تجرحين و ترحلين=و بعد مدة ترجعين
ضايعٍ بعدك انا=ما قدرتي تصبرين
لين يبعدني الزمن=عن شعوري بالحنين
و عن حكايات الغزل=وشوقي اللي تعرفين
كنت اغامر لأجل أحس=ان حبّك لي متين
و كنت اشوفك كل شي=ضيّ عيني والضنين
و كنت أطير بها الفضا=بعد ما أضمك و ألين
كان حبك لي حياة=(حلوها ذيك السنين)
صارت أيامي بلاك=ضنْك و احزانٍ و شِين
صرت أخايل صورتك=حاضرة في كل حين
في صباحي يوم كان=وجهك الصافي يبين
و صرت اشاهد مغربك=و انكسر كلي حزين
ما قويت لها العنا=هدّني و امسيت ادين
عقلي اللي هام بك=و اصبح لكلك رهين
و قلبي اللي لك عشق=و عرشه اللي تملكين
ودّي افهق لك ضلوع=لأجل تقرين الكنين
و ينكشف لك وش كثر=حبك بقلبي دفين
روحي يا حب(ن) قديم=لان ما فيني أهين
كل لحظة عشتها=في كنف حلمٍ يقين
و قبل ما اطوي صفحتك=ليتك انك تسمحين
كلمه بقلبي بقت=و لازم انك تسمعين
بكل شوق اقولها=(حلوها ذيك السنين)