ياسر القحطاني : والله حياكم الله برنامج ارسال البطوله الاسيويه هي بالنسبه لنا
هي يعني شي مهم بالنسبه لنا وتقريبا من اهم البطولات في الموسم هذا نقدر احنا انا
يعني نقول انه الاسيويه كانت هدفنا من بداية الموسم احنا الحمدلله وضعنا الان ممتاز متصدرين
المجموعة ان شاء الله باقي لنا مباراتين ناخذ نقطه من خلالها يعني نقطه وحدة هي راح
تضمن لنا التأهل مجموعتنا موب يعني اقدر اقولك انه صعبه بما ان الان في نهاية المجموعه
اعتقد ان كان الهلال هو الافضل والاقوى فيها .
المذيع : جميل نقول ياسر ممكن يصير هداف هالبطوله خاصة رجع الحس التهديفي
عند ياسر القحطاني في هالبطوله ؟
ياسر القحطاني : والله شوف كل شي وارد وكل شي بيد رب العالمين اكيد انه انا ابحث
عن اني اكون اسجل في كل مباراة وهذي يعني شغلتي كمهاجم ولكن متى ماحالفتي التوفيق
ان شاء الله وبمساعدة زملائي انه نفكر في البداية ان احنا نضمن التاهل للمراكز المتقدمه
ونضمن ان شاء الله ان احنا نحقق البطولة بعدها الي يجي من الله حياه الله .
المذيع : جميل خل بتكلم معك ياسر القحطاني خلال تجربة خلال هذا الموسم ابرز الامور
اللي قاعد تشوفها خلال هذا الموسم من لاعبين الفريق الهلالي ؟
ياسر القحطاني : والله الموسم هذا انا اعتقد انه مميز بالنسبه لنا يعني من ناحية المستوى
من بداية الموسم الهلال كان يقدم كورة حديثه كان يقدم كورة جماعية رائعه بشهادة الكل
سواء كانوا منافسين او جماهير هلاليه يمكن الفترة الاخيرة يمكن لانه ضغط المبارايات
كثرة المبارايات الارهاق الارهاق الذهني اكثر منه ارهاق بدني يعني يمكن يكون الهلال
في تفاوت في المستوى ولكن امر طبيعي يكون في دروب هذا وان شاء الله ابتدأ من
كأس الملك بأذن الله يرجع الهلال لصورته المميزة .
المذيع : دائم ياسر له تأثيرة على الجماهير خل بنتكلم ياسر من خلال هذا الموسم سواء
من عديد من جماهير الاندية نشوف تعصب رياضي بشكل كبير والتعصب يكون بدايته
داخل الملعب وش السبب ياسر ؟
ياسر القحطاني : انا اعتقد انه بدايته ماتكون يعني صراحة في الملعب يعني بداية التعصب
الرياضي اتت من الاعلام للاسف وانا اعتقد انه مهنتكم انتو كأعلاميين حتى التوجيه يبدأ من
عندكم انتو اللي هو منع او تكميم افواه كل متعصب سواء كان على الشاشه او في الصحف
يعني اللي له قلم متعصب المفروض انه يكسره واللي له لسان متعصب في التلفزيون المفروض
انه ينقطع يعني صراحة لان احنا كلنا نعمل لمصلحة الكرة السعودية قبل كل شي واحنا نمثل بلدنا
وان شاء الله ان احنا نكون خير ممثلين الاعلام شريك اول وشريك رسمي الاعلام بيدة انه يضخم
الامور وبيدة انه يجعل الامور هينه ولكن مومعناته ان احنا نتغاضى عن الخطأ ولكن نحاول
ان نظهر الخطأ بطريقة يعني ايجابية تبحث عن انه اللي قاعد يظهر الخطأ انه يحاول يجد له
حل موب يحاول يضخم عشان يكبر الخطأ ويصير تتوالى الاخطاء بعد هذا الخطأ .
المذيع : جميل ياسر لكن نقول الاعبين بينهم مشاكل وحساسيات لاعبين بعض الفرق
داخل الاندية ممكن تسبب حساسيات خارج الميدان ؟
ياسر القحطاني : لالا ابداً الحساسيات اللي بين لاعيبة الاندية تأكد تماماً يعني انه لاعيبة الاندية
علاقتهم في بعض علاقه ممتازة جداً اللهم انه الامور هذي كلها موجودة في الاعلام زي
ماقلت لك الاعلام هو اللي يحب انه يحط مشاكل بين الاعيبه ونتمنى ان شاء الله انه زي ماقلت لك
الامور هذي اللي في الملعب يعني حتى احنا الاعيبه لازم نعرف انه مهما كانت الامور طبيعيه
في وسط الملعب انه في ناس راح يشتغلون عليها بعد المباراة فأن شاء الله ان احنا راح نكون
ان شاء الله نعين ونعاون مع الاعلام يد وحدة ان احنا نظهر انفسنا نظهر الدوري السعودي
نظهر صورة الاعب السعودي والجمهور السعودي والاعلام السعودي ونرتقي بالامور
هذي ونجعل يعني صورتنا حسنه ان شاء الله .
المذيع : صحة الخلافات بين بعض الاسماء داخل نادي الهلال لاعيبين نقول .. !
ياسر القحطاني : انا ونيفيز ولاالدعيع وولهامسون ؟؟
المذيع : لا انت ونيفيز ؟
ياسر القحطاني : انا ونيفيز لاابداً انا قلت لك هذي مشكله الاعلام يعني انه
ودة يحط شيي يعني اذا ماعندهم شغله حطو شغله .
المذيع : لكن قالوا ياسر ونيفيز والدليل ان نيفيز عصب في مباراة الاهلي الاماراتي الاخيرة من ياسر ؟
ياسر القحطاني : ممكن اني اعصب انا عليك الحين بس انه يسير و ينتهي يعني ممكن
اعصب عليك على سؤال معناته اني انا اكرهك معناته ان بيني وبينك مشكله لايعني
في باص فرضا مايلعبه لي نيفيز اصارخ عليهباص انا ماالعبه لنيفيز ممكن نيفيز يصارخ
علي يعني امر طبيعي في كرة القدم والمشكله عشان كذا احنا نقول هذا نيفيز يعني ممكن ..
وبالصدفة مر لاعب نادي الهلا تياقو نيفيز
وسأله الكابتن ياسر : هل كل شئ على مايرام ?
تياقوا : نعم .
الكابتن ياسر : يحكوا اننا على خلاف ?
تياقوا : لا بالتأكيد لا يوجد خلافات .
يكمل الكابتن ياسر: لااقولك هذا مثال شوف ربي جابه يعني انا تمنى اللي يتكلم يشوف
اي احد من لاعيبين يوجهون بعض اويصارخون على بعض وسط المباراة يمكن عمرة
مالعب كورة فمايعرف وش يصيرر قاعد داخل الملعب .
المذيع : حلو ابو عبد العزيز رايك دايم له روعته وجماله يعني من الاعبين السعوديين
اللي الاعلام يبحث عنهم المشكله الاخيرة اللي حصلت بين نادي الوصل الاماراتي ونادي
النصر انت اكيد كلاعب سعودي مطلع على الاندية الخارجيه واكيد جميعنا نحمل شعار
المملكه العربيه السعوديه للانديه اللي تمثلنا خارجياً وش رايك في اللي حصل ؟
ياسر القحطاني : والله شوف في البداية يعني احب اقول هاردلك يعني لاشقائنا نادي النصر
وهم صراحة كانوا يستحقون الوصول او التاهل للمرحلة القادمه ولكن هذي كرة القدم
في النهايه يمكن تكون ظروف تؤدي لان تخسر مياراة مهما كانت الظروف اللي حصل
في الملعب صراحه احنا يعني للاسف ان احنا اشقاء خليجين مهما كان الخطاء سواء كان
الخطاء من اي الفريقين المفروض ان كان هناك في عقلاء يهدون الموضوع ولكن للاسف
تطور الموضوع بشكل اكبر كان كان الخاسر الاكبر فيه النصر السعودي هذا اللي
الامنا كلنا انه النصر ماكان يستحق انه يحصله كل اللي حصل خصوصا انه النصر كان
قاب قوسين او ادنى من التاهل لكن المشكله اللي حصلت ممكن اثرت على تركيز الاعيبه
وزي ماقلت لك الامور هذي واردة وان شاء الله انه خيرة لاشقائنا نادي النصر انه يتم
يعني تلافي امور كثير حصلت ويقدرون ان شاء الله الموسم القادم او خلال الموسم
هذا انهم يرجعون ويثبتون يعني لجميع الجماهير ان النصر لازال موجود .
المذيع : الهتافات اللي يهتفون بها ممكن الجماهير داخل الملعب تأثر على نفسية الاعب ؟
ياسر القحطاني : شوف الاعب متى ماحاول انه يلتهي خارج الملعب صدقني يعني ماراح
يقدم وانا قلتها من قبل يعني اللي يحاول انه يهتف ضد ياسر فيعني يوفر صوته ويشجع
فريقه احسن له يعني لانه ماراح يطال مني يعني ولاراح ياخذ من ياسر لاني قلتها انا من قبل
واثق الخطوة يمشي ملكاً ولااعتقد اني راح ارد على كل متردية ونطيحة .
المذيع : وش الروعه هلال كوزمين ولاهلال جريتس ؟
ياسر القحطاني : هلال كوزمين هلال جريتس هلال كندينو كل الاجيال الهلاليه رائعه .
المذيع : رد علينا على طول !!
ياسر القحطاني : على طول مايحتاج .
المذيع : يعطيك العافيه ابو عبدالعزيز .
ياسر القحطاني : يعطيكم العافيه .
المذيع : كلمه توجهها لبرنامج ارسال اللي يهتم دايم بالصحافه ؟
ياسر القحطاني : يعطيكم العافيه وزي ماقلت لك ان شاء الله انكم تكونون ان شاء الله
من البرامج اللي تدعم الانديه السعوديه والكرة السعودية وتظهرنا ان شاء الله وتساعد
في ايجاد حلول ان شاء الله تظهرنا بشكل حسن ان شاء الله .
المذيع : يعطيك العافيه .
ياسر القحطاني : شكراً .
04-04-2010, 08:14 PM
. القنّاص لـ إرسال : لا خلاف مع نيفيز ، هارد لك للنصر ، ولن أرد على....[ نص اللقاء ]
تقبلوا اجمل تحيا 
العرض الشجري
