فـ لكل وقفه بحياتي يكون لـ ملك الفن حيز بها
بدفئ صوته وعذوبة كلماته وشمووخ فنـه وصدق احاسيسه اللتي تأخذني لـ عمق الذكريات
اللتي طالت الدنيا او قصرت لن تنسى بسهوله
اعجز عن وصف مكانتك ياابو نايف
فـ ستضل شهادتي بك مجروحه
ولكن بـإختصـار ..
جعلتني اسامر الليل بكـل ساعاته ودقايقه وثوانيه لاارتحل مع صوتك
جعلتني اركل احزاني واهاتي على ماتغنيت به
فـ ماتغنيت به سـ يجزم مابداخلي ..
تعايشت اجمل اللحظات من حياتي وامرها على صـوتك
فـ انت الوحيد اللذي يطربني بنشوه وتيقض
فـ مااطربتني به لايعد ولاينسج بسهوله
ولكن مايروق لي
س ـينسكب بهذا الركن الهادي ( الخالدي
تصبح وتمسي وترقد دون تسمعني
عودت قلبك على هجري ونسياني
انت تعمدت بغيابك تقاطعني
وانت تسببت في همي واحزاني
صبرت بس الصبر ماكان ينفعني
ومليت مل انتظار وبعدك اشقاني
ياماتمنيت شوفك وانت تمنعني
وانت تجاهلت احاسييسي ووجداني
لاتعتذر في العذر ماعاد يقنعني
من عقب ماذقت من صد وحرماني
انا اتحداك اذا تقدر ترجعني
اوا نت تقدر على بعدي وهجراني
ماعاد لك اي دافع شوق يدفعني
من عقب ماانت تبيع بارخص اثماني
بالحيل عانيت من بعدك ولوعني
جرب عذاب الفراق ويمكن تعاني
لالا تحاول وابعد روح وطاوعني
ولاتفكر انك تعود لدنيتي ثاني
ماعاد حبك ولاشوفك يولعني
انا نسيتك واطلب منك تنساني
وشلون ما اغليك
وأنت الذي علمتني حبك
يا هاجسي ... عشقي عيونك
إسأل ... وتلقى الجواب
في ناظر عيوني
تصوير لآجمل عذاب
حبك يا مفتوني
تلقي حياتي كلها لذة غرام
مهما سهر طرفي
أو جارت ظروفي
أو عشت أنا الحرمان
تلقى حياتي كلها لذه غرام
يا عذب الصفات ... يا كل الحياة
صبرك علي ... هذا قليل
مهما ترى من تضحيات
هذا قليل ... خل السهر لعيون من حبك
خل العيون اللي لها عشقي تبات
صارحيني منهو أنا بدنيتك
منهو أنا بدنيتك....
جاوبيني إن كنت فعلاً منيتك....
إن كنت فعلاً منيتك....
ما كنت أرضى تزعلين.... وإنتي بتهدين الزعل....
ما أطيق عني تبعدين في
قربي حسيت بملل....
محرومة عيني شوفتك لا
تحرميني كلمتك....
حتى الصراحة بيننا صارت
صعيبة بدربنا....
وإن كان ودّك تبعدين صعبة
أنا أنسى حبنا....
ما يعني هذا ترجعين في دنيتي بألقى الهنا....
صدقيني قلبي يحكي لك حقيقة....
صدقيني ما أرى غيرك ملاك....
من أجل وصلك باتخذ أيّة طريقة....
ما أبالي لو طريقي لك هلاك....
بعدك ولا غيابك على نفسي ما أطيقه....
كيف أجاهد روح....
تشقى من غلاك
شرع الخطا يا زين عم الخليقة....
وإن هفا شوقي معك أبغى رضاك....
يا زمان اللوم أحرق لي وثيقة....
طيها دستور بظلمه وطاك
منهو فينا....
أو في البشر ما نشف ريقه....
كم قيل عنهم الشقي هذا وذاك....
الشك من طبعك وباحساسك رقيقه....
مقبولة عندي ولو هذا عطاك....
روحي تنادي لك بصرخة غريقه....
يوم أغرقها ليش عيني ما تراك....
فجأة طلبتني لها بلا ميعاد....
طول إنتظاري علّ حالي بسببها....
لبّيت وجيت قبالها شفتها تزداد....
روعة بصورة حسن ربي رسمها....
عيني أنا بعينها والقلوب أبعاد....
أخشى هدب عيني يلامس هدبها....
ما أقوى الحكي حينها والقلب ما أعتاد....
على لقى اللي حبّها من عرفها....
نظرة سواد عيونها هذا المنى والمراد....
لهفة شفايف طوّلت في عناقها....
خذ ما تبي بس أترك القلب يرتاح....
لا بالمودة عطيته لا بالصراحة خذيته....
في غايتك تغتار منك الأرواح....
صدقي خيانة جزيته يا كم بغيري نويته....
كافي علي أصبحت بالسهد فضّاح....
غصبٍ عليّ حكيته بكاني حظي وبكيته....
قل لي متى ترسم على قلبي جراح....
منك الصبر ما قويته أفقدتني ما أحتويته....
أملكت كلّ قلب الوفي ومعك مفتاح....
عقب الندم وش رأيته عن حب غيرك عميته....
من علّمك ترمي بقيعان الأرماح....
باب القتل نويته عمري بكفن حي طويته....
جذعٍ ذوى عطشان لو ترفعه طاح....
تتعب معه لو ركيته ما هو بحي لو سقيته....
لا تنتظر رجعه ولا تطري أصفاح....
ما أقول حبك وطيته ما أقول حبك نسيته....
أبعد عسى في دربك اليوم ترتاح....
أنت الذي أحتويته لا .. بالغصيبه مشيته....
خذني بقايا جروح .. أرجوك داويني
لا تروح الروح
كفا عذابي منك .. ليه تسقيني
ما فوق جرحي جرح .. وجروحي تاويني
وصبري فقدته بجرح
الموت له حروه .. خوفي يمسيني
يا خلّ يا مرتاح .. ليتك تواسيني
لا تنوي المرواح
ملامحي جروح .. وش منك يشفيني
ما بين عصف وريح .. الهمّ طاويني
وانت لاهي مريح
أبيك لعمري يوم .. بالوجد تعطيني
يا لا يمتني ما بقى لي شفاعة....
ساد الشكل وتغيرت كل الأوضاع....
ما عاد لك مني ولا حرف طاعة....
خل الفراق اللي على الوصل قطّاع....
في طيّ لحظات افترقنا بساعه....
ماني على فرقاكِ يا بنت جزّاع....
ما يمنعك خافق يعرف المناعه....
لو أن الهوى في خاطري حمل ووضاع....
أغواكِ من هو ساعيٍ بالقطاعه....
وشلون تفكيرك على الذم ينصاع....
بعتيه للهرجات وأهل الإشاعة....
لولا بني جنسك على الغيرة جياع....
للصدق في نفسي بحفظه وداعه....
وللفكر بخصال الموازين جمّاع....
أقدّم جميل العطايا باستطاعه....
قدمّت ما عندي ومنك العطا ضاع....
دق البخت بابي .. من عقب طول غياب .. الزين وافاني
حمّلته عتابي .. ومهما افترقنا أحباب .. أهواه ويهواني
أدمعت عينه .. وأدمعت عيني..
كفانا من زود الفرح هلة دموع ..
عمري إبتدا لي اليوم .. ما للي فات حساب .. من عقب ما جاني....
وقلت كل اللوم .. في كلمتين عتاب .. بالطيب يلقاني
أدمعت عينه .. وأدمعت عيني..
كفانا من زود الفرح هلة دموع ..
حبيبي وأدري به .. والظن به ما خاب .. عوّد علي عاني
قدّر لي الطيبة .. وطاب الهوى له طاب .. في مرتع أحضاني
أدمعت عينه .. وأدمعت عيني..
كفانا من زود الفرح هلة دموع ..
الله أقوى لين خانتني الظروف ماهقيت الليل ما يوفي الوعد
ماتت الفرحة وأنا بعيني أشوف حارت أقداري وقلبي في جلد
لي وأنا في ظلمة الليل وقوف القمر شاهد ولا غيره أحد
وقتنا قاسي وفينا ما يرووف تسأله عيني وعينه ما ترد
لهفته لي مثل قلبي له شغوف له عنيت وأوفيت أنا له بالوعد
سلهمة عيني بها رجوى وخوف ليلنا جانا بعكس اللي نود
منوة الظامي منها الرشوف يا بخت من شافه ووافاه السعد
يا سراب ولو مسكتك بالكفوف لو شربت أظما وهي تظما بعد
.. ماهقيت الليل ما يوفي الوعد ..
افراق .. اعلى حروة افراق .. ليلي ونهاري .. ما ينطاق
وش بيدي .. ما دام هذا اختيارك .. فوق خدي .. دمعة تقبل اعتذارك
خنت عهدي .. ورديت لك اعتبارك .. قسوة ضدي .. يا راميتني بنارك
أخشى أكره .. والقلب يرفض عطاه .. دمعة تشره .. كيف حبيبي لا قسى
طول عمره .. ما حس بقلبي وعصى .. صان قدره .. ولا مرة شكى
ما أطلبك .. ليه تردين .. مالك غلا يا مرخصتني
دنيا تتوه بها العناوين .. بدال ما نتي حضنتني
لكني بأقول لك .. مني أنا .. أشرهت عليك دمعة
لي متى قلبي أسيرك....
لي متى عيني تهلّ
لي متى أبكي هجيرك
وأنت يمي لك محل
أرتعش الله يجيرك
قلبي اللي ما يملّ
قلبي اللي ما يملّ
يشتكي قسوة ضميرك....
كيف تخدعني وتحل
ما عطيت الحب غيرك
وأنت تجرح ما تملّ
لا تقول لي ما أبي غيرك
الكذب ما يكتمل
الكذب ما يكتمل
عاذلٍ موّت ضميرك
مبعدٍ عنه الخجل
ما له إلاّ في عشيرك
طعن وسيوفٍ تسلّ
وأنت راضي به يسيرك
كيف دربك ما يزلّ
كيف دربك ما يزلّ
يا حسافه طار طيرك
مدميٍ جرحه يهلّ
وانطفى نجمٍ ينيرك
وأنا أبي حلّ للأجل
كثّر الله ألف خيرك
تهدي الموت بعجل
تهدي الموت بعجل
تقوى الهجر .. وش لي بقى عندك .. تدوّر لي عذر .. لا تعتذر
تقوى الهجر .. ما نجبره .. من عافنا ما ينجبر .. لا تعتذر
زاح الصبر .. لا لا تعنّى لي وتمرّ .. وتبغى الصبر .. وين الصبر
جرحي عميق .. والقلب في دمّه غريق
وتبغى الصبر .. ويلاه من وين الصبر .. مهما تقول لا تعتذر
مهما تقول .. من الأغاني والجمل .. ما يحتمل .. قلبي فدية جبر الألم
يمشي معك درب الندم .. ما يحتمل
يكفي عليه .. منك احتمل كذب وغدر .. حبك سراب .. ضيعت وقتي أتبعه
وسط الضباب .. وصوتك ينادي اسمعه .. صرت أتبعه ..
واليوم في صحراء الظما .. ترمي فؤادي وتحرقه .. ترجع تقول ..
أبعتذر .. ليه العذر
دام الهوى .. ما له على قولك عذر .. والجرح يا جرحي يداويه الصبر ..
ليه العذر ؟؟
الله كريم .. الله عليم .. هو عالمٍ بالحال .. ولا يمكن يظيم
عزاه لك .. يا قلب يا أحلى نديم .. عزّتي .. للحب لو يصبح يتيم
حبك يتيم .. وكلك ندم .. حبك يتيم
وين الندم بين السطور .. أمر العدم ماله ظهور ..
ترى هذا غرور .. هذا غرور
تمشي بطريق .. وأنا بطريق .. اللي يوديني لبعيد
عنّك يا أول رفيق .. البعد يعفيني المزيد
وين الوفى والتضحية .. وينك رفيق ..
وين الوفى والتضحية .. وينك رفيق ..
وبتجمع أوراق السنين
لا تنسى تجمع جروحي .. ودمعي .. وآهاتي معك
وقلبي بعد ما قتلته .. يا رفيقي .. ما عاد يقدر يمنعك
كل الأمر .. عاد بيديك ..
يا خلّ يا هاجر ..
ما عندك عذر
ماني على فرقاك يا شوق ناوي
مير الزّمن له وقفةٍ بين الأحباب
يشهد على ما أقول قلبٍ شقاوي
دمعٍ نثرته بان من بين الأهداب
كانك على ذبح الوفى فيني قاوي
تذبح خفوق اللي يحبك ولا تاب
واللي بقى من وقتنا ما يساوي
لحظة نعانيها من البعد أغراب
لا يا نجوم الليل ماني بهاوي
فرقى مناة الروح ولو طالت أسباب
يا ناصحين القلب ما له مداوي
غير الحبيب اللي له القلب طلاّب
أهلاً هلا بك .. يا بعد كل من لي يا أغلى من الغالين يا روح روحي
يفزّ لك قلبي .. وأرحّب وأهلّي تطيب لي قربك جميع الجروحِ
لك طلعةٍ مثل القمر يوم هلّي خلاّ سواد الليل نورٍ يلوحِ
يمّك دعاني زايد الشوق كلّي جيتك وأنا قلبي بحبك يبوحِ
تعال نحكي عن مشاعرك قل لي واحكي لك همومي وجرحي ونوحي
هاج الغرام وتلّه الود تلِّ قلبٍ قبل عرفك حياته مزوحِ
انتظرته وقلبي احساسه يقول صوت خلي اليوم ما أظن أسمعه
الخبر عندي وغيبته بتطول وقتي من اليوم حسابه باجمعه
ضاق بي صدري وأدوّر له حلول في ضميري نار شوقي مولعه
عشت في دنيا أدور بها وأجول عشت فيها بضيق وعايشت السعة
ما لقيت اللي على دربي صمول كود بعض الناس وقته يمنعه
روضتي جفّت وأنا خلي سيول مبعدٍ عني وقلبي يتبعه
طبعها اللي يوصف بالطبع الخجول بين كل الناس عندي أرفعه
الغريب اللي أسولف له وأقول عن هوى نفسي كلامي أقنعه
ما يلام اللي مثل حالي ينول لو قضى دينه يساهر مدمعه
لي على الغالي وشوفاته ميول من زود شوقي لغرامي أصنعه
لو حصل لي شوفته همي يزول وقتها أنسى البشر وأجلس معه
أذكر إني بغيبته دايم أقول هو حياة القلب هو له مطمعه
فرحتي يا خالد بيوم الوصول بافرح لقلبي بهمٍّ ودّعه
من دلّعك .. خلاّك تختال عزّ الله إنه بدلاله متّعك
من صوّرك .. سبحانه اختار بالزين أحلاها صورة شرّعك
منك اغتذى الشوف .. وأنا اغتذت روحي
دونك بحر خوف .. وسلاحي جروحي
وقتي معك .. نظرة وترحال صدفة تبيّن لي مشارف مطلعك
ما أروعك .. يا ملفت أنظار خليت كلالخلق خلفك تتبعك
منك اغتذى الشوف .. وأنا اغتذت روحي
دونك بحر خوف .. وسلاحي جروحي
ليته معك .. وقت اللقا طال شفّيتها نفسي قبل ما أودّعك
من يمنعك .. تمشي وتختال ولا ترى بالخلق منهو يمنعك
لو بكيت دموع عيني ما تفيد وإن شكيت الشكوى ما فيها مسد
كل يوم يذوب في قلبي وريد أتصبّر مير ما عندي جلد
نار شوقي لك يذوب لها الحديد وانتثر دمعي على خدي بدد
دايمٍ يا شوق شوقي لك جديد وإن سألت العين لك فيها مرد
دمعتي تنبيك عن حبٍ أكيد غيرها يا روح روحي وش بعد
كان قلبي قبل عرفي لك عنيد ما يحن ولا رمى غيرك لأحد
لين طوّعته بحبك يا وحيد والمحب يطيع محبوبه وحسب
يا حبيبي غير شوفك لا ما اريد دوك طرفي طاير فيه السّهد
يا حبيبي فيك يا حلو القصيد لو كتبت الشعر في غيرك شرد
أتغنّى فيك بأشواقي نشيد بأصدق اللي قيل من بنت لولد
أكتب حروف الحب حبسٍ برجليك قيدٍ يقيد خطوتك لا تروحِ
إقعد معاي وإن رحت خذني مخاويك آن لا تروح إن كان قفيت روحي
ريّظ خطا رجلك شوي لغاليك خله عليك بسرّ حبه يبوحِ
يا واحدٍ مالك شبيه لك بحاليك يبسٍ بحبك من ظماها شحوحِ
أغليك واللي كوّن الكون أنا أغليك حب الغلا ماهو بمثل حب المزوحِ
يا غاليٍ دمعات عيني تناجيك هدايرٍ من فوق خدي تفوحِ
حتى وأنا في غفوة النوم أناديك وطيفك على شاشة خيالي يلوحِ
إرجع علي وضمني بين أياديك ضمة غلا تحيي بها بيت روحي
يا حبّنيلك دون كل المخاليق ياللي تساوي كل شيء بحياتي
لا شفت زولك ينجلي عني الضيق وإن غبت عن عيني تزيد عبراتي
دايم عيوني من فراقك غواريق وطلعتك ترسم بسمتي في شفاتي
الحب مفتاح القفول المغاليق وحبك دواي وفرحتي يا غناتي
أغليك وإن لي بلشه فيك بالريق يا منوتي دايم محقق مناتي
غلاك ساقه رامعي في المعاليق ولولاه عيني ما تعدت وطاتي
وين انت قبل اللي مضى سنيني يا مسعدٍ باقي حياتي بالأفراح
ما قول قبلك في حياتي ضنيني ولا نيب مع غيرك من الناس مرتاح
حتى فرحك ارهب شقاي الدفينِ ومنك السعادة بدّدت هاك الأشباح
يا غاليٍ قرة بلاماك عيني حبي وحبك من سبب ربط الأرواح
كأس الهنا تو أقضبنّه ايديني وأروى ظمأ وقتي هذاك الذي راح
والله ما لك في حياتي وزينِ برق الفرح قبلك على العين ما لاح
موادع وكل خلٍّ جاك .. بيجيه وقت ويوادع
موادع وكم خلٍّ قال .. بعد فرقاه راجع .. موادع
أعدّ الوقت بحسابي ليالي وأشوف حساب غيري له ثواني
غريب الوقت في طبعه يعاند أبي أطويه ولكنه طواني
حبيبي فارق عيوني ولاجه تقلّب صورته فيني مواجع
غريب الوقت يا ليته يطاوع يمر يمكن يجي منهو موادع
دموعي تطلب عيوني نهاية وجرحي ينزف المعنى قصايد
موادع صارت بعمري حكاية وعمري ماخذ أحزاني عوايد
حبيبي يقبل وقلبي يهلّي يمد إيديه يطلبني أجي له
وإلا منّي جيته ودمعي يهلّي لقيته هاجسٍ معنى رحيله
عجايب كل هالدنيا عجايب دموع وحزن ومفارق حبايب
تسلّي خاطر المحبوب لحظة ويرجع عاشق الأحلام خايب
يروح العاشق المجروح يبكي ويشكي وقت في طبعه مخادع
صحيح الحب في الدنيا ولكن يعيب الوقت في حبه مخادع
يا ظامية يبس شفايفك العطش .. غير ملامحك الوله ..
وانتي وأنا شمس وقمر .. ما نلتقي لو نحتظر .. يا ظامية
أشتاق لك وانتي بعيد .. ويزيد حبي لك يزيد .. يا ظامية
أموت بعيونك أموت .. والحب يغنيه السكوت
إلى متى بسكت .. وإلى متى ببكي
يا ليت أدري قبل أموت .. يا ليت أدري قبل أموت
ودي أعيش الليل .. وأقول أحبك حيل
ودي أقول الآااه .. وانتي معي تبكين
يا ظامية ببعد .. عزمت أنا ببعد
يا ظامية ببعد .. حلفت أنا ببعد
يا ظامية يمكن بعد الهجر لقيا
لا تحسب إن النور يا زين منّي وجهي ترى يعكس لك النور منّك
مثل القمر والشمس كنّك وكنّي أعكس شعاعك وأسهر الليل عنّك
مدامعي تشهد غرامك سكنّي والقلب قبل الروح والعين حنّك
أنا أعترف لك كل ما بك فتنّي لو تطلب عيوني حبيبي يجينّك
قصيدتي تو اجبه القلب فنّي نظرتك مع ضحكتك كلهم تابع لفنّك
وعسى الوفى بالحب ظنّك وظنّي وأعيش طول العمر في حسن ظنّك
قرب الرحيل وخاطري منك ما طاب يا واحدٍ عندك حياتي رهانه
تدري بعله واحدٍ منك منصاب اللي بقلبه لك .. يقوله لسانه
بك طيب لو ما حط بك زين الأطياب يا غصن بان ناعمٍ به ليانه
يا ليتهم سمّوك يا زين معطاب حيث ان حبك بالضماير مكانه
كلٍ عذلني فيك عدوان وأصحاب وأقول خلوني وكلٍ وشانه
وان قيل وإلا بدّل أحباب بأحباب قلت آه .. لكن من يسد بمكانه
سمرت بصحبة حروف القوافي أحمّلها تناهيدٍ خوافي
أشكّل بالحروف ألوان صورة أحرّكها من المعنى بصافي
أشيل الحرف من معنى لمعنى وأداري ما ظهر وأظهر بخافي
وإلا مني عطيت الحرف وردة بها حرفي على النجمات طافي
يقوّم كل نجمٍ من منامه أنا ما نيب أسامر نجم غافي
يجيني كل نجمٍ منه معنى ولا قد قلت للنجمات كافي
تصورني دموعٍ وابتسامه من عيونٍ تقصوت ما تشافي
ألا يا نجم يا عادي تبصّر شف بعين المحبة عين وافي
وخبرني عن علومه وحاله عسى قلبه مع الأشواق دافئ
وخبّر صاحبي عن حال خلّه ترى يمشي على الأشواك حافي
ولو ممشاي في جمرٍ يفيده مشيت بجمرها كنّه عوافي
ولكن وش يفيده لو ذبحني ومن يوصف جماله عقب قافي
دقات قلبي .. من عناي عابثت بي تزود بين الثانية والدقيقة
راحت بي أفكاري بعيدٍ وجت بي وأهداب عيني في دموعي غريقة
أكتب وتقرأ ريشة العود كتبي شعري سلس ينساب على السليقة
مشاعري يا شوق .. يمّك جرت بي من مرهف إحساسي بيوتٍ رقيقة
أحنّ وأشواق الغرام اعصفت بي وقلبي فراقك .. ساعةٍ ما يطيقه
محبتك يا روح روحي .. سطت بي والدمع في عيني من أجلك ذريقه
منك وعليك الهم من وين ما أروح يمشي معي يا شاغلي مثل ظلّي
أنا حياتي بالهوى كلها نوح
أشرب ظنوني همّ وأقول علّي
أغلى الجروح اللي بها منك مجروح الله يا حبي لجرح التغلّي
لي في عذاب الحب رحمة ومصلوح عذابك أرحم من نعيمٍ مولي
حبك عذاب الروح ويونّس الروح مستوليٍ حبك على كل كلّي
أصمت ويظهر منك في صمتي البوح ملامحي منها جليسي فطن لي
في غربتي تغرّب النور عن عيني وش حاجتي في نور عينٍ غاب غاليها
عمر السفر يا نظر عيني قضى فيني نفسي على ما تعاف أمر الله حاديها
يمّك حبيبي عظيم الشوق يدعيني يسري بعروقي كما تسري الدما فيها
علي خطرها حياتي يا معنّيني بعدك عطبها وشوفك حيل يشفيها
أخاوي الليل وهاجس ليلي يخاويني يمّك سرابي داعي الذكرى بحاليها
أقضي بدنيا لعيني شوف رمشيني إلا متى عيني على شوفك تمنيّها
آاه .. من ليل التجافي ما أطوله ليلة العاشق ثوانيها ليال
من يقول الشمس باكر مقبله كل شمسٍ مالها وجهك ظلال
أسألك باللي أخذ منك الوله حطّه بصدري وأعطاك الجمال
حاكني لأجل الليالي الأوّله آاه .. أنا بموت من ذلّ السؤال
هو صحيح إنّك حبيبي اللي بداه واستوى عنده فراقي والوصال
كل جرحٍ غير جرحك بأقبله كل ظلمٍ غير ظلمك لي عدال
يا عذابي .. كيف أنا بأقوى عذابك .. لا صار في بعدك عذابي .. وفي قربك عذابي
يا شبابي .. زينة أيامي شبابك .. يكفي حياتي حسابك ..ونسيانك حسابي
ما تصدق لو أقول أنك حياتي في كل شئ .. سمعي وشوفي أنت .. دمي وإحساسي
باسم الهوى لازلت .. فكري وهوجاسي .. وتدري علي بعدك عذابي .. وفي قربك عذابي
يا حب .. مالي فيك غير الشقا .. يا حب .. أخذ من حياتي ما بقى
عشته بإحساسي ولا به شيء .. يبدّل شعوري .. حبك جرى بدمي وذاب
العطا .. ما تبادلنا العطا .. والخطا .. لا حشى ما أخطي عليك
إيه سطا .. جرحك بإحساسي سطا .. يا عطا .. أول عطا منك الخطا
أحبك لو تجافيني .. على كل الخطا مسامح .. أحبك يا نظر عيني ورضاك ألزم
ولكني فقير الحظ
أنا لك أكثري تجريح ترى حبك .. بيشفع لك .. أحبك
ذوّب خفوقي الشوق .. وأنتي معي يا شوق .. يا أحلى الحياء والذوق
طعم السعادة غير
لك خفوقي اشتقى ثم اهتنا بك .. وفي عروقي دمي الجاري اغتذى بك
ولاح شوقي في سما كل البشر .. غير زولك ما ملأ أحد النظر
جدّدي فيني حياتي باللقا
خبروه إني على وصله حييت وإن تفارقنا ترى موتي دنا
لي حبيبٍ يوم روّح ما سليت يعلم الله توي ما ذقت العنا
عبرتي هلّيتها حزن وبكيت يا ردى عمر الحسوفه ما جنا
ذقت من دنيا حبيبي وما ارتويت جنة الدنيا حبيبي والمنى
عشت بأحلام الهوى ليل وبنيت كل آمالي تداركها الفنى
في حياتي ما ذكرت إني شكيت في هوانا ضحكت الدنيا لنا
لا حياةٍ عقب محبوبي رأيت والممات أرحم ولا فرقى السنا
هو سنا شمسي وغيره ما هقيت يفرح بوصلي ولو موته دنا
ليتك لعيني قريبه 000 كان بالسهر ونومي لجفني حرام
قلبي عطا تصخيبه 000 ما يضيع العمر دامك له غرام
انتظر متى على الفرحة تجين 000 ودنيتي في ناظري قربك تزين
طرفي اشتقاني شوق 00 بالله شسويبه
ما بقى من هالعمر كثر اللي راح 000 شوفتك يا شوق تبلي الجراح
لك خافقي شراي 00 بموانسك تطريبه
عشتلك وغير احساسي ما قول 000 بنتظر لو غيابك لي يطول
رد على الولهان 00 لا يهونبك تعذيبه
ليتك لعيني قريبه 000 كان بالسهر ونومي لجفني حرام
قلبي عطا تصخيبه 000 ما يضيع العمر دامك له غرام
قف وناظر دمعتي يوم ادرجت . . . يوم شفتك ناوي ترحل بعيد
يوم كلّمتك وصديت اخرجت . . . أذهلتني دمعة الحزن الأكيد
كلمتينٍ كنت أبا قول أمرجت . . . دمعتينٍ سكرن حبل الوريد
ولا عليها لوم بالشوق ادمجت . . . ما تريدونه على ما كنت أريد
ولو تقول أعداك نفسك ما نجت . . . قل نعم شوقي على شوقه يزيد
الحبايب عن دواخلها رجت . . . ترجمان إحساسها صار النشيد
عن خفايا في دواخلها لجت . . . وكونت بين اثنينك بالرصيد
ولا لغير الله بالشدة رجت . . . يجمع اللامة ويمحى كل كيد
لوعتي فيك لوعه مالها من مثيل
جدد الوقت جرحي بين يوم وليله
اه ياحظ جدلي لو بشي قليل
ماخبرتك كريم مير مافيك حيله
حملي اللي اشيله فوق متني ثقيل
كل ماجيت احطه عارضتني جميله
ليتها عن هوانا تنتحي للبديل
كود حالك حبيبي يمي يطلق سبيله
من غلاك افتخر بك واعمل المستحيل
لو اعاند حياتي خل يعشق خليله
ماعرفت المذله لا ولا انت ذليل
عزت النفس فينا ياحبيبي حصيله
سالت دموع عينك وانا دمعي يسيل
حزني اللي غلبني والليالي طويله
وقتي اللي طلبته من واثره بخيل
شح وقتي ودبر ماعطاني قليله
بلا ميعاد يا ظاميه افراق إنتي السبب في اللي حصل صدقيني
هذا موادع بين شوقٍ ومشتاق تقوى الهجر لا صرت لا ما تبيني
من دلّعك تسلين بآهات عشّاق وين انت في وقتٍ مضى ترتجيني
في ضحكتي آلام وأحزان وأشواق مأساة حبي قولتي صارحيني
الله أقوى للندم صرت مِنساق وش فايدة دقات قلبي تجيني
فكري وروحي لأجل حبك بها احراق ماتت حروف الحب دومك ضنيني
خذ ما تبي اخذ الصور وخذ الأوراق واترك بقايا جروح بينك وبيني
بنساك أنا ولو بكيت من الأعماق بس الزمن يصرخ يقول اذكريني
ويبقى الكثــــــير والكثـــــير
فـ عـذرا لن يملأ تاريخك هذا المتصفـح ولن يختصـر بمجرد سطـور
لك حبي وتقديــ{ـري 
07-02-2010, 10:10 AM
رد: ...||~ ركنــــــي الهـــادي .. ( مُدَوَنـَهْ )
![الصورة الرمزية ][الفجـــر البعيـــد][](http://www.alqanas.com.sa/vb/customavatars/avatar9276_685.gif){kind=avatar}
![الصورة الرمزية [..بـــاريـــس..]](http://www.alqanas.com.sa/vb/customavatars/avatar60991_166.gif){kind=avatar}
العرض العادي
