(دروب الأرض ) ..
دروب الارض ..
توصلنا الاماكن وترجع !!
ويكفي هالسفر عذروب
بأن الارض ما تقوى الهروب ..
دروب وغير الارض
وين بتروح تسافر..
كان الصوت يرجع للحناجر ..
كان الجرح يرجع للخناجر
مثل كل الطيور اللي تهاجر
وترجع كل مرة
تعب هالبحر لا يجتاز
جدران السواحل
انا لي سنين راحل
حملت الطين
كله .. لكل الطين
قلي يا انا
الى متى وانت
على هذا الأنا مصلوب
دروب الأرض .. لكن
لكن ...
*البدر...

/

عودي علـي ان كـان قلبـك اسيـري
ان كانـه: بعصمـة ايدينـي [ رهيـنـه ]
وان كانه مملوك فــي الهوى لحد غيري !
لا يمنعـك يـوم العـزا تحضرينــه

- خـالد عبدالرحمـن

الخوف ظلما .. والقلوب أطفال
والشك سيفٍ .. يقطع الآمال
والهوى ملح الليالي .. وأجمل الأقدار
عنه لا تسأل حبيبي .. وفيه لا تحتار
العمر واحد .. والليالي قصار ..


البدر

كان الوفاء طبعي ترى انتي زرعتيه
وشلون ما أفي وانتي كل الوفاء لي
انتي زرعتي وانتي اللـي جنيتيـه
وأنا جنيت احساسـك اللـي بقالـي
إحساس في قلبـن وفـا مانسيتيـه
وش لي بغيرك دام قلبـي حلالـي
بحساسك أنتي كل عمري شريتيـه
واللي جمعنا حـب غالـي لغاليه
حب يفوق الوصف مهمـا عرفتيـه
لو أصفه وصفـه يفـوق الخيالـي


محمد عبده/ الوفاء طبعي

ضيقوا صـدره وشــكك في غـلاه
وابتعد عنــي وكنـي لا احــــد
مادرى اني في هواه اطـلب رضــاه
اعترف لي في غرامــي أو جحــد
السؤال اللي قهرني وش بـــــلاه
كيف ظـن كيف صــدق واستفــد
والجواب ان الوفاء طبعي معـــاه
ياخطايا الــوقت هاتي مابعـــد
عند ربي علم هالبــير وغطــاه
وعندك ادرى وش بقــلبي من جلد
وعندي ادرى من يكـابد في آساه
وعندك أدرى ما اطرد المقفــي أبد
الســعيد اللي تحقــق مبــتغاه
الحياة أرزاق واهبهـــــا الأحد
والتعيس اللي سحب همـــه وراه
غمض العينين واخطا في الــعدد
انقتل حلمي قبل يبلــغ مـــداه
حلم وردي حلم في وسط المهــد
آآآآآه ياجرحٍ معك يصــعب شفاه
ظالمٍ نفســك وظالمــني بعـد


فنـــآن العرب,,
خالد عبد الرحمن,,بووونايف

ساعات أحس ان الزمن قاسي ولايمكن يلين

ساعات احس ان الفرح محال ولايمكن يحين

هذا اللي شفته بدنيتي وكل مامضى لي من سنين

يامن يعلمني الفرح ويفرح القلب الحزين

أشكي مرارة حيرتي بدنيا ما ظني بتزين

واذا بدى بعيني الامل تجد احزاني وتبين

روح زماني وانتهى وترك لي الجرح الدفين

دنيا كفى الله شرها تخلي كل قاسي يلين


راشد الماجد

من ليلة البـارح وحابسنـي الضيـق
عسى صباح اليـوم يطلـق سراحـي
وعادت لي الضيقه على فكّـة الريـق
الله يهوّنـهـا ويسـعـد صـبـاحـي
لا قمت أدرّجها علـى قـد مـا اطيـق
تغانمتنـي مـن جمـيـع النـواحـي
بينـي وبيـن الغرغـره والتشاهيـق
أرمـاش عيـن وجلسـة ٍ وإنسداحـي
لاشـك يومـي عنـد رب المخاليـق
اللـي بذكـره بهجتـي وإنشـراحـي
مانيـب وارث غالـيـات الصنـاديـق
وخزايـن آل سعـود وآل الصباحـي !
أن عشت .. عشت مع الرجال المطاليق
وأن مت .. موتي حق والعمر ماحـي
هبت هموم الصـدر جملـه وتفريـق
وأزريت أعرّضهـا هبـوب الرياحـي
ما عـذّب الشعّـار غيـر الطواريـق
كـل ٍ تعلّـق فـوق قـرن الوضاحـي
موّثقـه مـاعـاد تحـتـاج توثـيـق
وانا قنعـت وخاطـري مـا استراحـي
وشاح خملوقه .. علـى أم الخماليـق
اللـي تشوفونـه عليّـه وشـاحـي !
أغيب مـن فيـض المحبيّـن وافيـق
وآخـذ بـلا منّـه شهـادة نجـاحـي
والعولمـه تفتـح قفـول ٍ مغالـيـق
وهـذا زمـان الفـتـح والإنفتـاحـي
ماجيتهـا ناكـر وملـحـد وزنـديـق
أعرف صلاح الدين وأعـرف صلاحـي
لكنّ يـا شاهـق بـروس الشواهيـق
دحدر على ماجـاك وأسـرح وتاحـي
والحرّ لـو يرضـى بحكـم المسابيـق
شاب ونبت له فـي جناحـه جناحـي
ويزيد غبنـه مـن فـروخ الغرانيـق
لا صنّفوهـا مـن طيـور الفـلاحـي
رميـت فـي وجـه اللئيـم المواثيـق
وطلبت من وجـه الكريـم السماحـي
ودوّنت فـي قسـم المجانيـن تعليـق
من يشتم المجنون ماهـوب صاحـي ؟

قصيدة الشاعر الأسطوره : سَدَّاَحْ اَلْعَتَيَبَيْ