عيشو معنا جو الضحكه مع مسلسل 37 [ تغـطيه ] ~ - الصفحة 14 - شبكة القناص

**ندى الأيام** · 13-03-2010, 01:44 PM

.

الحلقه الحادية عشر

الحلقة الثانية عشر

.

فتافيت شابوره · 14-03-2010, 12:53 AM

.

مساء الخير

هذي التغطيه الكتابيه للحلقه الحادية عشرااا ..

كانت الحلقه إلتفــاته حلوه فيها حزن مؤلمه شوي تتكلم عن الخوف من مرض السكر وكيف إنتشر بين البشر
في البدايه كان الدكتور غسان طالع من بيته ومعاه إبنه الصغير
وبعدها جت لقطات متتاليه مع ايقاعات تخوف
- رجل واقف عند الرسبشن وطاح
- ورجل يرقى النخل وفجأه طاح
- كان فيه معلم يشرح وطاح
- ورجل في مكتبه يفطر وبالأخيرطاح

لقطه لمعاذ ومعه ملف لمريضه بالسكر
وجت نوف قالها : نوف نوف نوف تعالي تفضلي امسكي الحاله لأنها تعرف
وهو مل من كثر مايشرف على مرضى السكر لأن ربع السعوديه فيهم سكر

إستعراض الأشخاص المصابين :
- اللي كان عند الرسبشن وطاح مسك حالته الدكتور محمد سووله عمليه القسطره
- أما اللي رقى النخل وطاح كان الدكتور غسان يقوله إنك مهمل لنفسك ولاراجعت عيادات السكر بإنتظام
قاله المريض : لأن العيادات تبعد عني 150 كيلو يادكتور ,, قاله غسان : حتى ولو راجع نفسك لان التقرحات سيئه مره واصله للعظم
كان اللي مستلم حالته الدكتور سعدون
- واللي كان يفطر بمكتبه أشرف على حالته الدكتور سليمان طلع عنده قرحه بالمعده ووظائف الكلى عنده فيها مشاكل
- أما المعلم مسك حالته الدكتور خالد وطلع مدرسه وعنده مرض السكر ..
- وبعدين جت الحاله اللي أعطاها معاذ لنوف
وهي بنت اسمها مها وكانت نوف تعرفها من زمان وقامت تتذكر اول يوم شافتها فيه
( كان عند نوف إختبار باطنه نهائي وأول تطبيق لها كانت هذي المريضه
وأول مادخلت عليها قالتلها المريضه : طالبة طب قالت لها نوف : إيه وحابه أسألك كم سؤال
قالت لها : الملف عندك خوذي اللي تبين منه
قالت نوف لا أنا حابه أسالك قالت : إسألي ..
قالتلها نوف وش إسمك وكم عمرك ؟
هلت لها المريضه قصتها وأثناء الحوار سألتها نوف وش تتابعين لأن عندها تلفزيون
قالت فيلم Friends تعالي إقلطي حياك المهم قاموا يشوفون الفيلم ..

وبعدها سلسله بنصائح من الأطباء للمرضى
المريض اللي طاح من النخله قاله سعدون : والله مدري وش أقولك بس للأسف التقرحات اللي برجلك وصلت للعظم
وبعد إجتماع أطباء الجراحه شافوا إنهم ..... قال المريض : بس بس يادكتور لاتكمل اللي تشوفونه يكون من صالحي
قاله سعدون : ممكن توقع على تصريح للعمليه
أخذ الملف منه وقـــال :
(( سبحـــان الله ياولــدي مــن كـم يـوم أوقــع علـى فتح ملــف عيـادة السكــر , واليــوم أوقــع علــى قطع رجلـــــي ))

دنيـــا تمـــر بسرعــــه تفضل ياولــــــدي ,, شكـــراً - وحـط × علـى رجلـه وراح ..

كانوا الشباب مجتمعين معاذ وخالد ومحمد , خالد كان ضايق صدره مرره وقال بعض الأحيان تجي أشياء ماودك تشوفها
قاله معاذ : عشان الأستاذ حقك
وجاهم الدكتور سليمان قال السلام عليكم وراكم وكأن على رؤوسكم الطير
قال معاذ مدرس خالد عنده ستروك ,, وعم محمد عنده إم آي
قال سليمان : لا ياشيخ ياذا السكر الغثيث تدرون فيه إحصائيات تقول إن 25 % من سكان المملكه عندهم سكر
وقاموا يتكلمون حول هذا الموضوع
وقامت بياجرهم تدق إستدعاء ضروري لكل منهما

وفجأه
مريض الدكتور سليمان جاه فشل كلوي
مريض الدكتور سعدون يبترون رجله
مريضه معاذ ونوف دخلت في غيبوبه وبالعنايه ومالها الا الدعاء
مريض الدكتور محمد إكتبوه متوفي
وإنتهت الحلقه .....

* * *

بدت الحلقه الثانية عشرااا ..

كان عبدالله يكتب بالملف جت عنده ريم وقالت وش صار على عمليه اليوم ياأبو
قام عبدالله يتلفت ماش ماأستوعب إنها هي , سألته مره ثانيه ولارد
وجت اللقطه على خالد يدور إسم مريض جاه محمد ومر سليمان يضحك وجاء معاذ وقال كلام قليــل
قاله خالد : طيب سلم على طول لق لق
قال معاذ : تدري وش اللي فله , قال خالد : هاه
قال معاذ : الإختصارات تخيل حياتنا من غير الإختصارات
تخيل معاذ ( خالد يدور إسم مريض جاه محمد ومر سليمان يضحك وجاء معاذ وقال كلام كثيــــر )
قال محمد : صادق تحس الإختصارات هبه من الله سبحانه وتعالى , قال خالد : كان إنتهى دوامنا الساعه 12 ..
قال معاذ : خالد ماجددت جوازك , قال خالد : ياخي خايف من فيحان يكشفني , قال معاذ : لا أظن موب جاي اليوم
قال خالد : أفاا لاتقول دكاتره الأسبوع اللي راح تكفى
بعدين جابوا دكتور يتكلم هندي ( معاذ ونوف وخالد ومحمد ) معه شابكين بالهندي
ودكتور شامي وكلهم شاميين ودكتور نيجيري وهم كذلك نيجيريين ..

وبدوا يسوون الراوند مع الدكتور وحيد
جاء الدكتور وحيد وجاه واحد ؟ سلم عليه وكان حنون مره قال أبطلبك طلب وقام خمه
كانوا الشباب سليمان ومعاذ وخالد ينتظرون د/ وحيد عشان الراوند
قال سليمان انا احس إنه إذا جاء بيتلقفنا بالأحضان
قال معاذ من جد أنا احس الناس إذا مرضوا فجأه يصيرون اخلاق أتوقع يصير حبوب
وقام يتخيل الحبوب ( يسأله بدلع وش التشخيص يابابا قاله معاذ يمكن يمكن تي بي قاله وحيد شطور وش إسمك يابطل
قال : معاذ قال وحيد : بعطيك نجمه على الجبهه وفوقها حلاوه قال خالد : ماأبي أبي حلاوه صكه صكه صح وحيد وقام يصيح

قال معاذ : حلاو البقر قاسي قال خالد : حلاو بقر حلاو غنم أهم شي يطلعني
جاء وحيد قاموا يسلمون عليه ماعطاهم
سأل عن نوف ومحمد قاله معاذ : محمد راح يتسنن ونوف تعطي كورس لطلاب الإمتياز
أول مره ادري إن نوف قويه تقول اللي مايعرف يقنع مريض بخطوره مرض السكر بذي < تعني العجره مدري ويش اللي بيدها
طاحت عين وحيد على بطاقه خالد وكالعاده قالبها
وبعـــدين تخيــل هالمشهـــد ظريف خطيـــر كونـــي
( إن الدكتور وحيد ضرب خالد وطاح على الأرض وبعدين قام يطقه يطقه يطقه لين طلع دم من يده
قال معاذ : شكله مات , قال سليمان : محد شاف قال وحيد : غطوه قبل لايشوفه أحد قالوا : نغطيه
وشالوا بأكياس ونزلوه تحت ودخلوه بسياره مريعه وكان يتحرك ويوم جو يصكون باب السياره تكلم
قالوا : الظاهر إنه مامات طلع السكين معاذ وطعن مره ومرتين وثلاث
وأخذ السكين منه سليمان وقال لاطعنت جر أو إسحب بس - آآآح يامجرم
ويوم جو يصكون الباب مره ثانيه تكلم

طلع وحيد المسدس وعطاه كم وحده

ودفنوه جنب المستشفى يقول وحيد إقرب من الشر تامن وبعدين جاه الشرطي يقول وقع )
قام من الخيال مصرقع يضرب الأمور بعض ..

رجع لنا عبدالله والسياق الدرامي الظريف الذي وظفت فيه كلمة " ياأبو "
قالت ريم لواحد ماشي هيه يبو تعال , قال عبدالله لها : وش قلتي , ريم : تعال , عبدالله : لا الثانيه , ريم : يبو قلت يبو
عبدالله : على كيفتس هي حقتنا , ريم : وشلون وشلون وشلون من قال إن شاء الله
عبدالله : أنا اللي أقوله , ريم : وعلى أي أساس , عبدالله : على أساس إن مافيه بنت تقول يبو
قالت ريم : على كيفك هي تخليها حصريه لكم ,,
جاء سعدون سأله عبدالله عشان يفصل بينهم قد شفت بنت تقول يبو
قال سعدون : عطيني شنطه الميك أب حقتي يبو وقاموا يضحكون < ياعلى عبدالله ضحكه
إنقهرت ريم , بعدين جاء غسان وسألوه قال : للبنات الكلمه قال عبدالله يوم راح وانت مالقيت تسأل الا ولد الغسنسيني

وبعدين قالت ريم : عطوني كلمه لكم أقدر أقولها قال عبدالله : سملق , جحلط , سلنتح

وعلى السبوره شرح تفصيلي لكلمات البنات والاولاد بالعدل
ياقوي , حبتين , زلابه < مشتركه بينهم
إختلفوا بكلمه يالزاحف أو الزاحفه ريم تقول حقت البنات
تطنز عليها سليمان وقال لاتقربينها هذي طقوسنا

وقال بعدين أنتم ماجربتوا تركبون سياره وتصكون أم الزحفه كذااااا
قالت ريم : من يقوله هي كم سنه وبنسوق وتلقاني انا أول وحده أفحط بالتحليه < تخيلوا

قال سليمان : الشرهه على اللي يجي عندكم

وبعدين كلم معاذ وحيد وقاله تعال نبيك في شي
وجاه قال معاذ : بمناسبه شفاءك يادكتور بنعزمك على مهرجان الأكلات السعودية
اللي نظموه الممرضات الفلبينيات
وقالوا بسم الله وبدوا ياكلون

وبس

.

La réponse · 14-03-2010, 07:24 PM

فتفوته + ندى الأيام وكل حقين التغطية
ربي يعطططيكم ألف عافية يسلم دياتكم

ياسر(20) · 16-03-2010, 10:34 AM

وين الفديو حق آخر حلقه يا آل البآنورآمآ

طلعت وقلت أبشوووفهآ عندكم من جد مآ لكم دآعي

خخخخخخخخخخخخخخخخخ

شحآثه بقوووة عين

بس لا تتأخروآ أكثر من كيذآ نبي نشووفهآ قبل يوم الخميس إعآده

ṤǎḿǎђĕЯ · 16-03-2010, 04:43 PM

,:,

ندى الأيــام ياشيخه الله يسعدك

ترى التغطية ماتصلح كذه نبي فيديو

الله يجازي مدحدر كل خير بس

,:,

**ندى الأيام** · 16-03-2010, 05:36 PM

^

روابط الفيديو تشتغل والا لا ؟

**مرعب الحراس سامي** · 17-03-2010, 09:43 PM

نعتذر على التاخير

مزنه المزيونه · 18-03-2010, 02:20 AM

من الجمعه هذي >حقت بعد بكره

الحلقه بتكون مدتها من 9 ونص الى 10 فقط

**مرعب الحراس سامي** · 18-03-2010, 04:30 AM

أقتباس
الحلقه بتكون مدتها من 9 ونص الى 10 فقط

بتكون حلقه وحده بس ؟

**مرعب الحراس سامي** · 21-03-2010, 12:00 AM

ṤǎḿǎђĕЯ · 22-03-2010, 08:45 PM

اقتباس:

المشاركة الأصلية كتبت بواسطة مرعب الحراس سامي

بتكون حلقه وحده بس ؟

,:,

ذاتس رايت

ندوشتنا فتحت بعض الروابط وشغالين تمام

,:,

**ندى الأيام** · 22-03-2010, 10:10 PM

.

الحلقه الثالثة عشر

**ندى الأيام** · 22-03-2010, 10:13 PM

^

ميرسي سماهر كلك ذوق

:

شاهد اون لاين

الحلقه الثالثة عشر

**ندى الأيام** · 23-03-2010, 12:07 AM

.

لا لا لا مااتفقنا على كذا وش ذا

<

ميرسي مرعب بليز كثر من هالصور اللي بتاخد العئل

،

الحلقه كانت عاديه نوعا ما مقارنة بالحلقات السابقه
بس يكفي جا منها هالصوره

.

فتافيت شابوره · 23-03-2010, 09:49 AM

.

صباح/ مسائكم سكر

اعذروني على التأخير
حلقة الجمعه كانت تتكلم عن الاخطاء بين الاطباء في تشخيص الحاله او بالأحرى الامبالاه وعدم الضمير في التشخيص
بدأت الحلقه بالدكتور معاذ وهو داخل لطوارئ كا طبيب مناوب وجالس يقول ان اذا بغيت تجيب العيد لنفسك تعال لطوارئ الفجر لان الكل يكون مواصل
راح دكتورنا الفذ موعاذ للرسيبشن وطلب ملف وعطوه حالة الولد الضعيف لما راح له يكشف عليه طلع من نوعية المرضى الي كل شي يوجعهم وعشان يخلص قال انت معك زايده>> اقرب مخرج
وبيستدعي له الجراحه جاه دكتور سعدون على وجهه بدون ما يشيك على شي وسوى العمليه على طول
في مشهد اخر كان الدكتور نايف يسوي عمليه ومعه الغساسيني المعقد ولما جا بيفتح نايف الجرح جا دم بوجه الدكتور غسان وانهبل وسوى فحوصات وخبصه>>هو بدون شي ياكافي
توجه اطباء الجراحه كلهم لغرفة مريض الزايده واكتشفو انه لازال يعاني نفس الالام وما تغير شي ولما سال غسان سعدون قاله ان الحاله جات متشخصه وخالصه طبعا من الفاهي موعااذ

عصب ولد الغساسيني وقال انه لازم يرجع للباطنه لانهم هم الي شخصو حالته من البدايه غلط وطبعا ما احد رايح فيها الا الولد المريض
بعدين صار يشبه موعااذ الصراع الي يصير دايم بين الباطنه والجراحه بالمصارعه وكيف ان الكل يبي يغلب
بعد كذا جا مشهد لاطباء الباطنه وهم يطالعون كوره وخربت عليهم الشاشه وقام موعاذ يبرمجه ويقترح خالد عليه انه يضرب التلفزيون خخخ
ومشهد اخر لاطباء الجراحه ونفس الحركه تصير لهم وقام عبدالله المفهي يضرب التي في حمدلله والشكر كلنا نفس التفكير

بهالوقت لازال غسان موسوس ويسوي لروحه فحوصات ويروح للاطباء وخربها مع واحد من الاستشاريين وقاله انت شهادتك مغشوشه وهزئه الطبيب وهدده انه يطرده >>مشكلته مستفحله ولد الغساسيني

في غرفة الاجتماعات كانو مجتمعين وحيد وجماعته اطباء الباطنه عشان يتباحثون في حالة المريض الي حوله لهم غسان بعد عملية الزايده
سأل وحيد: من شخص الحاله؟
انتكب موعااذ وقال انا

ضحك وحيد ضحكه شريره وقال لازلت تكرر اغلاطك من الامتياز وفشله وقاله متى ناوي تصير ادمي وعلى اي اساس شخصت الحاله وانت مو كاتب شي بالملف ؟؟
توهق موعاذ وقام يحكحك راسه وقال لحظه بتذكر >> واضح انه قامط وبقووه
وصار يتذكر شلون شخص الحاله وكيف قابل الفلبيبنه المتسعوده >ياصبر الارض عليها
وقال عطيه مسكن وبس
قاله وحيد : ياسلام عليك ومسح فيه القاع على قولة خالد

وقعد الضعيف موعااذ يقول يارب اختفي يارب اختفي
بعدين وجه وحيد السؤال لسليمان وقاله انت وش تتوقع التشخيص توهق سليمان وقال خلنا نسأل الشباب وش رايهم

هنا تكلم معاذ وقال انه سليمان اكثر شخص يزحلق الاسئله ويتهرب وتذكر كم موقف له وكيف كان يصرف السؤال لاقرب واحد عنده
وجلسو يتناقشون فا قالت نوف اتوقع ان عنده التي بي اعجب برايها وحيد
وقال معاذ بنفسه العن ام الواسطه انا لو قايل كذا كاان طردني الله يرج بليسه ضحكت على هالجزء كثيرر

بالأخير ارسلو خالد ومعاذ يشوفون نتايج الأشعه لدكتور اسمه ابو النور
اطباء الجراحه جالسين بالكوفي جاهم موعااذ معصب ويتفلت وقعد يقولهم تستهبلون اذا جاكم ولد لاعاد تحولونه علينا ويهاوش وخالد يقول امسحوها بوجهي مو منه من تهزئ دكتور وحيد له وسحبه وراحو

زادت وسوسة غسان وصار ما يسلم على المرضى ومر من عند السملق وهو لابس قفازات وكمام وغطى راس وصار يذبون عليه كنه حوارن مضيع امه

وجاوهم خالد وموعااذ يبون يسالونهم عن الدكتور ابو النور واغرقوهم بوابل من مصالتهم الله يعينهم على ارواحهم

بعدكذا دخلو موعاذ وخالد غرفة الاشعه وقال معاذ انهم يسمونها غرفة الظلام وان الي فيها يفتقدون لتواصل البشري وما غير مقابلين الشاشات لقو ابو النور وجلس يحظنهم وابثرهم واضح وبقوه انه ما شاف خير اسألوه عن الاشعه وقام يتفلسف ان القولون زي السوجوق ومدري وش

وبالخير طلع باقي مو عارف تشخيص المرض فطلعو من عنده
جا سليمان عند خالد ومعاذ وسالهم وش سوو قالو له باقي ما عرفو التشخيص فا اقترح انهم يروحون يسألون البيق بوس
وبعد نقاش سقيم بينهم راحو له مخترعين وحالتهم حاله ويقرضون بالاظافر لحول جلس سليمان وجا موعاذ بيجلس ويتكي طيح وجه البيق بوس وقاله انت لا عدل الكرسي

قالو له ان فيه حاله ما عرفو لها وعطوه الملف فا قال اتوقع انه تي بي انقزت نوف وقالت قلت لهم ورمقوها بنظرات لما سكتت وبلعت العافيه
بعدين جا اتصال من ابو النور وقالهم فيه ان الاشعه الي شافها كانت لمريض ثاني وان المريض حقهم عنده مرض اسمه كرونز
تفشلو كلهم وخذو الملف واطلعو وموعاذ من الخرعه جلس متيبس مكانه لحد ما سحبه سليمان معه
بالاخير تكلم موعااذ انه الكل ممكن يخطئ وهذا شي هو اكتشفه وجلس يعددهم
وان حتى البيق بوس ممكن يغلط بعد في التشخيص وقال الزبده لا تجون مستشفانا >>والله ما يحدنا عليكم الا المرض ولا دارين انكم رايحين فيها

وتعلم موعااذ من غلطته وصار يسأل كل مريض حتى عن شعر رجله عشان ما يغلط في التشخيص مره ثانيه
وانتهت الحلقه عليه وهو طابن برقبة مريض يا عزتي له ويسأل وش اسم امك ويصارخ عليه الله لا يجعلني بين ايدينه

حلقه خفيفه وفيها فكره واعذروني على الـتأخير اكيد المشاهده افضل كثير

.

13-03-2010, 01:44 PM	#196
ندى الأيام . . : زعيم القناصين : . .	رد: عيشو معنا جو الضحكه مع مسلسل 37 [ تغـطيه ] ~ . الحلقه الحادية عشر الحلقة الثانية عشر .

14-03-2010, 07:24 PM	#198
La réponse قلم المجلس النشيط	رد: عيشو معنا جو الضحكه مع مسلسل 37 [ تغـطيه ] ~ فتفوته + ندى الأيام وكل حقين التغطية ربي يعطططيكم ألف عافية يسلم دياتكم التوقيع: - - friend of Mr.Long nose

16-03-2010, 10:34 AM	#199
ياسر(20) قنــاص فعــال	رد: عيشو معنا جو الضحكه مع مسلسل 37 [ تغـطيه ] ~ وين الفديو حق آخر حلقه يا آل البآنورآمآ طلعت وقلت أبشوووفهآ عندكم من جد مآ لكم دآعي خخخخخخخخخخخخخخخخخ شحآثه بقوووة عين بس لا تتأخروآ أكثر من كيذآ نبي نشووفهآ قبل يوم الخميس إعآده التوقيع: ننتظرك أكيد

16-03-2010, 04:43 PM	#200
ṤǎḿǎђĕЯ المتابعه المميزه للقناص	رد: عيشو معنا جو الضحكه مع مسلسل 37 [ تغـطيه ] ~ ,:, ندى الأيــام ياشيخه الله يسعدك ترى التغطية ماتصلح كذه نبي فيديو الله يجازي مدحدر كل خير بس ,:,

16-03-2010, 05:36 PM	#201
ندى الأيام . . : زعيم القناصين : . .	رد: عيشو معنا جو الضحكه مع مسلسل 37 [ تغـطيه ] ~ ^ روابط الفيديو تشتغل والا لا ؟

17-03-2010, 09:43 PM	#202
مرعب الحراس سامي مشرف قسم الرياضه السعودية والمركز الاول في قروبات المملكه	رد: عيشو معنا جو الضحكه مع مسلسل 37 [ تغـطيه ] ~ نعتذر على التاخير

18-03-2010, 02:20 AM	#203
مزنه المزيونه قنــاص مبــدع	رد: عيشو معنا جو الضحكه مع مسلسل 37 [ تغـطيه ] ~ من الجمعه هذي >حقت بعد بكره الحلقه بتكون مدتها من 9 ونص الى 10 فقط التوقيع: ان شالله تخيس بضاعتكم بالمحلات

18-03-2010, 04:30 AM	#204
مرعب الحراس سامي مشرف قسم الرياضه السعودية والمركز الاول في قروبات المملكه	رد: عيشو معنا جو الضحكه مع مسلسل 37 [ تغـطيه ] ~ أقتباس الحلقه بتكون مدتها من 9 ونص الى 10 فقط بتكون حلقه وحده بس ؟

21-03-2010, 12:00 AM	#205
مرعب الحراس سامي مشرف قسم الرياضه السعودية والمركز الاول في قروبات المملكه	رد: عيشو معنا جو الضحكه مع مسلسل 37 [ تغـطيه ] ~

22-03-2010, 10:10 PM	#207
ندى الأيام . . : زعيم القناصين : . .	رد: عيشو معنا جو الضحكه مع مسلسل 37 [ تغـطيه ] ~ . الحلقه الثالثة عشر

22-03-2010, 10:13 PM	#208
ندى الأيام . . : زعيم القناصين : . .	رد: عيشو معنا جو الضحكه مع مسلسل 37 [ تغـطيه ] ~ ^ ميرسي سماهر كلك ذوق : شاهد اون لاين الحلقه الثالثة عشر

23-03-2010, 12:07 AM	#209
ندى الأيام . . : زعيم القناصين : . .	رد: عيشو معنا جو الضحكه مع مسلسل 37 [ تغـطيه ] ~ . لا لا لا مااتفقنا على كذا وش ذا < ميرسي مرعب بليز كثر من هالصور اللي بتاخد العئل ، الحلقه كانت عاديه نوعا ما مقارنة بالحلقات السابقه بس يكفي جا منها هالصوره .