: : : : : أسعد الله مسائكم جميعا بدون رسميات نخش في الموضوع على طول الحقيقه انكم اتعبتوا انفسكم ..وأتعبتوا المشرفين قدرنا ونصحنا ووجهنا وطبطبنا على الكتوف وياشباب وياأخوان وياعالم ..لكن للأسف لاحياة لمن تنادي .. أقتباسعلى بلاطه ..ياليت ياشباب مانقلبها ورعنه ان واحد قال وجهة نظر في نادينا او لاعبنا وماعجبتنا نقوم عليه كلنا بأسلوب امسك لي وأقطع لك ومن جهه ثانيه ياليت بعد اذا الواحد قال وجهة نظره وماجازت للبقيه وردوا عليه مايقوم يزعل ويسوي حركات بآخذ كورتي المنتدى اسمه منتدى عشان كل واحد يقول رأيه سواء مع او ضد .. هالمره راح امشيها بدون عقوبات لكن لو شفت هالشي مره ثانيه لحد يزعل وللأسف لازال يجيني الكثير من الشكاوي بسبب الشخصنه في الردود والسب والدق والغمز واللمز خصوصا من حقين الريال والبرشا وانا كذا مره قلت لكم اننا مانبي هالحركات بيننا عموما هذا راح اعتبره آخر تنبيه لكم جميعا .. واللي يتعرض لأي نوع من انواع الارهاب الرياضي العالمي كل ماعليه هو مراسلة المشرف مع اقتباس للإساءه او الاستنقاص او الشخصنه .. والمشرف له صلاحية 15 يوم تنسيق من عندي لهالعينات وإذا شفته يستاهل زود زودناه لين يمشي على العجين مايلخبط خصوصا الناس اللي عندها ترسبات وحزازيات وفي كل موضوع تلقاه يتفلت على خلق الله ومهو شايف العالم شي قدامه !!! ليه ياخوي خيييير ؟؟! الزبده .... ياليت نحترم بعض ونتناقش بروح رياضيه ونرتقي بعقولنا وردودنا لكي تليق بنا اولا ثم بالقسم ثم بالفريق اللي نشجعه مره قريت في مقال أن التشجيع في اوروبا يعتمد على دعم الفريق وتشجيعه + التهكم على المنافس وأحباط معنوياته يعني اللي تسوونه شي صحي جدا جدا .. إنهوووو كريستيانو إنهووووو الدريم تيم المدريدي إنها روح كاتلونيا ممتع انك تشوف ناس تتناقش وتهايط وتذب على بعض بروح رياضيه وأسلوب محترم يروح عن النفس .. ويعيشك اجواء التنافس لكن قلة الذوق ماراح نرضاها أبدا أبدا .. ومن الان سنبدأ في تطبيق عقوبات قاسيه في حق كل من يشوّه جمال قسد الرياضه العالميه اتمنى يكون هالموضوع بمثابة صفحه جديده بينكم ولكم جميعا ودي واحترامي وبالتوفيق للبرشا