اجل بروح اجيب جممار جدي

أقتباس

و بالعافيه عليكم

اليوم الحش بيكون خاص جدا
واستثنائي بعد
لأن المحشوش فيهم يوزرات دسمه
ولهم صلاحية يطيروني اذا زعلوا من حشي بهم

سموا بالرحمن ..
عازمتكم تساعدون نحش بهم
مشرفين المجلس

أوطان ، وراتس تفشلين الخلق وانا امتس
ما يصير تسذا تعلمي تجاملين شوي
أو ذبي بس على خفيف
وما نيب امزح اقول الصدز هنا
صدز انتس تتميزين بردودتس لأن فيها نقد
وصحيح ان النقد شيء كويس
بس النقد المباشر ما نقدر نستخدمه حتى مع اللي نمون عليهم
يعني بالعربي .. " تبطلين السب .. اقصد النقد
وصلي نقدتس بطريقة كناية وتلميح
مب تعطينها العضو كاش
لأن الخلق ما يحبون يواجهون الحقيقة
لازم نستخدم التهريب عشان نوصلها لهم ..

غير تسذا
ما كنتس مقصرة بحق قسم كثيرين يحبون تواجدتس فيه ؟
وينتس عن النثر ؟

لا تسمحين للكل ينصّب نفسه صديق لتس
لأن بعض الأشخاص يتفاخرون بصداقتك
لكنهم ما يستحقونها
لا تطنشين هذا الشي
- فيه ناس اقتران اسمهم باسمنا يسيء لنا
وانتي بكيفتس عاد

وباقي شي
مجهودتس واضح بالمجلس
الله يديمتس شمعته

مين يجيب لي هالبنت انتف ريشه
وتاليها معتس يعني ؟
على كيفتس هي يوم تطلعين وعشرة ما نشوف رقعة وجهتس
ما تحسين انتس زودتيها بغيبتس
تراك فاقعتن مرارتي
واللي يقهر زود لما تجين وتقولين انتس ما تدخلين بمزاجك
يعني ما نوحشك
طيب الحين ابي اتمنى امنية واعتبريني حطيتها بموضوع الأمنيات حق الاصدقاء
اللي انقلب نذالة واستلعان وكل واحد يتوعد الثاني
أبيتس تدخلين كلبو دايم
وسلامة قلبتس

الحرمة توها لابسه الاخضر
ما امداها تفرح تبون أجي احش به
بس مع هذا قلبي ما يطاوعن اروح وما احش به
انين وش بتس تسذا ؟
وراتس ما تفكينه شوي ؟
ترى الدنيا مب كلها جد
حتى عبد الحليم الله يرحمه تسان تجوز عليه الرحمه
< تراه مطرب ما كفر
حليم يقول : جد ولعب وضحك وحب
يعني خففي من الرسمية بردودتس
ترى المجلس للضحك وسعة الصدر والفايدة بعد
احيانا وانا اشوف ردودتس احس انتس ماسكة العصا على صاحب الموضوع
حتى في ترحيبتس به ...
" مرحبا بك أخي الكريم ..أهلا بك مجددآ "
نشرة أخبار مب رد

هذا اللي عندي وتساني تذكرت شي رجعت لتس
دوتس يا السنعة

وينك ياخوي ؟
عسى ما شر ما لك حس بالمجلس
ما تتواجد بالردود
حتى بالفعاليات
ما نشوفك
يمكن تكون تشتغل بالإداري وتسذا
بس ترى حضورك مهم بالفعالية
لأن الاعضاء ما يشوفون الكواليس والحوسة بالإداري
الأعضاء عليهم من اللي يظهر لهم
وراه ما نشوفك تقدم فعالية مع مشرفات المجلس ؟
ما أخذت عليهم
تراهن ما يعضن وقسم
باستثناء اوطان تسنها هه به بشوية شراسة

بعدين انت اذا مسكت شي تبدع فيه وتسويه على أتم وجه ما شاء الله الف من ذكره عليك
ليه ما تبادر بالتكفل بشيء ..
يعني لا تنتظر احد يقول لك سوي ذا الشي انت يا فهد
لا انت بادر وقول افكارك
وما عليك من هالحريم اللي صافات معك
ترى انت الرجال والعصمة بيدك
<- تسنه جابت العيد

يلا خلنا نشوفك بالردود والحضور
ترى مكانك خالي