هاي هــــــــــــــــــــاي سكول - شبكة القناص

ماتيلدا · 26-09-2010, 10:12 AM

سلملللللللللللللللم

من الاخر تراني فاشله في البدايات مثل موضوعي الاول اخذ تنسيق
على طول بس انين تقول ثاني موضوع لك بثبته و بحطه بالمنصه على طول

--< نكبه

عشان هيتس شطحت اليوم الاول الدراسي وسدحته اليوم طبعا مو من حب العين بالبصل
بس عشان صفحتي الدراسيه حدها سودا

اول يوم في المدرسه حتى وانا ما ادرس يهيض علي المشاعر

ايه وربي ان عندي مشاعر

لان انا تربطني بالمدرسه علاقه طرديه لانه دايم يطردوني من المدرسه يا جيبي امتس يا جيبي ابوتس يا اندزلعي اقعدي بالبيت ثلاثة ايام لان انا درست بالعصر الجاهلي ايام العصا ما يلعب ما غير فرش بكل حصهمافي حقوق طلاب مثل اليوم

اتذكر اول يوم في الابتدائي توسدت شنطتي ورقدت كانت ايامها صقيع مهب بس برد والبنات يصيحون ما في احد يلعب

--< يا عين ابوي بس
الموهيم يوم قمت وش الدنيا تفافيخ والعاب وحلويات لا وهنيي رحت العب وضيعت شنطتي اقسم بالله مدري وين راحت ماهو الا من صغرها بس

--< طعسه

يوم كبرت شوي يمكن صرت ثاني ثالث صرت اطلع اشاعات

مره طلعت سالفة الجني بالمدرسه يا انها هبلت فيهم ذا السالفه حتى انا بعدين تراوا لي انه صدز

--< يا بثري

ومره طلعت اني بنت الملك بس احط جمب جدي سعود آل ووناسه والله يا اني كنت حاطه فصلنا في جيبي لين ما كشفتني الابله وجابو امي وقالو بنتك وش تونس به بس ما شاء الله عليها اميمتي مهيب هينه قالت الا ابوها ملك ونص وهي بزر وش تحيط

--< يا حبني لتس يمه

يعني صراحتن ما كنت لم الدراسه ابد ومن يوم بداء الكرف جد ومواد دسمه انا ضعت صراحه

بس الحمد الله صيطرت على الوضع

اي بالله كانت منيب حاطه غير دفترين واحد لرياضيات لان ابلته كانت قلش تفتش كل يوم ما يمديني ما اجيب واحد للمواد
كلها الابله حسب المزاج

--< لا احد يقلد

مره كنت فاشله بالابتدائي بس عمري ما رسبت صح ما كنت من الاوئل بس اقل من جيد جدا ما قد جبت كانو اهلي يجاكروني با اختي الي اصغر مني كانت غير الاول والثاني ما تاخذ
بس ولا كان على بالي اهم شي وناستي

طلعت للمتوسط وكانت شي ثاني من احلى ايامي صار عندي شلة وسع صدرك

عربجيات غير شكل

اذكر اول يوم لي فيها كان نكته ويا هو سوى لي سمعه كنت فيها اول مره البس عبايه على الراس واتغشى لا وبعد قفازات

الموهيم عاد يوم نزلت من السياره صكيت على عباتي الباب والسواق مشى ما درى عن ارضي وانا اركض جمب السياره ابا افتح الباب او ينتبه لي ما ادري با ايش افكر عاد بواب المدرسه هو شفني ولا ما شافني الا وقف وقام يصيح ارجعي يا بنت ارجعي يا بنت

بعدين حط رجله ولحقني وهو يقول البنت شردت البنت شردت

قسم بالله نفسيه خوفني
بعدين الله تاب علي ووقف السواق وفكيت عباتي عاد من قدي شهره على اول يوم
البنت التي بغت تشرد --< مالت على الي ماله طاري

كنا من شين السمعه الابله الي كانت تبي تدخل عندنا لازم تتحصن عشر مرات الا ما نكون مسوين لها شي
مثل مره مسكت الطابشور ولغوستها بالفقس

الله لا يوريكم قامت قيامتها ذاك اليوم قامت وحده من البنات علمت علي وفصلوني ثلاث ايام بس شلتي ما قصرن
يا هن هبلن فيها يخفون اغراضها ويخلونها لين تروح ويشقون واجبها

اخذنا ذنبها الله يسامحنا مير الفتنه اشد من القتل

واذكر كان عندنا ابلة علوم من شرها نعتينها با ابو جهل ما تمر حصتها الا ونص البنات الي واقفه وراء والي براء والي با الاداره

مير وين تنحب الدراسه وهذا حالنا
الموهيم من كثر الشكاوي جابو موجهه ما ادرينا بالسالفه الا يوم دخلت والا الابله وش حلوها من خفتها مايندرى هي تمشي ولا تطير مير قلنا الهادي الله الا عاد يوم شفنا الموجهه عرفنا السالفه ويا هي تضحك مع ذي وتصحح الخطا لذي عمرها ما سوتها ولو بلغلط

قلت وراء حد حد النفسينه زينه ما اتميلح معها الموهيم قلت ابله ممكن سؤال

قالت تفضلي لا يقعد شي بخاطرك

قلت بس تكفين يا ابله لا توقفيني رجيلاتي
للحين توجعني من وقفت الاسبوعين الي راحو

--< نذله
مير الله لا يوريكم طلعت الشيب برموش عيني طول الترم ما جلست لها حصه

ومره كان عندنا جغرافيا ابلته مرررره غثيثه وكانت المديره مجلستني قدام عشان حركاتي تكون مكشوفه الموهيم حطت الابله ذي دفتر التحضير قداي بعدين نادتها وحده من المعلمات وراحت
انا اخذت الدفتر بسرعه وحذفته تحت برادة مويه من الكبار الحديد ---<

الموهم دورت راحت جات جابت الاداره لفصلنا فتشونا تفتيش انا كبو شنطتي كلها دورو تحت كرسيا بدورو بجيوبي وبشعري بعد

انا صراحه اول مره خوفوني واشوا الي ما احد شافني وربي كل وحده طالع لها قرون والشر معها عاد صرت اقراء وجعلنا من بين أيديهم سدا ومن خلفهم سدا فأغشيناهم فهم لا يبصرون
عاد خير من ربي يوم ما كشفوني

عاد الثانوي كانت سنه وحده وهي الي بعدها ندمت كثير يمكن صابتني دعوه من الي اذيتهم ويمكن من شر اعمالي
في اول يوم لي فيها تضاربت او ووحده من البنات ويا هو تكفيخ مير السالفه هايفه دعستي على مريولي
ودفيتيني وما يمديكم على تهاويل البني مير عاد فصلوني ثلاث ايام
وما امداني اتهنى بالثانوي السنه الاولى مدري كيف مرت والسنه الثانيه دفتني وحده من البنات مع الدرج وطحت وتكسورت وانعثرت بالبيت

ولا عاد كملت جتني سدت نفس

مير السنه ذي سجلت انتساب وبدرس منازل
امي تقول ما لي حيل اروح للمدرسه كل يوم

اتوقع لو كنت ادرس على النظام الجديد الي هو انه الاولويه لطالب ما كنت راح ازعج احد او اهبل با احد

اسلوب التدريس كان زفت لا جديد
نفسيات الابلات مثل الاسهم كل يوم شكل وذاكان ينعكس على البنات الموهيم الزبده

--< اهم شي
تتوقعون لو الجيل القديم هو الي الحين كان بيبدع ولا بيسوي سوات ها الجيل ولا بيبدع فوق ابداعه القديم <<-- يقالك انك ابدعتي

اي وربي ابدعت اقلها كنت انجح من غير لا اذكر وذا انجاز

في الختام يا انين ترى الموضوع يحمل هدف جدا سامي

--< سامي ولا ياسر
ويقلب في صفحات الماضي ولا ما شفتي برمضان برنامج اكثر من اسره

وكذلك يعبر عن مشاعري الي هيضتها اول ايام لدراسه وعشان اخبر ها الطلاب والطالبات اش كثر هم محضوضين كونهم يدرسون وان الايام الي تمر عمرها ما ترجع فيخلون لها ذكرى حلوه ازين لهم

ويا تسبدي انتي كانك ما ثبتي الموضوع لا تحذفينه

--<

اختاري بس

واشكر كل من راح يقراء موضوعي ويرد عليه واشكر كل الي ردو على موضوعي الي تنسق ويعطيهم العافيه

وعام دراسي ممتع للجميع

عـآشق الـقـنـ20ـآص · 26-09-2010, 11:16 AM

ههههههههههههههههههههههههههههههههههههههههه

اتمنى من الصغآر عدم دخول هذا الموضوع لأنه فكر سيء لهم هههههههههههههههههههههههههههههههههه

اتوقع موضوعك بيحجب من قبل هيئه الأتصآلآت

آلله يرجك وش هالملف الأسود

مزيون الرياض · 26-09-2010, 02:19 PM

هههههههههههههههههههههههههههههههههههههههههههههههههه ههههههههههههههههههههههههههههههه
ماتيلدا عبدالله ال سعود ^^
يعطيك العافيه على قصة حياتك ^*

ЈήδήЌ · 26-09-2010, 02:53 PM

ههههههههههههههههههههههه
يعطيك العافيه

قحطانيهـ كيوت · 26-09-2010, 11:38 PM

ماتيلدا والله انك شيء لبى قلبك
والله ان شقاوتك تهببببببل يعني شقاوه بنعومه
لوني مديرة المدرسه بذاك الزمن كاااان خليتك معلمه<<<<<برآآآآآآآ

ويالبى قلبك والله انك تووووووووووحفه

мℓởŏķч · 27-09-2010, 08:55 AM

هههههههههههههههههههههههه

آلله يرجك

:p

ĐάหάĦ · 27-09-2010, 09:48 AM

يـــا أهليـــن بــ ماتيلــدا .. .
واللــه يا سوالفـــك تونــس ..

أجـــل حطيتي بالطبشورة فقس

عليـــك أفكـــار بسم اللــه عليـــك

لو حطيتي فازليــن أهون شوي

عوافــي حبوبــه وسعتي صدري عَ هــالصبح ../

/..

عاشقه يسوري20 · 27-09-2010, 04:19 PM

ههههههههههههههههههه يا الله يا ماتيلــدا والله كلامك يضحك مرره
انا تقريبا زيك بس انتي مرره احسن مني

بنت ولد جدي · 27-09-2010, 06:38 PM

والله ياعليك ماضي رهيييييييب كل ابووه اسود

تقريبا كنت مثلك لاكن انصع منك بياض

يعني لو بيفصلوني ثلاث ايام تنجلط علي امي

والخيزران بيد ابوي >> خبرك هاذيك الايام الام والابو شديدين شوي

ياليتك تشوفين امي وابوي وشلون يشاورون اخوي الصغير يروح للمدرسه ولا لا

موضوع يحكي معانات الكثير من الطابات

وعن التمحيط اللي حصل لهم

على طاري التمحيط

كانت بعد عندهم موضة الضرب على الظهر باليد والله ياطقتني وحده

الى الحين مكانها احمر >> ^_*

لا تحرمينا من جديدك ومن قصص ماضيك

عوافي

محامية يـاسـ20ـر · 28-09-2010, 12:23 AM

هههههههههههههههههههههههههه

الله يرجك <<ذكرتني بنفسي...بس الحمد لله خلصت الثانويه بعد معناة

والحين الجامعه الله يعين...

shog · 28-09-2010, 05:16 AM

متيلدا ههههههههههههههههههههههههااااااااااااااااااااااااي للله يقطع بليسك مره وحده ال سعود ههههه الو قايله التويجري صدقوك
المهم ولله نفسك سالفه الجني بظبط ونتحجج عشان ما ندرس فيه جني هههههههههه بس انا شوي اعقل منك مودرجه الفصل بس تعهد
لا انا خطييييييييييييييييييييييييره مره طلعت اشاعه عن الملك انو توفي وخذي كل اناس صدقوا والبنات قلتلهم جاني تلفون ونا في المدرسه وطلعت وقلت المديره والبنات الملك توفي ولا قلت بعد طلعوه علي العربيه اختي كلمتني بغرفه المدير ونا اصاااارخ لا لال لالا ا وخذي هياط ابكي كذب
ولله صرت مشهوره عقب لاشاعه
بس الحمدلله ثاني يوم غبت وسحبت لين نسوا الموضوع

ولللله انتي جد با يعتها لله يعين امك
هههههااااااي

تقبلي مروري غ البشر

ASHQ ALZAEEM · 28-09-2010, 11:57 PM

يسلمووووووووو ماتيلدا
ياانك وسعتي صدري بسواليفك
كل وحده فينا عندها سوالف عن ايام الدراسه تضحكين على عمرك ليه سويتي كذا
بس ايام حلوة
سي يو ماتيلدا

ASHQ ALZAEEM · 28-09-2010, 11:57 PM

يسلمووووووووو ماتيلدا
ياانك وسعتي صدري بسواليفك
كل وحده فينا عندها سوالف عن ايام الدراسه تضحكين على عمرك ليه سويتي كذا
بس ايام حلوة
سي يو ماتيلدا

BOSHRA · 30-09-2010, 12:48 AM

ماتيلداا

سواليفك من جد وسعت صدررري

واكثر شي سالفه السياره والبنت الي شردت
اتخيل شكلك بس

ماتيلدا
لك

هلاليه برشلونيه 20 · 30-09-2010, 02:33 AM

هههههههههه الله يرجك ياليتتك عندي
والله انا خوااااافه بالمدرسه
طفشت وانا اطلع طالبه نضاااام بس احلى مافي النضام اذاخسر الهلال ماطلعهم براء معروف هالشي عندي

26-09-2010, 10:12 AM	#1
ماتيلدا قناص جديد	هاي هــــــــــــــــــــاي سكول سلملللللللللللللللم من الاخر تراني فاشله في البدايات مثل موضوعي الاول اخذ تنسيق على طول بس انين تقول ثاني موضوع لك بثبته و بحطه بالمنصه على طول --< نكبه عشان هيتس شطحت اليوم الاول الدراسي وسدحته اليوم طبعا مو من حب العين بالبصل بس عشان صفحتي الدراسيه حدها سودا اول يوم في المدرسه حتى وانا ما ادرس يهيض علي المشاعر ايه وربي ان عندي مشاعر لان انا تربطني بالمدرسه علاقه طرديه لانه دايم يطردوني من المدرسه يا جيبي امتس يا جيبي ابوتس يا اندزلعي اقعدي بالبيت ثلاثة ايام لان انا درست بالعصر الجاهلي ايام العصا ما يلعب ما غير فرش بكل حصهمافي حقوق طلاب مثل اليوم اتذكر اول يوم في الابتدائي توسدت شنطتي ورقدت كانت ايامها صقيع مهب بس برد والبنات يصيحون ما في احد يلعب --< يا عين ابوي بس الموهيم يوم قمت وش الدنيا تفافيخ والعاب وحلويات لا وهنيي رحت العب وضيعت شنطتي اقسم بالله مدري وين راحت ماهو الا من صغرها بس --< طعسه يوم كبرت شوي يمكن صرت ثاني ثالث صرت اطلع اشاعات مره طلعت سالفة الجني بالمدرسه يا انها هبلت فيهم ذا السالفه حتى انا بعدين تراوا لي انه صدز--< يا بثري ومره طلعت اني بنت الملك بس احط جمب جدي سعود آل ووناسه والله يا اني كنت حاطه فصلنا في جيبي لين ما كشفتني الابله وجابو امي وقالو بنتك وش تونس به بس ما شاء الله عليها اميمتي مهيب هينه قالت الا ابوها ملك ونص وهي بزر وش تحيط --< يا حبني لتس يمه يعني صراحتن ما كنت لم الدراسه ابد ومن يوم بداء الكرف جد ومواد دسمه انا ضعت صراحه بس الحمد الله صيطرت على الوضع اي بالله كانت منيب حاطه غير دفترين واحد لرياضيات لان ابلته كانت قلش تفتش كل يوم ما يمديني ما اجيب واحد للمواد كلها الابله حسب المزاج --< لا احد يقلد مره كنت فاشله بالابتدائي بس عمري ما رسبت صح ما كنت من الاوئل بس اقل من جيد جدا ما قد جبت كانو اهلي يجاكروني با اختي الي اصغر مني كانت غير الاول والثاني ما تاخذ بس ولا كان على بالي اهم شي وناستي طلعت للمتوسط وكانت شي ثاني من احلى ايامي صار عندي شلة وسع صدرك عربجيات غير شكل اذكر اول يوم لي فيها كان نكته ويا هو سوى لي سمعه كنت فيها اول مره البس عبايه على الراس واتغشى لا وبعد قفازات الموهيم عاد يوم نزلت من السياره صكيت على عباتي الباب والسواق مشى ما درى عن ارضي وانا اركض جمب السياره ابا افتح الباب او ينتبه لي ما ادري با ايش افكر عاد بواب المدرسه هو شفني ولا ما شافني الا وقف وقام يصيح ارجعي يا بنت ارجعي يا بنت بعدين حط رجله ولحقني وهو يقول البنت شردت البنت شردت قسم بالله نفسيه خوفني بعدين الله تاب علي ووقف السواق وفكيت عباتي عاد من قدي شهره على اول يوم البنت التي بغت تشرد --< مالت على الي ماله طاري كنا من شين السمعه الابله الي كانت تبي تدخل عندنا لازم تتحصن عشر مرات الا ما نكون مسوين لها شي مثل مره مسكت الطابشور ولغوستها بالفقس الله لا يوريكم قامت قيامتها ذاك اليوم قامت وحده من البنات علمت علي وفصلوني ثلاث ايام بس شلتي ما قصرن يا هن هبلن فيها يخفون اغراضها ويخلونها لين تروح ويشقون واجبها اخذنا ذنبها الله يسامحنا مير الفتنه اشد من القتل واذكر كان عندنا ابلة علوم من شرها نعتينها با ابو جهل ما تمر حصتها الا ونص البنات الي واقفه وراء والي براء والي با الاداره مير وين تنحب الدراسه وهذا حالنا الموهيم من كثر الشكاوي جابو موجهه ما ادرينا بالسالفه الا يوم دخلت والا الابله وش حلوها من خفتها مايندرى هي تمشي ولا تطير مير قلنا الهادي الله الا عاد يوم شفنا الموجهه عرفنا السالفه ويا هي تضحك مع ذي وتصحح الخطا لذي عمرها ما سوتها ولو بلغلط قلت وراء حد حد النفسينه زينه ما اتميلح معها الموهيم قلت ابله ممكن سؤال قالت تفضلي لا يقعد شي بخاطرك قلت بس تكفين يا ابله لا توقفيني رجيلاتي للحين توجعني من وقفت الاسبوعين الي راحو --< نذله مير الله لا يوريكم طلعت الشيب برموش عيني طول الترم ما جلست لها حصه ومره كان عندنا جغرافيا ابلته مرررره غثيثه وكانت المديره مجلستني قدام عشان حركاتي تكون مكشوفه الموهيم حطت الابله ذي دفتر التحضير قداي بعدين نادتها وحده من المعلمات وراحت انا اخذت الدفتر بسرعه وحذفته تحت برادة مويه من الكبار الحديد ---< الموهم دورت راحت جات جابت الاداره لفصلنا فتشونا تفتيش انا كبو شنطتي كلها دورو تحت كرسيا بدورو بجيوبي وبشعري بعد انا صراحه اول مره خوفوني واشوا الي ما احد شافني وربي كل وحده طالع لها قرون والشر معها عاد صرت اقراء وجعلنا من بين أيديهم سدا ومن خلفهم سدا فأغشيناهم فهم لا يبصرون عاد خير من ربي يوم ما كشفوني عاد الثانوي كانت سنه وحده وهي الي بعدها ندمت كثير يمكن صابتني دعوه من الي اذيتهم ويمكن من شر اعمالي في اول يوم لي فيها تضاربت او ووحده من البنات ويا هو تكفيخ مير السالفه هايفه دعستي على مريولي ودفيتيني وما يمديكم على تهاويل البني مير عاد فصلوني ثلاث ايام وما امداني اتهنى بالثانوي السنه الاولى مدري كيف مرت والسنه الثانيه دفتني وحده من البنات مع الدرج وطحت وتكسورت وانعثرت بالبيت ولا عاد كملت جتني سدت نفس مير السنه ذي سجلت انتساب وبدرس منازل امي تقول ما لي حيل اروح للمدرسه كل يوم اتوقع لو كنت ادرس على النظام الجديد الي هو انه الاولويه لطالب ما كنت راح ازعج احد او اهبل با احد اسلوب التدريس كان زفت لا جديد نفسيات الابلات مثل الاسهم كل يوم شكل وذاكان ينعكس على البنات الموهيم الزبده --< اهم شي تتوقعون لو الجيل القديم هو الي الحين كان بيبدع ولا بيسوي سوات ها الجيل ولا بيبدع فوق ابداعه القديم <<-- يقالك انك ابدعتي اي وربي ابدعت اقلها كنت انجح من غير لا اذكر وذا انجاز في الختام يا انين ترى الموضوع يحمل هدف جدا سامي --< سامي ولا ياسر ويقلب في صفحات الماضي ولا ما شفتي برمضان برنامج اكثر من اسره وكذلك يعبر عن مشاعري الي هيضتها اول ايام لدراسه وعشان اخبر ها الطلاب والطالبات اش كثر هم محضوضين كونهم يدرسون وان الايام الي تمر عمرها ما ترجع فيخلون لها ذكرى حلوه ازين لهم ويا تسبدي انتي كانك ما ثبتي الموضوع لا تحذفينه --< اختاري بس واشكر كل من راح يقراء موضوعي ويرد عليه واشكر كل الي ردو على موضوعي الي تنسق ويعطيهم العافيه وعام دراسي ممتع للجميع

26-09-2010, 11:16 AM	#2
عـآشق الـقـنـ20ـآص قنــاص فعــال	رد: هاي هــــــــــــــــــــاي سكول ههههههههههههههههههههههههههههههههههههههههه اتمنى من الصغآر عدم دخول هذا الموضوع لأنه فكر سيء لهم هههههههههههههههههههههههههههههههههه اتوقع موضوعك بيحجب من قبل هيئه الأتصآلآت آلله يرجك وش هالملف الأسود التوقيع:

26-09-2010, 02:19 PM	#3
مزيون الرياض قنــاص فعــال	رد: هاي هــــــــــــــــــــاي سكول هههههههههههههههههههههههههههههههههههههههههههههههههه ههههههههههههههههههههههههههههههه ماتيلدا عبدالله ال سعود ^^ يعطيك العافيه على قصة حياتك ^*

26-09-2010, 02:53 PM	#4
ЈήδήЌ قناص مميــز	رد: هاي هــــــــــــــــــــاي سكول ههههههههههههههههههههههه يعطيك العافيه

26-09-2010, 11:38 PM	#5
قحطانيهـ كيوت قناص مميــز	رد: هاي هــــــــــــــــــــاي سكول ماتيلدا والله انك شيء لبى قلبك والله ان شقاوتك تهببببببل يعني شقاوه بنعومه لوني مديرة المدرسه بذاك الزمن كاااان خليتك معلمه<<<<<برآآآآآآآ ويالبى قلبك والله انك تووووووووووحفه التوقيع: .

27-09-2010, 09:48 AM	#7
ĐάหάĦ Qanas Broaz	رد: هاي هــــــــــــــــــــاي سكول يـــا أهليـــن بــ ماتيلــدا .. . واللــه يا سوالفـــك تونــس .. أجـــل حطيتي بالطبشورة فقس عليـــك أفكـــار بسم اللــه عليـــك لو حطيتي فازليــن أهون شوي عوافــي حبوبــه وسعتي صدري عَ هــالصبح ..//..

27-09-2010, 04:19 PM	#8
عاشقه يسوري20 قنــاص فعــال	رد: هاي هــــــــــــــــــــاي سكول ههههههههههههههههههه يا الله يا ماتيلــدا والله كلامك يضحك مرره انا تقريبا زيك بس انتي مرره احسن مني التوقيع: ياربي اللى يجبلى توقيع من ابو عزوز باسم شهوده العسل ياارب حقق كل امانيه ياااااارب والله انها من قلبي

27-09-2010, 06:38 PM	#9
بنت ولد جدي قناص مميــز	رد: هاي هــــــــــــــــــــاي سكول والله ياعليك ماضي رهيييييييب كل ابووه اسود تقريبا كنت مثلك لاكن انصع منك بياض يعني لو بيفصلوني ثلاث ايام تنجلط علي امي والخيزران بيد ابوي >> خبرك هاذيك الايام الام والابو شديدين شوي ياليتك تشوفين امي وابوي وشلون يشاورون اخوي الصغير يروح للمدرسه ولا لا موضوع يحكي معانات الكثير من الطابات وعن التمحيط اللي حصل لهم على طاري التمحيط كانت بعد عندهم موضة الضرب على الظهر باليد والله ياطقتني وحده الى الحين مكانها احمر >> ^_* لا تحرمينا من جديدك ومن قصص ماضيك عوافي التوقيع: استغفر الله واتوب اليه

28-09-2010, 12:23 AM	#10
محامية يـاسـ20ـر قنــاص مبــدع	رد: هاي هــــــــــــــــــــاي سكول هههههههههههههههههههههههههه الله يرجك <<ذكرتني بنفسي...بس الحمد لله خلصت الثانويه بعد معناة والحين الجامعه الله يعين... التوقيع:

28-09-2010, 05:16 AM	#11
shog قناص مميــز	رد: هاي هــــــــــــــــــــاي سكول متيلدا ههههههههههههههههههههههههااااااااااااااااااااااااي للله يقطع بليسك مره وحده ال سعود ههههه الو قايله التويجري صدقوك المهم ولله نفسك سالفه الجني بظبط ونتحجج عشان ما ندرس فيه جني هههههههههه بس انا شوي اعقل منك مودرجه الفصل بس تعهد لا انا خطييييييييييييييييييييييييره مره طلعت اشاعه عن الملك انو توفي وخذي كل اناس صدقوا والبنات قلتلهم جاني تلفون ونا في المدرسه وطلعت وقلت المديره والبنات الملك توفي ولا قلت بعد طلعوه علي العربيه اختي كلمتني بغرفه المدير ونا اصاااارخ لا لال لالا ا وخذي هياط ابكي كذب ولله صرت مشهوره عقب لاشاعه بس الحمدلله ثاني يوم غبت وسحبت لين نسوا الموضوع ولللله انتي جد با يعتها لله يعين امك هههههااااااي تقبلي مروري غ البشر التوقيع: the end...

28-09-2010, 11:57 PM	#12
ASHQ ALZAEEM قنــاص فعــال	رد: هاي هــــــــــــــــــــاي سكول يسلمووووووووو ماتيلدا ياانك وسعتي صدري بسواليفك كل وحده فينا عندها سوالف عن ايام الدراسه تضحكين على عمرك ليه سويتي كذا بس ايام حلوة سي يو ماتيلدا

30-09-2010, 12:48 AM	#14
BOSHRA قنــاص مبــدع	رد: هاي هــــــــــــــــــــاي سكول ماتيلداا سواليفك من جد وسعت صدررري واكثر شي سالفه السياره والبنت الي شردت اتخيل شكلك بس ماتيلدا لك التوقيع:

30-09-2010, 02:33 AM	#15
هلاليه برشلونيه 20 قناص مميــز	رد: هاي هــــــــــــــــــــاي سكول هههههههههه الله يرجك ياليتتك عندي والله انا خوااااافه بالمدرسه طفشت وانا اطلع طالبه نضاااام بس احلى مافي النضام اذاخسر الهلال ماطلعهم براء معروف هالشي عندي