ثــورة شـكــ !!



أَكَادُ أَشُكُّ في نَفْسِي لأَنِّي

أَكَادُ أَشُكُّ فيكَ وأَنْتَ مِنِّي

يَقُولُ النَّاسُ إنَّكَ خِنْتَ عَهْدِي

وَلَمْ تَحْفَظْ هَوَايَ وَلَمْ تَصُنِّي

وَأنْتَ مُنَايَ أَجْمَعُهَا مَشَتْ بِي

ِإلَيْكَ خُطَى الشَّبَابِ المُطْمَئِنِّ

وَقَدْ كَادَ الشَّبَابُ لِغَيْرِ عَوْدٍ

يُوَلِّي عَنْ فَتَىً في غَيْرِ أَمْنِ

وَهَا أَنَا فَاتَنِي القَدَرُ المُوَالِي

بِأَحْلاَمِ الشَّبَابِ وَلَمْ يَفُتْنِي

كَأَنَّ صِبَايَ قَدْ رُدَّتْ رُؤاهُ

عَلَى جَفْنِي المُسَهَّدِ أَوْ كَأَنِّي

يُكَذِّبُ فِيكَ كُلَّ النَّاسِ قَلْبِي

وَتَسْمَعُ فِيكَ كُلَّ النَّاسِ أُذْنِي

وَكَمْ طَافَتْ عَلَيَّ ظِلاَلُ شَكٍّ

أَقَضَّتْ مَضْجَعِي وَاسْتَعْبَدَتْنِي

كَأَنِّي طَافَ بِي رَكْبُ اللَيَالِي

يُحَدِّثُ عَنْكَ فِي الدُّنْيَا وَعَنِّي

عَلَى أَنِّي أُغَالِطُ فِيكَ سَمْعِي

وَتُبْصِرُ فِيكَ غَيْرَ الشَّكِّ عَيْنِي

وَمَا أَنَا بِالمُصَدِّقِ فِيكَ قَوْلاً

وَلَكِنِّي شَقِيـتُ بِحُسْنِ ظَنِّي

وَبِي مَمَّا يُسَاوِرُنِي كَثِـيرٌ

مِنَ الشَّجَـنِ المُؤَرِّقِ لاَ تَدَعْنِي

تُعَذَّبُ فِي لَهِيبِ الشَّكِّ رُوحِي

وَتَشْقَى بِالظُّنُـونِ وَبِالتَّمَنِّي

أَجِبْنِي إِذْ سَأَلْتُكَ هَلْ صَحِيحٌ

حَدِيثُ النَّاسِ خُنْتَ؟ أَلَمْ تَخُنِّي


لـ شاعر \ عبدالله الفيصل...




أكــذب ...!!



صحيح اني انسى الحوداث.. والملامح .. والأسامي
لما أكتب عن آلامي .. شعر ابعد ما يكون ..
عن مجرد جرح دامي .. والأساور .. والمرايه .. والهوى القاسي الحنون ..
عندي هموم القصيدة .. غامضة .. صعبة .. عنيده ..
وانت عاشق للوضوح ..
يتعبك بحري ظلامي ..
ودك بسري أبوح .. وانا آخر همي بوح ..
تكفى لا تزيد فـ خصامي .. وقلي ما تفهم كلامي ..
انا انسى .. الحوادث .. والملامح .. والأسامي ..

2

لما أكتب أغنية مثل (الرسايل ) .. وانا أكذب ..
والخيال العذب كذب ..
كنت لازم أخفي سري وما اقول ..
إن هالمرة شعوري .. هو خيالات الحقول ..
تطرد اسراب الطيور .. عن حقيقة .. عن شعور
ما هو في حب السنابل .. انما تحت الجذور ..
كسروا العشاق بابي .. قطعوا لحمي ثيابي ..
خلعوا الأدراج .. طاحت مزهرياتي الجميلة ..
شققوا جفني كتابي ..وسألو وين ( الجديلة )
( وبسمة العين الكحيلة ) .. ما لقوا في بيتي إلا ..
ما لقوا في صدري إلا.. مالقوا في قلبي إلا ..
أمنياتي المستحيلة ..
وإني احلم .. بس أحلم ..

3

أعبر الشارع معاي .. في الرصيف الثاني قهوة ..
فيها اربع طاولات .. وحده اجلس فيها وحدي ..
ووحده للي يجي بعدي .. ووحدة لأجمل حرف عندي ..
أما رابع وحدة دايم للي مات ..
زحمة .. لكن كل من في القهوة ربعي .. كلهم ..همي ودمعي ..
ليه ما تجلس مكاني .. وهذا شوفي .. هذا سمعي ..
أطلب اقلام ودفاتر .. حاول اكتب عن حقيقة ..
ما هي وجه .. ولا مكان .. ولا دقيقة ..
أدخل الزحمة فـ ضميرك ..
لا تلفّت .. وانت ما في القهوه غيرك .. غمض الدنيا ..
وأكتب .. وإن سأل في يوم سائل .. عن معاني .. عن شعور ..
قله مابين السطور ..
وإلا تدري .. قله أكذب


لـ شاعر بدر بن عبدالمحسن...




تــعــال...!!


من عز نومي صحيت وشفت في عينـي
دمع تهادى علـى جفنـي وأنـا غافـي
ستـرت دمعـي بـ كمـي قبـل يغرينـي
وأخذت هذا الجسد مـن باقـي لحافـي
وسريـت تايـه ورا خطـوات رجلينـي
لا الوجه وجهي ولا أوصافي هي أوصافي
أمشـي وأقـول لـ طريقـي لا توديـنـي
لـ عيون ناس تبي تـدري عـن الخافـي
أمانتـك.. خلهـا مـا بينـك وبيـنـي
خابرك يالـدرب خـوة عمـر وسنافـي
مـا ودي النـاس تـدري وش يبكينـي
كرامة النفـس ورث أبـوي و أسلافـي
أمشي وأحس الخناجـر فـي شرايينـي
والبرد يمشي وراي وينهـش اطرافـي
وحيـد واللـيـل بـردونـه يغطيـنـي
تقـول كـن البلـد روح بهـا السافـي
إلين ما أوحيـت لـي صـوت ينادينـي
صوت أعرفه مثل ما أجهل وش خلافـي
قمـت أتلفـت و انــادي لا تخليـنـي
ما غيره.. الصوت هذا صوتـه الدافـي
ولمحت زوله من أقصى الـدرب لافينـي
مدري وش اقول لكن حـي هـا اللافـي
تعال.. شف غيبتك كيـف أثـرت فينـي
تعال.. شفني وأنا أغرق عقب مجدافـي
تعال.. خذنـي ورحبـي مـن عناوينـي
تعبت أعدي على جمـرك وأنـا حافـي
تعال واقطف بصوتـك زهـرة سنينـي
كـل المواعيـد عقبـك شمعهـا طافـي
تعـال وازرع خصـل شعـرك بكفينـي
بضمهـا ليـن أحـس بليلـك الظافـي
تعال وشفيـك خايـف؟ أنـت ناسينـي؟
قطعت صوتـي عليـك وطـال ميقافـي
حتى بديت أشعـر أن الحـب معمينـي
وان أنت حلم عثى فينـي وأنـا غافـي
لكن أمانـة تـرى اللـي فـي كافينـي
إن رحت منك كذا مـا رحـت متعافـي
بصـدق الحلـم وأحـذر لا تصحيـنـي
في خاطـري كلمتيـن إن قلتهـا كافـي
أمانة الله عليك إن غبـت عـن عينـي
لا يكون قلبك مثل قلـب الزمـن جافـي
مع كـل دمعـة تذكـر رعشـة يدينـي
ومع كل ضحكـة تذكـر قلبـي الوافـي

لــ شاعر فهد المساعد...



عـيـن جـرحـي..!!

غصبن على عين جرحي اقبل اعذارك
واسامحك لو نهتني عزتي دونك


كثر الخطايا بحقي زاد مقدارك
مع كل هذا واخاف تخونك ظنونك


لا ترتبك لا تحاول تفضح اسرارك
اقراك كلك على بعضك من عيونك


ياحلو طيشك مع عنادك مع اصرارك
وياقو باسك بنفس الوقت يا هونك


مع كل طاري تجيني آخر اخبارك
واذا نسيتك تذكرني بك طعونك


لا جيت بأختار غيرك ارجع اختار واختارك
ولاجيت اخونك ازيدك عشق واصونك


عندي خبر جنتي في الهوى نارك
بالضبط فيني جنون يشبه جنونك


اترك خطاياك واترك اعذارك واعذارك
وانسى عذابي وقول لي انت وشلونك .. !

لـ شاعر علي المساعد...




غــريــب...!!


غريب ,
أحس إني أعرفك من زمان !
من قبل هذا الزمان بـ زمان ..
مع إننا نلتقي للمرة الأولى ,
غريب !
حنين شدني لـ عيونك السمرا ..
أبحر بموج الشوق لـ عيونك حنين !
حنين إلي قضى ومضه , عن أوطانه
غريب !

أنا أحس الدنيا في قربك أمان ..
وكل القسوه تتبدل حنان !
وأحس إن القمر مني قريب ..
أمل يبتسم , إهديني لبكرة أمل !
لك حياتي ..
وأكتفي منك بأمل !
إوهبني حلم من السعادة بالأمل ,
من نظرتي الأولى تمنيتك حبيب !
شي غريب ..


لــ شاعر تركي..



يــســعــد صــبــاحــكـ ...!!


يسعد صباحك .. يا حبيبي
حالي طيب
كل شي مثل اللي كان
المدامع .. والمواجع ..
والأمان اللي اختفى لحظة غيابك
والليالي اللي مضت .. مثل الليالي اللي مضت
الهم عازف .. والدمع نازف ..
والعمر في غيبتك حاير وخايف
حتى جراحك وسط قلبي مثل ماهي
وفي شفاهي باقيٍ نفس الكلام اللي بقى .. آخر لقا
مثل منتَ يا حبيب الروح شايف
كل شي مثل اللي كان
وحالي طيب
يسعد صباحك .. يا حبيبي

هذا انت
كل ما ضاقتبي الدنيا تغيب ...
وكل ما ضاقتبك الدنيا تجيني
هذا انت
ان كساك الهم صرت أوفى حبيب
وان نساك الهم تتباهى بـ أنيني
مثل منت .. دايم تجي فـ وقتك حبيبي
بعد ما وقتك يروح
يا آخر دموعي وشجوني ..
وأول إحساسي جروح
ما بقالي من عذابي يا حبيبي .. الا انت
وهذا انت يا حبيب الروح شايف ..
كل شي مثل اللي كان
وحالي طيب
يسعد صباحك .. يا حبيبي

هذا ضي الصبح ..او هو بعض نورك ؟!
هذا همس الورد .. او دافي شعورك ؟!
منهو مثلك في غرورك ؟!
جيت متأكد بسامح ..
راسم الطيبة ملامح
ماهو بدري !! ..
انت تدري
ما قتلني غيابك اكثر من حضورك
ايه كان العمر داكن ..
ايه كان الهم ساكن .. وقتي بعدك
بس أنا يا ضيّ عمري ..
كنت عودت الأماكن تألف بعادك وصدك
ياللي ما يرضيني ضعفك ..
ما ادري انثر فوق كتفك أغلى دمعي .. او أردك


لــ شاعر عبدالرحمن بن مساعد ...



أبــســألــك ...!!


الله يعـزر فيـك و الله يقبـلـك
ان كان عرفك للضيـاع أقتادنـي


من يومني صغير اعشقك و أتأملك
حتى تفرعن بي غلاك و سادنـي


كبرت احبك بس صـرت اتخيلـك
غبـي تعلمنـي غـلا و اجادنـي


من أولا أشوفك و اعشق آدللـك
واحب خيط العـذر لامـن قادنـي


و الحين لامني و لهت و جيتلـك
قام أيتصيدني الحزن و أصطادني


فالشارع اللي هيبته هيبـة ملـك
اللي تهجـا خطوتـي و أعتادنـي


من تحت شباكـك وودي أسالـك
يغلا من أغليته غلاك أش فادنـي


لو أدري أن مستقبلـي مستقبلـك
ما كان نقصني الغياب و زادنـي


هنا و بس و لاتضايق و أزعلـك
بقفي فمـان غيابـك وماعادنـي


لا أقفيت عن عينك رجعت و قلتلك
تكفـا ليـا قفيـت عنـك نادنـي


من حشمتك لو اوصلك ما أوصلك
ياخي بثور من العذاب و هادنـي


احساسي أني ذنب فعيـون اهلـك
إحساسي بالإحسـاس ذا أبادنـي


لــ شاعر سعد علوش ...



مـا طـرى لــك ...!!


ما طرالك مرّة تسأل
أو تكلّم .. أو تسلّم
أو تقلّي حتى كيفك .. في الشتا ضيّعت صيفك
و فـ ربيع العمر عوّد للجفا يبكي خريفك
وش بلاك ؟
ما كأن الشوق ذاك .. ارتمى فـ حضنه هواك
و لا كأن الحب قصّة كنت انا أحياها معاك
إيه أبيك ..
و احتريك ..
تدري وش باقيلي فيك .. صوت هالذكرى و طيفك

يا أناني ..
اللي مثلك ما يعاني .. و لا يعرف اشهي الأماني
كنّك الكلمة اللي صارت حيل مُرّة في لساني
يا بعيد ..
زيد في هجرك و زيد .. دايم القاسي عنيد
أدري خوفي من فراقك للأسف أصبح أكيد
ما طرالك مرّة تسأل
أو تكلّم .. أو تسلّم
أو تقلّي حتى كيفك .. في الشتا ضيّعت صيفك
و فـ ربيع العمر عوّد للجفا يبكي خريفك


لــ شاعر المعنى...

*•

كذا أنتهيت من مشاركتي..
أتمنى أني وفقت في الآختيااار..
وأكيد ما أنسى أشكر الغاليه إلي ساعدتني وماقصرت..
Mi manchi

**



ثورة تميز , بلا شك
صح لسآنك .. ذآئقتك جدـآ رآئعه


بَ التوفيق

ثورة جمـال وأناقـه ,
إنتقاءك مذهل لـشعراء كبـار .. !

هلالية وجنـان .. |
هنا جمـال من تنسيق وانتقاء

بـ التوفيق لك يـ جميله

**

ي لل جمال هنآ
ذآئقه ف قمة الروعه

ــ

هلاليه أحسنتِ الأختيار
موفقه ي ر ا ا ا قيه .. ]

-

يَ خطييييييييييييره
اختيارك ذوق , يّ انتي ,

فَالك اللي بعدي وقبل ظل عَابر

الله الله عليك يا مبداعه

بجد خقققققق وخطيره ربي يو فقك يا الغلاااااااا