السلام عليكم ورحمة الله وبركاته ..

لكم من الاماني ما ِاشتهيتم .. ولكم منّي الدعاء بالتوفيق

محبكّم أنا .. وأتمنى أن توافق محبّتي لكم بالوفاء

لكم هذا النص .. بكل تفاصيله

للغيث لذّة في عيون المخاليق

يبري عطيب الجرح منهم ويشفيه

لا شفت ضوّ الشمس من ضيق في ضيق

ثم يتلاشى من سحابً حواليه

وتهبّ في صدري هبوب الشواهيق

وتداعب اعواد الخزامى .. وتثنيه

وانظر جبالً راسية مثل اباريق

تصب سيلً من كرامة لواديه

والروح تسري بي هواجيس تحليق

فوق السحاب اللي تبشّر مساقيه

وتمرّ فيني لدار خلّي بتشويق

يا ودّي اتناثر مع الغيث وارويه

اللي خذا من عهدة القلب توثيق

أقفى ولو يدري خفوقي فطاريه

يوم التقينا دون موعد وتنسيق

كنّا تواعدنا على البعد والتيه

وانا ما لوم اللي من البعد ما يفيق

لو كان يكرهني ولو قال ما ابيه

((المجتمع مليان .. قومً مفاسيق

أغلب دروب الحب تحتاج تنزيه))

ياقلب لا تحزن على كل تعليق

أليا بلاك الله .. تصبّر وداريه

اتطيق حمل اشياء .. وأشياء ما تطيق

ميزان صبرك .. ما يميّل مباديه

لانك كفو .. ما تقبل علوم تلفيق

ما ياخذك هرجً به الناس .. ترويه

الناس .. لو تطلب من العلم تدقيق

هراجة الغفلة .. تغيّر معانيه

يبقى البنادم شين عند المطافيق

اللي تدور له عيوب .. وتجافيه

ويبقى البنادم زين .. عند المطاليق

اللي تثمن فالمواقف خطاويه

((واللي شعر في نظرة الناس تحديق

لو ان ما هو فوق .. ما حدّقوا فيه))

للوصل تالي .. وتالي الوصل تفريق

وللعشق تالي .. وتالي العشق تشويه

لذلك اغلبنا .. يخالجه تحقيق

يخشى على المبدأ.. ويذكر تواليه

فاللي يبي همًّ على همًّ وضيق

يذكر سواة العشق في قلب راعيه

ما ودّي اكتب في شعور العشاشيق

الذكر واجد .. والمقابيل تمحيه

باسكت عن اللي ماخذ العلم ترويق

يكفيه من لوعة الأيّام تنبيه !!

...........

وسلامتكم

ثلاثة
مجاااااااااااااااااااانين

انت

و

قصيدتك

و

انا

وربي اقلاع بابداع

امنتك الله

صـح لسانك
كلمآت رائــعــه ومعانــي أرووع
با أنتظآر جــديــد قلمك المبدع

وربي
وربي
وربي

انك شاعر واطلق شاعر وينك عن الساحه الشعريه بدل ها الشعراء لى يدبلون الكبد
الله يوفقك ولا تحرمنا جديدك

.

.


الغيم إن هطلَ بِ سخاءٍ أي شُكرٍ ينصفه ؟
القرني ,
شاعريه تُلامس السماء لِ جمالها

دمت بارِع الحَرف ,


.

يامرحبا ترحيبٍة فاضت امطار
ارحب ياعّل اوقات عمرك هنايا
يامرحبا بك عّد مافاضت انهار
وعّد النجووم السابحة في سمانا
اررحب يبو خليل...
نص كــافي ووآآفي...والسكوت في حرم الابداع إبداع
خفت اقتبس شيئ واخلي شيئ وما اوفي النص حقه
لآهنت حبيبي..
لآعدمناااا هـ التواصل ياصديقي
وآآآصــل يابطل

نبض :

شاكر لك تواصلك الدائم

لا هنتي

عبد الرحمن صالح :

تعليقك النقي .. حببّني فيك لله فالله

والله يبعد عنّا وعنك الجنون

لا هنت حبيبي .. شاكر لك تواجدك

الليزر الأخضر :

صح بدنك .. تشرّفت بك اخوي

لا عدمتك

الامبراطور :

تشرّفت بوجودك اخوي والله يزيدني بامثالك

شكرا لك