آنتـ/ـي سس‘ـعوديـ/ـه ، آجل ركبتك سوداء ..! - شبكة القناص

العآليه · 10-02-2010, 10:48 PM

أ قول خالد ليش ماتتزوج ؟!

لا وش زوج وش هالخرابيط تونا صغار على الزواج

لاعاد صغير كثر منها الحين أنت عمرك بيوصل الثلاثين

طيب عادي والحين أنت اللي يسمعك يقول من زين البنات اللي في البيوت

من هالناحيه أنا معك السعوديات شين وجه وشين أخلاق

أيه الشعر فلافل والوجه كنه خبز محترق والركب الله لايوريك مهيب ركبه قطعة فحم

ماعطوهم الشاميات ولا التركيات

أقول بس فكنا من سيرتهم الله يخليك وخلنا نروح لشباب في الاستراحه

يله مشينا

سمر شوفي شوفي هالمزيين هذول الرياجيل ولا بلاش

ههههههههه أكيد أجل القرده اللي عندنا

مأقول بس الا الله يرزقني بزي هالطخوم ولا أجلس معنسه أحسن لي

أستغفر الله أستغفر الله الله لايبلاني أنا مدري هالبنات شلون يتزوجون مثل شبابنا؟!

والله تبين الصدق أغلبهن غصب عنها أجل تحسبين الوضع عاجبها

والله شكلك صادقه أجل فيه وحده عندها شوية عقل تاخذ واحد أسود دب نفسه في راس خشمه وكل ماقالت له شي قام يهاوش وينافخ ولا إذا تزوج
إلا مايقعد كم سنه الا الكرش قدامه مترين تقولين وحده حامل بالشهر الثامن

فكينا من سيرتهم اللحين وخلينا نتمقل في هالوجيه الحسنه مو اللي عندنا

والله أنك صادقه

.
.

أكثر الشباب والبنات أفكارهم نفس كذا

أنا بأبدا بالشباب والسلبيات اللي يشوفون أن أغلب بنات السعوديه فيهم منها

الشاب يشوف أن البنت السعوديه شعرها خشن ونادرا ماتلاقي بنت شعرها ناعم

يعني أنا بفهم من اللي عطاهم هالفكره الخاطئه

للمعلوميه لمثل هالشباب ان أغلب بنات بلادي مافيه مثل نعومة شعورهم

والسلبيه الثانيه أنو على قولتهم وجههها كأنها خبزه محترقه يعني أبي أعرف الاسس اللي

أستندو عليها في الحكم بالعكس السعوديات بالنسبه لغيرهم جميلات والبشره أشوف

وهو الصحيح أن بشرت السعوديه مميزه فيها أشراقه غير عن غيرها فمايحتاج نقارنها

بغيرها ولا ليت ناس على طبيعتهم لا تكون كلها من راسها لرجلينها عمليات تجميل

لاتقولون السعوديات ماعندهم غير هالشي اللي هو عمليات التجميل أحنا ماقلنا كذا الا لانه

فيه إنقاص في حق بنات بلادي مقارنتها وهي على طبيعتها بوحده ماهي على طبيعتها

أقدر أقول كل شي فيها صناعي أو مزيف

والشي السلبي الثالث وهذا لوحده في كفه عندي وهي الركب السوداء واذا سمعت طاريها

أتنرفز شي خطاء 100% وكلا صار مصدق ان السعوديات صاحبات الركب السود

ومافيه مثل ركبهم مع أني مو على مستوى عائلتي ولا على الناس اللي أجتمعت معهم

في مناسبات ماشفت الركب اللي يتكلمون عنها وسببولي رعب منها على ان كل سعوديه

نهايتها أن تكون ركبها زي مايقولون بس الحمد لله أطمأنيت من هالشي أنا في المناسبات

الناس في كوم وأنا في كوم ثاني مسويه رادار على ركب الحاضرات

لا واللي يقهر أن اللي يبونا نكون زيهم الفنانات والممثلات لاالعربيات ولا الاجنبيات كلهم

عندهم اللي أدهى وأمر من اشكال وألوان الركب

والكلام نفسه ينطبق على شبابنا بناتنا شلون يحكمون عليهم يعني أحس فيه ظلم لهم

أن اشوف شبابنا غير ومافيه مثلهم في كل صفاتهم لا أشكالهم ولا أخلاقهم وتعاملهم

يعني أنا قارنت بين السعودي وغيره وشفت الفرق واضح بين الثنين السعودي الإحترام

شي أساسي في تعاملاته مع بنات حواء سوا كانو أخواته أو زوجته ومآنقول آكيد كل الاجآنب !!

واذا على الجمال يكفيه الملامح الخليجيه الاصيله والسمار اللي محليهم ومخليهم

أصحاب صفه مميزه لهم عن غيرهم وعامل جذب لهم
.
.
كلامي مو من باب التعميم لا لكن البعض منهم

آختكم / عاليه

10-02-2010, 10:48 PM	#1
العآليه قناص جديد	آنتـ/ـي سس‘ـعوديـ/ـه ، آجل ركبتك سوداء ..! أ قول خالد ليش ماتتزوج ؟! لا وش زوج وش هالخرابيط تونا صغار على الزواج لاعاد صغير كثر منها الحين أنت عمرك بيوصل الثلاثين طيب عادي والحين أنت اللي يسمعك يقول من زين البنات اللي في البيوت من هالناحيه أنا معك السعوديات شين وجه وشين أخلاق أيه الشعر فلافل والوجه كنه خبز محترق والركب الله لايوريك مهيب ركبه قطعة فحم ماعطوهم الشاميات ولا التركيات أقول بس فكنا من سيرتهم الله يخليك وخلنا نروح لشباب في الاستراحه يله مشينا سمر شوفي شوفي هالمزيين هذول الرياجيل ولا بلاش ههههههههه أكيد أجل القرده اللي عندنا مأقول بس الا الله يرزقني بزي هالطخوم ولا أجلس معنسه أحسن لي أستغفر الله أستغفر الله الله لايبلاني أنا مدري هالبنات شلون يتزوجون مثل شبابنا؟! والله تبين الصدق أغلبهن غصب عنها أجل تحسبين الوضع عاجبها والله شكلك صادقه أجل فيه وحده عندها شوية عقل تاخذ واحد أسود دب نفسه في راس خشمه وكل ماقالت له شي قام يهاوش وينافخ ولا إذا تزوج إلا مايقعد كم سنه الا الكرش قدامه مترين تقولين وحده حامل بالشهر الثامن فكينا من سيرتهم اللحين وخلينا نتمقل في هالوجيه الحسنه مو اللي عندنا والله أنك صادقه . . أكثر الشباب والبنات أفكارهم نفس كذا أنا بأبدا بالشباب والسلبيات اللي يشوفون أن أغلب بنات السعوديه فيهم منها الشاب يشوف أن البنت السعوديه شعرها خشن ونادرا ماتلاقي بنت شعرها ناعم يعني أنا بفهم من اللي عطاهم هالفكره الخاطئه للمعلوميه لمثل هالشباب ان أغلب بنات بلادي مافيه مثل نعومة شعورهم والسلبيه الثانيه أنو على قولتهم وجههها كأنها خبزه محترقه يعني أبي أعرف الاسس اللي أستندو عليها في الحكم بالعكس السعوديات بالنسبه لغيرهم جميلات والبشره أشوف وهو الصحيح أن بشرت السعوديه مميزه فيها أشراقه غير عن غيرها فمايحتاج نقارنها بغيرها ولا ليت ناس على طبيعتهم لا تكون كلها من راسها لرجلينها عمليات تجميل لاتقولون السعوديات ماعندهم غير هالشي اللي هو عمليات التجميل أحنا ماقلنا كذا الا لانه فيه إنقاص في حق بنات بلادي مقارنتها وهي على طبيعتها بوحده ماهي على طبيعتها أقدر أقول كل شي فيها صناعي أو مزيف والشي السلبي الثالث وهذا لوحده في كفه عندي وهي الركب السوداء واذا سمعت طاريها أتنرفز شي خطاء 100% وكلا صار مصدق ان السعوديات صاحبات الركب السود ومافيه مثل ركبهم مع أني مو على مستوى عائلتي ولا على الناس اللي أجتمعت معهم في مناسبات ماشفت الركب اللي يتكلمون عنها وسببولي رعب منها على ان كل سعوديه نهايتها أن تكون ركبها زي مايقولون بس الحمد لله أطمأنيت من هالشي أنا في المناسبات الناس في كوم وأنا في كوم ثاني مسويه رادار على ركب الحاضرات لا واللي يقهر أن اللي يبونا نكون زيهم الفنانات والممثلات لاالعربيات ولا الاجنبيات كلهم عندهم اللي أدهى وأمر من اشكال وألوان الركب والكلام نفسه ينطبق على شبابنا بناتنا شلون يحكمون عليهم يعني أحس فيه ظلم لهم أن اشوف شبابنا غير ومافيه مثلهم في كل صفاتهم لا أشكالهم ولا أخلاقهم وتعاملهم يعني أنا قارنت بين السعودي وغيره وشفت الفرق واضح بين الثنين السعودي الإحترام شي أساسي في تعاملاته مع بنات حواء سوا كانو أخواته أو زوجته ومآنقول آكيد كل الاجآنب !! واذا على الجمال يكفيه الملامح الخليجيه الاصيله والسمار اللي محليهم ومخليهم أصحاب صفه مميزه لهم عن غيرهم وعامل جذب لهم . . كلامي مو من باب التعميم لا لكن البعض منهم آختكم / عاليه التوقيع: ~ يآمآ خذو منـي ولآحد " عطآني " من طيبتي فـي حق نفسـي [ تسآهلت] ..! ~