-


اولاً اعتذر عن التأخيييير

ثانياً ترا ضيفنا يكلمنا من اقصى العالم <- كلي تبن

ترا افشل انسانه بالمقدمات ما اعرف
و ريان متوقع اكتب مقدمه من طراز فاخر خخخخخخخخخخخخخخخخ
بس توقعك كان في غير محله

اكيد كلكم تعرفون الكاسر /
ريان الجهيّم
احدى اكبر المسوقين في العالم

مرحباً مليوووون يا ريان ... ..


.

حياك ربي وأخيرا وانا احتري وين مقدمتي من البارح وانا اقرى واقول عسى عسى بس ماش

أكلمك من أقصى العالم الله يهديك مفطرة ومبسوطة وانا صايم وجاية تحجرين لي بلقاء < بينطق قايلها قبل انه موافق

يا هلا والله وغلا

-

اسمع ريان شكل انا وياك بنحتسي بروحنا
ماش الاعضاء كلهم فرفرة بهالاسواق


الا وش اخبارك ووين ايامك وردوك اللي تثلج على الصدر
<- يقالها 24 ساعه بالموقع

وكيف اجوائكم ب كندا ؟ يقولون ثلج وحركات

,

هههههههههههههههههههههههههههههههههههههههههههه

ملاحظ مقهورة بكلمتي يوم اقول فرفرة بالاسواق

ياخي خلك مثل محمد و ابراهيم مسوين علينا مدراء
ويخوفونا <-- نصابه هالبنت :|


مير الحمدلله يا ريان مالك بهالامور لان اعتقد والله اعلم انك
ب تنحش الاعضاء عصبي انت ليه ؟!

طيب يا اخي الكريم علمنا كيف الصيام ب كندا عذاب
؟

.

هههههههههههههههههههههههههههههههههههههههههههههههههه هههههههههههههههههههههههههه

والله يالغالية انتي ضربتيني على وتري الحساس المفروض اصير زي محمد و إبراهيم بس الظاهر إني ما أواجه : )
مينفع مدير ودلخ مايجي .

بعدين من ناحية عصبية حرام عليكم والله .. ياختي انا بعرف من الي مشوه سمعتي باني عصبي هي كم حادثة بس مرت جبنا فيها العيد بس شوي ماله داعي تمسكونها علينا : )

رمضان في كندا ...ايه انتم مبسوطين يالملعن كل واحد امه عنده وشغالات يطبخون وينفخون ويسوون كلش مهوب حنا .. والله ياقلبي رمضان هنا كالآتي تمسكين 4 وتفطرين 8 وثلث بس الحمد لله عشاني أطبخ << يناظر هنوف

امورنا ماشية عشانا نطبخ كل شي نحصله والحمد لله كم كل الأكلات نصلح الله يخلي الجوهرة الي علمتني بس المشكلة في انك تصير تطبخ انك تطبخ لعيال الناس وهذا الشي الي ما احبه بصراحة لان كل واحد منهم يبي شي

عشان كذا اقنعتهم رمضان هذا اني بصوم بالسعودية وانا في كندا لي خمس أيام الحين مرتاح ومبسوط وهم عند اهلهم : )

-


لا منت بدلخ فيك دهاء عظيييم :")


عصبي والله عصبي :(
دايم تهوش علي ض1

<- جواره هالبنت


شوف ريان لا تتطنز عشاني رمضان ذا انحرقت مليون مرا
امي تقول تدربي قبل لا تعرسين
بس ماش بائت بالفشل خخخخخخخخخخخخخ


ريان اصبر اصبر

بوريك شيء




وش هالبرابيس ؟




قضت السفر كندا بكبرها مافيه سفر ؟
كاشت الاخ ؟

بالله ريان من علمك تصلح جريش
لازم تزيده شيء عشان يصر رخو <- مسويه طباخه




ياعالم ترا كل شيء معلق عندي ف اعذرونا

هههههههههههههههههههههههههههههههههههههههههههههههههه ههههههههههههههههههههههههههههههههههههه
الله يعينها خالتي الضعيفة أنا قايلك انتي سنعه وكل شي بس انك مطفوقة وفيك رفالة مهيب في أحد بس < ياويله

اما من ناحية الصور قبل ما اشرحها حبيت اوضح شي قبل اني عزوبي وماعندي أم هنا .. الحين اعلمك الصورة الأولى ياطويلة العمر قهوة و شوربة ولو ان لونها اسود شوي بس شوربتهم كذا في كندا اما الحواق الي في القدر ترا شكله يروع بس طعمه في دواء الموت شي خرافي يكفيك الليمون الأسود الي فيه

والصحن الثاني هذا لو عرفوا وش حنا مصلحين انا عندي حلف انهم بيسحبون فيزتي .. هذا ياطويلة العمر انا ولد خالتي بالسكن ملينا قلت له وش رايك نصلح جريش !!! قال تعرف قلت عطني التلفيون ودقيت على امه ؛؛ لاحظي هو الي يدق مهوب ولدها
المهم جزاها الله خير علمتنا وشلون وجلسنا نصلح جريش ونضرب فيه حول 5 ساعات وطلع طعمه ابن يهود لايغرك انه شوي بالعكس كفانا بس المشكلة ان الصحن كبيير شوي : )

وانا أقولكم ترا ماعندي أم يعني لا احد يدقق

من هذا الشخص ؟ ط1


الا اقول ريان وش قصة هذه الالفاظ :

زبال
قذر
ب امانه
و ال

خخخخخخخخخخخخخخخخخخخخخخخخخخ
الا صدق يا ريان مع هالصورة الخنفشاريه يقولون تحب
جاكي شان لدرجة كنت تجرب حركاته على اخوانك
و اطلقت الرجفة الصاعقه <- تراها مني
ليييه لئيم انت ؟


,

ياساتر صورة المعتوه الي فوق هاذي من جابها لك .. اسمعي يالغالية اللهم لا شماته يعني الله لا يرزقكم ولد مثل الي بالصورة
هاذي ياطويلة العمر والسلامة يوم جالسين بالبيت زهقانين ومانقدر نطلع لانه براد كانت تقريبا 35 تحت الصفر المهم لقينا قروب سياحي يطلعون لمنتجعات ثلجية وحنا ماندري وش القصة قلنا يالله شرينا بدلة التزلج ترا ماشرينا الا البنطلون بس لانها غااااااااالية مرة وماهمنا السعر بس ألوانها فاقعة وحسيت اننا خوال فيها فعشان كذا خذنا بنطلون بس
المهم رحنا لهم وبدينا نشوف وش بنسوي طبعا دخلناناخذ زلاجاتنا طلبوا منا تأمين طبي وبحكم ان كل واحد منا مع تأمين الحكومة السعودية وتأمينات ثانية اكتشفوا انه لو حصل لنا شي الغلط عليهم نقدر نسكر المنتجع < حس انه ولد ناس وقتها
فعشان كذا لبسونا هالخرابيط الي تشوفينها علي بس اهم شي انبسطنا والاهم من هذا اني سويت الي ابيه وهو أني انقلب وانا اتزلج < درج


الألفاظ هاذي لها معزة في قلبي بس المشكلة انه الناس تسرقها واجد واجد < يناظر هنوف : )
انا مشكلتي ان صوتي يلعلع يعني عالي مرة فلما اتكلم فضايح تطلع جزاهم الله خير العيال جلسوا معي واتفقنا على اني احتاج ألفاظ ما احد بيفهمها عالاقل مو من اول مرة يسمعها عشان اقدر احش بالعالم او اتكلم براحتي بدون ما احد يفهمني . ووفيه كلمات ثانية لكن غير مسموحة هنا

اما من ناحية اجرب على اخواني شوفي انا قايل لك اني جد فيني نقص عقل على خفيف شوي .. وربي رازقني باخوان منيب قايل ألعب عليهم بس بقول حبيبين الله يخليهم فكنت أتحمس و أجرب معهم أشياء .. الضعيفة وحده من خواتي كانت متحمسة معي وهي الي اقنعتني أسويها بس اشوى الحمد لله جت سليمة بس احلى شي فيهم انهم ماكانو يعلمون < يقول بخاطره اشوا

-

اما لو علمت عليك خخخخخخخخخخخخخخخخخخخ
كان ابوك صفقك ذيك الصفقه حقت تننننننننننننننننن هههههههههههههههههههههههه


الا ريان علمنا على سالفة المطوع اللي قال على وحده يا فاجرة


على بال ما اختي وحبيبة قلبي جورنالست هنادي تكتب مداخلتها =) ق1


,