السلام عليكم ورحمة الله وبركاته

راسك علامك رافعه يوم احاكيك
............... الضاهر اني فوق حجمك عطيتك

لحظه .. نبي نرجع دقيقه لماضيك
............... بذكرك في أي حاله لقيتك

كان الضياع ودمعتينك تخاويك
............... منهار وفي عز انهيارك خذيتك

وارخصت عمري لجل احبك واداريك
............... هدمت قصر الذل فيك وبنيتك

كان الغلا شمعه تنور لياليك
............... ولو اظلمت دنياك جيت وضويتك

يالاسف كنت امدحك وافتخر فيك
.............. رفعت من شانك وعليت صيتك

كنت انت .. عندي غير ومقدر اخليك
............... واموت واحيا ان قلت سم وفديتك

واليوم اشوفك خنت حتى مباديك
............... صغرت في عيني وانا اللي هويتك

الضيف لو انه عدوٍ معاديك
............... غصبٍ عليك تقدره وسط بيتك

ياصاحبي بتموت ماني براجيك
............... واشره علي انكان حتى طريتك

لاصار ذل النفس في قلب يغليك
................ يلعنك ياقلب ٍ عشقك وشريتك

اضحك حبيبي دام وقتك مسليك
............... باكر تموت من القهر لا نسيتك

اتمنى تسجلون اعجابكم بالقصيده

تحياتي
قدساووي

كلمات ولا اروع

اسلوب متناسق

اشكرك اخوي على القصيده

وفي انتظار جديدك


تحياتي

صح لسان قايلها..


وكاتبها..


وتسلمـ هاليمين على الذوق الروووعة..


وكيف لا نسجل أعجابنا بها وهب من كتابتكـ !!!


تحياااااتي لكـ...

كلمات ولا اروع



اشكرك اخوي قدساوي على القصيده

يسلمووووو على المرور