حنا مشكلتنا بالمجتمع السعودي اللقافه صفه متفشيه بين الشعب..
شئ طبيعي أن كل شخص فينا وده يعرف كل شي عن الشخص اللي قدامه ..
لكن حنا بحكم الذوق والذرابه نبعد عن مثل هالأسئله وأحيانا ما نسأل عشان نبين للطرف الآخر عدم الأهتمام ..
لو يسألونك عن نفسك مافي مشكله تقدرين تعطينها أكبر أرنب بالتاريخ ..
لكن لما تسألك عن شخص قريب ممكن يكون هالشخص مايبيك تجاوبين ..
ومو معقوله تقولين له مدري لأنه داري أنك تعرفين ويبدا عاد بالحشره ..
وكثيرا ما أنجوا من هالأسئله لكن مو كل مره تسلم الجره ..ممكن أكب الغدا مرتن من المرارير عاد أنا أحيان أصير الله بالخير..
بيلسان لا خلا ولاعدم منتس يابعدي ..

::

مرحبا بيلسان ..

بالنسبه للأسأله الي يسألونها بعض الأشخاص
ممكن أجاوبهم على قدهاا وممكن ما أجاوب
وهذا من حقي ..

وخصوصا أذا كان هالشخص حديث المعرفه..
اما الأشخاص الي أرتاح لهم ممكن أجاوبهم بس مو كل شيء فيه خصوصيييه ..

من الأسأله الي تنرفزني وتضحكني بنفس الوقت
تحبين ...لمين كاتبه هالتوبيك ... ليش تسمعين هالاغنيه تخص احد..
أسأله مالها داعي ..



وبس هذا الي عندي ..}

.




أهلين بيسو ..
ماشاء الله اي شي فيه لقافه وتسائل تطرحينه < : d
بالنسبة لي الاسئله اللي ما أحبها هي التدخل بأي شي أنا أحبه
يعني في ناس يدرون أو يعرفون اني أحب هالشيء مثلا ويسألوني ليش تحبينه !
اترفز من هالاسئله ، طبعا أكره أكره أكره أكره سؤال ( متى تخلصين ) طبعا اذا كنت ع النت ،
أو سؤال من متى انتي عليه ؟ يالللله اذا انسألت هالسؤال أعاند وأطول حتى لو ما عندي شي : d
الاسئله اللي ما املك اجاباتها أو الاسئله الغبيه اللي السائل يكون عارفها .. بس مجرد استعباط
بالكلية مرات اتعرف على بنات بس تظل العلاقه بيننا حيل رسمية .. خصوصا معاي انا اكره اكون صداقات بسرعه
مو بعد اقل من عشره سنتين او 4 سنوات فـ أكيد ان العلاقه بيينا تكون عاديه ما تتعدى كون اننا بنات بـ مادة وحده
لمدة 4 شهور أو 3 فـ تجي بنت تتعرف علي اوكي ما اقول لا بس انها تمون بسرعه وتسأل اسئله واجد علشان
تعرف شخصيتي واسراري هذا شي مرفوووض
صح احراج اني اتهرب من كل الاسئله .. مافي شي ينقذني الا اني اضيع السالفه وادخل بالدراسه
خاصه اذا بدت الاسئله بالعميق .. المشكله مايحسون يرجعون يسألون ويستفسرون عن كل شي : d
في سؤال معروف فيه أبوي ومعروف النية من هالسؤال انا صرت اكره هالسؤال واترفز منه
اذا شافني سهرانه مثلا لين الـ 1 قال بكره بتداومين ؟ بما معناه ليش سهرانه الى الان
يعني قول روحي نامي وخلاص ليش هالسؤال
وطبعا جوابي يكون بـ : شرايك يعني

ما اتقن فن التهرب حيل ..
يبيّن علي اني مرتبكه من السؤال : $
عاد انا خلقة ارتبك اذا تكلمت شلون اذا بتهرب


ع العموم انا اعتبرها فضول وبقوة خاصه للناس اللي ماتمون علي : |
اما الناس مقربين يسألون لين بكره عادي ولا اعتبرها فضول ..
موتشاس قراسياس بيسو منوره المجلس




.

.



أهلين " بًُس بًُس "


شسمه يآِإشششين ذآ آلنــآِإس وربي بثرييييييينٌُ ..

مثل آللي يجيتس كلٌُ يوٌُم وعآِإرفن هآلششًًَُي بس يحب
يستعبطـِ ويسأل .. وعـَآإد شوفي آللي يرررد عـلاإه وربي أسفهه .

وآللي تجيتس وتسأل عن شي أمتس وأبوتس مآإدروآإ عنـه .
تجي وتقووول أنآِإ فلاإنه بنـت فلاإنه خويتس حبيبتس . وربي مآأقوول لاأحد
يآإبنت أنـُآإ مآقـلت لاإ تقوليين لاأحد .. بس مآأبيتس تعرفيـنه هووو غصٌُب ...!َِ


آلنـِآإس أللي تـسذآإ يـآأنوووه تجيتس مآإعندهـِآإ ششي وفآإضيه ورآإقيه
وتسأل أسأله مآل أوم أوم أمه دآِإعــــٌُي . بس برضـًُوآإ تسسأًُل ..


أو تجيتس وحده وتسأل وتنتظرر منتس أجآِإبه .. وأنتِ مسفهه ولاإ أنتِ بد’آإريه عنهِـآإ
وتصرفييين آلسؤآإل بـسآإلفـه من عندتسًُ أنـِآإ كذآ مررره تصيرر معي وربــٌُي أكرره حيـآإتي ..
يآإختس أفرضي أني أكووون مألفه علىىآإ بـنت من ذآ آللي وآإقفيين معي أو أني مآأبيهآإ تعرفه
تجييين أنتِ وتفضحيني .. وشوله آللقآإفـه أبفهـــٌُم .!َِ


مدري أحس أني طـلعت عن آلموضوع خخخخخخ .


أكرره سؤآإل عندي < بدري وجعاااه .

أن تجيني وحده وتسألني كممم آلسآإعه وهي خآإبرتن أني
مآنب أعرف آلسسآإعه أبد .. لزووم آلاحرآإج ..
أسأله كثيرررره مآأحبه تنسأل .. بس مآنب أحب آلبربره آلزآإيده .


بيسسًُو .

لاإ تقطعييين وقسسٌُم أنتس فـله
تخليييين آلمغبوووون يطـلع كل آللي بـقلبه ..
شسمه وأعذريني ع آلقصـــٌُور < ضفي بسًُ خخخ



لاإهـِآإن قـلبتس .











.

من البارح تعيد هالسؤال وتطرق أبوابه
ياللله قميييل مررا البيت داا


ليش مامتك تتصل فيكي كل شويا لمن تكونين برا ؟
ليش صايره تضحكين مع فلانه كتير ؟ وليش ما تهرجي فلانه ؟
ليش ابوك لمن سافر ما اخد مامتك ؟ وليش انتو عاداتكم غيرنا ؟

< دي نقاط بسيطه من الاسئلة اللي ملهاش لزمة

كتير احب الاسئلة وانو احد يعرف عني شي كويس
بس برضو فيلو اشياء ما تنحب انك تسأل فيها وتحرج نفسك وغيرك معاك
واتنرفز لمن حدا يسألني وانا متنرفزه وخارجه من موقف مش كويس اقلب
عليه ممكن وانكد جوه معايا واخليه في حالة يرثى لها زيي بالزبط

كنت حابه احط بصمة ولو صغيره
ثانكس يا قميلات

.

.
باك
- هند..

أقتباس

ترى حتى انا اكرهـ هالسؤال لاجيت على المسن هالسؤال يتكرر
من يشوفون العمر يسألون هو بيدي الحين !

قولي لهم وراه الحياه ماتمشى الا بـ الزواج
- أوطان

أقتباس

للامانة انا اقول له دايم تدرسين غصب عليك
ما عمري سألته متى تكملين دراستك

وانتي تجرئين تسالين..

- ابوطلال راعي دورة المياه

أقتباس

سيدة خلانها

صدز وراه ماكملتي دراسه ؟

كيفي الشيء اللي مااحبه مااجبر نفسي عليه

اهم شيء راحتي وانتم لكم الكرف

- دي لوست او د- لوست..

تصدق حاولت اعرف وش تقصد

بس عجزت افهم

أقتباس

سيده ..الله يذكرها بكل خير ..

إلا قولي وش تحب !!

وصورتها الرمزية ..أكبر دليل خخخخخخخخ

وشو مافهمت

اغير الصوره<بريئه
<تحلفون مارجعت عشان رده

كنت ناويه ارد على الباقي بس موب موضوعي

..

:


أهلن أهلن .......... بالحلا كله بيسو

ياأختي ........... هالزمن كله جيله فيه عرق لقاافه ض1
ولا أزكي نفسي ض1 بس الحمد لله ماحب اتدخل بـ الخصوصيات ض1

أكثر الأسئله ...

من الأهل .......
سيم سيم البنات
من متى عالنت ؟؟؟ ماشبعتي انتي <- طبعا ردي لا ض1
وش فادك النت ؟ ض1
القناص علمك المكياج والطبخ :( ؟؟<- سوولنا قسم لنا وخل اتعلم وفكوني منهم ض1

::::

من المجتمع ....

وين رحتوا وين جيتوا مين جاكم منا مناك
المصيبه العضمى اذا جاك السؤال ذا من بنت ....
يعني مو حلو احس كنها حرمه ام عيال
فـــ عشان كذا الاتصالات ذي مارد عليه لانها ماتناااسبني ض1

والشي اللي يقهر أكثر ...!!!
أن اي فستان أفصله أنا وأخواتي .. قسم يدرون عنه جماعتنا قبل نحضر فيه المناسبه
يعني سألين قبل عنا ..... اللون والتفصيل وكل شي يعرفونه :/
أحس يوم أحضر المناسبه كني ماجبت شي جديد
طبعا المعلومات واصلتهم من أمي ض1 لحرمه لحرمه والحريم مايخلون شي ض1........

هم يمكن ناس فاااضيبن أو من باب الاهتمام فينا او المحبه او هيك .... اللهم لاغرور
بس مع هذا .!
أدعي ربي "أن يجعلني بعيني صغيره وبعين الناس كبيره" <- لاطشه الدعاء من لقاء سامي الجابر ض1

واآآآ ,,,, بسأل سيده ق1
أنتي ليش ماتكملين تعليمك ض1< يقالها مو مثلهم

بيلسان ...

دايم نبي نشوف مواضيعك

صدق القناعه كنز لكن هم افنـوهـ
وحتى الأصابع علمـوها تشابه!
بيلسـان موضوع يستحق المنصه بلا منـازع
مشاء الله تبارك الله لاهنتي

أنا أعلق صفة اللقافه في ذمة عدم القناعه بما لديك وربما البعض هوايه لكن
بوجهة نظري ان الانسان القنوع مستحيل يسأل أسئلة مهب من حقه يطرحها يعني أسئلة ماتجيب الا رفع الضغط والانسحاب احيانا
ييوووهـ ياكثر ما أسمعها وأسمع أسئلة تنقال بالأوساط المختلفه ولا أنوي إلا شق الجيب وأخاف الشيب
خذي عدنتس مثلا:
سؤال يسبقه شهقه وش قبيلتس طيب وش الي بيتغير حتى لو اني سيرلنكيه أنا أنا ماراح يتغير شي
ودي أشوف الي بتاخذينه متى تزوجين وقتها انا اجاوب اقول ماعليتس بخليه يمرك قبل يجيني
وعلفكرة هالسؤال أثر على طبلة أذن خدامتنا واعجبها وصار دايم على لسانها
ما اقدر اخص به مجتمعنا لان مافيه دولة خاليه وبحكم انهم بشر فلابد ما ينوبنا قشر
اكمل سلسة الأسئلة الي اشك بأنهم تعمل لنظام الاستخبارات
متى تصحين
وش تاكلين
متى تنامين
ليش رفضتي فلان وعلان طيب وش دخلتس
من تبين براسك حد معين
أبوي ما تجرأ ينشدني عشان استقبلها من غيرهـ
أختي مالها ثمان شهور متزوجة ذبحونا بسؤال عنها ماحملت وليش وين راحت ووين جت عذاب
المشكلة لاتكمن بالاسئلة احيان تشوف فضول يجننك
مره كنت حاضره عرس مهب من جماعتنا لصديق اخوي
يوم قمت من الطاوله خلاص بطلع
لين وحده تركض وراي ركض هب صاحي
انا ارتعت منها قلت فيه شي
ولا نسيت بطاولتي شي
قالت ممكن جوالتس بتصل
قلت فداتس سمي
خذته ثانيه
ورجعته
قالت شكرا بس دقيت رنه علجوالي علشان يطلع رقمتس
لاحول ولاقوة الا بالله
حركة تافهه ولا ادري شلون سمحت لعمرها تسويها
باخر الليل اتصلت ومارديت
ارسلت ابيك ضروري اتصلي
دقيت إبراء للذمه
والله من رديت مخطوبه
متزوجه
من وين
وين ساكنه
وفستانك من وين
ووش تحبين تاكلين
يلعن ام الميانه
انا حامت تسبدي منها
لدرجة ماقمت ارد عليها
وخليت اختي ترد وتقول انه شاريه الرقم جديد
السؤال الي يتصدر قائمة غضبي
من بتاخذين ووش أصلك؟!
وهين بخصوص الدراسه كلن جنني بسؤال قطعي لها وعلى راسهم عميدة الجامعه بس الدراسة ما اعتبر الحديث عنها يضايقني يمكن لانهم يعرفون ليش انا تركتها
لكن تطعني سيرتها لانها كانت حلم واندفن


شوفي الأسئلة الي تنرفز جد بالنسبة لي اذا كانت في محيط معارفي لانهم يتتبعون كل خطوة
ويحسسونك انك شخصية ذات منصب سياسي
يشيلون هم بسمتك ويرقصون لدمعتك
هنـآ
ينتابنـي صمت لا اعلم متى بينتهـي


دمتي كما تحبين

-



أهليين بيلسآن ,
صبآحك رضى من الرحمن ’’



بالنسبة لمووضوعك
أحس كآآثره أسئلة الفضول واللقافه خآصة بهالأيآم ،
والدليل إخترآعهم (للآسك مي)
تلآقيين ثلآثة أربآع البروفايلآت أسئلة مآلها دآعي ولقآفه x لقآفه ..



طبعآ محد يقدر يقول عن نفسو إنو مو فضولي
كلنآ فضوليين ونحب نعرف أشيآء عن غيرنآ
بس فضول عن فضول يفرق
فيه فضوول يرفع لك ضغطك ويخلي اللي يستحي مآيستحي..
يعني أحيآن غصب عنآ نعطيهم في وجيههم والسبب كثرة أسئلتهم ..




بالنسبة لي كثيير أسئلة أكرهها وابغضهآ
عندك مثلآ ..
لما أكلم أحد يسألني
من متى تكلمين !!
من متى عالنت !!
قوليلي استفدتي بس شي من قعدتك علييه !!
<< ذا سؤال بابا المفضل ..
ليش ترفضين اللي تقدموا لك!!
<< أكره اللي يسألني وخآصة لآصار من أحد علآقتي فيه مو قويه ..
ولا لاصرت كآتبه شي بتوبيكي أحد يسألني لمين كآتبتيه!!
<< للأمآنه أحيآن أنا أسوي هالحركه مع صديقاتي ويجيني فضول اعرف
بس لاقالوا بس كذا ولا عآجبتنآ ماأرجع أسألهم لأني أعرف إنهم مآيبون يجاوبون
بس المشكلة لآقعدت الوحده تحن إلا غصب تعرف لمين موجه كلآمي ..












أحس كتبت كثيييير ..










بيسو ..
موضووع بيرفكت ..
تعآلي دآآيم ..

.

اهلآ بيلسان ....

هذي المواضيع والا فلا ...

هنا بنتعرف على الاسئله اللي نكرهها ؟

انا عن نفسي اكثر سؤال أكرهه ... منذ متى و المنتخب الكويتي لم يحقق كأس الخليج ض1 < متعقده ض1

و لو طرحت علينا هالاسئله ..كيف نتصرف؟ هل نتهرب من الجواب ؟
او نطقها بالوجه ..ونقول مهلا سؤال غير محبب لدينا ؟

لا والله مانتهرب الا نطقها بالوجه ونطق جدها الي جابها بعد .....

.

بيلسان .... تشكراااات على هالموضوع الحلو رغم مروري السريع

تحياتي ...

حياك وبياك بيلسان
مدري ليه جيت هون لان متكأي النثر بس
يا ربييييه انا من الناس اللي اكره هالسؤال
متى تتزوجين ؟ قاعدة ببيت ابوكم انا هههههههههههههههههههه
ولا اختك ما انخطبت :×
نجي للتصريف من اكثر الناس اللي معروفة بالتصريف واجيده بسم الله علي
اقول بس تعرفين مخرج 15 كككككككككككككككككككككككككك
وهي تفهم والموووت لا زنت لا جد جد قوليلي هنا اصير بجيحه
وبالفم المليان اقول مالك شغل
لا احد يسألني ههههههههههههههههههههههههههههههههههههههههه

ميغسي بكو مسيس بيلسان

..............

هلا بك ...
احب ارحب بنفسي في القسم
صدقتي فيه بعض الناس تسأل أسأله ما آدري وش موقعها في الحياة ..
لكن انا نا تعوق معي علطول اصرفه ... على ما يقول المثل((مزحه برزحه ))

يعطيك العافيه ...