ومضة لي :,
هاجت قوافي شعري وفاضت بحوره
وقمت أكتب على الورق باقي الأشعار
تحسب إنها تعايرني بقولها "مغرورة"
لا والله إلا زادتني شرف و افتخار ..

أسالك بالله
هو أنتِ تحبيه ؟!!
لا .. لا .. لا
لا تجاوبين ..!
أنا أبيه ..!
أنا أكثر من يحبه و اسأليه ..!
وان كان ما يدري تكفين أنتِ علميه ..!
قولي إني أموت فيه ..!
بلغيه ..!
وصليله هالخبر ..!
ما بقى لي عمر ..!
و أموت فيه ..!
قولي إن ابنة الهيلا هدى
طاحت بالهوى ..!
و تولعت فيه ..!
بس هالخبر وصليه ..!
أماانه لا تنسين ..!
ايه صح ..!
قبل لا له تروحين ..!
هذي وصيتين ..!
وطبقيهن تكفين ..!
لا تبثين له اعجابك ..!
لا تقولين أنا اموت واحيابك ..!
و معه لا تتكلمين إلا عني ..!
بس عني لأني عليه أغار ..!
وغيرتي يا بنت نار ..!
افهميني زين ..!
أنا أخسر عمري ولا أخسره ..!
بلغيه يمكن جرح عمري يجبره ...!
قولي إن ابنة الهيلا هدى
طاحت بالهوى
وما عاد منه مفر ..!
يا يحبني ولا أموت ..!
الموت أرحم من هالسكوت ..!

,
نبض فلسفة عقل ~> هدى الروقي ..

ومضة لي :
لا "تندب" حظكـ وتشر عليه
..................القدر حطكـ في وجه الهلال
مبدع يا نصر ولعبكـ ما عليه
.................بس تطلع من بابنا هذا محال
خل عنكـ العتب و المشاريه
............هلالنا يا النصر قصة من "خيال"
اطلبت منه البطولة و قال إيه
................هلالنا من عادته تحقيق الآمال
اطلبت منه : يا يجيها أو تجيه
................هذا كلامـ "الكأس" ماهو خيال

أدري إنكـ معجبٍ فيني و أنا أستاهل الإعجاب
.................................و أنا والله يابن الناس فيكـ هيمانه

إبني اليتيمـ

شفتها تبكي غيابكـ ..
شفت الرياض ؟
من غبت وهي مطر و أعاصير وعواصف ..
استنفذت كل العواطف ..
مابقى غير العواصف ..
والله و الله
تبكيكـ الرياض ..
لا أنا ما بكيتكـ ..
حلفت ما أفكر أبد فيكـ
ولا حتى عنكـ أكتب
ايه و الله حلفت ..
وش بكـ فيني تناظر ؟
ايه حلفت أبد ما أخاطر ..
وأكتب عنكـ "حروف" بحقكـ قليلة
و لا أجيبكـ أبد في لحوني ..
وآآه يا عيوني ,,
من بعد فراقكـ أبد ما قامت..
ولا سالت دموعي وفاضت ..
هي بس الرياض ..
اللي بها "الوادي" فاض ..
و أأأه من حزن الرياض ..
مطر و "رعود" وعواصف ..
,
تذكر طريق الملكـ فهد ..
ماعاد به طريق ..
مقفل من بعد ما غبت ..!
تعرف انفاق الملكـ كلها انهارت وطاحت ..
تعرف وتعرف حبيبي ...
كل المخارج بالدموع اغرقت ..
وكل المحاجر فاضت و استباحت ..
وكل شيء بالرياض يبكي غيابكـ ..!
ايه يبكي غيابكـ ..
ولاّ أنا
لا لا
ما بكيت ..
و لا كتبت فيكـ حرف ِ و لا بيت ..!
تدري حبيبي من غبت و الرياض بس تبكي ..
تعال اسولف لكـ عليها ..
سهر وهمومـ و مصائب ..
والبكاء على أطلال الحبايب ..
كنت أسهر أواسيها ..
وأخفف عليها مآسيها ..
كنت أسهر على راحة هـ الرياض ..
مابقى وادي فيها إلا "حاض" ..
تدري هي مرة حزينة ..
تنتظر منكـ كلمة ..
تنتظر منكـ نظرة ..
أو حتى عبارة جارحة ..
الرياض ..!
وش هي الرياض ؟
تبكي غيابكـ ..
هي تعاتب ..
و الله تعاتبكـ ..
تدري ما ودها إنكـ تغيب ,,
شفها حبيبي باكية ..
تبكي مطر و رعوود وعواصف ..!
يا صعب حزن الرياض ..
كانت ملاكـ ..
كانت "شيخه" بـ البياض ..
كانت أميرة ..
ملهمة كل شاعر ..
وغبت ..
انقلب حال الرياض ..
حزن وهمومـ و مآسي ..
و من لها غيري يواسي ..!
شفت حال الرياض ..
مثل حالي تماما ..
هي تبكي رعود وبروق وأمطار
و أنا أبكي حروف و أبيات و أشعار ..!
الفرق بيننا ما هو كبير ..
كلنا نبكي غيابكـ ..
بس أنا مغرورة و أكابر ..
وهي ما استطاعت للـ مكابر ..!


..
نبض وليد اللحظه

رسالة على جناح"الطير" إلى وداد بنت خالد ..!





يا طير
اطلع لـ بيت خالد
بالله يا طير
و ادخل على بنته
و انشد عن أحوالها ..
أسألها هي كانت "بخير" ؟
و لا قالت "الهرجه" لحظة هبالها ؟
بعد ما تخلص كلامها يا طير ..
حملها رسالة "لها" ولـ أمثالها ...
محتواها :
المملكة يا "بنت" لسه بخير ..
من غربها لأقصى شرقها
و من جنوبها لـ حدود شمالها ..
قلها شباب المملكة "ياهيه"
تربية "نايف" الخير ..
و قلها :
إن المملكة باسم "بناتها" وعيالها ..
وباسم صغيرها قبل الكبير
مستاء جدا مما "يبدر" من أشكالها ..
هذا الحجاب اللي "فرقنا" عن الغير ..
الله يهديها ويصلح احوال أحوالها ..
هذا الحجاب اللي ..!
بالله يا طير ..
هي ودها تحرق "حجابنا"
فال الله ولا فالها ..
بالله أشفي غليلي اليوم يا طير ..
و علم بنت خالد تكف خبالها ..
قلها نايف لكم رادع ..
نايف الخير ..
و قلها إن كانت بتطلع في
تاريخها لا تستشير ..
تطلع تطلع بس تطلع لـ حالها ..!
قلها المملكة و المملكة و المملكة غير ..!
كلنا يا "طير" بـ نحضر نزالها ..
و نصفق لـ حجابها ساعة يطير ...!
و نصرخ بأعلى صوووت
أه يا هبالها ..!
و ندعي الله في "ساحة المعركة"
و هو البصير ...
يا رب جازها بـ جنس أعمالها ..
يارب و فق ذاكـ الأمير ..
يارب أسعد المملكة و عيالها
و لا تجازينا بسواة "الفقير" ..!
ولا تواخذنا بما فعل السفهاء أمثالها ..



,
ثورة قلم ..

أبشرك سافرت ..
كانت الرحلة أحزاني ..
عانقتني في غيابك
سافرت ..
من مطار حبك
إلى لا مكان ..!
لا حنان ..
لا وطن ..
لا آمان ..
رحت هناك ..
كانت الآجواء حلوه ..
كل شيء كان محزن
مبكي
و الآهم
جدد جروحي الدفينه
و موت قليبي من الغبينة..
ايه على الطلب ..
سافرت أنا عشانك بغيت ..
يا من سلب روحي وسلب ..
يا اللي على قلبي طغيت ..!
.
لا رفيق ..
و لا صديق ..
و لا خوي في الطريق ..
إلا صدى صوتك يقول "روووحي ما أبيك " ..
كل شيء فيني ما يبيك ..
إليا متى بطردك ..
ما تفهمين ,..
و صوتي بلا صدى يقول " حتى أنا و الله ..
لا حشا و الله أبيك ..
إليا متى بفهمك ..
كل شيء فيني يعاني
من غيابك ..
كل حرف أخطه في كتابك ..
كل شيء فيني ينادي ..
و لا مجيب ..
لا حبيب ..
أنا لحالي غريب ..
وحيد ..
بلا أهل ..
و بلا أمل ..
بس الألم هو اللي صفاء ..
هو اللي وفاء ..
دفاني في عز الشتاء ..
كنت أبكي ألم ..
و أحكي ألم ..
و أرقص ألم ..
و أحب ألم ..
و كله ألم ..
حروفي ألم ..
و حبك ألم .
,
قمت أهذريبه ..
حبك قمت أهذريبه ..
يرضيك "إني" بك أهذري ..
يرضيك ..
حسبي الله عليك ..
تدري وش منه أخاف ..
ليا وصلت لآخر مطاف ..
ما أنطق الشهاده ..!
أخاف أنطق إسمك وأهذريبه ..
أقطع الشك و الريبه ,,,
يا خي وش له هـ الغياب ..!
رحلتي كانت ذهاب ..
و أبشرك بلا إياب ..
و سفرتي للغربه ..
بغترب في "جوف" البلد ..
و السبايب هـ الولد ..
علقني بحبه و غاب ..!

.
نبض فلسفة ..

,