،*************
بالوفاَ ما فيه مثل خالد ، ولو شويْ
حآولت أدور انا مثله ، بس اكتشفت ما فيه منّه أبد ( زيْ )
اخلاصه وفا .. بالوفا ؟ ما اكتفا
يالله انك ترزق كل امرأة بمثل خالد إنّك انت :
.. ــ الكريم الغني !
ــ
خالد وملاكْ ..!
قصّة ولا من الف ليلة ولا ليلةْ،
حبهم يا حليله ..
العشقْ حدّه : هلآآآك
القصّة / إن خالد يعشق ملاكْ ..!
خالدْ يقول :
" ما يهم أحبّها أنا حتى لو ما درت عنّي ، لأجلها تعلمت كيف اشعر
وكيف أغنّي .. 9 سنين أحبها .. 9 سنين طموحي قربها ، ولا فكّرت بمرة
أقولّها .. إني أحبْك حيل .. واحب غيرك هذا مستحيل"
ملاكْ :
" على نياتكم ترزقون ، ليتك تحسين فيه لو شويْ !
ممكن تعلمون العشاق ، كيف الحب يكون ؟ .. عاشقك خالد يعشقك بجنونْ
اسمعيني بس بالهونْ ، ترا كلّه وفآ .. يالله انه يتشجع ويقول
عاشقته حبيبة وما هي عبيطة بس ما هي بسيطة
يا بشر : ما نبي غير الحلول "
ــ
بين خآلد وملاكْ بنت ، إسمها :
" ريمْ .. تسمع الحكاية وتعتبر وصلة ، تحب ( حبّهم ) وتحب في خالد
كل خصلة .. لا حكا لها خالد عن حبّهم ، تبدأ بـ الـ هَذَيَانْ ،
هو فيه مثل خالد انسانْ .. وفيْ بالحب
وما عنده مشكلة يعشق كمآنْ
ريمْ .. بس وقت ما تسمع الحكاية ،
تحس الانفاس حولها من خالد : ترانيمْ " .
*************
نبدأ بفصول الحكاية :
*************
أحد السنين ،
خالدْ : أهلين ريمْ ، كيفِك .. من زمان عنّك ، دخيل الله وينَك ؟!
ريمْ : اهلاً هلا خالد ، انتي اللي شكلك علي حاقد ، ههههههه من ذاك اليومْ
خالدْ : لا وش دعوَة ، بس كنت احب اسوي فيك مقلب
وانا بالمقالب في قمّة الذروة .. بأحكي لك موضوعْ وابيك تفهمِيني
لا تتسرعين بحكم دخيلك يا نظر عينِي ،
ريمْ : إحكي ، بس ان كان مؤثر دخيلك لا تبكِي
خالد يتكلم :
( ريمْ انا احب بنت عمّي ملاك ، إيه ذيك اللي تقرب لناْ ، حبي ما هو من
سنة
حبي ترا من سبعَ سنينْ ، اعشقها من طرف واحدْ .. بس حنّا ؟! ، كنا اثنين
عاشقينْ
انتي ما تعرفين اني ما انام الليل ، افهميني انا احبها حيل واعشقها
ولأجلها اخلي كل هالدنيا فدوة لـ حلقهاْ ، انا ما يهمني تدري عنّي بس والله
اني
ما احب غيرها .. احب شذاها ولو كان بعيدْ .. واعشق عبيرها !
مخلصْ أنا و وفيْ .. وعطائي بالحب سخيْ
والله اني ما احب غيرها ، صحيح ما تدري عنّي .. بس احبها باخلاص
يعني صدقيني انا غير .. غير انا عن كل الناس )
ريمْ :
صدقنّي انا معك من البداية ، وبأكون بكل فصول هالحكاية
يا خالد افهم تكفى دخيلك ، إنت لكل بنت غآية .. تبيني أكلّمها .. تبيني افهمها
خالد :
لا دخيلك أنا بس أبيها بخيرْ .. وتعلميني آخر أخبارهاْ
يمكن على الحب تووني صغير .. بس ( ساس.. ) البنيان لا دريتي
إن قلبها عمـآرها ..!
هو حبْ الطفولة .. ( ..أحبّك ) .. صدقيني مو اي شخص يقولهْ
وقلبها مهما كان صعبْ ، امنيتي إني أنا آنوله !
ريم :
إنت قد شفتها ؟!
خالد :
لا ابداً .. آخر مرة يوم حنّا صغارْ .. وكنا نحاول نصعْد للاعلى
ولكن دايم ما تخذلنا الأسوآر .. خلي كل كلامي سر من الأسرار ، أنا
اخترتك انتي
بالذات لانك اقرب ناس لها .. ومابه اقرب منك هيهآت ..!
وصدقيني ما يهمني جمالها / بياضها من سمارها
قولوا لـ الرياض كلّها ، خالد :
ــ يهنيكم على عمارها
ـ دام الوفاْ سنة
،*
تعالوا شوفو خالد صار عمره 16 يعني كبر على هالحب كثير
حبّها دام كم سنَة .. كله هموم وعنآ
وما فكر يصآرح .. إلا ذاك الهوى الجآرح .. إستطاع انه
يقنَعه .. وشجّع قلبه ومن ريم طلب الرقمْ
يا عسى صدق قلبه تسمعه
خالد ( 11 دقيقة ) يحكي ويقولْ .. وبسماء الحب يجولْ
كلّه ترا علشان يوصل لكلمة أحبْك !
يعني مو هالزمن ، اللي يقول كلمة احبك : موضوع عآدي
وما يستحق ذآك الذهولْ .. ،
خالد بكلامه .. ( طير عقول وعقول ) وكان اول عقلْ
عقلهاً .. كم عاشت .. إمم تقريباً 17 سنة
ما سمعت مثل هالكلام !
- بالله ركزوا على كم ـ لهاـ !!
ــ
الجو صدمَة ، وخالد يطلب من ربه الرحمَة
انتهت المكالمَة وملاك بالحيل مصدومَة ، ودّها تمسك ريم وتقولها هآه ،!
وش قال خالد .. دخيلك عطيني معلومة
`[خالد كان يقول لريم أنا احبها ، أحرص اني ادعي لها دآيم قبلي
قبل اهلي قبل كل هالناس .. انا صاحي لهالوقت زي ما تشوفين الساعة 12
يعني
تحسبيني سهران علشان نتْ ؟ ليش ما عندي قلب ولا نسيت وش كنت
إني احبها ، وطموحي قربها
انا سهران لأجل استنى اصلي الوتر 11 ركعةْ ، لأجل ادعي لهاَ ]
مر أسبوعْ .. يعني المجموعْ
خميس ، سبت ، أحد
ما نطوّل ما علينا ـ أهم شي الاربعاءْ
كان له نكهة ونوعْ
رسالة من ( ملاك ) ..!
،*
[ يا خالد إنت مابك اي عيبْ ، بالعكس ومليون نعم فيك
إنت بالحيل حبيبْ .. بس فيه كثير اسباب تمنعني ، ولا الموضوع لو كان
بيدّي
تراك بكلامك جننتني .. كل بنت تتمناك .. لا تسأل وش ربي
ميزك عنهم ولا تسأل وش ربي عطاك
ما سألت نفسك : لو دروا أهلنا وش بيكون الشعورْ !
صدقني صعب العبور
انتبه على حالك لأنو ما يعجبني اللي تسويه بنفسكْ
ــــ ملآك ! ]
ــ
يا عاشقْ .. ياللي مسوّي إنك حبيبْ
ولك ضيّ بآرق ..!
دخيلك لو انك بموقف خآلد وش بتسوّي ؟!
ممكن تكره الحب وتحب ثآني
وش لك بإنك تعآني
ولاجل بنت تتعلم الأغاني ؟!
خالد غير ، شوفوا وش هو ارسلها :
،*
[
ملآك الله يريح بالك ويطول في عمرك يا رب ويرزقك الرجآل اللي
يسعدك
يا رب وانا جد اتمنى لك الخير كل مرة ، وبأظل أحبّك دوم ورغم كذا لو فيه
غيري
بيسعدك راح احب راسه ، بس بظل مخلص ووفي لهالحبْ لأنه أول
وآخر مرة أحبْ
ــ خالد ]
ــ
خالد هزمْ كل شيَ بس ما انهزم حبّه ، لأنها صادقة باحاسيسه ومالم هالحب
بالكفْ وكبّه .. بالعكسْ .. خآلد هزم كل شي ذاتي في داخله
محصلّة إنه يدور على رضاها :
28 كيلو نزلها في 4 شهور .. ومن ضمنها 6 كيلو في 4 أيامْ !
كل هذا للغرامْ
مستحيّل .. هالآدمي يعشق بالحيلْ
************
في يوم من الأيام
الساعة 10 الصباح :
خالد يدق على ريم
ريم : ألو
خالد : قلتْ لك رآحت علينا وقلت لي باقي أملْ
قلت لك مآت الأمل .. قلت الله لا يقوول
قلت طيّب وش تسمي كل اللي صار وحصلْ ؟!
قلت لي ازمة وتعدي لازم نلاقي حُلوول
[شهقات هـ الريم تبكّي ، لمنهو يشكي ]
خالد : اهلين ريمو ماني قايل كيفك
ريم : كيف ملاك صح ههههههههههه
خالد : وانتي فاهمتني ؟ يا زينك
ريم : توني مسكرة منها يا حبيلها ، بس مسكينة تقول انها مصدعة
وماهي قآدرة تقوم من السرير .. ( خالد بنفسه : الله ياخذك يا حرير ) ،
مسكينة
والله هي ملآك ..
خآلد : ريمو حبيبتي .. يالله منّآك
وسكر السماعَة
" اقولكم وش اللي سوآه خالدْ .. قام يصلي اكثر من ركعة ختم فيها 3 اجزاء
من القرآن.. وما كان عنده اشكال يكمل كمآنْ !
وقام يقرأ جميع الأذكارْ .. والدمعة على خدّه مثل النـآر
بالنهاية وش هو اللي قال :
يا رب إجعل أجر كل ما عملته لـ ملاكْ "
ومرت سنة ورا سنة
وخآلد مسكين على هالحالْ
هرب من كل العالم ، وفضّل الوحدَة وصل بالحب
مرحلة الهوسْ ..!
كل آبيات الغزل ، وكل الحان الاغاني
كل شي موجود وما انطمسْ ،
************
خآلد ـ 24 سنة
ملاك ـ 23 سنة
يوم الأربعاء .. نفس تاريخ اول مكالمة صارت بينهمْ
أفدى انا عينهم ، جد هالكنآري ولو كان ( عصفور واحدْ يعشق ) ..!
من قلبي أنا اقول يا زينهمْ .. ،
بـ الأستراحة ، ضحكه وصيحه ومزاحه
كله كان حاضرْ ..
وهو عايش لها ، ولأجل هالحب صابرْ
الساعة 10 الليل
الأربعاءْ :
الجوّال .. جنب خآلد ، وخالد يكتب على ورقة
هالورقة .. مخصوصاً يعشقها وتعشقه .. أغلب الطلاسمْ كانت هنا ..!
10 دقايق ووصل مسج من بندر اخو ملاكْ :
" آهلين خلّووودة ، ما كنت اظن ان هيك علاقتنا محدودة
وينك عني انا اشتقت لك ، وانت اكيد اشتقت لانسان تقبص خدودهَ
ما اطول عليك أنا مرة مبسوووووووووطْ "
خآلد مبتسم ويضحكْ :
" ههههههههههههه ، عساها دوم الانبساطة
بس مالي حق اعرف يا عآق خخ ؟ "
بندر :
" جد مالك حق يعنِي ، لا تقولي ما وصلك الموضوعْ
بس قبل كل شي بهالمناسبة لي بتغنّي
ملااااااااااااااااك اختي ملللللللللللللللللللكتها الاسبوع الجاي
ما تحتاج عزيمة اصلاً غصب عنّك إنتآ جآي "
[ خالد جلس يبكي وسط اصحابه وماحدِ كلّمه
الا تركي ، يقوله دخيل الله ارمي همومك علي ، ياخي طلبتك اشكي ]
خالد ساكت ويدق على ريمْ ما ردت على اول 150 اتصالْ
لأنها كانت تعرف وش بيكون خالدْ وعلى وشهو بيمشي هـ الحآل ،
ردّت ريم ؛ أول ما ردّت قالها :
تَبْغَى تِشُوفْ الذّلْ فِي صُورِتَه صّحْ ؟!
................شِفْ دَمْعَة الفَرْقَى عَلَى خَدْ رَجّالْ !
شهرْ .. طيّر كل العمرْ
يوم الخميسْ ، يا حظك التعيس كان عرسْ ملآك !
وطبعاً أصروا جميع اللي هناك إن يدخل
خالد ويغنّي ، كلٍ يدري ان صوته طربي وفنّي ،
خآلد قال خلاص بأغنّي
مسك المآيك وقال :
بالبداية يا أهل ( المحبّة ).. باركوا لملاك عنّي
الله يسعدها مع اللي تحبّه .. تهنّي بليلتك اليوم تهنّي
غنّى من غير الفرقة اللي كانت
حاضرة حسب رغبته وصدع بصوته ومن كل الحضور
ما فهمه الا ريمْ :
*************
مَبْروك
عِرْسِكْ |يُومْ جالِكْ نِصِيبِكْ
مَبْرُوكْ لِلّي يِسْعَدْ بِشُوفْ لِقْيَآآكْ ،
شِفتْ القِدَر مَا حَقّقْ انّي - أجِيبِكْ
وَلاَ حَققّ انّي اقْضِي العُمرْ وَيّآك ،
افْرَحْ! عَلًى شُوفِك ولاً ابْغًى مَغِيبِكْ
واَمسّي عًلَى طِيفِك وَاصبّحْ لِطريَاكْ
*************
ما قدر يمسك نفسه
وسلم المايك وقال الف مبروك للعروسة والعريس
وطلع بشكل كان فيه هروبْ ..!
انكسر هذا الرجلْ
انكسر الطيب الحبوبً
كلها سآعة :
تركي صاحب خآلد أرسل لريم مسجْ :
" إلحقي هيييييييه خالد سوى حادث ومرقد بالمستشفى
*************
أبو خالد وام خالد وخوآته سحبوا
نفسهم من العرس وراحوا ،
الخبرْ :
إِنّا لله وَإنّا إِلَيهِ رَاجِعُونْ ،
وسط الدموع ، وسط هالجموعْ
تركي أعلن بصوتهْ ، وكلٍ له سموع :
ترا آخر كلمة قآلها خآلد
قولوا لها اني احبها
وبكىْ ! ،
ــ
وإنتهى الفصل الأخير
من فصول الحكاية ،
ــ
نايف بن سلمان المصيبيح ،.
_Nino _
*************
16-03-2010, 09:20 PM
- ملآك خالِد | والرّيـمْ .....والنهاية المُعتمَِة ،!
............والنهاية المُعتمَِة ،!
- ملآك خالِد | والرّيـمْ .....والنهاية المُعتمِة ،! - مثبت -
العرض العادي
