ذآ [ آنـآ ] من يوم مآ ربي خلقني !
فطري بـ / إحسآسي و لآني . . بـ إصطنـآعي !!

عآطفــي جدًآ . . و كلي { شـآعريـہ ~
و إنطوآئي كثير و شوّيـآ [آجتمـآعي ]

صبحكم الله بالخير .. واعانكم الله على صيام عاشوراء

ودي أسولف بدووون قيووود
يعني سواليف بخاطري وبقولها ..
الموضوع ما يخضع لتصنيف محدد ..
من سالفه صارت لي
او ذكرى
او اشياء انتقدها بالحياة ..

فقط اقرؤا بدون اي تعليق واذا خلصت مسولفه عليكم
بقولكم حيااااكم <حيااء متصننننع




..

ما عرفت الذِل في عز انكساري . .
و ما عرفت الشح لو يومي / شحيح . .
و اكتسابالطيب ماهوب اختياري . .
دامني من قوم ترقى / مـاتطيح







هالابيات ذكرتني بموقفنا مع الهيئه أيام المتوسط
على أيامنا كانت الهيئه تراقب مدارس البنات وممكن تتابع الباصات وكذا .. الله يجزاهم خير يخافون علينا من الصعاليك

مره وباصنا يمشي في أمان الله ..كالعاده لابد تطاردنا سياره ومن هالحكي
اثرنا صادفنا الهيئه و مير يوقفون باصنا ..ويدخل واحد منهم من الباب الاوسط ويقول مين البنت الكااااشفه ..والبنات يماااااااه يماااااااه وصيااااح
انا وزميلاتي كنا بالكرسي الاخييييييير وماندري مين اللي كاشفه تفاجأنا بكلامهم ..
ومير يقول وحده من اللي بالاخييييير

زميلاااااتي صراااااخ وصيااااااااح

وكل بنات الباص نزلوا من كراسيهم لارضية الباص
انا كذا وجهي
بنات وش فيكم اجلسوا على الكراسي .. وزميلاتي انزلي انزلي لايشوفونك ياخذونك ..وانا ما زلت كذاااا

وش الدنيا فوضى ماسويت شئ ولا علي منهم ..انا واثقه بعمري ..

ومير أصير انا لحالي مرتزه فوق كراسي الباص وكل البنات كأنهم مستعبدات خخخخخـ


* فيني طبع ممكن يضرني .. لو السيف على حد رقبتي ما أذل نفسي واستعطف أحد له سلطه علي : )


...

..








ڵۉ ڵـ حيَطان اڵمدارس ذاڪَرة
شـ إڵڵي ٺقۉڵه!

ۉ ڵۉ حڪَٺْ. .
منهۉ بَـ يسمعها ۉ يعطيها إهٺمامه؟
......منهۉ يمنحها فضۉڵه؟

ڪَم طِفڵ ڪَٺَب عڵيهامشڪَڵاٺه: (
ڵأن:
أمه ٺجهَڵ إحساس اڵطفۉڵة"

ۉَ ڪَم مراهق مُبدِع ۉ مۉهۉبْ يشڪَي غُربٺه
فِي" مجٺمع" عَاااجز يڵبّي ڵَه مُيۉڵَه!

ڵَۉْ ڵـ حِيطَان اڵمدارس ذاڪَرة!
يمڪَن ٺقۉڵّ إڵڵي عجزنا ڵا نقۉڵه: (






أبشررررركم ولد أختي طموووح جدا
من طموووحه القوي خفنا عليه من العين وقلنا لاتقول لاحد

مثل أي طفل سألناه وش ودك تصير اذا كبرت ..
قال

قااااال



قااااااااااااال



طباخ او سواق

عاد اختي بررت له انه تفكيره منطقي وعنده بعد نظر ..
تقول من هالوقت والشباب ما ياكلون مع اهلهم كله من برى فبوقت ولدي بيكون خلاص مافيه احد يطبخ ..
والحين الشيف له مكااانه واهميه في المطاعم ..
و ايضا شركات النقل كل مالها بإزدياد ومع ذلك الطلب يزداد اكثر واكثر ..

فمخ ولدي تجاري

وشرايكم انتم في كلامها ؟


أتذكر فيه عضوين هنا ..عندهم موهبة تصميم الأزياء واحد منهم صرح بها بس مدري ليه ما احترفها ..ان ماخانتني الذاكره انه مستصعب هالشغله بمجتمعنا !!

والثاني نشبت له كعادتي الكريمه
بس رفض ينشر تصاميمه و وراني اياها بالخاص ..وكان ماتقل تصاميمه جمالا عن الموجودين .. بس مدري ليه مايبي ينشر ويحترفها !!

هل لانه سعودي من اصول نجديه ؟!

هل هالموهبه فيها إنقاص للرجوله ؟

وشرايكم ..؟ انا احترت بين هاء و لااا








..

..




بشعـل الدنيـا عبيـر وبطفيهـا عبـيـر
ولا بناشد مـن مدحنـي و لا مـن ذمنـي

جيـت للدنيـا كبيـر وبفارقهـا كبـيـر
ومن زعل ما همني ومن رضا مـا همنـي



تحيه لكل بنت اسمها عبير ض1




بغض النظر عن شاعر هالابيات ..
الا اني امقت هالنوعيه من القصيد ..

مدري احسها هياااط وانا وانا ..
وكبير وماهمني احد ومدري ايش ..

هل فعلا مانهتم للغير ؟
دامنا عايشين وسط مجتمع فلابد نتفاعل معه والا نكون غير طبيعيين !!

الا ما يضيق صدري لان احد انتقدني ..او ضايقني بحركه او اسلوب حواره معي ماعجبني ..
يعني شئ طبيعي اتفاعل لان عندي إحساااس ولاني انسانه طبيعيه



الاحظ كثير تواقيعهم زي كذا ..
مدري احس ان اصحابها فيهم نقص بذواتهم ..اسمحوا لي : )


ودامنا بهالسياق بذكر لكم موقف من زماان حصل لي هنا مع عضو ..

ايام اشرافي أرسلي عضو يتشره علي ومسوي يمون وانا ماعرفته
اعتقد مغير يوزره وانا مدري عنه ..
المهم وين ايامنا الحلوه وايام العشره ونسيتي وتناسيتي ....
وانا لازلت كذااا

قلت شكلك غلطااان ماعرفك

وكان مصر اني تجاهلته

الشاهد بالقصه ..انه هو الان علم من اعلام اصحاب تواقيع الهيااط
يومك مايهمك احد وكبير ومدري ايش .. وشوله تتشره علي
دامي تناسيتك المفروض ما تذل نفسك

..





خــل المـراكـب تسـيـر ..و ودّع الـغـرقـا
في موادع الحمْل .. راحـة مـن هـويشيلـه
الـلـي يــدّور عـــذر لـفـراقـي .. بيـلـقـى
يامن نويـت المفـارق .. قبـل تمشـي لـه ..
أرحـل مـن احلامـي اللـي قلـت لـك ترقـى
ومن روحي الليماعاد اعرف من هي له !!
ومن دفترك .. وأرتباك خطوطه الزرقـا ..
و من كل ضحكه , ودمعـه .. فـي تفاصيلـه
أرحـل .. و خـذ ذكرياتـك معـك .. لاتبقـى
ساعدنـيأرجـع لنفسـي كــان لــك حيـلـه
علمتـك الوصـل .. علمـنـي عـلـىالفـرقـا
محتـاج لـي قلـب .. يشبـه قلبـك .. الليـلـه


اهداء لشوق
مو عشان الفرقى ..عشان الشاعر







مايخفاكم ان الكل حزين
والكل مووده باااد
والكل اي ام سيك (يعني انا مريض)
والكل يعاااني من ضغوووط في علاقاته العاطفيه ..

لذلك ساحات الاهدائات حزن xحزن
التوبيكات والبيرسونالات في المسن حزن xحزن
حتى البك بك ما سلم من هالموووجه
( البك بك = البي بي = البلاك بيري )

يعني بجددد مصااخه
وقرف وكل شئ

ليه نعطي انفسنا طاااقه سلبيه ..
احنا بحاااجه لتجديد نشاطنا
وزرع الابتسامه .. والتفاؤل بما عند الله
يا زينك إذا قمت الصبح وفتحت البك بك ولقيت احد من جهات الاتصال عندك البيرسونال = متفااااااائله / مبسوووووووطه الله لايغير علينا / مشتااااقه للجامعه للعمل ..

يعني رسااائل ايجابيه لعقولنا وارواحنا ..

استغفر الله الله لايسخط علينا بكثرة تذمرنا وشكوانا من الطفش اللي احنا حطينا انفسنا فيه


غير كذا .. اللي معك بجهات الاتصال تضيق صدورهم اذا حطيت تذمر ..
انا اعاني من هالشئ ..ماقدر أسأل وبنفس الوقت مدري هو بس اعجاب بالعباره السلبيه او فعلا عايشه هالشئ هي : (

يعني ممكن يوم يومين فعلا المزااج مو رايق فيه شئ معكر صفونا بس مو معقوووله شهوووور على نفس العبارات السلبيه وكل عباره اقوى !!






بعد فتررره من عمرررنا نكتشف اننا نبي نرجع لأنفسنا
لطبيعتنا ..لروحنا اللي قبل ..

لاننا تغيرنا وجارينا الغير بدون مانحس ..
مدري هل تغير لا ارادي او عشان نحصل على رضى الاطراف الاخرى !!
مو مهم وش السبب المهم اننا نبي نرجع ... بس كأن انفسنا ترفضنا لاننا ظلمناها او يمكن جحدناها
او من باب من عافنا عفناه !!

صعب هالشعووور جدا .. يا فهد المساعد





..

..



يـ غنوة الحب ليه دايم يغنونك ؟
. . . كل القلوب بـ غلاها صاغت ألحانك ,
و انا بـ ودي اكون السسعد في كونك
و اكوون غنوة تغنّى بس على شانك









يوم اني نونو : $
سألتني امي من بتتزوجين ؟ او انهم جابوا طاري الزواج ..المهم
قلت أبي واحد طايش
قالت لي وشلوون ؟
قلت يعني كذا .. وأشر بيديني ان له شعر طويل ومقصقص وحركات دلع


و مره اختي اللي اكبر مني قالت انا ماراح اتزوج لين أخلص دراسه
قلت لاااااه وأنا
طبعا كنت حاطه يدي على خصري واهز رجليني


كل هالموقفين وأنا بأولى ابتدائي
ودي اعرف وش كان تفكيري للزواج حزتها


...

غلبني النوووووم ..
استودعكم الله الذي لاتضيع ودائعه

رجاءً لاحد يرد لين اكمله بالليل بإذن الله







...

..


فكي ازارير الحكي ودي اصيح
لاشك أخاف يشق صوتي خياطي






الله يا زمن

ليه إذا تذكرنا طفولتنا وحنينا لها ..جانا إحساس الضيقه : (
هل فعلا الماضي أفضل والحياة احلى ..
او مانبي نكون مسؤولين عن شئ !!


اييييه يا دنيااااا ..


..

..



أقول لك سر لكن لا تسولف لـ أحد !
ما غثني في حياتي غير هـ ) الحاجتين(
خل وعدني يكون ’’أوفى حبيب وجحد
و صديق عمرغدر بي عقب صحبة سنين !




كلن مظلوم ..
وكلن خانه صديقه او حبيبه ..
وكلن صادق ووافي والناس غدروا به ..

هالاسطوانه الكل يرددها ..!!
الكل مجني عليه !!

طيب من الجـــاني !!!

الجاااني هو احنا : )
مو صادقين مع أنفسنا أبدااا ..
نبرر اخطائنا وأخطاء الغير نشوفها بالمجهر ..

الان كل واحد فيكم يسترجع العلاقات اللي انهدمت مع اصدقاء او اقرباء ..
وكونوا صادقين مع انفسكم بتحليل أسباب انتهاااء العلاقه ..
خلكم محايدين وكأنكم مو طرف فيها ..

بتلقون لكم نسبه سواء كثيره او قليله ..في انتهاء العلاقه ..
من سوء تصرفات او عدم مبالاة او غيره ..

شئ حلو أننا نتعلم الصدق مع ذاتنا


..
















فيك شي أحس به لو ما حكيت ْ . . !
ما آآآآ دري وش فيك . . لكن ( شي فيك )
ليش؟لـــ ني ليلة البارح ‘‘ غفيت ْ . . !
و قمت و آنا أقولبسم الله عليك





اهداااء لمراااام
جد قد صار لي هالشئ ..

كنت احس فيها شئ ..ولاادري وشو ..
نمت يوم من الايام وابدا ما كانت على بااالي
وقمت مفجوعه فيها
حلمت فيها وقمت اقول عسى مافيها شئ ..يعني حسيت زي الامهات


هل الارواح تلتقي أثناء النوم ؟
وعشان كذا قمت مفجوعه لان اكيد فيها شئ

الله يوفقك ويسعدك يا مرااام قلبي
وما تشوفين شئ يكدرك


..

..



من متى والغصن يختار
. . . . . . . . . . .( الطيور )
من متى والبال يختار الطواري : (





أقدارنا ما اخترناها ..
أؤمن بأن الخيرة فيما اختاره الله
فهو يعلم ونحن لا نعلم ..سبحانه وتعالى
وهذا سر تفااؤلي الداائم


فجر اليوم عرفت أني غير مقبوله في الماستر الموازي : (
شوي تضايقت ..بس تذكرت أني من بداية التسجيل و أنا ادعي ربي انه يختار لي الخيره ..
ويمكن ربي منع عني شئ أبيه عشان يعطيني شئ أحتاااجه


اللهم لك الحمد حتى ترضى ولك الحمد اذا رضيت ولك الحمد بعد الرضى




..

..



لا تكتبيني غيم تمسحني الريح
ولاترسميني مركب انسى الشواطي




لاتوصلني عااالي السماء بالمدح
ولا تدفني بسااابع أرض بالنقد ..

الوسطييييه هي مبتغانا ..
لاننا أمة محمد عليه الصلاة والسلام .. فنحن أمةً وسطااا

هو لاتكون بجيح برأيك وبصراحتك بس بعد لاتبالغ بالمدح ..
اتذكر اني قد انتقدت عضوه ..بأسلوبها بمدح الاعضاء والعضوات
قلت لها صرت ماعرف من اللي علاقتك قويه فيه ومن اللي اول مره تعرفينه ..

مهما كان المقربين لي راح يبان من اسلوبي معهم
واللي علاقتي سطحيه فيهم ماراح أبخسهم حقهم بالمدح لكن بيكون أقل من المقربييين
طبعا لاني ماعرفهم فشئ طبيعي ماراح اقدر اقيمهم وامدحهم بقووه ..


حتى المقربين ..
مستحيييل اقول شئ انا ماشوفه وأحسه ..
من باب مجامله او غيره

حلو اننا نكون مرآة لبعضنا ..بدون تجريح

قال عليه الصلاة والسلام : ( المؤمن مرآة أخيه ) ..


لا للمبالغه









وختااااما

تعرفون عشقي لـ رقم 11


فـ راح اوقف لين هنا ..واقول حياااااكم الله وبيااااكم



بس قبل لا اعتمد ردي ..
شرايكم بالورود اللي حاطتهن <اكره هالفيس


وبعد بنوه ان الابيات اخذتها من مدونات خارج القناص
ولااعرف بالضبط من اصحابها ..استسمحهم بأخذها

وحتى صورة الله رب الخلق
اخذتها من فيس بوك بنت .. اسمها .....والله نسيت بس هي بنت العنزي ..
كل الشكر لها واعتذر منها لاني ما اخذت اذنها بس اكيد هي كريمه وانا استاهل

هلا بيلســان

تاآبعت موضوعك من البدايه , وأنتظرتك
تختميه , ولله الحمد خلصتيه


بَ آختصار ,
عجبني تفاؤلك بِ الدنيا , < ياليتني مثلك
الي لفت أنتباهي .
صحح ليه بروسنالااتنا كذاا
جهات الأتصال عندي حزن × حزن الا من رحم ربي
توآقيع الآعضاء حتى


من اليييوم وداييم اقول بس هَالمره أن شالله غير ,
آأن شالله ماأحزن عـَ مافاتني ,لآني من جد
أتححسر بقوووه عليييه



بيلسان \ المواآقف كلهااا طرييفه وحلوه ,
خصوصاً حقت ولد أختك جعلكم تفرحوون بتخرجه
دكتورر , ربي يسلمك وخليك هييك عـَ طوول