،
السلام عليكم ورحمة الله وبركاته ..
مـساء الخير والأحساس والشعر ..
مساء ً ما يليق الا بـ أحباب الصدى
.
.
منذ فتره طويله وأنا اسمع الشعر ..
وتأسرني كثيرا ً من الكلمات واعجب بشعراء كثر ..
ولكن للأمانه رغم كثرة شعار الجيل الجديد
ورغم ابداعاتهم ورغم كثرة الفضائيات والمسابقات الشعرية ..
التي تهدف للماده قبل الشعر الحقيقي .. !!
الا أنني اجد بأن كل ما قدم وما طغى عليه من سلبيات كثر
يتلاشى نهائيا ً عندما أعلم بان مسابقة شاعر المليون
أخرجت لنا كنز ثمين ودرة ثمينه لا تقدر بـ ثمن .. !!
أخرجت لنا شاعر صغير بعمره ولكن
وكأنه آتى من جيل الثمانينات .. من الزمن الجميل
رغم حداثة شعره ..
يذكرنا بنايف صقر ومساعد وفهد عافت والشعر [ الحقيقي ] ..
هل عرفتموه .. ؟
أنه [[ المحــيط الهــادي ]] .. !
^
^
^
( مانيب من ياتي ولا يدرابه )
شطرا ً حفظته وما اعرف كتابه ..
شاعر الملـيوون ..
الذي أختصرالكثيير بصدق الأحاسيس
وعذوبة الكلمه ..
مفدراته تذكرنا بالجيل السابق
وبصدق قصصهم بالحب الجميله .. !
( 1 )
في شاعر المليون للشعر مضمار ..
والسابقة في الشوط تظهر بيدها
امضمرين أبكار الأفكار شعّار ..
.. وكلن يحضّربكرته في وعدها
واللي تردت لا يدور لها أعذار ..
.. معذورة ما دام قد ذا جهدها
واللي تعوص وتضرب الحاجز يسار ..
.. تشلّ ف الدنة وترجع بلدها
( 2 )
سولفوا تكفون لا عاد تسكتون ..
.. قبل لا أهوجس وياتيني بلاي
السكات يزود طعوني طعون ..
.. وتنكسر لا جا على راسي عصاي
سولفوا لو ما بغيتوا اتسولفون ..
.. قبل لا اقعد في الحزن رايح .. وجاي
كل ما طروه لو هم يمزحون ..
.. احرموني من غداي ومن عشاي !!
^
^
وهنا بالشطر الأخير يتضح صدق الحب
وجزالة اللفظ ..
( 3 )
القـسوه على الطريقه المحمديه ..
^
^
ياقو قلبك على الصّـده ويـا صُــــــبـرك
وياوسع صدري على صدك ويا صُبري
وياطول عمـرك بذاكـــــــرتـي وياكُبـرك
وياشيب عيني بشيّب عــــاد ذا كــــُبـري
تـــزعل وترجع وتـلقانـي عــــلـى خبـرك
وانا انكسر لك واجـــــيـك ادوّر لــجبـري
امـــــحق وليف ومحبه والا اقــول ابـرك
حسبي عليك اعشقك وانت اتحفر قــبري !!
( 4 )
النصايح على طريقة محمد
لا ضاقت الدنيا عليك وتشاويت ..
.. خلق الله اللي فالرخا كان واجد
ومن العرب والصوت والثوب مليت ..
.. وقامت عليك هموم بأقعا تراجد
فارفع يديك لخالقك لا توضيت ..
.. وادعو تراك أقرب إليا صرت ساجد
ووقت من أوقاتك للأوقات توقيت ..
.. وسجل لنفسك في المساجد تواجد
( 5 )
الفراااااق
ياليتني من قبل لا أحبه اقفيت ..
.. والا ان دروبي عن دروبه تناحت
أهون علي من البكا والتناهيت ..
.. وأشلا من سدودٍ على الناس باحت
عرفت كيف الحي يفرق عن الميت ..
.. وعرفت قيمة نعمتي يوم راحت
قولوله اني عقب بعده تدانيت ..
.. ورجلي عن دروب المعافين شاحت
( 6 )
محمد والوصف الساحر الراقي
هنا يوجه رساله فنيه لكل من يوصف
جسم المرأه من الشعراء بطريقة ساذجه .. !!
^
^
في كفها خاتم وفي خدها خال ..
.. وفي عينها غيم وعمارات وبيوت
الخال شفته واضحٍ من ورى الشال ..
.. والخاتم الماس مرصع بياقوت
والعمر في العشرين كني مانيب زال ..
.. والجسم كنه من جبل ثلج منحوت
جبل ولكن لا طرقه الهوى مال ..
.. وخطواتها ماهي بالأمتار بالفوت
ماهي تشوف الشمس من ظل الاظلال ..
.. ومصيافها ما بين لندن وبيروت
الشمس لو تشرق على جسمها سال ..
.. كنها مجسم محلبيه وبسكوت
( 7 )
محمد والأقتباسات الشعرية الأدبيه ..
هناك الكثير من الشعراء يقتبس بيت مشهور
لـ شاعر آخر ولا يحسن توظيفه أو يقع
في مطبة التكرار وهم كثر ولكن محمد هنا
يقتبس باعجاب ويضيف جمال فوق جمال الشطر .. !!
الكل يعرف قصيدة خالد الفيصل
شفتك وزاد بي الولع والشوق
والتي تغنا بها محمد عبده
هنا محمد وظفها احسن توظيف ..
( شفتك وزاد بي الولع والشوق )
.......... غنيتها من ساعه اقبلتي
عيني ماقد شافت كذا مخلوق
.......... كنش على ذوقي تشكلتي
قلتيلي اصبر بس انا المطفوق
.......... عجلت في شوفش وعجلتي
اثر معش لي مرسل ومسبوق
.......... عز الله انك قلتي وطلتي
عين وشفاه وعاتق منتوق
.......... وجسمٍ تغطينه ولاحتلتي
الليل عن وجه القمر مفهوق
.......... والعود مالومش الا ملتي
غصن على ساقي وفيه عذوق
.......... وش الغريبه لو تمايلتي ؟
لكن قبل تمشين انا مسروق
.......... من صدري قبل شوي وش شلتي ؟
( 8 )
محمد يتحدى الوقت بسلاح ( الحب ) !
^
^
^
ماهـو بكفـو الوقـت حبـك يمحـيّـه
ياللي تخاف صـروف الايـام تمحـاه
ارتـاح ..مـادام المواصـل يقـوّيـه
انت انت..وانـا انا..وقلبـي هـو ايـاه
حتـى ولـو بتغيـب ذكـراك تكفـيـه
ياواحـدٍ تكفـي عـن النـاس ذكــراه
حبـك علـى رملـة خفوقـي مواطيـه
ورياح عذلني عنك مـا تمسـح خطـاه
واللي يعـذل القلـب عـن درب غاليـه
الله بمـا يـبـلا الموالـيـف يـبـلاه
محمد بن فطيس ( عنوان للجزاله ) بشكل رسمي
أو ( سجلوني للجزاله وكيلا ً معتمد ) .. !!
يدهشني بهالشاعر أختصاره للزمن الجميل
في عدة سنوات بسيطه ..
فهو من بئيه شعريه ابوه وجده شاعر ..
فليس غربيه ان يبدع ولكن
الغريب أين الاعلام عن هولاء المدعين
أنا أجزم بان هناك اكثر من محمد
بل وافضل ولكن خلف الأضواء بسبب
تحول الأعلام والشعر الى محسوبيات وماديات
افقدت الشعر بريقه الحقيقي .. !!
لديك واسطه ؟ ننشر لك حتى لو كانت
القصيده غير جميله وبها من الكسور ما الله به عليم .. !!
مبدع ونجم وليس لديك فيتامين واو ..
خلك مكانك ... !!!
سـحقا ً للمحسوبيات والواسطات .. !!
أفقدتنا اكثر من محمد ..
.. [ الختــام ] ..
اسكت عساهم من سكاتي يسكتون..
.. وانا عن اللي في ضميري ما انتهيت
وادور الفرحه مع اللي يسهرون..
.. وان ذكروني خذت فنجال وسريت
اخذت من وقتك يا دكتور العيون..
.. عالج عيوني لو بعد طبك عميت
واستر علي واللي معك لا يفطنون..
.. انت الوحيد اللي بعد ربي دريت
قبل الختام
لكم كل السلام