ابـشـرك حـنـا بـخـيـر وسـلامـه .. - شبكة القناص

ناصر الصالح · 04-01-2011, 01:22 PM

.

ابشرك حنا بخير وسلامة ..
إن كنت تسأل هذا جوابي حنا بخير وسلامه ..

الشعب مبسوط ومتهنئ بـ كافة شرائحه وطبقاته كلهم بخير وسلامه

اقولك عن الشباب .. الكل متوظف ما فيه أحد عاطل من قبل يتخرج من الجامعة وهو عارف مكان وظيفته وموب أي وظيفة إلا وظيفة محترمه وأقل راتب 5 الآف ريال .. شيء طبيعي رواتبهم عالية وحنا من اغنى دول العالم واكبر دولة مصدرهـ للبترول ..

ومن ناحية رب الأسرة .. ابشرك ما عليه قروض ولا مديونيات ولا يقفل جواله آخر الشهر عشان الديانه ما يأخذون مصروف عياله .. تصدق عاد أنه في نهاية الشهر يكون باقي في حسابه ثلثين الراتب ..

ومقاضي البيت رخيصه رخص التراب .. ونسمع بـ غلاء المعيشه لكن ما شفناهـ حماية المستهلك ما قصرت محددهـ الأسعار وكل من خالف تشكمه شكم وتحط عليه عقوبات وغرامات ومع كل هذا تجينا 15% .. اعلى نسبة بين كل دول العالم ومن زود الفسقه صرنا نصرف في الشهر كامل هالـ 15% والراتب الاساسي ما نلمسه ولا نجيه ..

وعاد ما اقولك عن السعودة .. تصدق من قوة تطبيق السعودة اطلع في الشارع ادور أجنبي واحد ما حصلت ادخل مؤسسات وشركات ابي اشوف اجنبي واحد ما حصلت .. خير البلد كله ما يطلع لـ برى كله منا وفينا .. ومن زود الفسقه الشعب يطالب بتخفيف تطبيق السعودة لا تلومهم مشتاقين يشمون ريحة شعر الهندي آهـ على ذيك الريحه فقدتها وفقدت أهلها بس يبقى في النهاية قراركم سليم ما يصلح خير البلد يأخذها هندي وبنقالي وباكستاني مع انهم يأخذون خير خفيف موب مثل أهل لبنان اشوى انهم طلعو من الديرهـ بس ولا كانو يستلمون مثل راتب الموظف الحكومي ياحليلهم قنوعين

والبيوت والشقق هذه وضعها احسن ما يكون الإيجارات رخيصه حقين العقار مساكين رخصو الإيجارات لان الشعب كله عندهـ بيوت ملك كل واحد متزوج من يوم يجيه بزر واحد بس وهو مشتري له بيت ملك بدون قرض عقاري من بنك يأخذ الفائدة 100% وبدون قرض عقاري من الدولة مع ان الدولة ما قصرت تعطيك قرض عقاري يجيبلك ثلاث فلل يارب لا تحرمنا من هالخير ..

والشوارع والطرق فااااااااااضيه لدرجة أنك وانت طالع للدوام الصبح تأخذ لك غفوهـ وانت تسوق من عشر دقائق إلى ربع ساعة ثبت الطارهـ وحط راسك وارقد تصحى إلا أنت عند مخرج دوامك .. يا رجال المرور ما حط ساهر الا بسبب أن الشوارع فاضية والناس يأخذها الحماس وتشوف الطريق فاضي وتسرع وتمشي 180 وقتها قال المرور لازم نظام ساهر والمواطنين الله يهديهم ما يقدرون النعمة اللي هم فيها ويازين مخالفات المرور إذا جيت تسدد عطاك الحد الأدنى المخالفة بـ 300 ريال وتجي تسدد قال 150 ريال سددها وتطيح عنك من قالك أنهم يدبلونها دبل بالعكس ودنا أنهم يقولون دبل شرط أني لاقول ثري يستاهل المرور من يدعمه ويوقف معه

عاد الحفريات ما تشوفها في شوارعنا نهائيا وهي شيء لا بد منه لكن سبحان الله يخلصونها في وقت قياسي طريق الملك عبد الله حطو فيه نفق تصدق ما قعد إلا خمسة أيام ثم فتحو الطريق والنفق جاهز للاستخدام البشري .. وعندك طريق ديراب هذا كله تغير 180 درجه في وقت قياسي في شهر واحد بس سريع سريع وفتحو الطريق من يقولك أن له 4 سنوات وهو ما خلص ما عليك منهم لا تصدق هذولي ناس حقودهـ واعداء الوطن ..

وعلى طاري أعداء الوطن سمعت بالاشاعة اللي قالوها وهدفهم تشويه سمعة السعودية عند العربان قبحهم الله يقولون أن البلد كله ماشي على الواسطه وأن الفساد الإداري مسجل نسبة عالية .. وش هالكذب أجل معقوله طالب يتخرج من الثانوية ما يدخل الجامعة إلا بواسطة وش هالكلام بالعكس إلا الجامعة ترسل له مندوب وهو في بيتهم وتقول اي كلية تختار ثم يختار الطالب وتقول خلاص تم قبولك وألف مبرووك .. حتى الوظائف ما فيه تقديم أصلا لان الطالب من يوم يوصل لآخر مستوى ووزراة الخدمة المدنية مرسله له رسالة تقول ترى تم تعيينك من التاريخ الفلاني ما يحتاج يقدم ولا يحتاج واسطه ..

ولا الفساد الإداري قالو ايش قالو جده غرقت من الفساد الإداري وإن البيوت في مجرى سيول طيب وش دخل الفساد الإداري أنت يا مواطن ياحقير قبل تشتري لك بيت المفروض تروح تدرس هندسه وتعرف هل موقع بيتك سليم وله تصريف سيول وأمورهـ طيبه .. أنت من جهلك ماتو عيالك في سيول جده وجاي تطالب بكل بجاحه بحقك ومع هذا ما قصرت الحكومة صرفت لكم على كل رأس مليون ريال وتم صرف هالمليون من وقت تقديم شهادة الوفاة على طول من يقول قعدت سنة ما شمو ريحتها .. وشكلت لجنة لمكافحة الفساد الإداري ومن أول اسبوع لهم اكتشفو الجاني والمتسبب مع أن الخطأ منكم وقدموهـ للمحاكمة وكلنا سمعنا بخبر القاضي والرجال رأسه طار في الصفاة ..
وبكل بجاحة يقولون الحكومة قصرت معنا يا خي انتم مواطنين ما عليكم شرهه ..

الفقراء والمحتاجين هذه قووويه عاد لانه كل ما جاء رمضان وجاء وقت تطلع زكاتك وصدقتك في كل سنة اتذكر كتاب التاريخ حق رابع ابتدائي واتذكر الخليفة عمر بن عبد العزيز يوم كان الزكاة في الطرقات ولا يحصلون أحد تستحق عليه الزكاة الناس كلها شبعانه والحمدلله .. وهذا صاير معنا لدرجة اننا من زود الفسقه عندنا وتغطية كل المحتاجين هنا وصرنا ندور ما نلقى محتاج رحنا نتبرع لـ الدول المجاورة .. حتى امريكا وهي امريكا يوم اعصار كاترينا تبرعنا لهم .. وهذا دليل أن ما فيه في هالدولة لا فقير ولا محتاج الشعب كله شبعان ويتاغر امهات خمس

باختصار الشعب كله يقول الحمد لله اللذي لا يحمد على مكروهـ سوآهـ
باختصار حنا بخير وسلامه .. انت شلونك بشرنا عنك يا حياتي
ودي اغني لك واقول انت طيب هذا هو اللي يهم انت طيب وغير هذا ما يهم

.

**| ظَلَّ عَابِـرْ ! ،** · 04-01-2011, 01:53 PM

.

قضايا عِدة تستحقَ النِقاشَ . ,
آعجبني لغة الإبهام في النصَ , شكراً أخ
قاسم طرحَك الذي يستحق الحِوار الهاديَ ،

لي عووودة , بس حبيت آسجل دخولَ إعجابَ
بما خطته يداكَ , و القضايا التي لابُد أن يُنظر لهاَ
إلى متى ونحن نتذمر منهـا

نٌرجوا الآبتعاد عن التشنج و المُبالغـةَ في طرح الآراءَ , والبٌعد

كُل البعد عنَ المسَ بأي شخصيةَ , أنتقد العملَ دون الشخصياتَ

**O X Y G E N** · 04-01-2011, 02:32 PM

ياااااااه قضايا كثير و مثيره
اسلوبك للطرح جِدآ راقي وجذاب

خاصه سالفة الحفريات
والواسطات و و ... كل ماقلته من قلب طالع :/

اهنيك والله , وان شاءالله يكون هذا مُتصفح للنقاش

قاسم / نورنا كثير

سـدِيْم · 04-01-2011, 02:58 PM

آسلوب حلو ورايق وجذاب ماآشالله

فعلاً آحنـا بخير ونعمه وهذا الي نقدر
نقوووله , مواااضيع وقضايا توجع
الرآاس وتعبنا نناقش فيها ولا فايده

قـاسـم , ربي يسسلمك ,
وووعساك عَ القوه ( F )

**MeSh3aL ~ 20** · 04-01-2011, 05:20 PM

.

.

آه لو عندي واسطه كان أخليه يعرض رابط قسم ( نبض الوطن )
ب شاشه مجلس الوزراء أخليهم " يطقون فره " ب القسم ويشوفون
شلون المواطن مرتاح ..

تصدق شئ , كل دول العالم حتى الفقيره منها تستعمل المياه الحلوه
للغسيل والشور وكل شئ , إلا مملكتنا الغاليه زين ما حطوا مياه الشرب
مالحه بعد " طبعا ً هـ الكلام في معظم مُدن المملكه " ..

آه بس , والله ثم والله ثم والله إنهم يدرون عن كل حرف وكلمه
بس أعلى المراتب والرواتب والبشوت اللي تسحب وراهم وعيالهم
ب أحسن الجامعات " طبعا ً برا المملكه , يخسون يدرسون ب المملكه "
وما يعرف شئ أسمه حر لابد من لندن وباريس وفينا ..

هم يشربون الماء ب كاسات من ذهب , بس أنا وأنت وأنت ......!
بس بقول كلمة " إلى متى ونحن نشرب الماء ب ِ كاسات الجبن "

يعطيك العافيه عزيزي على الموضوع
حقا ً تعمقت في بقايا جرح تلوث من وزراء أو خيال الوزراء
الذين لا يعلمون أين نحن نعيش .!

..

دانيا المطيري · 04-01-2011, 09:41 PM

.

صبآحك / مسسائك رضآء

موضوعك ينآقش آكثر من قضيه
يعآني منهآ آلكثييير من آلشعب

رآح آبدأ فَ آلبطآله !
آحسس عدت وزدت في ذآ آلموضوع لمآ زهقت
بسس بذكر شي قريته قبل يومين تقريباً
نزل في جريده يوميه مقآل للأستآذ فهد عآمر آلآحمدي
كآن آسسم آلموضوع " من يعرف حضرمياً عآطلاً عن آلعمل ؟ " !!

نآقشش فيه 3 آتجآهآت آو آسبآب آدت للبطآله
كآن مقآل مميز جداً وفتح عيوننآ على آشياء كثيره
وخلق سبب جديد لحل مششكلة آلبطآله آلمتفشيه فَ آلشعب آلسعودي

آلسعوده !
آبسألك آخوي قآسسم :
لآ ششفت سعودي يشتغل مكآن آللي ينظف آلآمآكن فَ آلمطآعم !

وش بتقول , وش بتكون ردة فعلك , بتظل تطآلب بَ آلسسعوده ؟!
مدري آنا عن نفسي مَ رآح آتقبل آلفكره آنو سعودي يشتغل مكآنه
مو تقليل فَ آلشغله ولآ آحتقآر لهآ !
بسس مَ تعودت آشوف سعودي يشتغل بَ هآلمنصب !

آلسعوده على حد علمي مطبقينهآ في بعض آلشركآت
زي شركآت آلآتصآلآت ووَ بعض شركآت آلمطآعم

آلحفريآت !

آآآآه يَ ربي آآآه من آلحفريآت
كل يوم آمر من حفريآت مشروع تطوير طريق آلملك عبدآلله
معآنآة ترم درآسي كآمل , حتى نفسسي تنسد لمآ آمر منه
هو سبب تأخير كل آلعآلم عن شغلهم / بَ آلله كم صآر لهم يشتغلون عليه !؟
ولآ آلطريق آلسريع مدري شسمه آللي آنهآر
لمآ جآء آلمطر آلقوي من سنه يمكن !
ليومك هذآ مَ خلصص وللحين يشتغلون عليه وللحين يعدلون عليه !
تسيب وَ آهمآل وقلة مسؤليه من آلقآئمين عليه !
للأسف آلسعوديه في شوآرعهآ وطرقهآ كل مآلهآ في آنحدآر و آهمآل وتسسيب آكثر من آول

خيرنآ لَ غيرنآ !
ليييه يوم آنهم يحولون كل سسنه مدري كل كم شهر مليون ولآ مليونين لَ لبنآن !
من كثر آلفلوس ولآ من آلدين آللي في لبنآن ولآ عششآن آلمحتآجين عندنآ آنمحوآ !
مَ نقول آلآ لآحول ولآ قوة آلآ بآلله
مَ نقدر نسسوي شي وآلله , بنتكلم ونتكلم و مَ رآح نحصصل فآيده !

قآسسم
آسلوب سلس وبسسيط
تطرقك وَ تعمقك في بعض آلقضآيا كآن معبر
شكراً لَك / آسسفه عَ آلاطآله

.

**ŘĘỄm ĄŀğàŅaŠ** · 04-01-2011, 09:51 PM

يعجبني اسلوبك في الطرح رائع
الحمدالله حنا في خير ونعمه

**هـــلالي مــاركة** · 05-01-2011, 02:44 AM

هلا بك اخوي قاسم

لمحت اسلوب الكاتب المثير للجدل : محمد الرطيان في هذا النص

خصوصا في طرحك هنا لقضايا تهم المواطن السعودي

اعجبتني فكرة الموضوع القائمه

على الضرب ع الوتر بأسلوب ساخر جدا

انا هنا لتسجيل اعجاب بقلمك

تحياتي لك

**أبـو يزيــد** · 05-01-2011, 08:51 AM

الله عليك ياقاسم ..
تصدق من قوة مانحن بخير وسلامه
حتى الفيفا وهو فيفا بيبني لنا 10 ملاعب
واحنا مفترض أننا دوله غنيه ولا علينا قصور

الله يعين ياشيخ
تقريبا كل النقاط اللي ذكرتها
مافيه بيت سعودي مايعاني من وحده فيها على الاقل

الله يصلح الحال ويبعد عن ملكنا البطانه الفاسده

ناصر الصالح · 05-01-2011, 04:16 PM

سأحدثكم عن « محمد صالح عبدالرحمن «

محمد الرطيان
سأحدثكم عن « محمد صالح عبدالرحمن « :
لا تعنيه كل هذه الثرثرة الوطنية الذي يشعلها اليمين واليسار.
لم يقرأ كل التقارير الإعلامية عن « حرب محتملة في المنطقة «.
لم يعد يتابع ارتفاع سعر برميل النفط.
سمع عن « الكاشيرة « وحتى هذه اللحظة لا يعرف معنى هذه الكلمة الغربية.
معرفته بالنظريات الاقتصادية لا تتجاوز معرفة باراك اوباما بصنع « الكليجا «.
يسمع بـ « الإسلاميين « و « الليبراليين « و « الاختلاط « و « إرضاع الكبير « و « التشدد « و « التغريبيين « ..
ولا يلقي لها بالاً.. بل يردد بينه وبين نفسه: (والله من الفضاوة)!
يزعجه ارتفاع سعر الطماطم أكثر من انزعاجه من السياسة الإيرانية في المنطقة..
أما سعر كيس البصل فهو أهم لديه ألف مرة من « الحوار الوطني «.
« محمد صالح عبدالرحمن « مواطن سعودي على مشارف الثلاثين من عمره..
يعيش في جدة والرياض وتبوك ورفحاء ونجران والزلفي والقطيف وشرورة وأبها..
وفي كافة الجهات والمناطق.
وكما قلت لكم قبل قليل:
معرفته بالاقتصاد لا تتجاوز ما يعرفه الزميل « محمد السحيمي « من اللغة الصينية..
ولكنه يُجيد الحساب، ويستطيع أن يضرب 10 ملايين برميل في 100 دولار في 3,75 ريال
ليصل إلى هذه النتيجة: 120 مليارا خلال شهر.
« محمد صالح عبدالرحمن « يسألكم بحسرة:
120 مليارا خلال شهر ولم تستطيعوا أن توفروا لي وظيفة وبيتا؟!

[FONT=Arial Black]المقال"]http://al-madina.com/node/281846"]المقال في جريدة المدينة[/URL]

armenia · 05-01-2011, 06:12 PM

قضايا مهم للمواطن اسعودي

شكرا اخوي قاسم

ابداع قلم الفواح ..

تحيـــــــــــــاتي
لكم ..

&نبض المعاني& · 07-01-2011, 01:06 AM

والله في قضايا مهمة طرحتها كثير اخوي لكن المشكله في هالبلد..

ان الواسطات وشغل المحسوبيات هي اللي اضرت بالشعب والفساد الاداري ..

في اغلب وزرات المملكة..

عووافي يالغلا ابدعت في الطرح يسلم يمناك..

&نبض المعاني& · 07-01-2011, 01:08 AM

والله في قضايا مهمة طرحتها كثير اخوي لكن المشكله في هالبلد..

ان الواسطات وشغل المحسوبيات هي اللي اضرت بالشعب والفساد الاداري ..

في اغلب وزرات المملكة..

عووافي يالغلا ابدعت في الطرح يسلم يمناك..

**لوريتا** · 07-01-2011, 01:52 AM

للاسف ماتقدر تنغير حالنا ابدا
حنا في مجتمع مليء بالمشاكل الي مالها حل
طرحك راقي جدا

**~ ŚάřάĦ** · 09-01-2011, 11:38 PM

*

قاســـ*ــم ..

موضوع رائع وتشكر عليه
وجميع ماقلته بمكانه بلفعل يعني الآغنيه
بوادي والحقيقه والواقع بوادي واتمنى من كل قلبي ان رسالتك توصل
للمسؤلين ...

عوافي الطرح

04-01-2011, 01:22 PM	#1
ناصر الصالح مشرف سابـق	ابـشـرك حـنـا بـخـيـر وسـلامـه .. . ابشرك حنا بخير وسلامة .. إن كنت تسأل هذا جوابي حنا بخير وسلامه .. الشعب مبسوط ومتهنئ بـ كافة شرائحه وطبقاته كلهم بخير وسلامه اقولك عن الشباب .. الكل متوظف ما فيه أحد عاطل من قبل يتخرج من الجامعة وهو عارف مكان وظيفته وموب أي وظيفة إلا وظيفة محترمه وأقل راتب 5 الآف ريال .. شيء طبيعي رواتبهم عالية وحنا من اغنى دول العالم واكبر دولة مصدرهـ للبترول .. ومن ناحية رب الأسرة .. ابشرك ما عليه قروض ولا مديونيات ولا يقفل جواله آخر الشهر عشان الديانه ما يأخذون مصروف عياله .. تصدق عاد أنه في نهاية الشهر يكون باقي في حسابه ثلثين الراتب .. ومقاضي البيت رخيصه رخص التراب .. ونسمع بـ غلاء المعيشه لكن ما شفناهـ حماية المستهلك ما قصرت محددهـ الأسعار وكل من خالف تشكمه شكم وتحط عليه عقوبات وغرامات ومع كل هذا تجينا 15% .. اعلى نسبة بين كل دول العالم ومن زود الفسقه صرنا نصرف في الشهر كامل هالـ 15% والراتب الاساسي ما نلمسه ولا نجيه .. وعاد ما اقولك عن السعودة .. تصدق من قوة تطبيق السعودة اطلع في الشارع ادور أجنبي واحد ما حصلت ادخل مؤسسات وشركات ابي اشوف اجنبي واحد ما حصلت .. خير البلد كله ما يطلع لـ برى كله منا وفينا .. ومن زود الفسقه الشعب يطالب بتخفيف تطبيق السعودة لا تلومهم مشتاقين يشمون ريحة شعر الهندي آهـ على ذيك الريحه فقدتها وفقدت أهلها بس يبقى في النهاية قراركم سليم ما يصلح خير البلد يأخذها هندي وبنقالي وباكستاني مع انهم يأخذون خير خفيف موب مثل أهل لبنان اشوى انهم طلعو من الديرهـ بس ولا كانو يستلمون مثل راتب الموظف الحكومي ياحليلهم قنوعين والبيوت والشقق هذه وضعها احسن ما يكون الإيجارات رخيصه حقين العقار مساكين رخصو الإيجارات لان الشعب كله عندهـ بيوت ملك كل واحد متزوج من يوم يجيه بزر واحد بس وهو مشتري له بيت ملك بدون قرض عقاري من بنك يأخذ الفائدة 100% وبدون قرض عقاري من الدولة مع ان الدولة ما قصرت تعطيك قرض عقاري يجيبلك ثلاث فلل يارب لا تحرمنا من هالخير .. والشوارع والطرق فااااااااااضيه لدرجة أنك وانت طالع للدوام الصبح تأخذ لك غفوهـ وانت تسوق من عشر دقائق إلى ربع ساعة ثبت الطارهـ وحط راسك وارقد تصحى إلا أنت عند مخرج دوامك .. يا رجال المرور ما حط ساهر الا بسبب أن الشوارع فاضية والناس يأخذها الحماس وتشوف الطريق فاضي وتسرع وتمشي 180 وقتها قال المرور لازم نظام ساهر والمواطنين الله يهديهم ما يقدرون النعمة اللي هم فيها ويازين مخالفات المرور إذا جيت تسدد عطاك الحد الأدنى المخالفة بـ 300 ريال وتجي تسدد قال 150 ريال سددها وتطيح عنك من قالك أنهم يدبلونها دبل بالعكس ودنا أنهم يقولون دبل شرط أني لاقول ثري يستاهل المرور من يدعمه ويوقف معه عاد الحفريات ما تشوفها في شوارعنا نهائيا وهي شيء لا بد منه لكن سبحان الله يخلصونها في وقت قياسي طريق الملك عبد الله حطو فيه نفق تصدق ما قعد إلا خمسة أيام ثم فتحو الطريق والنفق جاهز للاستخدام البشري .. وعندك طريق ديراب هذا كله تغير 180 درجه في وقت قياسي في شهر واحد بس سريع سريع وفتحو الطريق من يقولك أن له 4 سنوات وهو ما خلص ما عليك منهم لا تصدق هذولي ناس حقودهـ واعداء الوطن .. وعلى طاري أعداء الوطن سمعت بالاشاعة اللي قالوها وهدفهم تشويه سمعة السعودية عند العربان قبحهم الله يقولون أن البلد كله ماشي على الواسطه وأن الفساد الإداري مسجل نسبة عالية .. وش هالكذب أجل معقوله طالب يتخرج من الثانوية ما يدخل الجامعة إلا بواسطة وش هالكلام بالعكس إلا الجامعة ترسل له مندوب وهو في بيتهم وتقول اي كلية تختار ثم يختار الطالب وتقول خلاص تم قبولك وألف مبرووك .. حتى الوظائف ما فيه تقديم أصلا لان الطالب من يوم يوصل لآخر مستوى ووزراة الخدمة المدنية مرسله له رسالة تقول ترى تم تعيينك من التاريخ الفلاني ما يحتاج يقدم ولا يحتاج واسطه .. ولا الفساد الإداري قالو ايش قالو جده غرقت من الفساد الإداري وإن البيوت في مجرى سيول طيب وش دخل الفساد الإداري أنت يا مواطن ياحقير قبل تشتري لك بيت المفروض تروح تدرس هندسه وتعرف هل موقع بيتك سليم وله تصريف سيول وأمورهـ طيبه .. أنت من جهلك ماتو عيالك في سيول جده وجاي تطالب بكل بجاحه بحقك ومع هذا ما قصرت الحكومة صرفت لكم على كل رأس مليون ريال وتم صرف هالمليون من وقت تقديم شهادة الوفاة على طول من يقول قعدت سنة ما شمو ريحتها .. وشكلت لجنة لمكافحة الفساد الإداري ومن أول اسبوع لهم اكتشفو الجاني والمتسبب مع أن الخطأ منكم وقدموهـ للمحاكمة وكلنا سمعنا بخبر القاضي والرجال رأسه طار في الصفاة .. وبكل بجاحة يقولون الحكومة قصرت معنا يا خي انتم مواطنين ما عليكم شرهه .. الفقراء والمحتاجين هذه قووويه عاد لانه كل ما جاء رمضان وجاء وقت تطلع زكاتك وصدقتك في كل سنة اتذكر كتاب التاريخ حق رابع ابتدائي واتذكر الخليفة عمر بن عبد العزيز يوم كان الزكاة في الطرقات ولا يحصلون أحد تستحق عليه الزكاة الناس كلها شبعانه والحمدلله .. وهذا صاير معنا لدرجة اننا من زود الفسقه عندنا وتغطية كل المحتاجين هنا وصرنا ندور ما نلقى محتاج رحنا نتبرع لـ الدول المجاورة .. حتى امريكا وهي امريكا يوم اعصار كاترينا تبرعنا لهم .. وهذا دليل أن ما فيه في هالدولة لا فقير ولا محتاج الشعب كله شبعان ويتاغر امهات خمس باختصار الشعب كله يقول الحمد لله اللذي لا يحمد على مكروهـ سوآهـ باختصار حنا بخير وسلامه .. انت شلونك بشرنا عنك يا حياتي ودي اغني لك واقول انت طيب هذا هو اللي يهم انت طيب وغير هذا ما يهم . التوقيع: https://twitter.com/#!/qasm84

04-01-2011, 01:53 PM	#2
\| ظَلَّ عَابِـرْ ! ، . . : زعيم القناصين : . .	. قضايا عِدة تستحقَ النِقاشَ . , آعجبني لغة الإبهام في النصَ , شكراً أخ قاسم طرحَك الذي يستحق الحِوار الهاديَ ، لي عووودة , بس حبيت آسجل دخولَ إعجابَ بما خطته يداكَ , و القضايا التي لابُد أن يُنظر لهاَ إلى متى ونحن نتذمر منهـا نٌرجوا الآبتعاد عن التشنج و المُبالغـةَ في طرح الآراءَ , والبٌعد كُل البعد عنَ المسَ بأي شخصيةَ , أنتقد العملَ دون الشخصياتَ التوقيع: . - و إنْ لمَحتْ : بَـ دآخل عيونيّ ( دموُع ) , إعرَف إنَه :- مآت بَـ شفآهيّ آلحكيّ : ( ! التعديل الأخير تم بواسطة \| ظَلَّ عَابِـرْ ! ، ; 04-01-2011 الساعة 05:41 PM

04-01-2011, 02:32 PM	#3
O X Y G E N . . : زعيم القناصين : . .	رد: ابـشـرك حـنـا بـخـيـر وسـلامـه .. ياااااااه قضايا كثير و مثيره اسلوبك للطرح جِدآ راقي وجذاب خاصه سالفة الحفريات والواسطات و و ... كل ماقلته من قلب طالع :/ اهنيك والله , وان شاءالله يكون هذا مُتصفح للنقاش قاسم / نورنا كثير التوقيع: \| استودعكم الله الذي لاتضيع ودائعه ! ] ask.fm,flickr , twitter , tumblr , instagr.am

04-01-2011, 02:58 PM	#4
سـدِيْم قناص مميــز	رد: ابـشـرك حـنـا بـخـيـر وسـلامـه .. آسلوب حلو ورايق وجذاب ماآشالله فعلاً آحنـا بخير ونعمه وهذا الي نقدر نقوووله , مواااضيع وقضايا توجع الرآاس وتعبنا نناقش فيها ولا فايده قـاسـم , ربي يسسلمك , وووعساك عَ القوه ( F ) التوقيع: سَبحآن الله وبحمدهـ ، سبحآن الله العظيم : ـ

04-01-2011, 05:20 PM	#5
MeSh3aL ~ 20 . . : كبــار الكتـاب : . .	رد: ابـشـرك حـنـا بـخـيـر وسـلامـه .. . . آه لو عندي واسطه كان أخليه يعرض رابط قسم ( نبض الوطن ) ب شاشه مجلس الوزراء أخليهم " يطقون فره " ب القسم ويشوفون شلون المواطن مرتاح .. تصدق شئ , كل دول العالم حتى الفقيره منها تستعمل المياه الحلوه للغسيل والشور وكل شئ , إلا مملكتنا الغاليه زين ما حطوا مياه الشرب مالحه بعد " طبعا ً هـ الكلام في معظم مُدن المملكه " .. آه بس , والله ثم والله ثم والله إنهم يدرون عن كل حرف وكلمه بس أعلى المراتب والرواتب والبشوت اللي تسحب وراهم وعيالهم ب أحسن الجامعات " طبعا ً برا المملكه , يخسون يدرسون ب المملكه " وما يعرف شئ أسمه حر لابد من لندن وباريس وفينا .. هم يشربون الماء ب كاسات من ذهب , بس أنا وأنت وأنت ......! بس بقول كلمة " إلى متى ونحن نشرب الماء ب ِ كاسات الجبن " يعطيك العافيه عزيزي على الموضوع حقا ً تعمقت في بقايا جرح تلوث من وزراء أو خيال الوزراء الذين لا يعلمون أين نحن نعيش .! ..

04-01-2011, 09:41 PM	#6
دانيا المطيري قنــاص مبــدع	آبشرك حنآ بخير وسلآمه ! . صبآحك / مسسائك رضآء موضوعك ينآقش آكثر من قضيه يعآني منهآ آلكثييير من آلشعب رآح آبدأ فَ آلبطآله ! آحسس عدت وزدت في ذآ آلموضوع لمآ زهقت بسس بذكر شي قريته قبل يومين تقريباً نزل في جريده يوميه مقآل للأستآذ فهد عآمر آلآحمدي كآن آسسم آلموضوع " من يعرف حضرمياً عآطلاً عن آلعمل ؟ " !! نآقشش فيه 3 آتجآهآت آو آسبآب آدت للبطآله كآن مقآل مميز جداً وفتح عيوننآ على آشياء كثيره وخلق سبب جديد لحل مششكلة آلبطآله آلمتفشيه فَ آلشعب آلسعودي آلسعوده ! آبسألك آخوي قآسسم : لآ ششفت سعودي يشتغل مكآن آللي ينظف آلآمآكن فَ آلمطآعم ! وش بتقول , وش بتكون ردة فعلك , بتظل تطآلب بَ آلسسعوده ؟! مدري آنا عن نفسي مَ رآح آتقبل آلفكره آنو سعودي يشتغل مكآنه مو تقليل فَ آلشغله ولآ آحتقآر لهآ ! بسس مَ تعودت آشوف سعودي يشتغل بَ هآلمنصب ! آلسعوده على حد علمي مطبقينهآ في بعض آلشركآت زي شركآت آلآتصآلآت ووَ بعض شركآت آلمطآعم آلحفريآت ! آآآآه يَ ربي آآآه من آلحفريآت كل يوم آمر من حفريآت مشروع تطوير طريق آلملك عبدآلله معآنآة ترم درآسي كآمل , حتى نفسسي تنسد لمآ آمر منه هو سبب تأخير كل آلعآلم عن شغلهم / بَ آلله كم صآر لهم يشتغلون عليه !؟ ولآ آلطريق آلسريع مدري شسمه آللي آنهآر لمآ جآء آلمطر آلقوي من سنه يمكن ! ليومك هذآ مَ خلصص وللحين يشتغلون عليه وللحين يعدلون عليه ! تسيب وَ آهمآل وقلة مسؤليه من آلقآئمين عليه ! للأسف آلسعوديه في شوآرعهآ وطرقهآ كل مآلهآ في آنحدآر و آهمآل وتسسيب آكثر من آول خيرنآ لَ غيرنآ ! ليييه يوم آنهم يحولون كل سسنه مدري كل كم شهر مليون ولآ مليونين لَ لبنآن ! من كثر آلفلوس ولآ من آلدين آللي في لبنآن ولآ عششآن آلمحتآجين عندنآ آنمحوآ ! مَ نقول آلآ لآحول ولآ قوة آلآ بآلله مَ نقدر نسسوي شي وآلله , بنتكلم ونتكلم و مَ رآح نحصصل فآيده ! قآسسم آسلوب سلس وبسسيط تطرقك وَ تعمقك في بعض آلقضآيا كآن معبر شكراً لَك / آسسفه عَ آلاطآله . التوقيع: - نَصيبُكَ في حَياتِكَ من حَبيبٍ . . . . . . نَصيبُكَ في مَنامِكَ من خيَالِ :( .

04-01-2011, 09:51 PM	#7
ŘĘỄm ĄŀğàŅaŠ أعضاء لجنة نبض الوطن و مميز الاتصالات والتقنية	رد: ابـشـرك حـنـا بـخـيـر وسـلامـه .. يعجبني اسلوبك في الطرح رائع الحمدالله حنا في خير ونعمه التوقيع: يَ رَبْ : . . أرِحْ قلوباً لا يَعلَمُ بِحَالِهَا أحدٌ سِواك

05-01-2011, 02:44 AM	#8
هـــلالي مــاركة . . : زعيم القناصين : . .	رد: ابـشـرك حـنـا بـخـيـر وسـلامـه .. هلا بك اخوي قاسم لمحت اسلوب الكاتب المثير للجدل : محمد الرطيان في هذا النص خصوصا في طرحك هنا لقضايا تهم المواطن السعودي اعجبتني فكرة الموضوع القائمه على الضرب ع الوتر بأسلوب ساخر جدا انا هنا لتسجيل اعجاب بقلمك تحياتي لك التوقيع:

05-01-2011, 08:51 AM	#9
أبـو يزيــد مراقـــب عـــام	رد: ابـشـرك حـنـا بـخـيـر وسـلامـه .. الله عليك ياقاسم .. تصدق من قوة مانحن بخير وسلامه حتى الفيفا وهو فيفا بيبني لنا 10 ملاعب واحنا مفترض أننا دوله غنيه ولا علينا قصور الله يعين ياشيخ تقريبا كل النقاط اللي ذكرتها مافيه بيت سعودي مايعاني من وحده فيها على الاقل الله يصلح الحال ويبعد عن ملكنا البطانه الفاسده التوقيع: http://www.youtube.com/watch?v=CA4h5WMVdk8

05-01-2011, 04:16 PM	#10
ناصر الصالح مشرف سابـق	رد: ابـشـرك حـنـا بـخـيـر وسـلامـه .. سأحدثكم عن « محمد صالح عبدالرحمن « محمد الرطيان سأحدثكم عن « محمد صالح عبدالرحمن « : لا تعنيه كل هذه الثرثرة الوطنية الذي يشعلها اليمين واليسار. لم يقرأ كل التقارير الإعلامية عن « حرب محتملة في المنطقة «. لم يعد يتابع ارتفاع سعر برميل النفط. سمع عن « الكاشيرة « وحتى هذه اللحظة لا يعرف معنى هذه الكلمة الغربية. معرفته بالنظريات الاقتصادية لا تتجاوز معرفة باراك اوباما بصنع « الكليجا «. يسمع بـ « الإسلاميين « و « الليبراليين « و « الاختلاط « و « إرضاع الكبير « و « التشدد « و « التغريبيين « .. ولا يلقي لها بالاً.. بل يردد بينه وبين نفسه: (والله من الفضاوة)! يزعجه ارتفاع سعر الطماطم أكثر من انزعاجه من السياسة الإيرانية في المنطقة.. أما سعر كيس البصل فهو أهم لديه ألف مرة من « الحوار الوطني «. « محمد صالح عبدالرحمن « مواطن سعودي على مشارف الثلاثين من عمره.. يعيش في جدة والرياض وتبوك ورفحاء ونجران والزلفي والقطيف وشرورة وأبها.. وفي كافة الجهات والمناطق. وكما قلت لكم قبل قليل: معرفته بالاقتصاد لا تتجاوز ما يعرفه الزميل « محمد السحيمي « من اللغة الصينية.. ولكنه يُجيد الحساب، ويستطيع أن يضرب 10 ملايين برميل في 100 دولار في 3,75 ريال ليصل إلى هذه النتيجة: 120 مليارا خلال شهر. « محمد صالح عبدالرحمن « يسألكم بحسرة: 120 مليارا خلال شهر ولم تستطيعوا أن توفروا لي وظيفة وبيتا؟! [FONT=Arial Black]المقال"]http://al-madina.com/node/281846"]المقال في جريدة المدينة[/URL] التوقيع: https://twitter.com/#!/qasm84

05-01-2011, 06:12 PM	#11
armenia مطرود من الملعب	رد: ابـشـرك حـنـا بـخـيـر وسـلامـه .. قضايا مهم للمواطن اسعودي شكرا اخوي قاسم ابداع قلم الفواح .. تحيـــــــــــــاتي لكم ..

07-01-2011, 01:06 AM	#12
&نبض المعاني& قناص مميــز	رد: ابـشـرك حـنـا بـخـيـر وسـلامـه .. والله في قضايا مهمة طرحتها كثير اخوي لكن المشكله في هالبلد.. ان الواسطات وشغل المحسوبيات هي اللي اضرت بالشعب والفساد الاداري .. في اغلب وزرات المملكة.. عووافي يالغلا ابدعت في الطرح يسلم يمناك.. التوقيع:

07-01-2011, 01:08 AM	#13
&نبض المعاني& قناص مميــز	رد: ابـشـرك حـنـا بـخـيـر وسـلامـه .. والله في قضايا مهمة طرحتها كثير اخوي لكن المشكله في هالبلد.. ان الواسطات وشغل المحسوبيات هي اللي اضرت بالشعب والفساد الاداري .. في اغلب وزرات المملكة.. عووافي يالغلا ابدعت في الطرح يسلم يمناك.. التوقيع:

07-01-2011, 01:52 AM	#14
لوريتا Yasser Media Team	رد: ابـشـرك حـنـا بـخـيـر وسـلامـه .. للاسف ماتقدر تنغير حالنا ابدا حنا في مجتمع مليء بالمشاكل الي مالها حل طرحك راقي جدا التوقيع:

09-01-2011, 11:38 PM	#15
~ ŚάřάĦ مشرفة قسم صوت القناص	رد: ابـشـرك حـنـا بـخـيـر وسـلامـه .. * * *قاســـــم .. موضوع رائع وتشكر عليه وجميع ماقلته بمكانه بلفعل يعني الآغنيه بوادي والحقيقه والواقع بوادي واتمنى من كل قلبي ان رسالتك توصل للمسؤلين ... عوافي الطرح التوقيع: twitter.**