،

مسائكم / صباحكم

............................................. أنا والهنا

وش السااالفه

تدرون والا لا

ما تدرون

حتى انا مدري

* في اللغة العربيه .. سيبويه واخوانه وجماعته ما ادخروا جهد في ايضاح متى نستخدم الكلمات والاسماء
وإن واخواتها وهالشله ..
حتى علامات الترقيم لها قواعد وشروط لاستخدامها
يعني مووش عبث نحطها بأي مكان في كتاباتنا

مثلا /
إذا- الشرطيه .. لها طريقه لاستخدامها

فيه لها فعل الشرط ..وجواب الشرط
يعني الشيئين لازمين فيها
طبعا انا اتكلم عن إذا الشرطيه مو الظرفيه ترى يختلفون

مثلا :
إذا جاءت بيلسان غاب الشيطان

يعني مايغيب الشيطان الا اذا حضرت ..شفتوا كيف

المشكله وين
يجي احد وده يصير كاتب فصيح وفيلسوفي ويقعد يخبط لنا باللغة تخبيط
نلقى إذا الشرطيه مالها جواب
ترى كذا تفقد كتاباتكم جماليتها اذا لعبتوا بقواعد اللغة

ما عندكم علم كافي بهالاشياء ..تعلموها أولا ..اذا ودكم تستخدمونها
إستعينوا بأخونا رامي السهام ..أحسه مدرس لغة عربيه ..ممكن يفيدكم < طلعت اشاعه
وترى راؤوله تخصصها لغه عربيه

او أقل الايمان تجنبوها ..
ولاتخلونا نستآثم وحنا نحش فيكم

* تدرون أن الفلاسفه ما اخترعوا كلمات
يعني صح يتفلسفون وتكون لهم كتابات معروفين فيها ومقولات
لكن استحاااله تلقون كلمه جابوها من روسهم

لو سمحتوا .. صيروا فلاسفه
صيروا اي شئ

بس لاتاخذون بعقولنا حلاوه وتختروعون كلمات ما أنزل الله بها من سلطان

الحاله الوحيده اللي مسموح فيها إستحداث مصطلحات هي :
المصطلحات الشبابيه
هياط
كدش

وغيرها
مالها أصل من اللغه لكن مقبوله لانها تخص فئه معينه ..تحب استحداث مصطلحات
لكن ما نستخدمها رسميا بكلامنا او كتاباتنا بالفصيييح

مره اخرى ارجوكم لاتخلونا نستآثم

* تركيب الجمله له ايضا أسس وقواعد ..
ليه التخبيط

والله أحيانا اقرا جمل غير مفيده
يعني تجميع كلمات ..والموت انها بالفصيح او حول الفصيح

طيب ليه
انا قارئه لي حق أفهم وش المقصود بالموضوع
وش تبون توصلون لنا من خلال الموضوع

من أيام قريبه قريت موضوع
مافهمت وش بيوصلنا له صاحب الموضوع

أستعنت بصديقتي
ما قصرت والله ..وفهمتني وهي تقول اعتقد والله اعلم
هي مو متأكده من المقصود لكن خمنت .. استنتجت مدري كيف

رجعت وقريت الموضوع
ما حسيت باستنتاجها انه اصلا واضح بالموضوع

صح انا وكثير غيري ما تستهوينا المواضيع الغامضه
لكن وأنا اقرأها احس انها كلام منظم ومتناسق ..
بس اني ما اقدر أغوص بفكر الكاتب وأفهم المقصد بسهوله

لكن فيه مواضيع لا والله
تجميع مصطلحات

تدرون وش المشكله
ما اقدر انتقد بنفس المواضيع وأبدي رأيي

مرتن أخرى ..ارحمونا وخلوا حسناتنا لنا

* مو شرط اكون فيلسوفه او اكتب بالفصيح
ولاهو شرط اكون مبدعه نثريا او شعريا
عشان اكون محبوبه ومشهوره ،،

صرت مشرفه وأنا أمسك الموضوع وأفصفصه بالرد
وبأسلوب تلقائي غير متصنع
وحتى بلغه عاميه ان ما كانت لهجه شعبيه بحته
ما ضرني عدم اجادتي للحبكه الكتابيه

آخر المطاف :

أعطي الخبز لخبازه يا انتـ/ـي

مرحبا المملوح


مدري حسيتك ما فهمت بالضبط قصدي

ما اتدخل بكيف يكون الطرح
لكن اعترض على نـحر اللغة العربيه بحجة اني ودي اكون فيلسوفه واكتب بالفصيح


شكرا للنصيحه


لكن الجد اني خسرت اعمالي من هول ما قرأت


عوافي خيو

-

بيسو
وش السالفه ؟؟!
مااستنتجت من الموضوع غير هالفيس " "
بإستعين بصديقه وارجع امخمخ لك : |
مدري احس الموضوع فيه شي يشدني
بس مدري وشو : |
/
برب بدور مرام ..

..

منورة بيسو ...

موضوعك بالصميم .. واكيد مهم ..
بس بقولك شغلة بعض الكتآب يكتب بمستوى عقليته يعني بفهمه هو
مثل بعض المدرسين اللي يشرح بمستواه ومايراعي عقليات الطلاب < شطحت
هذا مو عيب بقدر مو انه عدم المام من الكآتب بالاسلوب السليم لطريقة ايصال الرسالة ..
فيه عقليات بتفهم من الوهله الاولى للموضوع كون عقليتها قريبة لعقلية الكآتب
يعني فيه تفاهم لاارادي بين العقليتين .. وفيه نآس تفهم بعد القراءة مرة ومرتين
وفيه نآس يالله تفهم .. ونآس ماهنا رجا <

المهم ..
بالنسبة بعد لطريقة اختيار الكلمات .. وربطها لتكوين جملة .. فيه
كلمات معك حق لاتمت للجملة بأي صلة .. او بمعنى اصح توضع لتضخيم الجملة
دون ان يكون لها موقع من الإعراب ..
تختلف الأساليب صحيح .. طبعا بإختلاف العقليات .. فيه عقليات فلسفية وفيه عقليات
دخيلة على الفلسفة .. وهنا تكمن المشكلة .. لأن احيان يكون طرحه هآم بس طريقة
سرده واختياره للألفاظ .. عقد الموضوع وحول مسآره .. وبكذا ماتتضح الصورة العامه
للموضوع بالشكل المطلوب وندخل والكآتب في حرج ..

بالنسبة لي للأسف اذا حصل ومافهمت موضوع ومااعرف الكآتب مااقدر اطلب توضيح
افضل اني ماارد ..


بيلسان ..ْ

موضوعك واقعي وملموس ..
عجبني كثير عفويته .. ان شاء الله اكون جبت معنآه بس..

.

.


<تقول بنفسه الحمدلله اني اكره الفصحى وماأعرفه

اهليين بيسو
-مثلا :
إذا جاءت بيلسان غاب الشيطان
طبيعي
نخوش بالموضوع هو صحيح كل واحد له الحريه بانه يكتب
بالاسلوب اللي يريحه وكلنا نجهل قواعد اللغه بس
ان نحوس اللغه هذا شيء ثاني يجب علينا <شوفي البدايه يجب
أننا ننبهه او نعلمه يمكن ماعنده خلفيه حلو انتس كتبتي الموضوع
يمكن لمن ابي اكتب او ارد افهم واعرف وش كتبت
بالنسبه لي الحمدلله ماتستهويني الفصحى يعني ماحشيتي بي
عندي وحده بالمسن تتكلم فصحى وتتكلم عادي مادري هي تسذا والا تستهبل
بس جد تحسين تبي شيء من كلامه يعني منب فاهمه عليه هل هي طبيعه والا لا؟

المهم ان البعض يجهل قواعد اللغه عندتس انا حفظن الله من كل شر
اعرف اني بجيب العيد لو تكلمت عشان تسذا حتسيي كله سواليف
قضيت ان شاء الله رديت على محتوى الموضوع
شكراً بيسو..