مرحـبا كثيره لِ قلوبكم وَ عيونكم وَ كلكم ,
شلونكم عساكم طيبين وَ تزقحونْ ...

بصراحه كل ماجيت اكتب هالتقرير اتعيجز جِدآ مدري وَش الأسباب ,
تخبرونْ رمضان يقلل حماسنا للكتابة وَ لكل شيء .. وخاصه اذا صارت تقارير تخص رحله
لأنّ ماتدرون وَش تكتبونْ وَش تخلوُن من المواقف وَ اللحظات اللي تصير معكم
أنا وحده منْ هاللي شافو اشياء كثيره باايام قصيره ,

واكيد من مدخل الموضوع عرفتو لوين كانت , لأرض الحرمين الشرفين
" مـكـه المُـكـرمه "

كانت حكاية رحلتنا لها وإلا كانت بَ تكون في شهر 8 , بس ربّي كاتبها بالاخير تصير
في شهر رمضان .. مع انو ماعمري رحت مكه بَ رمضان !!
ولأول مره اتحمس انّي اروح مدري ليه ليه .. اهلي العام راحو وانا مارحت
دايم اقول مابي طياره ولاابي زحمه ........ الخ

الطياره مو لأنّي مااحب اركبها بالعكس متعه اني اشوف الغيوم عن قُرب ..
بس السبب " اُمي " من اركب وهي تقول اسمعي اذا كانت بتطيح الطياره خذي سترة النجاة
وسوي كذا وَكذا هي تهبّل بي , لانها تعرف انّي بالطياره ياالصق وجهي بالشباك الصغير
وَلاعاد احركه : | واتأمل السماء ... كذا اشعر بَ راحه محد يعلمها سوى احلامي في داخلي
او انّي امسك لي كتاب وَاقرأ ولازم ترافقني كُتب كنت اقراها قبل وَلاخلصتها
= > تستغل الوقت :p

الشيء المُثير بهالرحله انّو مو كل اهلي بالبيت راحو معنا ,
اللي راح هُم :
اُمي , اُخـوي , عنيده , أنا ))

طبعآ حطو في بالكم شيء انا وَعنيده ابدٍ مانصلح لبعض ... على قولتهم جارات

يعني ترا اي مكان مُمكن اننا نسحب الجنسيه السعوديه وَنقلبها هنود ونتطاق بس مانُموت :p

وَتخبرون اي سعوديين بيسافرون لازم تبدأ الاسطوانه لاتكثرينْ خلاقين معك
لاتاخذين اشياء واجده .......... الخ

جهزت اغراضي الله يسلمكم صباح اليوم نفسه .. لانّي منب مستوعبه سفره برمضانْ
او ماتدراكت الاوضاع .
المُهم , توصيات اخوي ماتجي الساعه 1 الظهر إلا وانتو خالصين نروح للمطار
الرحله بتكون قبل العصر او حوله بَ شوي ..
كَ العاده وَانا نايمه رنْ جوالي .. اشوفه إلا اُمي وارد .. تدرون وش قالت ؟
يالله قومي لاتقعدون تأخرونا يعصب اخوك .. الساعه 11 والرحله على العصر : |
يَ اللللله يَ اللللله .. صحيت وَاخذت شاور وجهزت شنطتي اللي بتكون معاي بَ كل مكان
وحطيت فيها الاشياء الاساسيه :
( شاحن جوال + الكام + علوووك لبعد الفطور + كتاب اللي ماكملت
قرايته + محفظة فلوس + محفظة فيها قلوس وَكحل
و... الخ => ترا ماخذته عشان مكه بس المحفظه ماتطلع من شنطتي ابد
+ كريم يد + => ... الخ بتشوفون مع الصور الجايه انو شنطتي منتفخه

المهم وَلبست وخلصت واصحي اخوي . واروح اشيك ع النت شوي قبل اقفله وَنمشي ..
بعدها تجهزنا مره وحملو الشناط بَ السياره بس مالحقت اصورهم
رحت اسلم على ابوي .. همن اختي هنيفه اللي بتحرس البيت خخخخخخخخ
وَ ركبنا السياره مُتجهين للمطار وَ انا اللي اقول لامي دعاء الصفاء والمروه
" انّ الصفا وَ المروه من شعائر الله ......... الخ
=> تسمع انها بالمسعى اللحين ياما منْ قل الصبر

وَبعد كذا وصلنا مطار الملك خالد يَ لبى كله اول مانزلنا منْ السياره إلا اقول لاختي
وين كفيلك ماشاءالله السعووديين صافين طابور يتأملون خخخخخخخ
سبحان الله من عيونها قزتني نظره تقل جتها ام العبيد الله يكافينا شرها : $
بعدين قال اخوي روحو لَ بوابة 31 اجلسو عندها رحلتنا من هناك بنطلع
وانا اللي امشي انا واختي واُمي ونجلس ., فجأه مر رجال ( شوي انا وعنيده فاطسين ضحك )
اقولها خذي الكام صوريه قالت لا وانا رفضت نحسه بيدري وبيشوتنا واُمي تقول استغفرالله
منتب مخلين الناس بحالها : |

يعني شخص لابس بشت بمطار لييييييييه !!! وطقم الجزمه وانتو بكرامه مع لون البشت
وَيمشي بالمايل ويوزع ابتسامات ههههههههههه اه يابطني خلاني اضحك الله يوسع صدره بالعافيه

خلوني اقولكم سر : بمطار الملك خالد ماقدرت اصور كثير يعني كنّي مستحيه
مدري احس ماعرفت هو لانه بديرتي واحس الناس اهلي وَيعرفوني = > داخله جو الافلام وَ مصدقه

المهم مالكم بالطويله صورت لكم البوردنق بوه اسمي الباقي شخطت عليه

بعدها اعلنو الصعود للطايره وشلنا قشنا مع العلم اننا محنا بحاطينه شحن خوفنا تنسرق غريضاتنا
وحنّا ماكثرنا خلاقين ونتوهق = > تخطيط امها هههههههههههههههههههه
بس ترا بالرحله ذي مارحمت إلا اخوي اُمي جايبتن له احرام شكله صوف مدري وشو قماشه
ماغير يهفهف منذا الحر وهو مابعد وصل مكه

وَكل مامر واحد لابس إحرام خفيف قال لامي شوفي ذا احرامه موب زيي ثقيل
قالت اُمي ابد كل الاحرامات وحده
لاحد يفل اُمي مالها الا علمها من عرفتها :|
وانا اللي اضحكك على اخوي قلت الحمدالله حنّا في راحه مهوب زيكم
بعدين صعدنا مع درج الطياره واحس الصف اللي وراي وديهم يمسكوني مع شعري ويرموني
كل مارقيت درجه وحده جلست اصور يمين وَيسار
المهم وتستقبلنا المضيفه يالبسهم يفتح النفس
اقول لامي بشتغل مظيفه ليوم

وقال اخوي ترا مقاعدنا رقم عشره .. وحنّا اللي نروح اُمي واخوي جمب بعض
وَالجهه الثانيه انا وعنيده جمب بعض طبعآ حجزت جمب الشباك عشان اتأمل حركة الطياره
واحرس جناحها لايجيه شيء وينكسر = > لاحد يضحك والله اني اتخيله شاب حريقه :(
عقب ماركبو الناس كلها إلا التفت يمين وَيسار عسى ماشر يابووووي
اغلبهم اجاااااااانب اقول لاخوي متأكد بنروح لمكه مهب مصر بس
بعدين جالسه اطالع مع الشباك وَكذا فجأه المصري يمد يده ويسكره
خنقتني العبره ودي اصيح وودي اقوم اتوطأ ببطنه
بعدين طارت الطياره قلت يازين الارض زينااااااه .. يماااااااه انسدت اذاني
=> تحس محدٍ يسمعها

طبعآ الاجواء بَ الطياره كانت شينه .. قريت شوي من الكتاب وَقفلته مليت
همن جلست اقرا اعلانات الاوراق اللي حاطينها وَمليت
ياربي وش اسوي مالي الاانام !!
مامداني احط راسي على كتف اختي الا قالو اربطو الاحزمه بنهبط
بغيت اقوم ارررررقص ونفسي امشي وَ اطلّق رجولي تعبت من الجلسه
يوم وصلنا وفكينا الاحزمه وَتعطينا اُمي الغطاوي نلبسها
ياشينه تحسون كلش اسود

وَنزلنا بَ جده وَتجي الباصات تاخذنا توصلنا لقلب المطار

وَندخل المطار وَ يجي اخوي يستقبلنا لانه كان مُنتدب لجده .. وَنسلم عليه همن يجونا صفة رجال سعوديين يقولون
" تاكسي تاكسي " وَنركب مع واحد عشان يوصلنا لمكه ..
ركبنا معه وطول الطريق وانا اطقطق بالبي بي اسلي وقتي الين نوصل
واُمي اللي تنغزنا استغفرو استغفرو

وصلنا بحمدالله المغرب لمقر الفندق " ابراج المرديان " ونزلنا وَجاء اللي يحمل اغراضنا

وَ راح اخوي عشان يكمل الاجرائات مع حق الفندق مع العلم انه مكلمهم قبل وقايل لهم
يوجد عندكم عربيات علشان اُمي ماتمشي مسافات طويله قالو ايه قال فيه والانجيب من الرياض حقتنا
وَااكّد له انو فيه ., وصارت فوضى لالقينا عربيات ولاشيء
وبالاخير دبّر اخوي وحده بعد المفاوضات اللي صارت كل واحد يطلّع من راسه كلام
ويعطيه كرت الغرفه وقال له جربه اذا مافتح تعالي بعد المغرب !!
يعني فوضى عيني عينك وَعدم اهتمام !!
طلعنا فوق وَدخلنا الغرفه اُمي يوم شافتها كبيره ضاق صدرها قالت ياليتنا جايبين ناس معنا
قلت وَش تجيبين نبي ناخذ راحتنا قالت ولو كبيره وحنّا شويين وودي بناس معنا
ياسفابنا بس
طبعآ انا مابعد فصخت عبايتي طبيت طبه عالسرير الا وَ تنشق عبايتي
قلت مامدانا سبحان الله

رتبنا اغراضنا وافطرنا الين اذن العشاء ولبسنا عشان نبي نصلي التراويح بالحرم
مع اننا تعبانييين مرااااا بس اُمي ماتبي تفوت .
نزلنا ويجونا باصات الفندق ياخذونا يوصلونا واول ماننزل اكيد نمشي مسافات طوييييييله
والله ماتصدقون الزحمه اللي شافتها عيني ماعمري شفتها كل واحد يدف الثاني
تخيلو بس طلعنا الدور اللي فوق واللي تحت وَكل مكان مالقينا مغز ابره نصلي فيه :

تعبت نفسيتنا ., مره اختي تدف امي وشوي انا
الين لقينا مكان بعد وبلاط موب زوالي وقعدنا وحمدنا ربنا
صلينا العشاء وَالتراويح اللي 23 ركعه الله يقبلها يَ ربّ
كان الجو جِدآ حر لايُقاوم , بس الحمدالله انّنا صلينا مع السديس كان فرحه لي اكون بالحرم وَ بصلاة معه ...
خلصنا الصلاة الساعه 11 وبعدها طلعنا ناكل شيء ع السريع ونرجع ناخذ عمرتنا مره وَحده
عشان مانكسل ,

جت الساعه 1 وبننزل بالعربيه حقت اُمي للطواف رفضو عشان الزحمه منعو نزول العربيات
تصبرت امي ونزلنا انا وَهي وَعنيده واخوي جلس عند العربيه وشناطنا لانّ لاخلصنا طواف ينزل هو لحاله ,
والله انّو الطواف واصلين للدرج من شدة الزحمه : |

اُمي عندها عاده وَ طبع شيّن تماسكو لاتضيعون وَش نضيع وَحتى لو صار شيء معي جوالي اكلمك وَينك فيه انا ماحب احد بطيء :(

صرت انا قدام وامي وراي وماسكه عبايتي عشان ماانطلق خخخخخخخ
واختي عنيده جمب امي .. شوفو يوم صارو معي وصلنا والله قريب لم الكعبه وفجأه طيروني
الين وصلت الدرج :(

وحنا نطوف الا امي تنبطح وَتجلس عالارض :|:|
والعالم تخبط عليها وحنا سوينا دائره ترا فيه حرمه انتبهو ويجي رجال شيلوها
تخيلو اشيل امي ؟ هو ياليت اقدر ..
اقول يماه قومي العالم بتطيح علينا انتي جالسه بمكان غلط قالت بستريح رجليني عورتني
قلت طيب قومي نستريح بعيد شوي وعلى ذا الحال وَيالله قامت بعد

ونكمل طواف همن تعبت مرتن ثانيه وَتقرب لم مقام ابراهيم وتجلس والا جمبها رجال امن وَشيخ
مايخلون احد يجلس بس يوم شافو امي تعبانه جلسوها وقالو بعدو عن الخاله خل يجيها هواء شوي
ياحبنّي لهم وربّي ماقصرو الين ارتاحت شوي وكملنا طواف ومير كل مادعيت وَشفت ناس تدعي بصوت صرت ارد وراهم ههههههه

ويوم خلصنا السبع اشواط وانا اللي بكمل الثامن قالت امي يالله نطلع منذا الزحمه قلت باقي قالت ودتس تكملين قضينا خخخخخخ

طلعنا من الطواف متجهين للمبه الخضراء يقولون اي احد يضيع يجي حولها ههههه
ونكلم اخوي يجينا يوم جانا ويعطينا العربيه وشناطنا قلنا رح طّف وحنّا بنروح المسعى ,

وصلنا للمسعى طبعآ تخبرون فيه زي الطلعه فوق يالله نطلع العربيه معها
اختي تدف امي وانا وراها ادفها اشكالنا توووووحفه ويفزعون عيالنا يسحبون العربيه
الله يجزاهم الجنه

دخلنا للمسعى ويجي واحد يقول لامي بدفك وتعطيه فلوس وقالت بس شوي شوي لاتسرع عشان بناتي يصيرون جمبي => ياليل الخُوووف
فجأه طار ولاعاد شفناها ومنْ سباهتنا انا وعنيده نمشي بحقين العربيه انواع التشويت

قال لنا الضابط اطلعو هنا افضل لكم وطلعنا وادق على امي عشان لاتنهبل ماتلاقينا ردت
قلت بنسعى لاخلصنا نكلمك اول مره توافق خخخخ
ونسعى انا وَعنيده وكل شوي التفت واصور الله لايعاقبنا بس

لاجيت اقول ان الصفا وَالمروه منْ شعائر الله ... الخ قالت عنيده علي صوتك بسمع وارد وراك

مدري شكلها مادرست خخخخخخخ => الله وَاكبر ماقمتي تسمعين بالرياض ض1
خلصنا وتلاقينا مع امي , في اخر المسعى !

قالت يالله هاتو اقص من شعركم قلت فيذا قالت محد يشوف فكيت الطرحه وهي اللي تبي تمسك شعري
قلت شوي شوي لاتقعدين من كل جهه تقصين وَتخربين علي , وتقص وتخلص همن شلت الغطوه بعد عناااااااااء هففف واخيرآ

وَجت تقص لعنيده يااووواااااك موقف يضحك وهي نافشه شوشتها وانا اغطي عليها
وجت وحده مصريه شعرها اصفر
قالت شلون اقص قلت امسكي شعرك من ورى كله وقصي شوي
قالت عطيني مقص :|
وخذته بتقص همن قالت امسكي الشعر قلت خييييييير وش اسوي به
خفت صراحه :/ قالت بس امسكيه الين اقص الباقي
لفت علي سعوديه قالت يييييييييع شعرها ههههههههههههه

طبعآ خلصنا عمرتنا على الساعه 3 وربع كذا
وخلص اخوي وتلاقينا ونزلنا عشان نركب الباصات ونروح للفندق نريح ونتسحر ,
سحورنا كان معنا اخذناه قبل , وركبنا الباصات ووصلنا على 4 وتسحرنا
بعد السحور انا معاد اشوف الدرب اخذت شاور وَصليت ونمت

اليوم الثاني قالت امي ماراح نروح للحرم الا العصر .,

وماصحينا وهي فوق راسنا الين خلاص قمت
تجهزنا على بالنا بنلقى مكان لارحنا بدري
نزلنا كَ العاده والباصات نركبها ونروح وهـ يالبى قلبهم يفرشون السماطات ويحطون كراتين التمر

وحنّا ماخذين معنا قهوتنا والتمر , تصدقون مازال زحممممممممه :|

بالاخير اندعسنا في مكان صجة بزران فيه ووجع راس شوي الانغير مكانا وننزل تحت
ونجلس وحاطين شناطنا قدام عشان محد يجلس لانه مكان سجودنا ,
صلينا المغرب وافطرنا وبعدين جلسنا الين اذن العشاء وكل ماجاء احد يجلس قومناها

زي ماقلت لكم مكان سجودنا !!
الا وحده ماتحكي عربي لغتها ماتنفهم يوم جلست وقلت قومي الا تقوم وتصاااااارخ
وتبربر ( عشهاشلهصللاهىصلهيس ) اذا فهمتو قابلوني

وتاخذ شنطة اختي وترميها وتقعد : |
قلت عسى ماشر قومي وهي اللي تمد يدها ثمن تقوم عنيده وتقول قووووووووووومي
وقمت انا قلت قووووووووووومي انا يسار وعنيده يمين حاصرناها

امي تقول منتب مخلين المهاوش ولافيذا

وقامو الحريم خافو ههههههههههه
وبدت المعركه وتجي الحرمه المسؤؤله عن التنظيم وتقومها وتهاوش كل وحده تجلس بالدرب
الين انتهت القضيه هههههه لاحد يحاكي عنيده وقتها مابعد طفت نارها
وبدينا نصلي التراويح الين خلصنا على الساعه 11
وابد ماقمنا كل شوي نجيب موية زمزم تراني ماحب اشربها لانها مره بس العطش ومايسوي بي
وخلصنا وطلعنا منذا الزحمه اللي يالله مشينا وَصارت مشاكل كثيره مافيه تنظيم
وكل ماجلس احد يصلي بالممرات قوموه ....... الخ

المهم وحنا بنطلع من الحرم اختي تدف اُمي بالعربيه وَتمشي بسرعه
واللللللللله نقزت امي نقزه من العربيه وطاااااااااخ عالارض :(

والكل يجتمع ياخاله جاك شيء ., انشقت عبايتها ورجلها اوجعتها
كله من عنيده المطفوقه خخخخخخخخ
وَبعدين قلنا دام هذي اخر ليله نصليها بالحرم ولاطلعنا منه من العصر نبي نمر المجمع اللي به محلاتهم
ودخلنا وتمشينا ورحنا لابن داوود اتحدى احد يتحرك ياربي حسيت كل العالم بمكه

خميت حلويات ولاتهون المُكسرات بمزمز عليها بالطياره لاني دريت رجعتنا بتكون ليليه
وحاسبت وطلعنا واخذنا ايسكريم يبرد على قلوبنا وتمشيت انا واختي وامي جلسناها ترتاح
ودخلنا بودي شوي واخذت محفظه وقلوس همن رحنا ناخذ اقلام ونحفر عليها اسماء
سويت لابوي واحد ذكرى

وابد كان يومنا بعد العمره تمشي خفيف وبعدين رحنا لمكان الباصات واخذتنا للفندق
واخوي دق على الريسبشن يبي حقين الخدمه نبي صحون ولالقى يعني شيء غريبه مطبخ ولابه شيء
ويماطلون بخدمتهم وَاسعارهم وَكل شيء
يعني انا استغرب فندق حلو وكل شيء تمام جواه والخدمه عكس هذا !
وكل مادقينا عليهم يحولون على عدة ارقام يامايردون ياتطنيش بحكيهم وَعلى ذا الحال

يوم قالهم اخوي انه راح يقدم شكوى على طول قالو سُحوركم علينا خخخخخخ
بس ماش اخوي قال ماراح ناخذ سحورهم
بدل مايكون خمس نجوم اعطاهم اخوي نجمه وحده على خدمتهم السيئه

المهم جلسنا نتفرح عال tv كانت حلقة طاش يوم يقول السدحان لبيك اللهم لبيك هههههههه

وبعدين تسحرنا وصلينا ورتبنا اغراضنا ونمنا
صحينا صلينا الظهر وبعدين رجعت اكمل الى قبل العصر بشوي
وبعدها اخذنا اغراضنا ورتبنا الغرفه ونزلنا نركب الباصات توصلنا لمطار جده من الزحمه
مالقيت كرسي وصرت اتعلق بذا اللي فوق لو تشوفوني ضحكتو معلقتن يديني كلها
اسمع باللي يطيحون
ووصلنا مطار جده وخلص اخوي اموره ... دخلنا المصلى نصلي العصر
لان رحلتنا بتكون على الساعه 6 و55 دقيقه
انا واختي جلسنا بالكراسي بعدين رحت للصراف بالمطار بصرف
وبعدين قمنا نتأمل مخلوقات الله انبسطت عالطاوله اللي جمبي اماراتيات

وبعدين نزلنا مع الدرج المُتحرك متوجهين للطياره ونركب مكانّا كان رقم 8 وانبسسسطت بالرجعه اغلب اللي بالطياره
سعوديين مهوب زي الروحه كني مصريه ههههههههه

وافطرنا المغرب بالطياره وبديت اطلع المكسرات امزمز عليها = > سعوديه ماعليها شرهه
شبعت منها طلبنا كوفي انا واختي مير حامت تسبدي ممممممر قالت اختي حقي حالي
وَتبادلنا بالاخير انا ماشربت حقي ماجاز لي :/
تصدقون ماياكل الاانا واختي نحلل كلش بالطياره اما اخوي يالبى قلبه مؤدب بمكانه
ماغير يقرا كتاب

واُمي تعطي اختي علبة تمر سكري تقول ارفعيه بيدك عشان ياخذون
اختي تمد واُمي تقول تفضلو خخخخخخخ
وهذا حالنا بالطياره يوم قربنا نوصل للرياض اشوف الانوار قلت يمه وصلنا لا
قولو للكابتن يلف يمين يتمشى بنا مابي انزل = > بزران ض1

هبطت الطياره بمطار الملك خالد الحمدالله على سلامة الاسفار

والاسواقنا يستقبلنا
وبس قضت رحلتنا يقالي انّي مختصره هالبربره

اللي كنت ابي اوصله بنقاط مهمه "
* مكه كانت زحمه محد يصدقها الا اللي يجيها برمضان
* الحمدالله صلينا التراويح بالحرم ومع افضل شيخ عندي " السديس "
* اُمي وطيحتها الأليمه خخخخخخخخ
* اُمي وتبطحها بالطواف والعالم تطيح عليها
* اخوي واحرامه الثقيل والهفهفه
* الباص وَ تعليقة يديني
* الطياره والمصاريه
* الحرم وذيك اللي تهوش مافهمنا عليها
* فزعة عيالنا بدف العربيه معنا
* سوء الخدمه بالفندق
* لحظة التفتيش طلعوني وخذو المقص من شنطتي
ليت من قص خشمه
* يوم نامو اهلي والغرفه اللي انا فيها مكيفها طافي
واحوس بجهاز التكييف وطلع الصبح مانمت ض1
* التاكسي واللي وصلنا وسرعته وامي تقول لاتسرع ض1
* شناطنا ترافقنا بداخل الطياره عشان ماتنسرق قمصاننا
............. الخ

عندي اكثر من 300 صوره كنه محلوفن علي امشي واصور
بس ماعليش بحط بعضهن
الصور منوعه بين مكه وداخل الطياره وَ المطار والفندق
اشياء بسيطه

قهوتي

كامي وَ جوالي

مكان الاستقبال

مُكسراتي والمزمزه بالطياره

التفتيش

استقبال اخوي لنا بجده

كنت اقرأ بالطياره

شفتو الزحمه كيف

المسعى

البخبخ اقصد المطبخ

كله اجواء المطار

قبال فندقنا والباص مقبل لنا

يمي يم

باب غرفتنا

جهاز التكييف اللي لعبت فيه ماعرفت له

صفو طابور عشان تشربون

كل ماقريته تذكرت تخويف امي ض1

فطورنا

اخوي

وطيري طيري ياطياره

تذكرت اني جايبه بطاقتي قلت اشوف كم فيها

للفندق ماعطاهم اخوي الا نجمه من خمسه

باصنا

رياضنا

الساعه

تراي تعبت معاد بكمل يالله علقو

:

أقتباس

سَافرتْ بَ كَلامِكْ وردّيتْ

مي تو سافرت ورديت وداخ راسي يوم تقول اقرا كتاب بالطياره ض1

والله ان أمك صادقه مو مخلين خلق الله حتى بالسعي تصورين خخخخ


يومك ممتع وتقبل الله
وواضح انك رايقه حتى المصعد مصورته
أهم شي دعيتيلي

أقتباس

إِنْدمَجتْ مَرآ
سَافرتْ بَ كَلامِكْ وردّيتْ
عُمْرهَ مقْبُولهَ يَ رَبْ , وتَصْوِيركْ خَيالِي بَجدْ
عِشتْ الأجَواءْ الحِلْوهَ هِنَا .. وضَحكتْ مِنْ مُوقفِكْ
أنتِيَ وعنيّدْ مَع الحُرمهَ ض1 , وَاللهَ يَخلِيكُمْ
لَ بَعضْ

وهـ ياحبنّي لك
الله يتقبل منّا وَمنك ياربّ ,
الموقف اللي كتبته يهون عن الفعل اقولك قمنا كننا مهابيل
وانا اللي اقولها بالاشاره قومي احسن لتس

أقتباس

تعَاليَ هِنَـا
مَالتِيزرزْ أبِيهَ ض1
* مُوفقهَ نُوفِي يَا رُوعهَ , تقْرِيَرْ تُوبْ . . [

يفداك اجيب لك كرتون بدال الواحد
وياكِ ياربّ , ومنورتني اكثير شيء


.,

أقتباس

مي تو سافرت ورديت وداخ راسي يوم تقول اقرا كتاب بالطياره ض1

والله ان أمك صادقه مو مخلين خلق الله حتى بالسعي تصورين خخخخ

اقرأ شيء مُهم ,
امي بغت تحلف مااخذ الكام بس قلت لها ماخذتها بالطيبّ
اصلن حلاة تصويري بالمسعى يااني احبه

أقتباس

يومك ممتع وتقبل الله
وواضح انك رايقه حتى المصعد مصورته
أهم شي دعيتيلي

اكيييييييييييد وانا قايله مابنساك
ترا عندي صور اكثر لو تشوفينها تقولين موب صاحيه
حتى باب السياره مصورته


نورتي يَ كلي

.,

أقتباس

عمره مقبوله إن شاء الله

و ماشاء الله رحلة حلوهـ وتصويركـ بعد حلو

الله يتقبل منّا ومنك ياحلوه .,
حضورك احلى

أقتباس

تقبل الله يانوف

بصراحه الكلام ماقريته << طويييل
لكن قاعد اشوف الصور ورحله ممتعه لكن استغربت شلون طافك تصوير الساعه العملاقه
اللي قاعدين يشتغلون عليها وعلى حسب علمي انه فيه جهه اشتغلت

اهنيك على اللتقاطات الحلوه
<< ايش نوع الكام اللي تستخدمينه عطينا معلومات بالخاص

الله يتقبل منّا وَمنك ياربّ
اقراه لايروح تعبي
من قالك فوتتها .؟ اصلن هي اكثر وحده صورتها من كل الجهات
بس قلت لك قبل الصور كثيره عندي ولاقدرت اخذ منها طارت عيوني
مصوره شبر شبر هناك لو كنب الغرفه
طيب عشانك هذاني اضفت الصوره للموضوع وهذاني حطيتها لك بهالرد



وتراها مشتغله احلى شيء لما تكون تطوف وتبي تعرف الساعه بدل ماتشوف يدك ارفع راسك

الكام حقي

نوعها : SONY ديجيتال
الموديل : DSC-W300 Cyber-shot

المميزات :
- 13.6 ميجا بكسل مع رقاقة HAD CCD فائقة
- عدسة فاريو تيسار من كارل زايس بزووم بصري 3×
- شاشة Clear Photo LCD كبيرة مقاس 2.7 بوصة
- محرك BIONZ لمعالجة الصور
- حل المانع المزدوج للضبابية: نظام Super SteadyShot وحساسية عالية ISO 3200

- تقنية اكتشاف الوجه للأطفال والراشدين
- مغلاق الابتسامة- التعرف الذكي على المشهد

وهذي صورت الكام ..

نورت نايف

.,

أقتباس

عمره مقبوله إن شاء الله
وحسيت تسني سآفرت ويآكم
وكل كلمه كتبتيهآ عشت لحضتهآ
رحله جدآ رآئعه ،، وتصويرك آروع

ربي يحفظ لتس آميمتك وعنيده
دمتي بـ حفظ وتوفيق الخآلق ..]

الله يتقبل منّا وَمنك ياربّ
آمين الله يحفظ الجميع ,
نورتِ


.,

*
*
عمره مقبوله إن شاء الله
تقبل الله ان شاء الله
صور خرآآآفيه و تقرير رائع

تسلم ادينك ق1

ماشاء الله ، وعمره مقبولة يارب

حنا بعد تونا راجعين من ثلاثة ايام .. زحمممممممممممة وحر لايطاق
حجزنا بحملة عندنا وندمنا انا ركبنا حملة بطييء سواقنا وحنا مابينا وبين مكة الا 500 كيلومتر وشوي يعني بالسيارة ياخذ 5 ساعات وشوي .
مع الباص تقريبا اخذنا 10 ساعات يعني
يوقف في المحطات على مادخلنا مكة والشوارع زحمة وعلى مانلقى فندقنا

اعتمرنا على الفجر الطواااف مووووت ماغير لصقة في اخوي خايفة من الزحمة ولا اخبط
والسعي خذنا الدور الثاني وحرررر ماغير مراوح وطبعا سويت لهم فلم هندي عجيب
تعبت مرررة ودخت علشان السكر قالوا افطري قلت وين الماء > ماصدقت على الله
وحنفياتهم مقفلة ولا فيه ترامس موية ... وصار اللي صار بس الحمدلله كملت معهم
امي لا افترقت عنها قالت هند وينها تحسبني طحت .! ولا انا قدامها مع اخوي

التراويح صليت يوم واحد بس حررر وقرف الاجانب وانا انسانه اتنرفز من الحر والروايح العجيبة
اهلي صلوا في المسجد كل الايام وانا منطقة في الشقة مع اخوي وقدام المكيف ومرتاحة
امي واختي الكبيرة قالوا لي لاعاد تجين معنا اذا بتتعبين كذا , وش اسوي هو بيدي

صلاة الجمعه مارحت لها ... جدتي اغمى عليها بعز الظهر زحمة وحرررررر
والحمدلله يارب :: صحيح نفسيتي قفلت لكن الله يكتبها لنا عمرة مقبولة يارب
اهل مكة وش سالفة حي عندكم يسمى ( بحي محبس الجن ) ! يقولون له سالفة


نوف سوري اذا فضفضت في موضوعك هي تسمى مشاركة حتى ودي اقتبس كل سطر
بس وش اقتبس واخلي ماشاء الله / والله يعطيك العافية

هلالــ( ever4 )ــيـه

أقتباس

*
عمره مقبوله إن شاء الله
تقبل الله ان شاء الله
صور خرآآآفيه و تقرير رائع

تسلم ادينك ق1

الله يتقبل منّا ومنك ياربّ
الاروع حضورك يابعدي

.,

ĦỉหĐ

أقتباس

ماشاء الله ، وعمره مقبولة يارب

حنا بعد تونا راجعين من ثلاثة ايام .. زحمممممممممممة وحر لايطاق
حجزنا بحملة عندنا وندمنا انا ركبنا حملة بطييء سواقنا وحنا مابينا وبين مكة الا 500 كيلومتر وشوي يعني بالسيارة ياخذ 5 ساعات وشوي .
مع الباص تقريبا اخذنا 10 ساعات يعني
يوقف في المحطات على مادخلنا مكة والشوارع زحمة وعلى مانلقى فندقنا

الله يتقبل منّا وَمنك ياربّ
ياويلي لو اكون بباص عشر ساعات انهبلت
ماحب اطول جالسه
وهـ يالطياره مامدانا ساعه ونوص الا وحنا واصلين

أقتباس

اعتمرنا على الفجر الطواااف مووووت ماغير لصقة في اخوي خايفة من الزحمة ولا اخبط
والسعي خذنا الدور الثاني وحرررر ماغير مراوح وطبعا سويت لهم فلم هندي عجيب
تعبت مرررة ودخت علشان السكر قالوا افطري قلت وين الماء > ماصدقت على الله
وحنفياتهم مقفلة ولا فيه ترامس موية ... وصار اللي صار بس الحمدلله كملت معهم
امي لا افترقت عنها قالت هند وينها تحسبني طحت .! ولا انا قدامها مع اخوي

ايييييييه زحمه وحر
قسم بالله احس اني بنت كل الناس من كثر مايلصقوني فيهم
وسلامتك يارب

أقتباس

التراويح صليت يوم واحد بس حررر وقرف الاجانب وانا انسانه اتنرفز من الحر والروايح العجيبة
اهلي صلوا في المسجد كل الايام وانا منطقة في الشقة مع اخوي وقدام المكيف ومرتاحة
امي واختي الكبيرة قالوا لي لاعاد تجين معنا اذا بتتعبين كذا , وش اسوي هو بيدي

صلاة الجمعه مارحت لها ... جدتي اغمى عليها بعز الظهر زحمة وحرررررر
والحمدلله يارب :: صحيح نفسيتي قفلت لكن الله يكتبها لنا عمرة مقبولة يارب

مافيه امل امي تخلينا
يالله اجر وعافيه وسلامة جدتك

أقتباس

اهل مكة وش سالفة حي عندكم يسمى ( بحي محبس الجن ) ! يقولون له سالفة


نوف سوري اذا فضفضت في موضوعك هي تسمى مشاركة حتى ودي اقتبس كل سطر
بس وش اقتبس واخلي ماشاء الله / والله يعطيك العافية

يمممه وشو جنه ؟
ابد خذي راحتك الموضوع لكم

نورتي

اللي يقرا موضوعك كأنه سافر ورجع معك ، نوف تجعل المشاهد في قلب الحدث < كل تبن بس
أنا أتمنى أني أروح مكه برمضان بس ما حصل : ( قلت باخذ أجازه من الدواام يوم رحت أبي احجز
الدنيا فل قلت طيب بطلع للرياض بر وبروح من الرياض على جده قالو برضو مافييه ومدري
وش أسوي ، فكرتها فيها بر بعد بس صعبه مره 4000 كيلو غير المشوره اللي بلاقيها هنااك وتحطمت
وماشاء الله مصور كل شي والموهم أنكم أنبسطتو وغيرتو جو
وعمره مقبوله أن شاء الله
وتكسرين الكاميرا بالعافية

علييــكـ ألســ.ـلآمـ..

اهنن وسهـنن ..

عمــرهـ مقبــوولهـ ان شاء اللهـ ..

.. تصويركـ قمة ألرووـوعـه.. تسلم هالأنآمل

زد عليه ,

أقتباس

اللي يقرا موضوعك كأنه سافر ورجع معك ، نوف تجعل المشاهد في قلب الحدث < كل تبن بس
أنا أتمنى أني أروح مكه برمضان بس ما حصل : ( قلت باخذ أجازه من الدواام يوم رحت أبي احجز
الدنيا فل قلت طيب بطلع للرياض بر وبروح من الرياض على جده قالو برضو مافييه ومدري
وش أسوي ، فكرتها فيها بر بعد بس صعبه مره 4000 كيلو غير المشوره اللي بلاقيها هنااك وتحطمت
وماشاء الله مصور كل شي والموهم أنكم أنبسطتو وغيرتو جو
وعمره مقبوله أن شاء الله
وتكسرين الكاميرا بالعافية

الله يتقبل منّا ومنك
ايه حاجزين من شهر 8 بس مارحنا واجلناها
انصحك قبل رتب امورك

نورت

.,

مجنون نواف ’

أقتباس

علييــكـ ألســ.ـلآمـ..

اهنن وسهـنن ..

عمــرهـ مقبــوولهـ ان شاء اللهـ ..

.. تصويركـ قمة ألرووـوعـه.. تسلم هالأنآمل

الله يتقبل منّا ومنك
نورت
.,



باكر يعود

أقتباس

عمره مقبوله بإذن الله
بصراحه تقرير يخليك ب جو الرحله و مع الصورحسيتني معكم
وأنتي شاده حيلك ب التصوير تمشين خطوه وتاخذين صوره !
لو انا من اخوك أرميك أنتي والكام من باب الطياره
سسسسؤال خارج النص ‘
الحين عنيده أسمها خلاص أخر كلام

الله يتقبل منّا وَمنك ياربّ
ايه مافيه شبر ماصورته وباقي حوال ال 300 صوره عندي
امي تقول قرويه اول مره تمسكين كام , بس وش اسوي احب التصوير
احيان لاصرت فاضيه امسك واصور اي شيء
على طاري اخوي , كل شوي يقولي سكريها لاحد يقول صورت حريمنا
تفكير سعودي

سؤالك ., بجاوبك عنيده هذا دلع الررجه للمهايطيه اختي
اسمها : العنود

نورت