يالله صباح خييير وش جابك ..
من بعد ما لنتي جيتي ذكرتيني
مالك عذر حتى الوقت عابك
يوم انك خسرتي نويتي تجيني
بدري عليك ويبطي سحابك
ان كان قصدك بقربي تــبيني

رؤية / ناصر

كيف تستغرب بطاي ومجييّ يوم أجيّ =
منك اجيك أبدون رأيٍ وأروح ابدون رأي

ليلي أسهر به والا جاء النهار أشلى شوّي =
مرتٍ أشلى ومرٍ يعاودني بلاي

وأنت سبّة كلّ شي ولا داويت شيّ =
كيف ياقادر على داي ماتقدر دواي

بعد ما شتتوّ الفكر وأخليتو يديّ =
كثرت أعلوم الشماميت وأفرحتوا عداي

مابعد جاني من يوم التقوا بي والديّ =
ولابعد مرّ المحبين منّ حوّاء وجاي

لوّ خبر به حيّ يبكي على فقدان حيّ =
كان يمدي من عرفني يشاركني عزاي

جعل يسقى يوم كان الهوى ماغير غيّ =
فأول الرحله مثل مبتداك ومبتداي

لا غبت عني كل الملا عندي اغراب,
لا احدن ابي قربه ولا احدن يبـيني

خصر مثني على عظمه والشفايا خاتم سليمان
حــــــــره والنحـــر شامخ والقلب واهبه نجديه

مدري شوصف في حبيبي وش اقول .
غير انه لاحضـر ياكل الجو كلــــــــــــه ..

رؤيتي ، ناصر

يا أهلن وسهلا
إطلاله وأي إطلاله علينا ناصر


طلتك حلوه الا طلية
ياحلوها جد من طله


واخيراً قصية شريط افتتاح مدونتك
واعلنت لنا التذوق من بساتين حبرك

تعال يابوعبدالله
اقول وش هالجديد..بصراحه
سعيد وحزين في نفس الوقت
سعادتي في افتتاح هذه المدونه العنكبوتيه
وحزني انه ستكون لهذه المدونه نصيب الاسد
فبعد ان كنا نتذوق جديدك في مجالسنا
على المركى والمسباح ومن السانك لمسامعنا
بتصير هالمساحه لها السبق

كأن فيه بعض القصائد مادونتها
والا مشفره ايه خلني احضى
بالحصري منك واترك لهم خاصية التشفير



يالبيه ياناصر
لاتوقف واترك لنا سيل ابداعك
نرتوي من معينك الخاص
صافي الكلام وعذب الشعر