غاب الهلال في ليله خسوف القمر
{{ فــ غاب الاداء والمستوى والنتيجه }}
فهل تريدونه يظهر في غياب القمر
عنواااااااااان موضوعي
اتمنى من نجوم الزعيم يقرون الموضوع
اقل شي اللي نابع من قلب محب / عاشق / للكيان الهلال
فوق كل شي
بسم الله نبدأ
فهد المطيري / قناص / عيوني : امرني ؟؟؟؟
كيف مايجي الرياض ؟؟؟
ليش ؟؟
ياولد نحضر مبارتنا مع الحالمي .
قناص : يارجال قدام بس والله مسافه وورانا اشغال ..
فهد المطيري / قناص / هذا الهلال
قناص / ياولد ادري انه الهلال يافهد ..
فهد المطيري / بس السنه هذي غير هلال قريتس وفريقنا اقوى هجوم + اقوى دفاع + افضل فريق فالدوري
قناص / ماجبت شي جديد كل اللي قلته اعرفه عن نادي الهلال ..
فهد المطيري / مافهمت وش اقصد يالغلا
قناص / وضح لي يالغلا كل اللي قلته عن الهلال اعرفه ماجبت شي جديد
المهم والاهم
/ فهد المطيري / قناص / لـــعـــــيـــــون الـــهــــــلال {{ تـــهــــون الـــمــــســــافات }} ....
الف كيلو من جده نروح منها نتمشا ونسير على الرياض
ونحضر ونشوف افضل ملعب { دره الملاعب }
ونشوف اكثر جمهور ونشوف افضل فريق ونشوف نجوم الزعيم قدامنا ؟؟؟
قناص / والله انك صدقت في هذي / لـــعـــــيـــــون الـــهــــــلال {{ تـــهــــون الـــمــــســــافات }} ....
يالله سرينا / الشعارات جاهزه
الكامري جاهزه
الحضور اكيد فيه حضور وجمهورنا جاهزين
يعني نقول يافهد الليله هذي طرب
ايه ياقناص الليله هذي طرب وليله ولا الف ليله
قناص / فهد المطيري / وش توقعاتك للنتيجه ؟؟؟؟
فهد المطيري / تصدق اتوقعها تاريخيه ..
قناص / نفس الشعور يافهد , القلوب عند بعضها ...
خلاص وقف يافهد لاعاد تقول لي شي
مشينا مشينا الرياض الرياض
بنشوف االهلال ...
وصلنا والحمدلله بالسلامه
ونزلنا العاصمه الرياض بالتحديد السلي اصبحنا الخميس وتغدينا الظهر واحنا رايحين الملعب ونزلنا الملعب
ما شالله والحضور حضور ياجمهور الرياض
فديت الرياض واللي جاي من خارج الرياض
الملعب مليان , شفنا جمهور الجار , الحضور مو مثل حضورنا, اتضحت شعبيه الهلال
واصلا من قبل معروف الشي هذا
شعبيه الهلال اكثر واكثر ... والملاعب تشهد له بالحضور في كل مكان ...
وش بقى علينا ....
بقى علينا نلعب مبارتنا ونقدم مباراه وكوره جميله + 3 نقاط ولااحد يهزمنا ...
ونفوز . ...
من حظي / الشمس على راسي .. يافهد ....
ياولد بنتابع وخلنا نشوف الهلال وتغيب الشمس عنا ومنها ننسا الشمس وحرها ...
{{ بدأت المباراه }}
قناص / فهد اخيرا / بشوف الهلال قدامي { مستوى + نتيجه + صداراه + بندق خشم الحالمي }
فهد المطيري / ايه بتشوف اللي يسرك اليوم
مرت الدقايق حتى سجل النصر ....
قناص وفهد /// يوه يالقهر بس تدري بنعدل ان شالله ...
مرت الدقايق وتليها الدقايق ...
قناص / فهد / ياولد انت تشوف اللي تشوفه ..
فهد / وش تشوف ياقناص ...
قناص / الحين احنا حاضرين مباراه للفريق الاول فريق الدعيع وياسر ...
فهد / ايه وش شايف فالملعب ... من تشوف لايكون الشمس لها تاثيرها .....
قناص / اي شمس الله يهديك / ياولد الهلال خبري فيه الفريق الاول يقدم كوره جماعيه وجميله مثله مثل البرشا
يعني كلعب واداء فالملعب يذكرني باأداء برشلونه الاسباني ...
بس اليوم اشوف وش اشوف الدربكه اللي فالفريق وش صاير ...
العناصر هي العناصر ,
والحارس هو الحارس .,
ماتغير شي والمدرب هو المدرب قريتس
كل اللاعبين هم اللي نعرفهم وهم اللي جابوا لنا الصداره فالدوري ..
طيب ياولد يافهد وش اللي صاير انت تشوف وش صاير فالملعب ...
جلست اصيح ياسر محمد الشلهوب وكل اللاعبين ياهووووووه 
وش فيكم وش اللي جاكم
عين ماصلت على النبي ...
فهد / ياقناص هدي شوي /
قناص / كيف اهدي ويرتاح لي بال وانا اشوف الهلال في اسوا حال ...
انتهى الشوط الاول ...
بين الشوطين يالله عساها النتيجه تعدل ونقلبها عليهم ان شالله
فهد / ياقناص انتظر وبنشوف نجوم الزعيم الشوط الثاني يبيضون الوجه ..
قناص / اوك ننتظر وبنشوف .. نصبر ليش مانصبر ...
الشوط الثاني بدأ
قناص / يالله يارب نقلبها عليهم بس ... فهد / اللهم امين الله يسمع منك بس ...
لعبنا وقدمنا ... وانتهى الشوط الثاني ...
انتهت المباراه {{ النتيجه 2 النصر الهلال 1 }}
وبعدين
وبــعــديــن وش صار ..؟؟؟؟
قناص / فهد وصمخ انت تسمعني اه اه اه اه ياقلبي ايه اسمعك
ياولد شفت الهلال
لاروح
لامستوى
لانتيجه
وش البرووود اللي جاكم
ليتهم قدموا شي عشان اقول حاولوا بس ماالله كتب ...
الحالمي اخر زمانه يهزمني / ولا والهلال في افضل مستوياته . واقوى هجوم واقوى دفاع وافضل فريق
وحضور جماهيري كبير ......
وش صار ؟؟؟؟
ياهووووه ... ردوا علي يالاعبين.... ليش ماانتم رادين علي ....
وش صار لكم
وش جاكم
ياناس حسوا فينا / جينا من جده الف كيلو وقلنا تهون المسافات بس وش سويتوا
وش سويتوا عشان يرتاح لي بال .....
الفريق كامل / فاشل فاشل فاشل فاشل بمعنى الكلمه ماعدا لاعبين يمكن مااعتب عليهم رادوي + الشلهوب وبس
الهلال / اصابه الغرور { السبب } التخدير الاعلامي ...
يابن مساعد / اميرنا / الهلال بعد كل التعب والتعاقدات والتجديد مع اللاعبين
تكون رده فعلهم كذا .....
والله واقولها من الحين اذا استمرينا على الرتم هذا صدقوني الدوري باي باي
يااابن مساعد / هذولي يبغالك تنزلهم الملعب الساعه 1 الظهر وخل الشمس تصمخ روسهم صدق
نبيهم يحسون ... بجمهور الهلال اللي تقطع من وراهم ... وحضروا
في ذمتكم الحضور كله ولا هو عاجبكم ...
انا لو فالملعب ياشيخ بس واشوف جمهوري بهالحضور
ياشيخ انحرق فالملعب وكلي اسعى في رضاهم ...
انا ودي ادور لاعب محدد بس مافيه احد كلهم فاشلين ياولد فاشلين في المباراه هذي بس طبعا ...
ياسر / اناديلك متى ترجع
نجوم الزعيم / اصيح صياح ماحي درابي ...
اصيح ولاواحد سمعني ...
على العموم طالع اهجول فالعاصمه قبل امشي / ياليت لاعبي الهلال يحسون باللي يحس فيه جمهوره الكبير
اتمنى من الجميع مراجعه حساباته / ويشوف وش قدم
{ جوالي وماادراكما جوالي }
قفلت جوالي / ليش ؟؟؟؟؟
مالي وجه .. الحالمي فايز علي .. من متى يفوز علينا
انظر للتاريخ اللي صجونا به
متى اخر مباراه فاز النصر على الهلال فالدوري
مو سنه 1424 هــ يجيك الزمان ويدور ويفوز علي هاالكديش .... يعني 7 سنوات ....
بعد الصيام واي صيام .....
السبب في تقفيل الجوال / لاتلوموني اذا مقهور لاتلوموني اذا حاس بشي ..
لاتلوموني اذا كنت مغبون ... من النتيجه
المسجات فوق 100 مسج اقولها وانا صادق ...
زملاء + حالميين + زعماء يخففون الصدمه عن بعضهم + جمهور الزعيم ...
وغير الموجود اللي ازعجتنا بس ...
قالها فارس عوض / يوم المتعه يوم الطرب يوم ظهور الهلال الكبير يوم الرد الكبير ....
بس ماشفنا شي منها ... ولا الربع ...
ليش ؟؟؟؟؟
في ذمتكم احد مصدق بالنتيجه ؟؟؟
لا والله
لا احد يدرعم ويقول كلها 3 نقاط ياقناص
ادري
ولااحد يجي ويقول ريح بالك
الدعوه والكوره كلها فوز وخساره ...
ادري بس ياشباب ياجمهور
قولوا لي شي مقنع الهلال وش قدم في المباراه ؟
احبك ياهــلال لو تكون { فايز وخاسر } بس ابي تقدير وابي تعويض في باقي االدوري ....
على الحلوه وعلى المره .. معاك ياهلال ....
نقاطي
نبي البطولات السنه هذي كلها { واحط بين قوسين } بطوله اسيا ....
{ من الاخير }
انا هلالي وتعودت على االذهب يعني ابي البطولات كلها وما ارضى بغير الذهب .....
* اللي كنت احذر منه صار / ...
الزلايب / نسوا مااكلوه من طارق التايب ... تبون فديوهات ياحالميين ....
الزلايب / انتظروهم في مباراتهم الجايه قدام الاتي وشوف كيف المستوى اللي صدقوني ماراح نشوفونه ..
* غاب الهلال فظهر النصر { النصر } لايستحق الفوز السبب من اهداه الفوز نجوم الهلال ...
* مو مشكله خسرنا بس المشكله مانستفيد من الاخطاء يعني نتمنى التصحيح في باقي اللقائات ...
* الدوري املنا وحلمنا حتى الان وبين ايدينا . فلا تفريط فيه في اللقائات القادمه ...
* فديتك ياجمهور الهلال ... كفيتوا ووفيتوا ...
* وش بقى ماقلته . اه ياقلبي ... لو تحسون باللي في داخله . من قهر ...
* الحالمي بينتهي الدوري وبتبدا السنه الجديد والكلام نفسه ماتغير مافاز على الهلال غير حنا ...
في النهايه
قولوا لي شي مقنع الهلال وش قدم في المباراه ؟
01-01-2010, 02:20 AM
غاب الهلال في ليله خسوف القمر {{ فــ غاب الاداء والمستوى والنتيجه }} فهل تريدونه يظهر
العرض العادي
