* إنت غييير لـ سعد علوش
حي مني لا ذكرته دريت أني بخير
صاحبن لا شافني ضقت منه ضمني
يشتعل بي لين يطفى على العرق الاخير
و أنتثرله شوق و اليا أنتثرت يلمني
يا تنداي الخليه على طاقة حرير
يا مخوفني و قاطع رجاي و ممني
يا أمل يا خيبته يا متاهه يا مصير
خل قلبك لا تراخى الزمان يزمني
مابي الدنيا أبيك أنت لانك انت غير
جيت فحضانك طفل و أنت أبوي و سمني
شوف فوق وغن بسمي على اللحن القصير
و خصني في كل لمحة غرام وعمني
بشعل الدنيا عبير و بطفيها عبير
و لا بناشد من مدحني و لا من ذمني
جيت للدنيا كبير و بفارقها كبير
و من زعل ما همني و من رضى ما همني
* لو اقدر اغير حياتي تغيرت لـ زآيد الرويس
لوُ آقـدرُ آغـيرُ حيآتـيُ | تغيـَر
وآكـوُن آخـَر شخـّص ممكن آكونه!
صعبَة خيـآرآتي . . وآنـآ مآتخيـَرتَ
مآفيـًه آحـًد يختـآرُ دمعة عيـونه !
كبيـًر. . لكنـيّ أبـدً مآ تكَـبرتَ
كآبـّرت . . لو قلبـيً تكـآثر طعوُنه
أحيآنً آحسً آنـيّ منّ آلطيشَ كثرت!
لآشفتً عقلـيً يستـريحُ لـ جنونـُه
وآحيآن آحـًس آنيً معي حيل قصرت !
لآ منً وصلتً لـ حلمـيً ! وطحت دونه
يـآمـآ علـى دروبً آمنيـآتي تعثـرت ،
مآ لآن عـزمـًي وآلدروبَ مغبـونة
عليـك يآحلمـًي بإلأيمـآن كًبـرت
سدّد ديـونً آللـيّ يـسددُ ديـّونه
وآنـآ آلذيُ حلقـتً في جوك .. آبحرتَ
فـيَ عآلـمٍ فيـني تحـركً سكـونه
مآعشتُ متضـآيق.. ولآ قّد تكـدرٌت
من جرحـيً آللي مآ آقدرُ آحيـآ بدونه !
فيُ وآقعـيً مـآ آتذكـًر آنـي تأثـرت
آلآ ليـآ شـفـُت آلعـزيـز . . فـ مهونه
في وقتهـآ . . لوُ كآن يمـديُ ! تغيـرت
وآكـوُن أي أنسـآن ممـكـنُ آكـوُنه
* صدفه لـ فهد مسآعد
الشوق ماله عمر , يفنى وينعاد
له في الضلوع أن عاد وأن غاب رجفه
معكل فرقا , له ورى الجفن ميلاد
وأن ماتت الفرقا لقى الشوق حتفه
جيت أقتل الفرقا من بلاد لــ بلاد
ملّ الطريق يشيلني فوق كتفه
وأنا بعد مليت من كثر ما أرتاد
هالشارع اللي كان لك فيه شرفه
تظمأ عيوني شوفك , وتشبع سهاد
عيّا الزمن يقطع ظماها بــ رشفه
لاوجهك أسقاها , ولا ذاقت رقاد
ماغير طيفك , طيفك اللي أعرفه
كنّه ظبي , وعيوني ظلال صيـاد
يجفل قبل يرتد للجفن طرفه
مشكلته أنه كل ما أشتقت يزداد
حتى ملا جدران وقتي وسقفه
وأصبحت أشوفه فــ أول الغيم لاجاد
وفــ أقصى الشفق لاطاحت الشمس خلفه
وفـي الأرض لانامت عقب صوت رعاد
وفي كل شباكٍ صحت منه درفه
أتعبت طيفك لوم , واللوم مافاد
ويوم الأمل في شوفتك ماتنصفه
نويت أسافر عنك بجروح ٍ جداد
وعمر ٍ من أوراق الزمن حان قطفه
نويت , لكن جابني الشوق منقاد
وجابك حنينك , والزمن سال عطفه
شفتك تبــسّـم لي خجل مدري عناد
وفي نظرتك شوق ٍ من الظلم وصفه
[ حسيت كني طفل , وعيونك أعياد
ياعيدي اللي له ورى الصدررجفه
سـمّ اللقا صدفة , وأسـمّيه ميعاد
أنا أنتظرتك , وأنت مريت صدفه ]
* صغير السن لـ فهد مساعد
يا صغير السن قدرك طاحت أبراجه
الجرح خلى الصخر ينطق ونطقـني
خلاص.. ما عاد تعنيلي ولا حاجـه
رح .. جعل ربي يوفقك ويوفقني
من بعد ما كنت نور العمر وسراجه
اليوم صرت الظلام اللي يطوقنـي
عطيـتك اكثر من اللي تحتاجه
أسرفت فـ (الحب) ..لين الحب وهقني
خلاص مالي ومال الحب وإزعاجه
مالي ومال الدروب اللي تضايقـني
تعبت اضـم البـحر واهدي امواجه
تعبت اجامل واشوف الوقت يسرقني
شكواي لـ (اللي) عليه الضيق وافرجـه
الـلي اذا شاء .. يرحمني ويرزقـني
اما أنت يا ابو جبـين عقدحجاجه
لا عاد تسأل: " علامك منت طايقني "
الناس كل على دربه ومنهاجه
وانا عن الناس ما به شي يفـرقني
الا اني دايم احب الصـدق واواجه
مخلــوق .. والله على هــ الوضع " خآإلقني "
حتى رفيقي ضماد القلب وعلاجه
على كثر ما اتمسك فيه.. صدقـني
لو ادري انه مرافقـي علـــى حاجه
لـ (امسكــه ) حاجته واقول" فارقني (W)
* عيونك والعتيم لـ البدر بن عبدالمحسن
إنتى عيونك والعتيم .. سبحان رب خالقه
قصيدة لشاعر قديم .. عاشق وماحد صدقه
ومن كثر ما غبتي عليه .. جمع قصيدة وشققه
إنتى عيونك سالفه .. سمعتها ليلة سفر
واثنين مروا بعاصفه .. وضيعوا نجمة وقمر
ومن يومها كثرالظلام .. وراح السحاب وبارقه
إنتي عيونك هالمدى .. بحر وطيورمهاجرة
تركت في شطه صدى .. صوتٍ تجرح آخره
ليتك سمعتي صرختي .. بالحيل كانت صادقه
إنتى عيونك نجمتين .. ضي ٍ ورا ضي ٍ يعود
ويادوب غابوا ليلتين .. خلو شموس الكون سود
رحتي ولا ظنك تجين.. وين الوعد يامفارقه
إنتى عيونك والعتيم .. سبحان رب خالقه
قصيدة لشاعر قديم .. عاشق وماحد صدقه
ومن كثر ماغبتي عليه .. جمع قصيدة و شققه
* الحلم لـ حامد زيد
بوقت من البطا،وبـ ليل تتراقص شياطينه
بعد شفت الضيا ينزع من ثياب المسا ثلثين
تحايلت المنام اللي مثل بيتك تمرينه
وانا اللي من تفارقنا وأنا ماغمضت لي عين
غريبة كل حلم يمر برقادي تزورينه
والاغرب كيف أحلم الحلم،وارجع واحلمه بعدين!
قبل يومين،شفتك بالمنام..وقمت من حينه!
ونمت أمس،ورجع نفس المنام اللي قبل يومين
أنا اللي قبل اسافر شلت قلبي من شرايينه
تركته في يدك مثل الأمانه ،واحفظيها زين
ترى حفظ الأمـانه دين..مجبورة تردينه
أجل ، مافيه أحد قد قال لك(حفظ الأمانة دين)؟!
مرد المقفي بيـلفي.. ويستــوفي ، وتوفينه
بعد ليله ، ثلاثه ، أربعه ، عشره ، شهر، شهرين
إذا انتي ، ماانتي بقد الكلام اللي تقولينه
حرام..استامنك حاجة،وإذا جيت اطلبك تنسين
تخونين، وتبين أرضى.!وأحد يرضى تخونينه!
أنا لاجيت أخونك، مع حبيبة ثانيه،ترضين.؟
من أول مارجعت من السفر ماشفت لك بينه؟
وأنا اللي كنت أحسبك قبل ادوس ارض المطار..تجين
تكونين أنتي أول شخص عيني تحتضن عينه
وكنت أتخيلك من زود فرحة رجعتي..تبكين
وأشوف بدمعتك حكيك..وأعرفه قبل تحكينه
واجيب أحلى من اللي بتحكينه،وأتركك تحكين
تقولين:الوطن نور..وأقول بنورمضوينه
تقولي لي:غديت أحلى،وأقول:عيونك الحلوين
كلام نام بشفاهك..وخفتي لاتصحينه
ذخرتيه لغرام للي ينام...ويترك تصحين
تغانمتي غيابي..لين رجحتي موازينه
تعلم من يدك لمس الكفوف وعلمك تجفين
وليتك لاقيه به شي..فيني ماتلاقينه!
مهو بغرور..لكن خابرك مالك أمل تلقين
تغافلك بغلا..والإ الحلا مهو بمن زينه!!
تزينه الصور ..بس الصحيح ابن الحلال زوين
وأنا ماني بناقص عنه يوم أنك تبدينه
نصيبي..هو نصيبي لو يسددها من الصوبين
قنوع بمظهري ،والسم مايذبح ثعابينه
على قول المثل ماني حلو..لكني ماني شين
إذا أهداك الزهر مره،فأنا اهديتك بساتينه
وإذا ألهاك بفرح ليله، فانا تهت لبكاك سنين
وإذا استضعفتك أملاكه...وشتتك ملايينه
أنا حتى فتات الخبزة أقسمها معك نصين
طموحي ،بس أجي وأظفر بشي تستحقينه
تدينته ، تسلفته، سرقته ، مومهم منين؟
كأني من كثر ماارضى بكل اللي تمنينه
لو انك تطلبين الله ..يعنيني، بقول آمين
أنا ماالعب على الحبلين،وقت الطيش وسنينه
تبين الحين يوم أني كبرت العب على الحبلين؟
ترى عند البدو بالذات عيب اللي تسوينه
حلاتك لاعشقتي..تعشقيني ليوم الدين
غرامٍ نسكن ضلوعه..حشيمه من مجانينه
جفا، يجمع معزتنا...ولاعشق يذل أثنين
كثار اللي تحدوني وقالولي :تحبينه
امانه ...لاتخليني صغير بعينهم تكفين
لاني كل ماقالوا( تخون)..اقول:مسكينه
عليك الله وأمانه..علميهم منهو المسكين
أنا خايف لياطاح الجمل تكثر سكاكينه
وأنا ماعاد بضلوعي مكان لطعنة السكين
مثل ماقالوا المكتوب واضح من عناوينه
لو ارحل منك للغربه بسافر من ظلامك وين؟
كفايه..كل حلم يمر برقادي تزورينه
كفاية..من تفارقنا..وأنا ماغمضت لي عين
قبل يومين شفتك بالمنام وقمت من حينه
ونمت أمس،ورجع نفس المنام اللي قبل يومين
* سابع المستحيلات لـ سطام الشلفان
تكفى يا طيري وصًل الدمـع للولـف
وإمطر دموعي فـوق داره رشاشـات
قل له عن اللي يذكره.. بالوغى صلف
اليوم حالـه بعـد فرقـاك.. مأسـات
يرجع بفكره بضعة اعـوام.. للخلـف
يسترجع الماضي و بـ الصـدر شهقـات
يصحى في عز النوم.. و يدق لك سلف
ويوقف على الاطلال و يدنَ عبـرات
حااالي غدى متلوف.. يا صاحبي تلف
رحت وبقى لك داخل القلب بصمـات
إٍسأل طيوفك.. دااايم احلف لها حلـف
أحلف لِطيفك كـل مـا مـر بسكـات
والله انا لو عشت.. فوق العمر.. ألـف
انساك.. هذي.. سابـع المستحيـلات
* برق الجفآ لـ محمد بن فطيس
أي والله أهوجس ولانيـب مرتـاح ..
و " الحزن " في حوش الحنايا بفـاروع
أمسيت من وصل المواليـف مـزّاح ..
وأصبحت من فرقى المواليف مفجوع
البارحه في غبّـة الوصـل سبّـاح ..
واليوم من عرش المواصيل مخلـوع
يا " صاحبي "صرح الهوى والوفى طاح ..
و القلب كنّه من عراويـه مقشـوع
كنت أحسب ان لحبّنا عشـرة ارواح ..
الين شفت الحبـل بيـديّ مقطـوع
يوم العهد به حـدّه اسبـوع لا راح ..
اسبوع ويعوّد علي شـوق ودمـوع
واليوم خمس سنين والهم مـا زاح ..
هم الفراق اللي بلا عـذرمشـروع
استغفر الله تسعة شهور يـا صـاح ..
في غيبتك قمت احسب اليوم باسبوع
ضاع الحساب وشفت برق الجفا لاح ..
وأيّست لولا ان الرجاءفيّ مـزروع
العام خلّي يسمـع القلـب لا صـاح ..
واليوم مهما صاح ماهوب مسمـوع
وحالي نحل والحال ماهوب منسـاح ..
من كثر ما اضمى للمواصيل وآجوع
بليت في من دونـه سيـوف ورمـاح ..
وغدا علي وصله مثل حبّـةالكـوع
له منّي ان سرّه على الناس ما باح ..
ولي منّه ان الصد غصب بلا طـوع
,
تم بِ حمد آلله الانتهاء من الديوان بتآعي = $
وشسمه معاناه وقسمن بالذات لاكنت على جهاز موب جهازك
+ كل ماتتحرك يفصل :s | هذا غير القصايد اللي احترت كثير كثير
فيها , وكنت بـ اخربها واحط كل شي = $
شُكر لايكفي لـ اللي ساعدني لبى بس