» - اڷـمـايگ معَ » ][الفجـــر البعيـــد][ « ¬ ! - شبكة القناص

**][الفجـــر البعيـــد][** · 06-05-2010, 01:59 AM

،

يالله عن اذنكم .. بنروح نخمد ..

محمد عبده يقول :

سير علينا يا هوى سير علينا
مشتاق لعيونك تعال سير علينا ..

تركي يقول :

سير علينا يا نوووم سير علينا

وفي روايه آخرى اقول :

ما عاد بدري يا نوم
قلي بس وش اللي تحرى ؟!

وباكر راح نكمل معاكم حلقه جديده
من حلقات المسلسل التركي بتاعي

أقصر مسلسل تركي بالتاريخ ..

إلا على فكـره !
واضح على بكره ..

إحلى من أول أمس
ظنك كذا يا ( شمس )

؟!

**][الفجـــر البعيـــد][** · 06-05-2010, 04:06 PM

،

مـساءكم الله بالخير ..

يوم جديد مع الفجـر البعـيد ..
نواصل معاكم الحلقه الثانيه من المسلسل التركي
الجديد ( دموع الفجـر ) ..

.
.

الحين بتكلم بلهجتنا البيضاء عن حياتي
<- - أمش ياللبناني تراي لبناني بس اللهجه تفضحني شوي ..

أممممم بالبدايه أنا شاب سعودي مثقف ..

أعشق قرأت الكتب والروايات
ومطالعة الصحف بشكل يومي .. !!

أبلغ من العمر 24 عاما ً ولله الحمد ..

بس اعترف أني سببت أزمه نفسيه للوالده الله يطول بعمرها ..

لأني كل ما فهيت قدامها وجلست افكر بالدنيا
وهي تسولف علي وداخله جـو ..

أشطح بسواليفي وأسئلها أسئله مدري وش تبي ..
بس هي تحملني عااد مالها الا ولدهااا تحمله

مثلا ً : أقولهااا دااايم
يمه انتي الحين بعد العمر هذا كله
تقربين لي مره يعني بينا صلة قرابه.. !!

يعني صدق الحين جدتي يوم كل يوم تدق علي وتسأل عنك
وتقولي وين امك ؟ يعني أنتي خلاص امي
طيب ليش تخبين علي طول هالمده وكاتمه بقلبك

ليش من أول يوم ولدت فيه ما قلتي لي ليش ؟؟
يرضيك كذا الحين ..

كل ما جاء احد عماتي خالاتي جدتي وين أمك وين أمك ؟؟
يعني كلهم يعرفون الا انا ... ليش تخليني غريب
وش بتخسرين لو قلتي لي يوم كنا بمشتشفى الولاده

< - - مشكلتي عاد لا دخلت جو اعيشه من قلب ..

<- - حسيت على هالكلام أني لاجي مو تركي

ولا أقول الحين وش معجبك بخشتي
يوم تجيبيني ؟

ما لقيتي الا انا عاااد
كان شكلتي نصف سعودي ونصف أيطالي

<- - وش عنده عبدالرحمن الشمري

^
^
وهذا انا واحد أيطالي ولو جمعتينا طلياااان

يعني احب ازحف في الماما وأهبل فيها
بس لبى قلبها خلاص تعودت علي وعلى هبالي ّ ..

.
.

أممممم وش باقي بعدد ..

أيه غير اني شاب سعودي
تحولت إلى شاب ألكتروني

مدري كيف عـاد ...

أممم انا صراحه أعاني بالبيت جالس على النت
ومقابل الشاشه ..

وبالدوام مقابل الشاشه والكمبيوتر عيوني رااحت فيها

صارت حياتي ضيق خلق ومقابل النت
بالله يالـ stc شوفي تركي كيف حاله ؟!

طبعا ً نسيت أقولكم اني موظف
بشركة الأتصالات السعودية ..

صحيح اني هلالي وموبايلي عالم من أختياري

لكن تواضع مني رحت للـ stc ولو أنها تدعم
( أتحاد جده )

وصايد الكبار الجديد ( يحلمون )

لكن مو حب فيهم عشان قريبه بس من بيتنا <- - لا يا شيخ عشان قريبه بس

عـاد أقولكم .. اي احد يبي خدمه بالـ stc

.. اشتراكه مخلص .. يبي يغير السرعه .. أخوه صغير ضربه بالمودم وتعطل

يبي لابتوبات جديده ..

لا يرده الا جيـبه

أقصد لايرده إلا لسانه ..

تركي بخدمتكم على مدار الساعه ..
تركي .. ( حــياة أسهل )

بس بشروط طبعا ً :

أهمه تكون هلالي وكل بيتكم وحتى حارتكم هلالين ..

< - -هذا اللي يبي يصعب الموضوع ..

أشوى عـاد ان كل الشعب هلالين صح

!؟

حياكم الله هلالي ولا نصراوي ولا ان شاء الله
من جماهير نادي النجمه اللبناني

**][الفجـــر البعيـــد][** · 06-05-2010, 04:57 PM

،

(( طفولتي ))

أحلى مراحل حياتي الطفوله
ولو أنها تأخرت مره جت بعد تخطي حاجز العشرين

لكن يالله وش نسوي نعيشها نعيشهااا ..

< - - لحد يصدق بس

طفولتي مدري وش أقولكم

بس أذكر اني كنت بحارتنا القديمه

قضيت فيها عشرين سنه من عمري الماضي ..

ما اعرف اعبر يخوني التعبير بهالمواقف
اللي فيها تقليب مواجع بس بكتب ابيات بحارتنا وبطفولتي ..

^
^

هزتني الذكرى على ذيك الأيام
أيام راحت ومضت من حياتي ..

يوم كنت طفل ألعب وثم ارجع انام
ولا أشيل هموم وأبد ما آآآآحاتي . .

والحين لا مريت على الشارع العام
أبكي قهرعلى اللي مضى من ذكرياتي !!

شعر / ت ر ك ي

آآآآه بس يا هاك الأيام ..

كنت اول ما أصحى من النوم طوالي
حتى ما أغسل وجهي لحديقة البيت

كانت فيه ملاهي ومراجيح
كنت انا وأختي اللي اصغر مني بسنه
قالبين البيت ( مدينة ألعاب ترفيـهية ) ..

وكنا نطرد اي شخص من برى يخش بيتنا يلعب معانا

أذكر مزعجين اهل الحاره كلهم ..
ما خلينا احد في حاله ..

الكل يشتكي منا .. مجرمين في البشر ..
أمي لا صحت ما حصلتنا بالحديقه
على طول تتأكد أن فيه كارثه برى صارت بسببنا ..

أذكر مره صحيت الصباح لحالي
وأختي ما صحت معاي مو مثل العاده
نصحا سوى .. !!

نزلت الحديقه رحت المراجيح ..
جلست على الطرف الأول
طبعا ً الطرف الثاني نايم

المجرم تركي جاب عيد الأضحى والفطر بوقت واحد بنفسه ..

رحت وجبت ( بلـك ) عريض من عند الجيران كانوا
توهم يعمرون بيتهم .. حرامي محترف

وحطيتها بالطرف الثاني مقابله لي ..
وبديت اتمرجح من أول نزله طاحت على البلكـه
وجرحتني وجلست ابكي ..
عقوبتي من الله لاني سرقت حقت الجيران بدون اذن

جلست ابكي صحيت الرياض كلهاااا

لساني اكثر من تضرر

لانها جتني على جنب بس
ولا لو جت بالوجهه كان انا بمقبرة العود الحين

أمي جت تركض والعالم صحوا وأخذوني
اقرب طواريء وعمليه جراحيه طوااااالي بلساني

وبعدها امي هاوشت اختي ليش ما صحيتي مع تركي
وأخذ تلومهاااا تقول لو صاحيه ما انجرح تركي ..

بس امي نست تلومها هالحين
يوم راااااحت وتركتني وحــيد ..

^
^

وينـها ؟ كيف تركتني ليه ماجت في وعدها ؟!
والقمر لا طل خابرها تجي بيني وبينه ..

رحت أنادي وأتلمس في مهب الريح يدها
كني حصان ن بلا صاحب طوى البيداء حنينه

رحت أصيح الصبح وينه ؟ والعرب مارد احدها
ما سمعت الا صدى صوتي يقول الصبح وينه

؟

أثرها ماتت .. وماتت كل فرحه في مهدها
والربيع أقفت به اللي كانت تاج الجبينه ..

جاورت عقب ( الحدايق ) حفرت ً ما أقسى لحدها
حفرت ً ماني مصدق كيف ضمت ياسمينه ..

آآآآآآآآه بس ..

**][الفجـــر البعيـــد][** · 06-05-2010, 05:55 PM

،

حكايتي مع المـوقع ....

كان وقتها تو الموقع فاتح باللون الأخضر
وكان ياسر بالقادسية لسى ما وقع مع " نادي القرن "

وكنت وقتها اتابع الموقع كـ ( زائر ) .. فقط
وبعد ما وقع ياسر وافقت أسجل بالموقع <- - لا يا شيخ تكفى سجل من أول

أممم بعدين بديت كـ عضـو ..
^
^
^

بعدين كنت متواجد بالقسم الفني
كان وقتها أسمه ( أستديوا الفن ) .. ومع الأيام صرت مشرف أستديوا الفن ..

كانت عندي صورة لـ يوزري وهو مكتوب عليه مشرف القسم الفني
بس راااحت مع الفرمته الشبه شهريه

جلست سنه كامله بالفني

أذكرت ان الفني كان هوشه كل يوم
بني جماهير خالد وجماهير محمد عبده ..

وإنا كل شوي افرق بينهم ..
ولو أني أذكرت ملت مع خالد

عشان كذا خفت اجيب العيد
وما اكون عادل بالأشراف ..

كرست تواجدي بالصوت

وبعدين بسبب عشقي لـ ياسر

تحولت لمـشرف قسم الصوت ..

^
^

يا ترى لو مر ( عام )
يرجع الفج ـر اللي غائب

؟

أذكر لكم موقف طريف
كان نايف السهلي

يغطي تدريبات ياسر بشكل شبه يومي
فكان لا صار فيه تدريب صباحي
يدق علي يقولي وأجي للنادي

أذكر كنا دايم الصباح هناك
كان وقتها مدرب الهلال بيسروا مدرب المنتخب الحين
كان يحب التمارين الصباحيه وانا احبها بعد
وياسر والاعبين يكرونهاااا

مره من المرات طلعنا الصباح
انا ونايف وحنا بالطريق قريب للنادي
حصلنا الدعيع توه صاحي واقف عن الأشاره ماله خلق احد

قلت لنايف افتح الشباك بستهبل عليه وطالع قدام
كنك ما تعرفه .. لانه يعرف وجه نايف
ما شاء الله عليه كل الشعب يعرفه حتى مرجان حارس النادي

المهم علقت على البوري
ابو دعيع نزل الشباك يقول بخاطره يالله
وش هالنشبه اللي الحين يبغوني اوقف عشان يتصورون معاي

يوم نزل الشباك قلت بشكل رسمي بدون ما أوضح اني استهبل عليه
قلت بالله : شرطة العريجاء وين يالحبيب ؟

سويت أول مره اشوفه بحياتي

يقول بنفسه وين الله بلاني بهذولا
الحين حارس الهلال وحارس القرن ومدري ايش
وآخرتها يالحبيب ووين شرطة العريجاء ..

قال : ما أدل بالمنطقه هذي ..

قلت الحين حارس آسيا الأول
وما تعرف حواريهااا

خلاص الحق على التمرين لا تأخر عليه

وطلعنا النادي وحصلنا ياسر توه واصل
ياسر طالعنا قال يالله صباح خير

انتم كيف قمتوا على هالصباح
حنا يالله نصحى بالطقاق وانتم جاييين ..

ما يدري بأن حنا صاحين ومواصلين
انا وقتها كنت ما عندي شغل عاطل بطالي

ووووبس

بعدين جلست مشرف سنتين
بعدين مريت بظروف أجبرتني ابتعد عن الموقع
وعن الدنيا كلها

وهذي حكايتي بكل بساط همع الموقع
اللي أفتخر فيه ..

،

**][الفجـــر البعيـــد][** · 06-05-2010, 06:14 PM

،

أممم وش باقي بعدد

بااااقي شي مهم بحياتي ..

وهو عشقي لمدينتي الحبيبه الريااااض

أحبهاااا حب الحبيب لـ " حبيبه " ..
وأداري عليها من هبوب النسايم

وتقول يا تركي ترى مو غريبه
حبك لي ولا فيه لك لايم ..

آآآه يالرياااض اعشقها بجنون ..
طفولتي وكل شيء فيهااا

أحبها وأحب شوارعها وكل شيء فيهااا
أحبها بسمومها وبحرهاااا ..

مدري علام الرياض اليوم مرتبكه
كن القلق ينتثر فيها ويجمعها .. !

ما كنها إلا عروس ً ليلة الشبكه . .
كل ما ذبحها الخجل عضت أصابعها

أو كنها طفلة ٍ لهروجها حبكه ..
تضحك لأبوها وابوها ما يدلعها !!

الرياض وما أدارك ما الرياض

؟

هي المدينه التي رفضت كلمة العونسه
بين جميع فتيات المجتمع السعودي !

هي من تغزل بها البدر ذات ليلة
ولم يكتفي بالتغزل بها !!

بل اخذها وذهب يمشي بها
كالعريس والعروسه ليلة الزفاف !!

هي العاصمه وكفى !

عندما نقول بانها العاصمه فهي حتما ً
ليست مجرد مدينه ( عابره ) .. !!

الرياض ( العروسه ) التي لم
يرهقها الزمان ولا الوقت بل تكبر ويزداد معها ( جمالها )

!

يكفيها اميرها

سلمان نجـد ونجد بالطيب سلمان
ما غيرك إحدن شمسها في سماهـااا

أحبها وأحب أميرها وأحبها لان فيه مقر
نادي القرن الآسيوي (( الهــلال ))

لها على لساني

^
^
^

يقولون : الرياض على وش محسوده ؟
مثلها مثل باقي المدن في كل الأوطان

لا فيها بحر ولا فيها مثل جبال السوده
بالشتاء برد وبالصيف نصيف في لبنان !!

واقول حتى ولو هذي أحلى أنشـوده . .
بالقصيد وهذي هي ( ملهمة ) سلمـان

فإن كان ماهي على سلمان محسـوده
بالله من تحسد على غيره .. أنســاااان .. ؟

الا.. محسوده و محسوده و محسوده ..
وبلغوا باقي ( المدن ) تعلن .. ( أعلان ) !!

غير ( الأمير ) اللي يمناه بالطيب ممدوده ..
أبد ورب البيت ما نبي ( غيره ) أنسان .. !!

الرياض مدينه حضارية وبالزين مشهـوده
وصارت بفضله عاصمة أغلى الأوطاااااان ..

شفنا التطور بالطرق والأحيا بفضل جوده
لين صارت ( أسطوره ) ما تتكرر بالزمان !!

فمن حقنا نتفاخر فيه ونبرز .. جهـوده

ونتفاخر برياض المجـد ( أحلى عنـوان )

شعر / تركي

**][الفجـــر البعيـــد][** · 06-05-2010, 06:27 PM

،

يالله عن أذنكم بنطلع نصلي المغرب بتوقيت الرياض

< - - أزعجتنا انت ورياضك

وبطلع اتجهز للمباراه مسوي اعلام على السياره
وشعارات وحركات بقلبها زفه مو مباراه

باقي بس العروسه تحضر
تجي بكره بالليل ان شاء الله من يد الملك

أهم شي علم كبيـر 4 أمتار عليه صورة
راااااااااااادوي

هذا لازم أدخله طيب غصب داخل يعني داخل
عشان يشوفه هو
من الفندق حقه مع زوجته بالوقت اللي يتفرجون فيه
على المباراه عساه بس يعرف يقرأ الكلام اللي على الشعار
والا الصوره شايفه شايفه الله لا يعوق بشر

لو اوصله لمكان اللي يسكن فيه .. آآآآه بس يا رااادوي

بكيتنا وربي

رااااودي يا معذب قلوب الجماهير
جماهير الهلال بسيرتك تحكي ..

إن اشهد انك اسطوره من ضمن الأساطير
بلساني أقولها وينطق بها تركي ..

برب لليل ..

**][الفجـــر البعيـــد][** · 07-05-2010, 12:45 AM

،

عدناااا أليكم من جديد ..

يالله يا جماهير الهلال اكرهكم كلكم . ما أحب احد فيكم ..

قهرررر طلعت ادور تذااكر ما حصلت ..

حتى اليورمارشيه .. اللي متعود أخذ منها
يقولون غيرك كان اشطر

بس حتى ولو حاضر حاضر
لو ينقلونها لـ برلين ..

<- - وش دخل هذي الحين ..

تذكرت يوم حايل

بما ان بكره مباراة النهائي
بين نادي القرن وبين ( إتحاد جده )

بتكلم هن هلاليتي ..

وبالمناسبه بكره يمكن أتاخر بالرد هنـااا
عشان بحضر بالملعب ..

يعني اعذروني لو تأخرت
لأني باقي ما قلت شي للحين ..
<- - الحين كل هذا وما قلت : شيء

.
.

وش أقولكم عن الهلال

غـير إني قلتها من زمان وبأقولها وبكررها
الهلال هو النادي الوحيـد بالعالم اللي غير صالح للتشجيع .. !!

الهلال نادي وجـد لـ يعشق فقط ..

^
^

بكوم نادي القرن والباقي بكوووم
غصب عن الأقزام وأعوان الأقزام

يكفي فخـر إن الهلالي من الـيوم
بينه وبين أقرب منافس 100 عام !!

.
.

الهلال مسبب لي أزمه مع المـاما
تقولي ياليتك تحب دوامك مثل حبك للهلال

طبعا ً بما أنو دوامي اغلبه بالليل
يصادف مباريات الهلال رغم اني اقدر اشوفها بالدوام
وأروق واشوفه بكل راااحه ..

إلا اني افضل اشوفها على الطبيعه
وعشان كذا اجازاتي كاثره وخلص رصيدي من الاجازات
لعيون الهلال

ورغم اني مؤدب
ما اغيب بس لعيون الهلال بكره بغيب

لأن رصيدي باااااح .. والأربعاء الجاي عندي OF
يعني فله بس الله يستر مدري ليش احس آسيا
ما تحبني بالذات انااااا

لأني بقول سر خطير لأول مره

قبل ثلاث سنوات حضرت نهائي الدوري
بين الهلال والأتحاد وخسر الهلال

وبعدها حضرت مع الوحده الأماراتي
وتعادل الهلال وطلع من الآسيوية

والعام الماضي حضرت آخر مباراه بالدوري
وخسرنا من اتحاد جده

وبرضوه أم صلال اللي جابت لنا الهبال
حضرتها وآآآووووت

<- - لحد يطلع لي ويقولي وجهك شر ومدري وشو

حاضر حاضر الله لا يعوق بشر ..

حضرت نهائيات كثيييره ومباريات كثيييره للهلال هالسنه والعام وقبله
حتى بجده رحت وحضرت وفاز يعني وجهي حلو

بس اللي مو حلو استاد الملك فهد متغير علينا

بكره الله يستر أما الأربعاء لو نطلع يمكن يجيني شي
خصوصا ً الآسيوية اهم من بكره بكثييييييييير

بكره ان جاءت حياها الله
مكانها وتدله مع خواتها معززه مكرمه ولو أنها عروسه جديده

لكن الأربعاء طيب غصب لو نفوز بهدف تسلل عادي
اهم شي نتأهل

.
.

لكـم :

^
^
^

إن ما كنت هلالي الحس والذوق . .
ترى ما بعد جربت معنى الزعـامه

هذي ح ـكاية بين عاشق ومعشوق ..
من عهد آبونـا آدم لـ يوم القـيامه

ويقول بعدددد ..

^
^

أذكـريني كل ما فاز " الهـلال "
كان ودك طول عمرك تذكريني ..

وووو

^
^

مع احترامي للجميع من الجنوب إلى الشمال
هذا زعـيم الأنديه والمجد والصيت العريق

سؤال لا يمكن يحلونه ولو طال المطــال
لو يحذفون اجابتين ويستعينون بصديق

كن المحال يمر موسم فيه ما حقق محال
وهذا اللي صعب نرضى به وفينا ما يليق ..

أعلن هلاليتي واماريبه على رؤس الطوال
من قمة الظلع المويق الى الضلع المويق .. !!

عشقي للهلال من أيام الطفوله ..
من قبل لبسي للعمامه والعقال ..

من يوم كنت صغير أذكر كان خالي وانا عمري
5 سنوات يلبسني ازرق وابيض ورقم سامي 9
وأطلع البقاله وارجع للبيت مصفق من جماهير يحلمون

ارجع لأمي ابكي .. كل ما رحت ارجع كذا ابكي وحالتي حاله ..

مره طلعت لابس تي شيرت الهلال
رجعت عادي بدون ما ابكي استغربت الماما
انهم ما ضربوني ..

يوم وصلت عندها حصلتني لابس اصفر وأزرق
ملبسيني الله يجزاهم خير .. حبوبين جماهير الجار

بالمناسبه هذي ارفع اسمي ايات التهاني والتبريكات
لصاحب السمو الأمير فيصل بن تركي ..
وإلى جميع الجماهير النصراويه بالوطن العربي الكبير

بفوزهم اليوم على الفريق الرديف للشباب
ودخولهم التاريخ من أوسع ابوابه ..

لانهم بكره راح يصافحون الملك عبدالله
بعد معاناة 17 سنه من عدم مصافحة الملك بالنهائي

حيث يحكي بأن الملك الراحل / فهد بن عبدالعزيز
آخر من صافح النصراووين على المنصات ..

والله وتطورنا الثالث بالكاس وبالدوري وبالخليجيه

السنه الجايه راح يوصلون الثاني بدوري زين وبالكاس

والسنه اللي بعدها درجه ثالثه طوااالي من الحمااااس

ايه صح نسيت ابارك لهم بالروماني الجديد

يا شين التقليد كوري وقلدتونا
وهم الحين روماني بعد
يا معووود وينكم ووين رااادوي

<- - كني قلبت كويتي

لبى الكويت والله

للروماني اللي بيوقع مع يحلمون

^
^
^

راااادوي يا حلم كل النـوادي
يجبون مثلك والله ان يبطون ..

أنت بوادي وكل اللعبيه بوااادي
مير بالله غني لهم يحلمووون

وووووبس

06-05-2010, 01:59 AM	#1
][الفجـــر البعيـــد][ . . : زعيم القناصين : . .	، يالله عن اذنكم .. بنروح نخمد .. محمد عبده يقول : سير علينا يا هوى سير علينا مشتاق لعيونك تعال سير علينا .. تركي يقول : سير علينا يا نوووم سير علينا وفي روايه آخرى اقول : ما عاد بدري يا نوم قلي بس وش اللي تحرى ؟! وباكر راح نكمل معاكم حلقه جديده من حلقات المسلسل التركي بتاعي أقصر مسلسل تركي بالتاريخ .. إلا على فكـره ! واضح على بكره .. إحلى من أول أمس ظنك كذا يا ( شمس ) ؟!

06-05-2010, 04:06 PM	#2
][الفجـــر البعيـــد][ . . : زعيم القناصين : . .	، مـساءكم الله بالخير .. يوم جديد مع الفجـر البعـيد .. نواصل معاكم الحلقه الثانيه من المسلسل التركي الجديد ( دموع الفجـر ) .. . . الحين بتكلم بلهجتنا البيضاء عن حياتي <- - أمش ياللبناني تراي لبناني بس اللهجه تفضحني شوي .. أممممم بالبدايه أنا شاب سعودي مثقف .. أعشق قرأت الكتب والروايات ومطالعة الصحف بشكل يومي .. !! أبلغ من العمر 24 عاما ً ولله الحمد .. بس اعترف أني سببت أزمه نفسيه للوالده الله يطول بعمرها .. لأني كل ما فهيت قدامها وجلست افكر بالدنيا وهي تسولف علي وداخله جـو .. أشطح بسواليفي وأسئلها أسئله مدري وش تبي .. بس هي تحملني عااد مالها الا ولدهااا تحمله مثلا ً : أقولهااا دااايم يمه انتي الحين بعد العمر هذا كله تقربين لي مره يعني بينا صلة قرابه.. !! يعني صدق الحين جدتي يوم كل يوم تدق علي وتسأل عنك وتقولي وين امك ؟ يعني أنتي خلاص امي طيب ليش تخبين علي طول هالمده وكاتمه بقلبك ليش من أول يوم ولدت فيه ما قلتي لي ليش ؟؟ يرضيك كذا الحين .. كل ما جاء احد عماتي خالاتي جدتي وين أمك وين أمك ؟؟ يعني كلهم يعرفون الا انا ... ليش تخليني غريب وش بتخسرين لو قلتي لي يوم كنا بمشتشفى الولاده < - - مشكلتي عاد لا دخلت جو اعيشه من قلب .. <- - حسيت على هالكلام أني لاجي مو تركي ولا أقول الحين وش معجبك بخشتي يوم تجيبيني ؟ ما لقيتي الا انا عاااد كان شكلتي نصف سعودي ونصف أيطالي <- - وش عنده عبدالرحمن الشمري ^ ^ وهذا انا واحد أيطالي ولو جمعتينا طلياااان يعني احب ازحف في الماما وأهبل فيها بس لبى قلبها خلاص تعودت علي وعلى هبالي ّ .. . . أممممم وش باقي بعدد .. أيه غير اني شاب سعودي تحولت إلى شاب ألكتروني مدري كيف عـاد ... أممم انا صراحه أعاني بالبيت جالس على النت ومقابل الشاشه .. وبالدوام مقابل الشاشه والكمبيوتر عيوني رااحت فيها صارت حياتي ضيق خلق ومقابل النت بالله يالـ stc شوفي تركي كيف حاله ؟! طبعا ً نسيت أقولكم اني موظف بشركة الأتصالات السعودية .. صحيح اني هلالي وموبايلي عالم من أختياري لكن تواضع مني رحت للـ stc ولو أنها تدعم ( أتحاد جده ) وصايد الكبار الجديد ( يحلمون ) لكن مو حب فيهم عشان قريبه بس من بيتنا <- - لا يا شيخ عشان قريبه بس عـاد أقولكم .. اي احد يبي خدمه بالـ stc .. اشتراكه مخلص .. يبي يغير السرعه .. أخوه صغير ضربه بالمودم وتعطل يبي لابتوبات جديده .. لا يرده الا جيـبه أقصد لايرده إلا لسانه .. تركي بخدمتكم على مدار الساعه .. تركي .. ( حــياة أسهل ) بس بشروط طبعا ً : أهمه تكون هلالي وكل بيتكم وحتى حارتكم هلالين .. < - -هذا اللي يبي يصعب الموضوع .. أشوى عـاد ان كل الشعب هلالين صح !؟ حياكم الله هلالي ولا نصراوي ولا ان شاء الله من جماهير نادي النجمه اللبناني

06-05-2010, 04:57 PM	#3
][الفجـــر البعيـــد][ . . : زعيم القناصين : . .	، (( طفولتي )) أحلى مراحل حياتي الطفوله ولو أنها تأخرت مره جت بعد تخطي حاجز العشرين لكن يالله وش نسوي نعيشها نعيشهااا .. < - - لحد يصدق بس طفولتي مدري وش أقولكم بس أذكر اني كنت بحارتنا القديمه قضيت فيها عشرين سنه من عمري الماضي .. ما اعرف اعبر يخوني التعبير بهالمواقف اللي فيها تقليب مواجع بس بكتب ابيات بحارتنا وبطفولتي .. ^ ^ هزتني الذكرى على ذيك الأيام أيام راحت ومضت من حياتي .. يوم كنت طفل ألعب وثم ارجع انام ولا أشيل هموم وأبد ما آآآآحاتي . . والحين لا مريت على الشارع العام أبكي قهرعلى اللي مضى من ذكرياتي !! شعر / ت ر ك ي آآآآه بس يا هاك الأيام .. كنت اول ما أصحى من النوم طوالي حتى ما أغسل وجهي لحديقة البيت كانت فيه ملاهي ومراجيح كنت انا وأختي اللي اصغر مني بسنه قالبين البيت ( مدينة ألعاب ترفيـهية ) .. وكنا نطرد اي شخص من برى يخش بيتنا يلعب معانا أذكر مزعجين اهل الحاره كلهم .. ما خلينا احد في حاله .. الكل يشتكي منا .. مجرمين في البشر .. أمي لا صحت ما حصلتنا بالحديقه على طول تتأكد أن فيه كارثه برى صارت بسببنا .. أذكر مره صحيت الصباح لحالي وأختي ما صحت معاي مو مثل العاده نصحا سوى .. !! نزلت الحديقه رحت المراجيح .. جلست على الطرف الأول طبعا ً الطرف الثاني نايم المجرم تركي جاب عيد الأضحى والفطر بوقت واحد بنفسه .. رحت وجبت ( بلـك ) عريض من عند الجيران كانوا توهم يعمرون بيتهم .. حرامي محترف وحطيتها بالطرف الثاني مقابله لي .. وبديت اتمرجح من أول نزله طاحت على البلكـه وجرحتني وجلست ابكي .. عقوبتي من الله لاني سرقت حقت الجيران بدون اذن جلست ابكي صحيت الرياض كلهاااا لساني اكثر من تضرر لانها جتني على جنب بس ولا لو جت بالوجهه كان انا بمقبرة العود الحين أمي جت تركض والعالم صحوا وأخذوني اقرب طواريء وعمليه جراحيه طوااااالي بلساني وبعدها امي هاوشت اختي ليش ما صحيتي مع تركي وأخذ تلومهاااا تقول لو صاحيه ما انجرح تركي .. بس امي نست تلومها هالحين يوم راااااحت وتركتني وحــيد .. ^ ^ وينـها ؟ كيف تركتني ليه ماجت في وعدها ؟! والقمر لا طل خابرها تجي بيني وبينه .. رحت أنادي وأتلمس في مهب الريح يدها كني حصان ن بلا صاحب طوى البيداء حنينه رحت أصيح الصبح وينه ؟ والعرب مارد احدها ما سمعت الا صدى صوتي يقول الصبح وينه ؟ أثرها ماتت .. وماتت كل فرحه في مهدها والربيع أقفت به اللي كانت تاج الجبينه .. جاورت عقب ( الحدايق ) حفرت ً ما أقسى لحدها حفرت ً ماني مصدق كيف ضمت ياسمينه .. آآآآآآآآه بس ..

06-05-2010, 05:55 PM	#4
][الفجـــر البعيـــد][ . . : زعيم القناصين : . .	، حكايتي مع المـوقع .... كان وقتها تو الموقع فاتح باللون الأخضر وكان ياسر بالقادسية لسى ما وقع مع " نادي القرن " وكنت وقتها اتابع الموقع كـ ( زائر ) .. فقط وبعد ما وقع ياسر وافقت أسجل بالموقع <- - لا يا شيخ تكفى سجل من أول أممم بعدين بديت كـ عضـو .. ^ ^ ^ بعدين كنت متواجد بالقسم الفني كان وقتها أسمه ( أستديوا الفن ) .. ومع الأيام صرت مشرف أستديوا الفن .. كانت عندي صورة لـ يوزري وهو مكتوب عليه مشرف القسم الفني بس راااحت مع الفرمته الشبه شهريه جلست سنه كامله بالفني أذكرت ان الفني كان هوشه كل يوم بني جماهير خالد وجماهير محمد عبده .. وإنا كل شوي افرق بينهم .. ولو أني أذكرت ملت مع خالد عشان كذا خفت اجيب العيد وما اكون عادل بالأشراف .. كرست تواجدي بالصوت وبعدين بسبب عشقي لـ ياسر تحولت لمـشرف قسم الصوت .. ^ ^ يا ترى لو مر ( عام ) يرجع الفج ـر اللي غائب ؟ أذكر لكم موقف طريف كان نايف السهلي يغطي تدريبات ياسر بشكل شبه يومي فكان لا صار فيه تدريب صباحي يدق علي يقولي وأجي للنادي أذكر كنا دايم الصباح هناك كان وقتها مدرب الهلال بيسروا مدرب المنتخب الحين كان يحب التمارين الصباحيه وانا احبها بعد وياسر والاعبين يكرونهاااا مره من المرات طلعنا الصباح انا ونايف وحنا بالطريق قريب للنادي حصلنا الدعيع توه صاحي واقف عن الأشاره ماله خلق احد قلت لنايف افتح الشباك بستهبل عليه وطالع قدام كنك ما تعرفه .. لانه يعرف وجه نايف ما شاء الله عليه كل الشعب يعرفه حتى مرجان حارس النادي المهم علقت على البوري ابو دعيع نزل الشباك يقول بخاطره يالله وش هالنشبه اللي الحين يبغوني اوقف عشان يتصورون معاي يوم نزل الشباك قلت بشكل رسمي بدون ما أوضح اني استهبل عليه قلت بالله : شرطة العريجاء وين يالحبيب ؟ سويت أول مره اشوفه بحياتي يقول بنفسه وين الله بلاني بهذولا الحين حارس الهلال وحارس القرن ومدري ايش وآخرتها يالحبيب ووين شرطة العريجاء .. قال : ما أدل بالمنطقه هذي .. قلت الحين حارس آسيا الأول وما تعرف حواريهااا خلاص الحق على التمرين لا تأخر عليه وطلعنا النادي وحصلنا ياسر توه واصل ياسر طالعنا قال يالله صباح خير انتم كيف قمتوا على هالصباح حنا يالله نصحى بالطقاق وانتم جاييين .. ما يدري بأن حنا صاحين ومواصلين انا وقتها كنت ما عندي شغل عاطل بطالي ووووبس بعدين جلست مشرف سنتين بعدين مريت بظروف أجبرتني ابتعد عن الموقع وعن الدنيا كلها وهذي حكايتي بكل بساط همع الموقع اللي أفتخر فيه .. ،

06-05-2010, 06:14 PM	#5
][الفجـــر البعيـــد][ . . : زعيم القناصين : . .	، أممم وش باقي بعدد بااااقي شي مهم بحياتي .. وهو عشقي لمدينتي الحبيبه الريااااض أحبهاااا حب الحبيب لـ " حبيبه " .. وأداري عليها من هبوب النسايم وتقول يا تركي ترى مو غريبه حبك لي ولا فيه لك لايم .. آآآه يالرياااض اعشقها بجنون .. طفولتي وكل شيء فيهااا أحبها وأحب شوارعها وكل شيء فيهااا أحبها بسمومها وبحرهاااا .. مدري علام الرياض اليوم مرتبكه كن القلق ينتثر فيها ويجمعها .. ! ما كنها إلا عروس ً ليلة الشبكه . . كل ما ذبحها الخجل عضت أصابعها أو كنها طفلة ٍ لهروجها حبكه .. تضحك لأبوها وابوها ما يدلعها !! الرياض وما أدارك ما الرياض ؟ هي المدينه التي رفضت كلمة العونسه بين جميع فتيات المجتمع السعودي ! هي من تغزل بها البدر ذات ليلة ولم يكتفي بالتغزل بها !! بل اخذها وذهب يمشي بها كالعريس والعروسه ليلة الزفاف !! هي العاصمه وكفى ! عندما نقول بانها العاصمه فهي حتما ً ليست مجرد مدينه ( عابره ) .. !! الرياض ( العروسه ) التي لم يرهقها الزمان ولا الوقت بل تكبر ويزداد معها ( جمالها ) ! يكفيها اميرها سلمان نجـد ونجد بالطيب سلمان ما غيرك إحدن شمسها في سماهـااا أحبها وأحب أميرها وأحبها لان فيه مقر نادي القرن الآسيوي (( الهــلال )) لها على لساني ^ ^ ^ يقولون : الرياض على وش محسوده ؟ مثلها مثل باقي المدن في كل الأوطان لا فيها بحر ولا فيها مثل جبال السوده بالشتاء برد وبالصيف نصيف في لبنان !! واقول حتى ولو هذي أحلى أنشـوده . . بالقصيد وهذي هي ( ملهمة ) سلمـان فإن كان ماهي على سلمان محسـوده بالله من تحسد على غيره .. أنســاااان .. ؟ الا.. محسوده و محسوده و محسوده .. وبلغوا باقي ( المدن ) تعلن .. ( أعلان ) !! غير ( الأمير ) اللي يمناه بالطيب ممدوده .. أبد ورب البيت ما نبي ( غيره ) أنسان .. !! الرياض مدينه حضارية وبالزين مشهـوده وصارت بفضله عاصمة أغلى الأوطاااااان .. شفنا التطور بالطرق والأحيا بفضل جوده لين صارت ( أسطوره ) ما تتكرر بالزمان !! فمن حقنا نتفاخر فيه ونبرز .. جهـوده ونتفاخر برياض المجـد ( أحلى عنـوان ) شعر / تركي

06-05-2010, 06:27 PM	#6
][الفجـــر البعيـــد][ . . : زعيم القناصين : . .	، يالله عن أذنكم بنطلع نصلي المغرب بتوقيت الرياض < - - أزعجتنا انت ورياضك وبطلع اتجهز للمباراه مسوي اعلام على السياره وشعارات وحركات بقلبها زفه مو مباراه باقي بس العروسه تحضر تجي بكره بالليل ان شاء الله من يد الملك أهم شي علم كبيـر 4 أمتار عليه صورة راااااااااااادوي هذا لازم أدخله طيب غصب داخل يعني داخل عشان يشوفه هو من الفندق حقه مع زوجته بالوقت اللي يتفرجون فيه على المباراه عساه بس يعرف يقرأ الكلام اللي على الشعار والا الصوره شايفه شايفه الله لا يعوق بشر لو اوصله لمكان اللي يسكن فيه .. آآآآه بس يا رااادوي بكيتنا وربي رااااودي يا معذب قلوب الجماهير جماهير الهلال بسيرتك تحكي .. إن اشهد انك اسطوره من ضمن الأساطير بلساني أقولها وينطق بها تركي .. برب لليل ..

07-05-2010, 12:45 AM	#7
][الفجـــر البعيـــد][ . . : زعيم القناصين : . .	، عدناااا أليكم من جديد .. يالله يا جماهير الهلال اكرهكم كلكم . ما أحب احد فيكم .. قهرررر طلعت ادور تذااكر ما حصلت .. حتى اليورمارشيه .. اللي متعود أخذ منها يقولون غيرك كان اشطر بس حتى ولو حاضر حاضر لو ينقلونها لـ برلين .. <- - وش دخل هذي الحين .. تذكرت يوم حايل بما ان بكره مباراة النهائي بين نادي القرن وبين ( إتحاد جده ) بتكلم هن هلاليتي .. وبالمناسبه بكره يمكن أتاخر بالرد هنـااا عشان بحضر بالملعب .. يعني اعذروني لو تأخرت لأني باقي ما قلت شي للحين .. <- - الحين كل هذا وما قلت : شيء . . وش أقولكم عن الهلال غـير إني قلتها من زمان وبأقولها وبكررها الهلال هو النادي الوحيـد بالعالم اللي غير صالح للتشجيع .. !! الهلال نادي وجـد لـ يعشق فقط .. ^ ^ بكوم نادي القرن والباقي بكوووم غصب عن الأقزام وأعوان الأقزام يكفي فخـر إن الهلالي من الـيوم بينه وبين أقرب منافس 100 عام !! . . الهلال مسبب لي أزمه مع المـاما تقولي ياليتك تحب دوامك مثل حبك للهلال طبعا ً بما أنو دوامي اغلبه بالليل يصادف مباريات الهلال رغم اني اقدر اشوفها بالدوام وأروق واشوفه بكل راااحه .. إلا اني افضل اشوفها على الطبيعه وعشان كذا اجازاتي كاثره وخلص رصيدي من الاجازات لعيون الهلال ورغم اني مؤدب ما اغيب بس لعيون الهلال بكره بغيب لأن رصيدي باااااح .. والأربعاء الجاي عندي OF يعني فله بس الله يستر مدري ليش احس آسيا ما تحبني بالذات انااااا لأني بقول سر خطير لأول مره قبل ثلاث سنوات حضرت نهائي الدوري بين الهلال والأتحاد وخسر الهلال وبعدها حضرت مع الوحده الأماراتي وتعادل الهلال وطلع من الآسيوية والعام الماضي حضرت آخر مباراه بالدوري وخسرنا من اتحاد جده وبرضوه أم صلال اللي جابت لنا الهبال حضرتها وآآآووووت <- - لحد يطلع لي ويقولي وجهك شر ومدري وشو حاضر حاضر الله لا يعوق بشر .. حضرت نهائيات كثيييره ومباريات كثيييره للهلال هالسنه والعام وقبله حتى بجده رحت وحضرت وفاز يعني وجهي حلو بس اللي مو حلو استاد الملك فهد متغير علينا بكره الله يستر أما الأربعاء لو نطلع يمكن يجيني شي خصوصا ً الآسيوية اهم من بكره بكثييييييييير بكره ان جاءت حياها الله مكانها وتدله مع خواتها معززه مكرمه ولو أنها عروسه جديده لكن الأربعاء طيب غصب لو نفوز بهدف تسلل عادي اهم شي نتأهل . . لكـم : ^ ^ ^ إن ما كنت هلالي الحس والذوق . . ترى ما بعد جربت معنى الزعـامه هذي ح ـكاية بين عاشق ومعشوق .. من عهد آبونـا آدم لـ يوم القـيامه ويقول بعدددد .. ^ ^ أذكـريني كل ما فاز " الهـلال " كان ودك طول عمرك تذكريني .. وووو ^ ^ مع احترامي للجميع من الجنوب إلى الشمال هذا زعـيم الأنديه والمجد والصيت العريق سؤال لا يمكن يحلونه ولو طال المطــال لو يحذفون اجابتين ويستعينون بصديق كن المحال يمر موسم فيه ما حقق محال وهذا اللي صعب نرضى به وفينا ما يليق .. أعلن هلاليتي واماريبه على رؤس الطوال من قمة الظلع المويق الى الضلع المويق .. !! عشقي للهلال من أيام الطفوله .. من قبل لبسي للعمامه والعقال .. من يوم كنت صغير أذكر كان خالي وانا عمري 5 سنوات يلبسني ازرق وابيض ورقم سامي 9 وأطلع البقاله وارجع للبيت مصفق من جماهير يحلمون ارجع لأمي ابكي .. كل ما رحت ارجع كذا ابكي وحالتي حاله .. مره طلعت لابس تي شيرت الهلال رجعت عادي بدون ما ابكي استغربت الماما انهم ما ضربوني .. يوم وصلت عندها حصلتني لابس اصفر وأزرق ملبسيني الله يجزاهم خير .. حبوبين جماهير الجار بالمناسبه هذي ارفع اسمي ايات التهاني والتبريكات لصاحب السمو الأمير فيصل بن تركي .. وإلى جميع الجماهير النصراويه بالوطن العربي الكبير بفوزهم اليوم على الفريق الرديف للشباب ودخولهم التاريخ من أوسع ابوابه .. لانهم بكره راح يصافحون الملك عبدالله بعد معاناة 17 سنه من عدم مصافحة الملك بالنهائي حيث يحكي بأن الملك الراحل / فهد بن عبدالعزيز آخر من صافح النصراووين على المنصات .. والله وتطورنا الثالث بالكاس وبالدوري وبالخليجيه السنه الجايه راح يوصلون الثاني بدوري زين وبالكاس والسنه اللي بعدها درجه ثالثه طوااالي من الحمااااس ايه صح نسيت ابارك لهم بالروماني الجديد يا شين التقليد كوري وقلدتونا وهم الحين روماني بعد يا معووود وينكم ووين رااادوي <- - كني قلبت كويتي لبى الكويت والله للروماني اللي بيوقع مع يحلمون ^ ^ ^ راااادوي يا حلم كل النـوادي يجبون مثلك والله ان يبطون .. أنت بوادي وكل اللعبيه بوااادي مير بالله غني لهم يحلمووون وووووبس