الصاحب اللي مطني في الهوى مـط @@ مطت وارعين(ن) تمط النبابيط - شبكة القناص

ناصر الصالح · 13-01-2011, 12:26 PM

.

سعودي عمرهـ 30 سنة موظف وراتبه 7 الآف ريال ما حوش مبلغ
لانه توهـ مخلص اقساط السيارة وغلاء المعيشة مايسمح له يحووش مبلغ
قرر قرار تاريخي وعظيم في حياته من يوم دخل الـ 30 سنة وهو مكلم امه
يمه ربي يحفظك لي انا بتزوج بتشوفيني عيالي يايمه بس ابيك تخطبين لي
الرجال خطب والحرمه وافقت وحددوا موعد كتب الكتاب لكن قبل هالموقع بأسبوع
ام العروس كلمت ام العريس وقالت لهم شروطهم وطلباتهم وكلها بسيطة جداً
اول شرط : نبي بيت خاص للحرمه سواء شقه أو فيلا المهم بيت مستقل ..
ثاني شرط : البنت تبي تكمل تعليمها وبعد ما تتخرج من الجامعة تتوظف ما يمنعها ..
بس هذه شروطنا .. قالت ام العريس : ما طلبت إلا حقها .. لكن المهر كم ؟!!
ام العروس قالت حنا زوجنا خواتهم بـ 80 ألف ريال لكن عشان ظروف ولدكم
نبي منكم 60 ألف بس .. حاولت ام العريس تخليها 50 ألف لكن يقولون ما تكفي

العريس انبسط وفرح وتشقق من الفرحه راح البنك وطق له قرض بـ 100 ألف ريال
60 ألف مهر + 30 ألف شقه وأثاث + 25 ألف صالة افراح + 10 قيمة عشاء وطقاقات وغيرهـ
الرجال معه 100ألف ريال وهذه المصاريف = 125 ألف ريال والرجال ما يبي صباحية العرس وجيبه فاضي
وراهـ شهر عسل بيروح ماليزيا وأقل شيء 15 ألف في جيبه
المهم راح وطلع له ددسن اقساط من شايب في المعارض وجابت له 50 ألف عقب ما باعها
عشان يغطي كل احتياجاته وينبسط في زواجه ويدلع حرمته

راتبه 7 الآف يروح منه 1500 لـ البنك و2000 ريال لراعي المعارض صاحب الددسن
3500 تطير كل شهر من اتبه ويبقى 3500 ريال المهم تزوج الرجال ومرت شهرين كلها عسل

بعدها بدأ الرجال وضعه يتدهور نص الراتب يبقى له وهذا النص يروح نصه
في تسديد فاتورة تلفون ثابت وجوال + فاتورة كهرب + تحويش إيجار الشقه
غير مقاضي البيت وغير مصاريفه الشخصية هو وزوجته من لبس وعطور وغيرها

الرجال حبه حبه صارت نفسيته زفت الديانه في كل مكان ولو يجيه ضيف في البيت
وذبح له وعشاهـ اختلت ميزانية بيته فوق تحت ويمكن يسير على اهله كل يوم يتعشى عندهم
والديون همها كبير قالو من قبل هم العرس وهم العرس يعني هم الدين المغتني ما يهتم من العرس
المهم أن نفسية الرجال زفت ومتدهورهـ وهذه أثرت على علاقته مع زوجته
زوجته قالت ما يكفي اني صابرهـ عليه ما يطلعنا نتمشى وأحضر زواجات ( بسبب ما عندها فستان)
فوق هذا الصبر كله تصير نفسيته كذا في البيت .. وصارت زوجته نفسيه مثله
بدأت المشاكل في البيت على سبب كبير وعلى سبب تافه وبدون سبب
الحرمه كل فترهـ وهي عند اهلها زعلانه والرجال يروح يراضيها ويرجعها
خربتها مرهـ الحرمه وطلبت الطلاق من زوجها ولا تدري أن الزوج بلغ السيل الزبى عندهـ
هذه الحرمه هي سبب ديوني وهذه الحرمه هي سبب تعاستي تزوجت ابي ارتاح ولقيت هم وشقى
هذه الحرمه كرهتني في بيتي اكثر وقتي مشاكل في مشاكل ما شفت الراحه والسعادة إلا أول سنه زواج
واللحين تبي تطلق أنا وش مصبرني عليها .. راح للشيخ وطلقها ووصلت ورقة الطلاق للحرمه
الحرمه قعدت تبكي وتقول حسبي الله عليه ما صدق اني قلتها وطلقني .. انتهت القصة

كم شخص طلق حرمته بسبب مثل هالأمور ؟؟ ومثل هالتراكمات ؟؟
كم شخص مهوب مرتاح في بيته وصار جل وقته مع اهله مشاكل بسبب الديون ؟؟
كم شخص كرهـ زوجته بسبب أنها تطلب وتطلب وتطلب ولا تراعي ظروفه الماديه ؟؟
كرهها بسبب أنها تهتم في نفسها وفي شكلها ولبسها بدون ما تفكر زوجي يقدر ولا ما يقدر !!

ليش البنت لما يجيها شخص يخطبها ما تفكر في أنها تأخذ مهر معقول
30 ألف ريال معقول مهوب لازم تستعد بـ بذخ وطنخه وأنواع الذهب والعطورات
أنا اعرف أكثر من عائلة تزوج بناتهم بمهر 30 ألف ريال والله انها تكفيهم
ليش اطلب مهر كبير واحمل زوجي ديون ممكن تكون هالديون سبب تعاسة حياتي الزوجيه
ليش الحرمه ما تفكر أن الآن العقارات غاليه الشقه وارخص شقه تأخذها بـ 18 ألف
غير غلاء المعيشة وتتقضى لبيتك اللي تحتاجه في الشهر الواحد 2000 ريال وانت مقتصد بعد
ليش الحرمه ما تشتري راحة زوجها عشان هي ترتاح في بيتها
لانه متى ما كان الزوج سعيد الحرمه بيسعد الحرمه وبيكون الزواج سعادة وراحة
ليش يكون الزواج هم ديون وهم مقاضي وهم فواتير والحصيلة زواج تعيس قد ينتهي بـ طلاق

هذا كله وأنا اضرب مثال على شخص راتبه 7000 ريال وكم من شخص تزوج وراتبه 4000
وممكن أقل وممكن اكثر بألف أو ألفين .. ويحصل قدامه أنواع المصاريف اللي تكسر ظهرهـ
وفوق هذا كله زوجته ما تقتصد في طلباتها وتطلب منه مهر يكسر ظهرهـ ويهد حيله

نصيحه لكل بنت جايها خطيب لا تطلبي منه أكثر من 40 ألف وحتى هالمهر اشوفه كثير في هالوقت
الرجال وراءهـ بيت وأثاث وقاعة افراح وشهر عسل لك ثم بعدها فواتير كهرب ماء جوال ثابت مقاضي بيت
ساعدي زوجك على تخفيف هم الدين لانه لو كان مهموم ونفسيته تعيسه انتي بتكوني تعيسه في زواجك

باختصار لا تمطي زوجك مثل الوارعين اللي تمط النبابيط
لان المغاط ممكن ينقطع وتكوني تعيسه أو مطلقه ..
وما اعتقد أن هنالك بنت تريد التعاسه في بيتها أو الطلاق ..

.</B>

bno>A · 13-01-2011, 02:48 PM

ياحياتي يا هو رحمته
والله كلامك جواهر
يعطيكـ الف عافيه

علي العاصمي · 13-01-2011, 03:05 PM

موضوعـك مهـم أخوي
يعني من جــد ،، وبعدين مع غــلآ المهــور ذا
ما اختلفنــا البنت غآليـه أكيد لكن يراعون غلآ المعيشــه شوي
أشكرك أخوي قاسم البُر

**غزلآن** · 13-01-2011, 06:02 PM

:

:

اي والله المفروض الحرمه السنعه تراعي زوجهاامو تزيد عليه

فيه ناس كثيير تطلقووو بهالسبب

بس الله يعين والله يكافيناا الدين وهموومه والله ان الدين هم

يكسر الظهر مانقول الاالله يعييين

/

:

كَـيـآنْ ! · 13-01-2011, 07:03 PM

موضوووع في قمة الاهميه واتمنى من كل
البنات يراعون ظروف الشاب الي يجيهم
عشان تعيش مبسووووووطه في حياتها

&نبض المعاني& · 13-01-2011, 10:48 PM

والله غلاء المعيشه مشكله عوويصه..

صراحه اللي راتبه 10 الاف مايقدر يصرف اموره..

فما بالك بي 7 الاف وفيه ناس اقل بكثييير..

لكن الله يعينهم ويرزقهم من واسع رزقه..

عووافي ياللا ماقصرت..

**بيلســــــــان** · 14-01-2011, 11:47 PM

30 ألف !!
وش تسوي بها ؟

انت طالع للسوق
وشايف كيف الاسعار؟!!!

طيب مو لازم تشوف الاسعار ولا شئ ،

انت تضمن انه ما يستهين بالزواج اذا كانت التكاليف بسيطه ؟

انا معك بأن المبالغه بالتكاليف شئ سئئئ جدا
لكن مو مع ان التكاليف تكون بخسسسه جدا ... انتم يالله نضبطكم وانتم دافعين مبالغ جامده كيف لو قليله
لا الجد .. انه صعبه تجي عروسه على مجتمع جديد وتقولها خلي تجهيزك جدا بسيط
فبالتالي لو ما طلبت منك مهر
بتطلبها منك مصاريف بعد الزواج .. فهي فيكم فيكم

الله ييسر لكل من أراد الستر

الشرقيه · 15-01-2011, 12:33 AM

وكمان اكثرمن زوجه قدرت وضع زوجها وفي الاخير جمع الدراهم وجاب لها ضره
واكثر من زوجه كانت تراعيه وفي الاخير خيانه زوجيه !!!

طيب اذا هو مو قد الزواج ليش يتزوج من اصله ويتعب بنت الناس معه
يرتب وضعه بالاول ثم يتزوج
الدينا ماراح تطير والعجله مو زينه ابد ويحاول يكون له دخل مادي ثاني
مو يكون طموحه بس على 7000 اللي كلها دين في دين

انا معاك ان الحياه صارت صعبه مره ومتطلباتها كثرت
عشان كذا لازم نطور نفسنا عشان نقدر نعيش فيها بسعاده ونسعد اللي معنا

**الـ وجدآن** · 17-01-2011, 09:45 AM

:

أقتباس
فوق هذا الصبر كله تصير نفسيته كذا في البيت .. وصارت زوجته نفسيه مثله

المشكله فيهم الثنين :/
مشكله اذا مافيه تضحيات وتقدير وتفكير سليم من احد الاطراف :/

الحياه مو لهالدرجه صعبه ..... يبيلها صبر .... عشان تقدر تعيش بس بدون طمع

من ناحيه الماديه يبيلها توازن في الصرف = تحقيق ميزانيه

لو كل شهر له ميزانيه صرف للبيت والسوق وووو ...!
يقابلها ميزانيه للمستقبل ولو القليل ,, تنفع بكره

اما فستان جديد تمشيات وتحميل الزوج فوق طاقته = تفاهات دنيا
والنتيجه مافيه هدوء نفسي ... ولا إستقرار وجو اسري

دام الوحده عايشه مبسوطه ... احترام وموده بـ بيتها,,,,,, ليش تفكر كذا .!

اهم شي مسئوليه البيت اللي هي احتياجاته الاساسيه إذا / قد يوفرها هي بتكون بـ نعمه

نصيحه لكل موظف من الحين سو لك ميزانيه منها تعود نفسك ومنها تفيدك بكره

موضوع سردك له هو اللي شدني وخلاني ارد

موفق في حياتك

,.

حُ ـلم ..} · 17-01-2011, 12:10 PM

اللي يبي العرس يصـــــبر على بلاويـــه ,,
30 ألف <<وش تجيب ؟!

عالاقل 50 ألف معقوله تسد بعض المصاريف ..

وفيه بعض العوايل يدفع يمكن 20 بس على شرط يروح معها للسوق ويدفع وراها *_^

**~ ŚάřάĦ** · 20-01-2011, 09:14 AM

اقتباس:

المشاركة الأصلية كتبت بواسطة بيلســــــــان

30 ألف !!
وش تسوي بها ؟

انت طالع للسوق
وشايف كيف الاسعار؟!!!

طيب مو لازم تشوف الاسعار ولا شئ ،

انت تضمن انه ما يستهين بالزواج اذا كانت التكاليف بسيطه ؟

انا معك بأن المبالغه بالتكاليف شئ سئئئ جدا
لكن مو مع ان التكاليف تكون بخسسسه جدا ... انتم يالله نضبطكم وانتم دافعين مبالغ جامده كيف لو قليله

لا الجد .. انه صعبه تجي عروسه على مجتمع جديد وتقولها خلي تجهيزك جدا بسيط
فبالتالي لو ما طلبت منك مهر
بتطلبها منك مصاريف بعد الزواج .. فهي فيكم فيكم

الله ييسر لكل من أراد الستر

ههههههههههههههههههه
اي والله انها فيك فيك
صادقه 30 الف تطير كنها 500
ولآتجيب لك شي |||

والله يستر عليهم ..

armenia · 21-01-2011, 01:26 PM

بجد 30 الف ما تسوي شي للبنت

اللي يبي الحلوه يزيد المهر..

وهذا انتو قلتوها راعو غلا المعيشه..

مميز دايم في ابداع مواضيعك..

تحياتي لكــ،،،،

قهوه زرقآء · 21-01-2011, 02:10 PM

‘
‘

تسلم أخوي ع آلطرح

وع آلمهر مو شرط حلوه غآليه

في غآليآت ولآ ينفع فيهآ لآ جمآل ولآصنعه

وفي اللي مهرهم قليل ومآتنقآس بكنوز الدنيآ

وقآلوهآ مآهم آلآ هم آلعرس

وآلشآطر آللي يضبط أموره قبل يتخذ هالقرآر

//بآلتوفييق//

حبيل العمده · 24-01-2011, 03:23 PM

ربك كريم

Ophelia · 29-01-2011, 12:57 AM

أقتباس
نصيحه لكل بنت جايها خطيب لا تطلبي منه أكثر من 40 ألف وحتى هالمهر اشوفه كثير في هالوقت
الرجال وراءهـ بيت وأثاث وقاعة افراح وشهر عسل لك ثم بعدها فواتير كهرب ماء جوال ثابت مقاضي بيت
ساعدي زوجك على تخفيف هم الدين لانه لو كان مهموم ونفسيته تعيسه انتي بتكوني تعيسه في زواجك

من جدك ..
80,000 أشوفها شويه بعد ..

13-01-2011, 12:26 PM	#1
ناصر الصالح مشرف سابـق	الصاحب اللي مطني في الهوى مـط @@ مطت وارعين(ن) تمط النبابيط . سعودي عمرهـ 30 سنة موظف وراتبه 7 الآف ريال ما حوش مبلغ لانه توهـ مخلص اقساط السيارة وغلاء المعيشة مايسمح له يحووش مبلغ قرر قرار تاريخي وعظيم في حياته من يوم دخل الـ 30 سنة وهو مكلم امه يمه ربي يحفظك لي انا بتزوج بتشوفيني عيالي يايمه بس ابيك تخطبين لي الرجال خطب والحرمه وافقت وحددوا موعد كتب الكتاب لكن قبل هالموقع بأسبوع ام العروس كلمت ام العريس وقالت لهم شروطهم وطلباتهم وكلها بسيطة جداً اول شرط : نبي بيت خاص للحرمه سواء شقه أو فيلا المهم بيت مستقل .. ثاني شرط : البنت تبي تكمل تعليمها وبعد ما تتخرج من الجامعة تتوظف ما يمنعها .. بس هذه شروطنا .. قالت ام العريس : ما طلبت إلا حقها .. لكن المهر كم ؟!! ام العروس قالت حنا زوجنا خواتهم بـ 80 ألف ريال لكن عشان ظروف ولدكم نبي منكم 60 ألف بس .. حاولت ام العريس تخليها 50 ألف لكن يقولون ما تكفي العريس انبسط وفرح وتشقق من الفرحه راح البنك وطق له قرض بـ 100 ألف ريال 60 ألف مهر + 30 ألف شقه وأثاث + 25 ألف صالة افراح + 10 قيمة عشاء وطقاقات وغيرهـ الرجال معه 100ألف ريال وهذه المصاريف = 125 ألف ريال والرجال ما يبي صباحية العرس وجيبه فاضي وراهـ شهر عسل بيروح ماليزيا وأقل شيء 15 ألف في جيبه المهم راح وطلع له ددسن اقساط من شايب في المعارض وجابت له 50 ألف عقب ما باعها عشان يغطي كل احتياجاته وينبسط في زواجه ويدلع حرمته راتبه 7 الآف يروح منه 1500 لـ البنك و2000 ريال لراعي المعارض صاحب الددسن 3500 تطير كل شهر من اتبه ويبقى 3500 ريال المهم تزوج الرجال ومرت شهرين كلها عسل بعدها بدأ الرجال وضعه يتدهور نص الراتب يبقى له وهذا النص يروح نصه في تسديد فاتورة تلفون ثابت وجوال + فاتورة كهرب + تحويش إيجار الشقه غير مقاضي البيت وغير مصاريفه الشخصية هو وزوجته من لبس وعطور وغيرها الرجال حبه حبه صارت نفسيته زفت الديانه في كل مكان ولو يجيه ضيف في البيت وذبح له وعشاهـ اختلت ميزانية بيته فوق تحت ويمكن يسير على اهله كل يوم يتعشى عندهم والديون همها كبير قالو من قبل هم العرس وهم العرس يعني هم الدين المغتني ما يهتم من العرس المهم أن نفسية الرجال زفت ومتدهورهـ وهذه أثرت على علاقته مع زوجته زوجته قالت ما يكفي اني صابرهـ عليه ما يطلعنا نتمشى وأحضر زواجات ( بسبب ما عندها فستان) فوق هذا الصبر كله تصير نفسيته كذا في البيت .. وصارت زوجته نفسيه مثله بدأت المشاكل في البيت على سبب كبير وعلى سبب تافه وبدون سبب الحرمه كل فترهـ وهي عند اهلها زعلانه والرجال يروح يراضيها ويرجعها خربتها مرهـ الحرمه وطلبت الطلاق من زوجها ولا تدري أن الزوج بلغ السيل الزبى عندهـ هذه الحرمه هي سبب ديوني وهذه الحرمه هي سبب تعاستي تزوجت ابي ارتاح ولقيت هم وشقى هذه الحرمه كرهتني في بيتي اكثر وقتي مشاكل في مشاكل ما شفت الراحه والسعادة إلا أول سنه زواج واللحين تبي تطلق أنا وش مصبرني عليها .. راح للشيخ وطلقها ووصلت ورقة الطلاق للحرمه الحرمه قعدت تبكي وتقول حسبي الله عليه ما صدق اني قلتها وطلقني .. انتهت القصة كم شخص طلق حرمته بسبب مثل هالأمور ؟؟ ومثل هالتراكمات ؟؟ كم شخص مهوب مرتاح في بيته وصار جل وقته مع اهله مشاكل بسبب الديون ؟؟ كم شخص كرهـ زوجته بسبب أنها تطلب وتطلب وتطلب ولا تراعي ظروفه الماديه ؟؟ كرهها بسبب أنها تهتم في نفسها وفي شكلها ولبسها بدون ما تفكر زوجي يقدر ولا ما يقدر !! ليش البنت لما يجيها شخص يخطبها ما تفكر في أنها تأخذ مهر معقول 30 ألف ريال معقول مهوب لازم تستعد بـ بذخ وطنخه وأنواع الذهب والعطورات أنا اعرف أكثر من عائلة تزوج بناتهم بمهر 30 ألف ريال والله انها تكفيهم ليش اطلب مهر كبير واحمل زوجي ديون ممكن تكون هالديون سبب تعاسة حياتي الزوجيه ليش الحرمه ما تفكر أن الآن العقارات غاليه الشقه وارخص شقه تأخذها بـ 18 ألف غير غلاء المعيشة وتتقضى لبيتك اللي تحتاجه في الشهر الواحد 2000 ريال وانت مقتصد بعد ليش الحرمه ما تشتري راحة زوجها عشان هي ترتاح في بيتها لانه متى ما كان الزوج سعيد الحرمه بيسعد الحرمه وبيكون الزواج سعادة وراحة ليش يكون الزواج هم ديون وهم مقاضي وهم فواتير والحصيلة زواج تعيس قد ينتهي بـ طلاق هذا كله وأنا اضرب مثال على شخص راتبه 7000 ريال وكم من شخص تزوج وراتبه 4000 وممكن أقل وممكن اكثر بألف أو ألفين .. ويحصل قدامه أنواع المصاريف اللي تكسر ظهرهـ وفوق هذا كله زوجته ما تقتصد في طلباتها وتطلب منه مهر يكسر ظهرهـ ويهد حيله نصيحه لكل بنت جايها خطيب لا تطلبي منه أكثر من 40 ألف وحتى هالمهر اشوفه كثير في هالوقت الرجال وراءهـ بيت وأثاث وقاعة افراح وشهر عسل لك ثم بعدها فواتير كهرب ماء جوال ثابت مقاضي بيت ساعدي زوجك على تخفيف هم الدين لانه لو كان مهموم ونفسيته تعيسه انتي بتكوني تعيسه في زواجك باختصار لا تمطي زوجك مثل الوارعين اللي تمط النبابيط لان المغاط ممكن ينقطع وتكوني تعيسه أو مطلقه .. وما اعتقد أن هنالك بنت تريد التعاسه في بيتها أو الطلاق .. .</B> التوقيع: https://twitter.com/#!/qasm84

13-01-2011, 02:48 PM	#2
bno>A قنــاص فعــال	رد: الصاحب اللي مطني في الهوى مـط @@ مطت وارعين(ن) تمط النبابيط ياحياتي يا هو رحمته والله كلامك جواهر يعطيكـ الف عافيه التوقيع: مما خـآب ممن قــآآل يً رب ,

13-01-2011, 03:05 PM	#3
علي العاصمي قناص مميــز	رد: الصاحب اللي مطني في الهوى مـط @@ مطت وارعين(ن) تمط النبابيط موضوعـك مهـم أخوي يعني من جــد ،، وبعدين مع غــلآ المهــور ذا ما اختلفنــا البنت غآليـه أكيد لكن يراعون غلآ المعيشــه شوي أشكرك أخوي قاسم البُر

13-01-2011, 06:02 PM	#4
غزلآن صديقـة المجلـس	رد: الصاحب اللي مطني في الهوى مـط @@ مطت وارعين(ن) تمط النبابيط : : اي والله المفروض الحرمه السنعه تراعي زوجهاامو تزيد عليه فيه ناس كثيير تطلقووو بهالسبب بس الله يعين والله يكافيناا الدين وهموومه والله ان الدين هم يكسر الظهر مانقول الاالله يعييين / : التوقيع:

13-01-2011, 07:03 PM	#5
كَـيـآنْ ! قناص جديد	رد: الصاحب اللي مطني في الهوى مـط @@ مطت وارعين(ن) تمط النبابيط موضوووع في قمة الاهميه واتمنى من كل البنات يراعون ظروف الشاب الي يجيهم عشان تعيش مبسووووووطه في حياتها

13-01-2011, 10:48 PM	#6
&نبض المعاني& قناص مميــز	رد: الصاحب اللي مطني في الهوى مـط @@ مطت وارعين(ن) تمط النبابيط والله غلاء المعيشه مشكله عوويصه.. صراحه اللي راتبه 10 الاف مايقدر يصرف اموره.. فما بالك بي 7 الاف وفيه ناس اقل بكثييير.. لكن الله يعينهم ويرزقهم من واسع رزقه.. عووافي ياللا ماقصرت.. التوقيع:

14-01-2011, 11:47 PM	#7
بيلســــــــان زعيم قناصين وجنة المجلس	رد: الصاحب اللي مطني في الهوى مـط @@ مطت وارعين(ن) تمط النبابيط 30 ألف !! وش تسوي بها ؟ انت طالع للسوق وشايف كيف الاسعار؟!!! طيب مو لازم تشوف الاسعار ولا شئ ، انت تضمن انه ما يستهين بالزواج اذا كانت التكاليف بسيطه ؟ انا معك بأن المبالغه بالتكاليف شئ سئئئ جدا لكن مو مع ان التكاليف تكون بخسسسه جدا ... انتم يالله نضبطكم وانتم دافعين مبالغ جامده كيف لو قليله لا الجد .. انه صعبه تجي عروسه على مجتمع جديد وتقولها خلي تجهيزك جدا بسيط فبالتالي لو ما طلبت منك مهر بتطلبها منك مصاريف بعد الزواج .. فهي فيكم فيكم الله ييسر لكل من أراد الستر التوقيع: أستودعكم الله الذي لاتضيع ودائعه @besoqnas

15-01-2011, 12:33 AM	#8
الشرقيه قلم المجلس النشيط	رد: الصاحب اللي مطني في الهوى مـط @@ مطت وارعين(ن) تمط النبابيط وكمان اكثرمن زوجه قدرت وضع زوجها وفي الاخير جمع الدراهم وجاب لها ضره واكثر من زوجه كانت تراعيه وفي الاخير خيانه زوجيه !!! طيب اذا هو مو قد الزواج ليش يتزوج من اصله ويتعب بنت الناس معه يرتب وضعه بالاول ثم يتزوج الدينا ماراح تطير والعجله مو زينه ابد ويحاول يكون له دخل مادي ثاني مو يكون طموحه بس على 7000 اللي كلها دين في دين انا معاك ان الحياه صارت صعبه مره ومتطلباتها كثرت عشان كذا لازم نطور نفسنا عشان نقدر نعيش فيها بسعاده ونسعد اللي معنا

17-01-2011, 09:45 AM	#9
الـ وجدآن ( بصْمة بيضَاء )	رد: الصاحب اللي مطني في الهوى مـط @@ مطت وارعين(ن) تمط النبابيط : أقتباس فوق هذا الصبر كله تصير نفسيته كذا في البيت .. وصارت زوجته نفسيه مثله المشكله فيهم الثنين :/ مشكله اذا مافيه تضحيات وتقدير وتفكير سليم من احد الاطراف :/ الحياه مو لهالدرجه صعبه ..... يبيلها صبر .... عشان تقدر تعيش بس بدون طمع من ناحيه الماديه يبيلها توازن في الصرف = تحقيق ميزانيه لو كل شهر له ميزانيه صرف للبيت والسوق وووو ...! يقابلها ميزانيه للمستقبل ولو القليل ,, تنفع بكره اما فستان جديد تمشيات وتحميل الزوج فوق طاقته = تفاهات دنيا والنتيجه مافيه هدوء نفسي ... ولا إستقرار وجو اسري دام الوحده عايشه مبسوطه ... احترام وموده بـ بيتها,,,,,, ليش تفكر كذا .! اهم شي مسئوليه البيت اللي هي احتياجاته الاساسيه إذا / قد يوفرها هي بتكون بـ نعمه نصيحه لكل موظف من الحين سو لك ميزانيه منها تعود نفسك ومنها تفيدك بكره موضوع سردك له هو اللي شدني وخلاني ارد موفق في حياتك ,. التوقيع: -

17-01-2011, 12:10 PM	#10
حُ ـلم ..} قنــاص مبــدع	رد: الصاحب اللي مطني في الهوى مـط @@ مطت وارعين(ن) تمط النبابيط اللي يبي العرس يصـــــبر على بلاويـــه ,, 30 ألف <<وش تجيب ؟! عالاقل 50 ألف معقوله تسد بعض المصاريف .. وفيه بعض العوايل يدفع يمكن 20 بس على شرط يروح معها للسوق ويدفع وراها _^ التوقيع: اللهم/ يا حنان يا منان يا واسع الغفران أغفر لأخي* وأرحمه وعافة وأعف عنة اللهم وأكرم نزلة ووسع مدخلة وأغسلة بالماء والثلج والبرد اللهم ونقة من الذنوب والخطايا كما ينقى الثوب الأبيض من الدنس* اللهم/ انزلة منازل الصديقين والشهداء والصالحين وحسن اولئك رفيقا اللهم وأجعل قبرة روضة من رياض الجنة ولا تجعلة حفرة من حفر النار اللهم وأفسح لة فى قبرة مد بصرة وأفرش قبرة من فراش الجنة اللهم وأعذة من عذاب القبر وجاف الأرض عن جنبية وأملأ قبرة بالرضا والنور والفسحة والسرور * اللهمـ آمـــين ../

21-01-2011, 01:26 PM	#12
armenia مطرود من الملعب	رد: الصاحب اللي مطني في الهوى مـط @@ مطت وارعين(ن) تمط النبابيط بجد 30 الف ما تسوي شي للبنت اللي يبي الحلوه يزيد المهر.. وهذا انتو قلتوها راعو غلا المعيشه.. مميز دايم في ابداع مواضيعك.. تحياتي لكــ،،،،

21-01-2011, 02:10 PM	#13
قهوه زرقآء قناص جديد	رد: الصاحب اللي مطني في الهوى مـط @@ مطت وارعين(ن) تمط النبابيط ‘ ‘ تسلم أخوي ع آلطرح وع آلمهر مو شرط حلوه غآليه في غآليآت ولآ ينفع فيهآ لآ جمآل ولآصنعه وفي اللي مهرهم قليل ومآتنقآس بكنوز الدنيآ وقآلوهآ مآهم آلآ هم آلعرس وآلشآطر آللي يضبط أموره قبل يتخذ هالقرآر //بآلتوفييق//

24-01-2011, 03:23 PM	#14
حبيل العمده قنــاص مبــدع	رد: الصاحب اللي مطني في الهوى مـط @@ مطت وارعين(ن) تمط النبابيط ربك كريم التوقيع:

29-01-2011, 12:57 AM	#15
Ophelia تَمرُّدْ حَرفْ فَوق عَرشْ الأدَبْ وقلم ياسري	رد: الصاحب اللي مطني في الهوى مـط @@ مطت وارعين(ن) تمط النبابيط أقتباس نصيحه لكل بنت جايها خطيب لا تطلبي منه أكثر من 40 ألف وحتى هالمهر اشوفه كثير في هالوقت الرجال وراءهـ بيت وأثاث وقاعة افراح وشهر عسل لك ثم بعدها فواتير كهرب ماء جوال ثابت مقاضي بيت ساعدي زوجك على تخفيف هم الدين لانه لو كان مهموم ونفسيته تعيسه انتي بتكوني تعيسه في زواجك من جدك .. 80,000 أشوفها شويه بعد .. التوقيع: * أنا العضو الأهم في كل " أجتماع طارئ !