من يوميآتي :

في عصرية يوم الخميس :~
رقت أمي للطاية أولآ احب اعرف لكم الطايه ( الطايه هي مكان
نرقى له بالدرج ونصير قريبين من السماء
و الطاية مكان عالي يعطيك القدره على انك تويتز منه على الجيران)

بتفرش المطرحة ( المطرحة شي فيه قطن منتفخ ولونها
خضراء وفيها ورد أحمر صغير ومع الاستعمال المستمر يطلع
فيها خرايط مدورة من سوء الاستعمال)

وبعدهآ طلبت امي مني ان اسد فتحة المثعب (المثعب هو خشبة أو
حديدة ملصوقة في الجدار علشان تصرف موية السيل من الطاية)
بعد ذلك نكست امي من حيث اتت (نكست يعني نزلت من الدرج
اللي رقت معه ) ذهبت لبيت الدرجة لتبحث هنا وهناك عن
شراب العائلة حق أبوي ( شراب العائلة شراب اسود ممكن نلبسة
كلنا في وقت واحد ويتمطط اذا صارت اصابع رجلينك متتفخة) ..

وأنا كالعادة أتبع أمي وأمشي وراها وأجلس عندها ثم أتسدح

حولها على السميت( السميت عبارة عن تراب قاسي لونه
رصاصي غامق ( وأمارس هوايتي المحببة وهي متابعة
الذر وكل مامرت ذرة أرعصها بأصبعي) الذرة نقطة سوداء
تمشي في الارض ) ,(ارعصها أي اضغط عليها بأصبعي
بقوة حتى الموت )
وهـ تعبت مب حاله ذي كل ماكتبت كلمه قعدت اترجمه لكم

صارت الترجمه اكثر من الموضوع الاساسي :(

- مادري هل كل القصمآن يعانون مثلي والا بس انا؟!

مع ان لهجتنا مب صعبه لذيك الدرجه خل اوريكم امثله

لقاموسناا عشان تتعلمون

امتبلتـي : أي متفكك ومنهك

مانبّو علينا : أي لم يدعونا أو يخبرونا
يمطرس: يحوس مطرس البزر على الاكل اذا بدا يعبث بالسفرة

إنفهدز: وتعني ابتعد قليلا وتأتي بمعنى إفحز اي وسّع يقال
محمد انفهدز او افحز لاخته بمعنى اتاح لها مكانا للجلوس
في حال كان المكان ضيقا..
اندزلع: أي ابتعد ولكنها اسلوب غير حضاري وهي تختلف
عن إنفهدز يقال اندزلع يامحمد أي اخرج وتعني الطرد وهي
مفرد اندزلعوا التي تقال للجمع من البزران او غيرهم..
سادّه:احسن وهي الفرح بحصول مكروه للشخص
إكتلوه : اضربه بقوه

هماه: هل فهمت؟ وهي تأكيدية
أهووه : بمعنى هات
تكانه: أي ثقيل العقل او رجل يقال خالد تكانه بمعنى رجل
يمكن الاعتماد عليه .
دهدره: عكس تكانه أي ان الرجل لايمكن الاعتماد عليه مطلقا

يلفز: يدس ويخبيء في مكان غير ملاحظ

يتنيوط : يتناول او يمتد للوصول لشيء
يبزع : يجزم بشيء غير مؤكد لذا نقول لمن يتفلسف بغير علم لاتبزع

يبعط : يشق بشكل كبير ... يقال بعط ثوبه اي شقه بشكل كبير

يتدودل : يتدلى
يمزر : يسحب بقوة
يتنيذخ : يتفاخر بشكل غير مقبول

يودز ( يويق ) ينظر خلسه

يباري الساس: يمشي بمحاذاة الجدار
مير: كلمة وصل لاداعي لوجوده أحيانا ، وتعني ايضاً لكن

تهقى : أغلب الظن
بوه : موجود

الطايه : السـطح

* هذي مشكلة اللي يسولف مع ناس خكر زي سديم

*العلاقه بين القصيم وانجلترا:

قوووه

GO
هماي

AM I
ييّزي
EASY
هوّ
OH
كوُد
CODE
نيم

name
إيت
eat
يويق
You egg
سادّ
sad
ياكشخه ياحنا

ولاآن القصيم تسبيره , وبه مدن تسثيره , مانستغرب اذا لقينآ
اختلااف بسيط جدآ بينهم باللهجه ..
يعني اهــــــــــــــل بــــــريــــــــده

يمطوون الحتسي شووي لاوالله مب شوي واجد بينما باقي
المدن عادي , مادري عشانهم اهل العاصمه يعني ؟

اقرب المدن للهجتنا حاايل , يمكن لانها اقرب المدن لنا
بعد , فلما تتكلم عزيزي القصمنجي مع شخص حايلي رااح
تتكلم بأريحيه لان نص كلامك حيكون مفهوم ,
خلونا نشوف قاموس اهل حايل يابعد حيي :

بعد حيي: إن أول من اطلق هذه العبارة هي سفانة ابنة حاتم الطائي
وذلك عندما مرت بحائل معأهل البيت قادمة من الشام بعد مقتل الحسين
فلما سألت قومها عن اخيها عدي أخبروها أن عدي ذهب إلى العراق يقود جيشاً
فقالت ( بَعُدَ حيي ) بمعنى: ذهب أهلي
الموذي:الملقـــــــــــوف
القابله :يعني بكرى
الآبله :بعد بكره
إنزح : أي تحرك قليلا، وتقال للجالس.
غدي : لعل وعسى
يمنا: إلينا
موجس : تعبان
يمذرح : يدوج بمعنى يذهب لأماكن متعدده
هج وإنحاش: بمعنى هرب
نتفة: النتفة هي القطعة الصغيرة
أنغزووه : أضغط عليه
اللي ما هولك يهولك: اي الشي الذي ليس بملكك لن تدوم منفعته .
شخفه :يعني قبلة
كلاك : الكلاك هو الذي يحصل على مايريد بالنصب والاحتيال
مترطرط : صفة تطلق على الشخص الذي تشبع ثوبه بالماء
باللّي هي به : مهما كانت النتائج ومهما كان حجم الخسائر
طخمه: مزيون
الباب مصكوك : الباب مسكر
الدريشه منكصمه :النافذه مكسوره
نبي نروح لرزفه : نريد ان نذهب الى حفله
ياحليلهم حآيل : مهنا فرق عناآ بالحيل

اللهم القصمان لهجتهم فيها مط للحروف غير طبيعي خصوصا
حروف العله ... والمطه هذي مهي عند اهل حايل ...يعني
السالفه ام خمس دقايق بلسان الحايلي تاخذله ربع ساعه
بلسان القصيمي ض1 والحق ينقال .. الحايليين يجاكرون اليمانيه
بسرعة حتسيهم
بس اهل حايل امس يخالفونن الراي ويقولون فيه فرق بين
اللهجتين فرق السمآ عن الثريا عشان كيذا
اطالب كل الحايلين بالحضور ووضع مرئياتهم حول القضيه

وطبعا القصمان بعد لازم يجون ونشوف وش حنا عليه ...

اهل حايل نفسهم تختلف لهجاتهم بين بعض يعني برضو مثل
القصيم .. واكبر مثال اهل صديان واهل الباديه مابينهم
الا ضلع وشارع. ومع ذلك يمكن لأي واحد يلاحظ الفرق
بين اللهجتين ... وفوق هذا بعد مايتدانون وان جا طاري
احد من الطرفين عند الاخر تقوم الدنيا ولا تقعد ...
( يعني بعد مثل شسمه وشسمه عندنا )

وبعدين اهل حايل يقولون ( وش نوحوه هاللون ؟ )
يعني وش فيه كذا ؟ بينما القصمان يقولون :
( وراااااااااوه تسذا )
وملاحظه بسيطه : القصيمي من يدزبل عليك تقول هذا قصيمي
من شديد زاتوهمن كثر التمطط والله
اما الحايلي يابعد عظيماتي من يقرط لوه كلمتين تعرف هووين به
بحايل الحاره والشارع وتاريخ الميلاد بعد..

سيده دوتس المايتس يابعد حيي ..