الحب

هو الحب الذي نعيش العمر معه في فرح و رضا تام و دائم ان شالله



سردك رائع يا اختي..تدخلين الى هذه القلوب التي تتحدثين عنها ..

كالدواء..كالبلسم ..كالدم..


استمري


كوني هنا دائما بهيك مواضيع ...


لااله الا الله


يا رب .. نسألك من فضلك ..لا تكلنا لأنفسنا طرفة عين ..

:

أهلاً شغف منوره يً الغلا

أقتباس

- ماغير !
ودي اغير جو ، بـ سافر ..
آبغى ناس جدد ..
ملل ، الدنيا والدنيا !
مع العلم ان هالشخص ..
عاش وسافر ومآكل وشارب وماش ايده بـ الطوفه ويتسدح بكل مكان !
وين الخلل فيه ؟!
وش عاد يبي زود ؟!
ليه مش سعيد لييه ؟!

أخوي وصل مرحله يبي مخلوقات جديده غير الكائنات الحية

مهمـآ يغفل الشخص يحصل شي يذكره بً ربه بكل شي حوله !
لان كل شي حولنا من الله وكل نعمه منه سبحـآنه ..
نعمه كثيره ومغفرته واسعه , لكن المشكلة فينـآ
الله يغفر للجميع

- شغف ربي يجزآك الجنه

:

و نعم بآلله
من جد وآلله لو كنآ قريبين من ربي رآح نكون أسعد النآس
كفآية انك لو دعيته .. استجآب لك
ولو استغفرته .. غفر لك
في آكثر من كذآ ؟!
لآ آله آلا آلله

مين معاي يفهمني .. مين يعرف كلامي اللي بيني وبين نفسي
احياناً اسمع البنات
تقول والله احبها لانها " تفهمني من غير ما احكي " !
الله الله .. مره او مرتين فهمتك بس لايكثر
موضوعك عالجرح والله
تعبت من كثر ما اسمع كلمة احبك انتي تفهميني من صديقتي
طيب او ك حبيني يابعدي انتي
ومستعده افهمك بس خلاص احس من كثر ما اسمعها ماعدت اهتم
ماعدت افهمها الحين لو اي احد يقولي احبك عادي ما راح احس
انا ارتاح اذ احد فضفض لي احسه كذا يغليني ويعزني ويكبره بعيني
بس هي وصلت لدرجة كل شي تقوله لي
طيب حبيبتي والله وينه ؟!
ليه ماتشكين لله ليه ماتدعين لله انه يفرج عليك ويزيل همك
تروح تزعل وتقول انا ابغى احد يتكلم معي الله صح يسمعني وان شاء الله ومتفائله انو بيستجيب لي
بس ابغى اتكلم مع احد ومدري ايش وانا ما استمريت معاها الا خوفي انو يلعب عليها واحد لانها على نياتها ..
وانا عارفه انو سبب همها وحزنها معاصيها وبعدها عن الله
لكن تروح وترجع تدور عذر وحجه ماتلقي شي..
مشكوره والله يجعله في موازيين حسناتك واستنى عودتك...
دمتي بود..

ماغير !
ودي اغير جو ، بـ سافر ..
آبغى ناس جدد ..
ملل ، الدنيا والدنيا !
مع العلم ان هالشخص ..
عاش وسافر ومآكل وشارب وماش ايده بـ الطوفه ويتسدح بكل مكان !
وين الخلل فيه ؟!
وش عاد يبي زود ؟!
ليه مش سعيد لييه ؟!



شغف ...||

ااااااااه يالحب الي مايجيب الا وجع القلب

بلا حب بلا وجع قلب وش جانا من ورى هلحب
غير الالم غير التعب وش جانا ...||


عوافي موضوع ماينقال غير الا
سلمت يداكي ياحلوه ||

من جـد قلتيهـا !
صـار اللـي مايحـب شخـص غريـب أو متوحـد !
واللـي مايسمع أغانـي شخـص موب سوي !

-
دنيـا كفـى اللّـه شـرهـا

شغف أختصرتـي اللـي بداخلـي كثيرر

حياك المولى غاليتي ...
موضوع مميز واكثر من الرائع
جزاك الله خيرآ على هذا المجهود !

نعم كل كلمة كتبتيها في الصميم ، والله يعين كل انسان
على هذه الدنيا وهذه الأيام ..

والله يجعل خواتمنا فيها خير وصلاح
بصراحه تمنيت لو كان حضوري اجمل ، ولكني اعتذر لك عن التقصير
وان شاءالمولى فـ لي عوده من جديد

تحياتي المعطره للجميع

عِش حيَاتَكَ لله
تَكُنْ أَسْعَدَ خَلْقِ الله

سَمِعْتُ حَدِيثًا لِرَسُولِنَا الكَرِيم عَلَيْه الصًلَاةُ وَالسًلام
وَالمَعْنَى
أَنً رَجُلًا لَمْ يَعْمَل خَيْرًا قَطْ
وذات يوم رفع بصره إلى السماء وقال"إِنً لِي رَبًا,رَبْ اغْفِر لِي"
فغفر له العفو الكريم

اللًهُمً إِنٍي أَسْأَلُك حُبَك وَحُبً مَنْ يُحِبُك وَحُبً كُلِ عَمَلٍ يُقًرِبُنِي إِلَى حُبٍك




شَغَفْ
+دُمْتِ لَنَا
وَدُمْنَا لَكِ دَاعِينْ

ماراح تلقى احد آحن عليك اكثر منه
لا امك لا ابوك لا حبيبتك !!



...
الموضوع جداً رائع والله عـ الجرح
يعطيك ألف عافيه عـ الموضوع
(( الله يحرم يدين اللي كتبها عن النآر ))