هذا مكانـه يابحـر أعرفـه زيـن ..
رغم البطا كنـه هنـا مـن ثوانـي !
وينه غلاتي يابحـر وينـه الحيـن ..؟
مرك .. لمحته .. مانشد عن حناني !؟
بالله قول أنه .. هنـا قبـل يوميـن ..
ودي أحس أنـه هنـا .. مانسانـي !
كنـا هنـا قـدام وجهـك محبيـن ..
نرسم على صطحك كثيـر الأمانـي !
شف يابحر كنا على جالـك أثنيـن ..
واليـوم ماغيـر الدمـع والمـوانـي
دونه أشوف الزين بناظـري شيـن ..
وبإسمه أنـادي واحـد مـن إخوانـي
وين السعاده ناسيتنـي مـن سنيـن ..
مدري بعـد مثـل السعـادة نسانـي !
آآآه يابحر الدمع في محجـر العيـن ..
ماأقـدر علـى ذكراه هـزت كيانـي
ما أقول يسوى في عيوني ملاييـن ..
يسوى عيوني وما غـلا فـي زمانـي
هو القمر في الأرض يمشي برجلين ..
مافيـه مثلـه يابحـر شخـص ثانـي
شف يابحر ماهزنـي غيـر ثنتيـن ..
فرقاه وميسـم هالزمـن لا كـوانـي
لكن أمانـه يابحـر أحفـظ الديـن ..
لاجاك ثير المـوج لهفـه .. عشانـي
قله غيابـك عـن حبيبـك سكاكيـن..
ماهـو حـرام الذبـح بإنسـان فانـي
دايم يحن لموعـدك يعرفـه زيـن ..
وده يشوفـك يابشـر لــو ثـوانـي