مسافر بكره وخايف...تجي يمي تودّعني
وأخاف ان شفت عبراتك على خــدك تـبكيني

انا مهما بكيتـيني..... تـرى ماظن يمنعني
ولو حتى يموت القلب... بدمعه يا نظـر عيني

الآ يا ويل قلبي لو... رفض بـاكر يطاوعني
حلفت.. أنزعه من صدري وأخنقه حيل بيدني

لآنه من عرف حـبك وهو خـوّان.. أشبعـني
شقا.. أحزان... ومن كاس الألم ما زال يـرويني

ومن نفس المكان اللي بحبك قـام يوجعني
أذا حكّمـت عقلي في ...هواكم قام يثـنيني

انا وش لي بحب كنت ..أظنـه دوم يرفعني
وحب ما رفع راسي ...انا ماسـمـح يوطيني

خلاص مسافر وقلبي... غصـب عنه.. يـتـبعني
وروحي اللي شكـت جرحك.. عساها ما تعنـيني

مسافر.....كل ما فيني يـحـرضـني ويقنعني
على فرقـا مكـاني...يا زماني لاتنـسيني!!

مسافر للهبوب اللي... تبعثرني و تجمّـعني
على شط الفـرح والاّ الحـزن...تكتب عناويني

مسافر....يالطريق اللي تودي.....لاترجعني
واذا ودّك ترجعـني......آمانـــه لا توديني

مسافر للسنـين اللي..... أعاندها وتصـفعني
من المـاضي بتواريـخ...خذت مني وبـقت فيني

مسافر للقصيد اللي نظمته ودوم يمنعني
مسافر في مسار القـاف !! اغنيها وتغنـيني

مسافر للطموح اللي خذا وقـتي وضيعـني
متى حققت نصفـه شفــت.....جميعه ما يكفيني

وانا في داخلي حب العـلالـي ما يطمعني
لا تنـمـد لي يدّ .....ولا تنســاق رجلـيني

مسافر للسفر وعندي ثلاث اسباب تدفعني
ملل غربه...والم حبك...ورغبة نفس تكويـني

انا لو غبت عنك عام.. أبسأل وش هو لك يعني
انا إن ما غبت يا خلي فلا الحاوي تسميني

مسافر ...ما لقيت الاّ الجدار اللي يودعني
وطفـل تسحـبه أمه.... وهو يبكـي ..يناديني

وأذا صار الوطن غربه وهمس الغرب يقطعني
انا في رحلتي بلقى ...وطـــن والاّ بيـلاقيني


الحـــــــــــــــــــــــــــــــاوي

والله الكلمات روعه

مشكوره اخوي

الحأإآوؤي

صــح لســااااتكـ

خلاص مسافر وقلبي... غصـب عنه.. يـتـبعني
وروحي اللي شكـت جرحك.. عساها ما تعنـيني

يعطيك العافيه