.

صبآحكمـ \ مسآئكمـ
فرح وسرور ,’


نظرهـ المجتمع لكل شي غلط .. وللـأسف
طبعا أحنآ مانعمم \\ في كل شي زين وشين : D

يجيك واحد يقول لأمه أنا بتزوج فلانه .. ترد عليه أمه .. ياشينه من أختيار وش تبي فيها البنت عانس تزوج لك وحدآ تدللك وتحبك صغيره تتزوج وحدآ عجوز تتعبك
طيب يالأم مافكرتي لو بنتك زيها وعانس وش شعوركـ ؟!

والله هالعالم غريب

ماعلينآ من هالـأمـ \\ حتى بعضهم لما يتزوج وحدآ [عانس] كل ماصار شي قالها (مفروض تحمدين ربك وتشكرينه ليل ونهار أني خذيتك ولـآ أنا مستواي مايسمح لي )
يخي طير أنت ومستواكـ

بعد ماعلينآ من هالشاب\\

البنات نفسهم لما يجتمعون ويحشون في فلانه وعلانه (شفتيها فلانه تزوجت وجابت عيال وهيّ للحين ماتزوجت )
على قولت المصريين هوآ القواز بالعافيه
الترجمه ض1
هو الزواج بالغصب ,’

ولـآ المشكله لما يجي دور الأهل وقسم قمه القهر
أبوها أول مايتقدم لها واحد يقولها أقبلي زين لقينآ واحد يقبل فيك وكأنه بايع بنته
والبنت وش تسوي ياتوافق ياتعيش منذله طول عمرها ,’
ومفروض وإلي أغرب من الغريب نفسه لما يعايرونك أهلك .. ومفروض هم أول من يوقف معاكـ

نجي عاد لتوم كروز \\

هذا يجيك واحد ويذل زوجته ذلّ .. تقول يهوديه
أنا زين وأنا مدري وشو
وأنا البنات يمشون ورآي وأنا زين أني رضيت فيك وأنا وأنا ... لبعد 9سنين وهو يقول أنا
عاد وش يصير أنه البنت أحلى منه وهو الجمال في ديرهـ وهو في ديرهـ
طبعا أحنآ مانقول أنه الجمال شي أساسي بالزواج بس نقول إذا الرجّآل تكبرْ على زوجته من ناحية الجمال وهو ولآشي مع أحترامي له
وهي متحمله وعادي تبي الستر ,’

نجي إذا كانت البنت [ العانس ] أحلى منه .. ماراح يسكت بيتكلم ويعايرها وعندهـ ماشيه الدنيآ

نروح لناحية ثانيه \\

تجيك البنت مدللة وأبوها يرفض .. هذا مو من مستوانا الأخلاقي وداشر وضايع
ويرفض الثاني هذا مو من مستوانا الأجتماعي والمادي
ويرفض الثالث هذا مبيّن عليه أنه ماعنده شخصيه مايصلح لك
ويرفض الرابع هذا مو من قبيلتنآ ولآ مو من ديرتنآ
ويرفض ويرفض
نجي للبنت
لآ ماأبيه مو حلو .. لأ أحسه مو ستايلي .. لأ أسلوبه ماعجبني
وترفض وترفض الزين والشين ....... وخلي إستايلك ينفعكـ
لما تعنس ولحد يطقّ بابها تبي بس أدشرهم وأشينهم بس حتى أدشرهم عنده كرامه
وأبوها يروح يعايرها ,’

نجي للي رافضين نفسهم \\

ماأبي أتزوج الحين بكمل دراستي .. لما أكوّن نفسي يصير خير
ذكروني بـ حسين عبدالرضا بمسرحيه [ قناص خيطان ]
لما قالت له حياة الفهد : صار لك 20 سنه ماتزوجتني
قال لها : توْني ماكونت نفسي

هنآ أنقلبت الآيه يعني هو يقصد الشباب أنا بقصد البنات يعني متى بتكونين نفسك لما تحج البقر على قرونها
يعني أنتي إلي تجيبين لنفسك [ العنوسه ] ,’
طبعا أنا ماقلت أقبلي أي واحد يدقّ بابكم \\ بس واحد
زين وسمعتها كويسه ومافي شي يعيبه .. ترفضينه ليش ؟!
يعني لـآ تعليق بجد

نجي لشفقه البعض ..

يشوف وحدآ [ عانس ] ياحراامـ
ولـآ حتى بنات يشوفونها .. ياحراامـ
يحسبونها تبكي ليل ونهار وعايشه في كآبه وعندها أمراض وضغط وماباقي إلآ كم خطوهـ أستغفر الله على القبر
شي غريب ... بعض المرات الشفقه تجرح ,’



نجي للنقطه الأهم في موضوعنآ [ البنت العانس ]

هي مو هامها شي مصليه ومسميه وذاكرهـ ربها والحمدلله الكل يبيها وجمالها عادي محد يقدر يقول مو حلوآ وشينه ,’
بس كل شي قسمه ونصيب
يروحون الكل يخربون عليها مزاجها أنتي وأنتي وأنتي وأنتي ...... تزوجي هذا .. وتزوجي هذا
ترد وتقولهم ( ماأبي هذاواحد مايتحمل مسؤوليه أسرهـ ,, هذا مايخاف الله وش أبي فيه )
ومن هالكلامـ
ومع ذلك بالغصب أخذيه مايتطوْف
عمركمـ فكرتوآ بمشاعرها لما ترمونها .. أي رميّه أسمها
يعني وش راح يصير بعد مايتزوجون إذا هيّ مغصوبه فوق أنها مغصوبه يروح يعايرها ويقولها نفس الكلام إلي قلناهـ

ولما تطلع مكان يطالعوون ويخزخزون ( تدرون أنها عانس ,, ترآهآ ماتزوجت ,, الي قبلها عندهم عيال وهيّ للحين )

يعني هيّ وحياتها كيفها .. هيّ الي بتعيش معاهـ ولـآ حضرتك يابابا ولـآ ماما
هالنظرهـ مدري متى تتغيّر .. وتقولون لما تحج البقرهـ على قرونها
شكلي هالسنه بخلي بقرتنآ تحج ونرتآح
وأفك العالم من كلمه [ لما تحج البقره على قرونها ]
بس بتطلع كلمه جديدهـ [ الأسبوع إلي مافيه جمعه ]
عاد هذي قويه : D

وأنا أطالب بلفظ كلمه [ عانس ] على الرجّآل الي ماتزوج وهو فوق الثلاثين
ولـآ تنمحي كلمه [ عانس ] من الوجود وماتنقال ,’
ولـآ ليش هالمعايّر
وأمنيتين أتمنى تتحقق
* تتغيّر نظرهـ المجتمع للبنات الي فوق الثلاثين ولآ بنهايه العشرين
* إلغاء كلمه [ عانس ] من الوجود والعالم بأكمله : D

وأنا أقول إلي كاتبه ربي بيصير وكل شي !
* قسمه ونصيب ]~

آسفه ع الإطاله\\ وأنا تكلمت بإختصار وخذيت جوانب أساسيه فقط

لكمـ

>

أقتباس

رد: ~ مِتَى ينتِهي مُصطَلحّ [ عَآنِسْ ] مِنْ وجّـهـ الـأرَضْ ,’!

اذا تزوجو كل العوانس<ياويله..
اهليين <خبطت باليوزر

أقتباس

ومفروض وإلي أغرب من الغريب نفسه لما يعايرونك أهلك .. ومفروض هم أول من يوقف معاكـ

وشلون تبينهم يوقفون معه ونفسه مجتمعنا يدور الغلط؟!

أقتباس

هذا يجيك واحد ويذل زوجته ذلّ .. تقول يهوديه

أنا زين وأنا مدري وشو

هذا اذا هو مزيون وتوم كروز صدز الا من رحمى ربي !

أقتباس

نجي إذا كانت البنت [العانس] أحلى منه .. ماراح يسكت بيتكلم ويعايرها وعندهـ ماشيه الدنيآ

يـ ختي حسيت ان المسأله مُعقده مافيه حل ياهو يتطنز به ياهي تطنز به مافيه حل

وسط ابد مُجتمعنا خربان محد راضي بالثاني..

أقتباس

وأنا أطالب بلفظ كلمه [ عانس ] على الرجّآل الي ماتزوج وهو فوق الثلاثين

كفو ازين قرار

بس تبين الصدزهذي الناس ماتتحطم عادي عندهم هالكلمه

موب البنات من يقولون له عانس ذبلت<
المهم الحين ماعاد تهتم الناس مثل اول بكلمة عانس
احس اللي عنتس عنتس بكيفه واللي تزوجت تزوجت بكيفه
يعني محد مهتم الا الناس اللي يدورو السواليف..
بس تبين الصدز مرات العنوسه نعمه ازين من تقابلين
رجال مايفهم الحياه ..
موضوعتس يبي له مجلدات علشان يقتنع المجتمع
انه يمحي كلمة عانس او تنلغي هالكلمه مع انه بعيده ..
شكرأ..

شكـــ بارك الله فيك ـــراً لك ... لك مني اجمل تحيه .

انا من وجهه نظري عانس افضل مليون مره من زواج هالايام اللي ينتهي دائما بمصيبه

تقبلوا مداخلتي تحياااتي لكاتبه الموضوع

اختلى الفيلسوف والأديب طاغور يوما الى ربه ورفع يديه لسماء وقال:
يا رب
لا تجعلني جزارا يذبح الخرفان ولا شاة يذبحها الجزارون .
يا رب
ساعدني على أن أقول كلمة الحق في وجهه الأقوياء و ساعدني على ألا أقول الباطل لأكسب تصفيق الضعفاء .
يا رب
إذا أعطيتني مالا لا تأخذ سعادتي و إذ أعطيتني قوه لا تأخذ عقلي و إذ أعطيتني نجاحا لا تأخذ تواضعي و إذا أعطيتني تواضعا لا تأخذ اعتزازي بكرامتي
يا رب
علمني أن أحب للناس كما أحب لنفسي وعلمني أن أحاسب نفسي كما أحاسب الناس .
يا رب
ساعدني على أن أرى الناحيه الأخرى من الصورة و لا تتركني أتهم أخصامي بإنهم خونه لأنهم اختلفوا معي في الرأي .
يا رب
علمني إن التسامح هو أكبر مراتب القوه , وأن حب الانتقام هو أول مظاهر الضعف .
يا رب
لا تدعني أصاب بالغرور إذا نجحت و لا أصاب باليأس إذا فشلت بل ذكرني دائما بأن الفشل هو التجارب التي تسبق النجاح .
يا رب
إذا جردتني من المال اترك لي الأمل و إذا جردتني من النجاح إترك لي قوة العناد حتى أتغلب على الفشل و إذا جردتني من نعمة الصحه إترك لي نعمة الإيمان .
يا رب
إذا أسئت إلى الناس أعطني شجاعة الإعتذار , وأذا أساء إلي الناس أعطني شجاعة العفو و الغفران .
يا رب
إذا نسيتك لا تنساني
انتهى دعاءه
جميل جدا أن نردد" اللهم لاتجعل همي في لايهتم بي"
الناس حينما تردد لقب مطلقه عانس قبيحه فاشله عقيم
كل هذه المصطلحات تخرج من أناس خرجت عن نطاق الأدب ووضعت نفسها في دائرة الإساءة وبلا سبب
مجريات كتبها المولى منذ ونحن في بطون أمهاتنا فعلا مآ النبش والنبز ؟!
أعجبني طرحك إلى مالآ نهآيه
بودي أن أسوق نصيحه لمن يعاني من اي مصطلح يهدد حياته أيا كان في شتى مجالات الحياة
تدري لو أن ارزاقنا في يد الغير
والله مايصبح رآآآآس من هو عليها
أرزاقنا بالأعلى في يد من يملك مفاتيح السموات والأرض في يد علآم الغيوب
وعباد الله لاتملك شيئا سوى المال والبنون ولن تخرج منها إلا بعمل فقط
ما اجمل ان نرتقي ولا نلقي بكائنا من كان بال ولا نحسب حساب سوى للمولى لا لغيره
ربّي . . أؤمن كثيراً بأن المسآحه الفآصله بين الحلم و الوآقع [ مجرد ] دعـِـِـِآء . . !
أسطر اعجابي هنآ

لي عـودة لمناقشة الموضوع بشتى نواحيه...

كل هذه قسمه من عند الله فلماذا الأعتراض على حكمه

او السخريه ممن لم تتزوج من الفتيات فاولله ان الله لايظلم احد

اما عن الناس ماراح يتركون النعت بهذه الكلمه الا اذا تحولت عقولهم وفهموا

معنى الزواج قسمه ونصيب << واسال الله ان يرزق كل بنت زوجا صلح ولكل شاب زوجه صالحه :(