نبذه عن الموضوع
بقولكم قصه خطها القدر على صفحات
الزمن
الشخصيات في هالقصه
احمد وهو البطل
ود وهي البطله
ريم اخت ود
منال بنت خالت ود
عفاف بنت اخو احمد
حصه اخت احمد
عبد الاله ولد خال ود
وهذه طبعا الشخصيات البارزه في القصه
ماابي اسرد الكل
ايام الطفوله
في يوم من الايام
صار زواج خال ود
طبعا البنوته كانت لابسه ثوب الابيض النفاشي وهي طالعه من الصاله
قابلها احمد وابتسم لها وركض يمها
بس البنت خافت وتخبت عنه ودخلت الصاله هو مايقدر يدخل للصاله لانه ممنوع
وفتحت باب الصاله شوي شوي
وتقدمت بخطوتها شوي شوي
الا ويدها تنمسك
احمد كان متخبي ورا الباب
وضحكت له وركضت وهو يلحقها
ولعبوا مع بعض
مرت السنين
وكـبرو الصغار
بنت خالت ود الصغيره مايدرون وينها
خالت ود:ود وين نجود ماشفتيها
ود:وين بتروح اكيد عند الباب تلعب
بروح اشوفها
ولقت نجود عند الباب ومدت يدها للنجود
لانها كانت برا عند الباب
ومسكت يدها
وفجئه يمر احمد من عند الباب
ويشوف ود مارفت عينه
ويبتسم لها
وهي طبعا متفاجئه
ناضرت فيه (نضره عاديه )اخذت نجود ودخلت وسكرت الباب
من ورا الباب
حطت يدها على قلبها
وابتسمت لانها شافته
بعد كم يوم
عمتها كانت عندهم وولدها راح لديوانيت الرجال
ود راحت تجيبه لامه
ودخلت الديوانيه وهي تنادي
عليه
مشــاري
واحمد كان بديوانيه هو وخويه جايين عند
ولد خالت ود
كان مستانس سمع صوتها
وهي تنادي عليه
والولد كان عند الباب واقف
دخلت خذت الولد وتفاجئت بوجوده بها الوقت المتاخر هوطبعا مرتبك
وماهو عارف ايش يسوي
كان المسجل عنده سوا نفسه يشتغل فيه
بعد مرور سنه
اهل ود سيرو على اهل احمد
شي طبيعي لانهم اقارب
احمد لما درا لزم ارض البيت
وصلو اهل ود
وشاي وقهوه وحلى وسوالف
حصه : بنات خلونا نروح نقعد بالحوش الجو روعه
البنات :اوكيه
وراحو البنات
وهم في طريقهم للحوش
احمد طلع في وجه ود
ود استحت وراحت ورا حصه
وهو على طول رجع
وراحو وقعدو بالحوش
احمد ارسل اخته الصغيره تجيب له
فرشه وغطا ومخده
يبي ينام في الديوانيه
احمد:حصه
حصه :هلا احمد بغيت شي
احمد:تعالي
حصه :طيب
احمد :شوفي لي طريق ابي انام
حصه : غريبه تنام بهالوقت
احمد : اقول اخلصي
حصه : عادي مر ماحد يمك
احمد طبعا متلكك مايبي ينام
يبي بس يمر من عندها
والبنات قضوا الوقت سوالف وضحك لين
جاء وقت الترويحه
وبعد مرور سنه
احمد في ثالث ثانوي
وقرب يخلص وياخذ الثانويه العامه
ويبي يقدم على الجامعه
ويخطب ود
اهل ود طبعا في الرياض ساكنيين
بس كل صيفيه
يجون واحمد ساكن في تبوك
احمد:يمه
امه :سم
احمد:ابي اخطب
امه : تحسابه يستهبل
روح من ماسكك
احمد:يمه ولله اتكلم جد
مابقى شي واخذ الثانويه
واقدم على الجامعه
امه : خلاص اليوم اكلم خالتك
واخطب منى بنتها
لك
والله انها مزيونه وتعرف تطبخ
ويكفي انها بنت خالتك
احمد:لا يمه ماابيها
انا احب وحده وابيها
امه :منهي
احمد:تعرفينها
ود بنت ....
امه :ود ود ود
ايه عرفتها
ماعليها البنت مزيونه
وهالها ناس طيبين
خلاص ولا يهمك انا اذا جو بالعطله
اكم امها
احمد:لا لا يمه
امه :ليه
احمد :ودي اول شي اجس نبضها
واعرف رايها
امه :على هواك
بس من بترسل يجس نبضها بالموضوع
احمد :ام ام يفكر
مافيه الا عفاف هي صديقه منال بنت خالت ود
امه :الله يسر امرك
ويفرحني فيك
احمد :امين
احمد راح عند عفاف يفاتحها بالموضوع
عفاف :ابيك تسالين منال متى اهل ود
يجون
عفاف : متى يعني بالعطله
وبعدييين ليه تسال
احمد:لاحول مااكثر اسالتك
ابي اخطبها
عفاف:حساااااافه لونك متوضف كان تزوجت معي انا وحصه
احمد :لا ابي زواجي انا وقلبي بس
عفاف:مالت
احمد :بس ابي اجس نبضها قبل
عفاف : واكيد تبيني اتولى هالمهمه
احمد:من لي غيرك
عفاف : وشلون
احمد:ياذكيه منال بنت خالتها مو صديقتك
عفاف :ايه
احمد:خلاص عن طريقها تقدرين توصليين لها
عفاف: يسير خير
احمد :يالله هالحين دقي على منال واساليها
متى يجون
عفاف :اووووووف بس
منال فضوليه وبتسال ليه
احمد:ام ام
ايه قولي لهابجيب دقاقات في زواجي
وابيهم يحضرون
غفاف :يمه منك تعرف تفكر
هات التلفون
عفاف :الو
ام منال:هلا
عفاف :السلام عليكم
ام منال : وعليكم السلام
عفاف:كيف وش اخبارك
ام منال : الحمد الله من معي
عفاف :انا عفاف
ام منال : هلا والله
عفاف : منال قريبه اكلمها
ام منال : ايه احضه بس اناديها
عفاف :طيب
منال : الو
عفاف :هلا والله
منال :اهليين عفاف اخبارك يالقاطعه
عفاف :الحمد الله تمام
تعرفيين زواجي قرب واجهز له
منال :للحين ماخلصتي
عفاف :لا بس ناقصني كم كريم
منال :شكل مااحد يوديك لسوق على طول
عفاف :لا والله احمد مو مقصر بس
يوديني انا وحصه يومين بس
انا ماجبته للحين
منال :يابختك فيه
عفاف :ههههههه
منال بغيت اسالك عن بنات خالتك ود وريم متى يجون
منال :في العطله بس للحين ماحددو متى بالضبط ليه تسالين
عفاف :ابد بس بجيب في زواجي دقاقات
وابيهم يحضرون
منال :للحين والله ماحددو متى بالضبط بس راح يجون اكيد
عفاف :عبى خير ان شاء الله
طيب يالله تامرين على شي
منال :لا سلامتك
عفاف :بااي
منال : باااااي
احمد :هاااااااا
متى
عفاف :للحين ماحددو على حسب ضروفهم
بس تقول منال اكيد بيجون
اول العطله اخره
الله اعلم
احمد:يارب يجون بدري
وجت العطله
احمد تخرج من الثانويه
ويجهز للجامعه
ولخطبته
اهل ود جو تبوك
عفاف :احمد ود جت تبوك
احمد:اشوف تبوك نورت
عفاف:عدااااااااال
احمد :عفاف لازم تروحيين لهم
منها تسلميين عليها
وتجسيين نبضها بالموضوع
عفاف :اوكيه باخذ الرقم بكره من منال واكلمهن
احمد:لا ليه بكره هالحييين
عفاف: اووووووف
طيب
عفاف: الو
منال :هلا والله عفاف
عفاف :هلا فيك اخبارك ان شاء الله تمام
منال :والله الحمد الله انتي شو عامله
عفاف :ماعليه تمام
من لقى احبابه نسى اصحابه
منال :هههههه
لاولله انتي في بالي على طول
بس تعرفيين لي سنه عنهم ومشتاقه لهم
عفاف :ابي رقم البنات على شان اجيهم
فشله لازم اسلم عليهم
منال :من متى الذرابه
عفاف :وجع والله انا من زمان ذوق
منال :طيب ياذوق خذي الرقم
04.......
عفاف :طيب بكلم البنات وبتفق معهم على يوم واجيهم عاد لازم اشوفك هناك
منال :اكيد ياعفاف
انا عندهم كل يوم
عفاف :لزقت عنزروت
ههههههه
منال :هههه بايخه
تصدقيين ود خالتي تقول طالعه ملكه جمال
عفاف :ايه هي ماشاء الله عليها حلوه
يالله تامرين شي
منال :لا سلامتك
عفاف :بااااااي
منال :بااااي
احمد:هاه وش صار معك
عفاف :جبت رقمهم ومنال تقول لي ان ود طالعه ملكه جمااال
احمد : اه اه عليها يله دقي
عفاف :ههههه طيب
عفاف :الو
جدت ود : الو الو الو
عفاف:السلام عليكم
جدت ود :وعليكم السلام
عفاف :اخبراك ياخاله وش علومك
جدت ود:الحمد الله من معي
عفاف :انا عفاف بنت .....
جدت ود :والنعم
عفاف :ينعم بحالك
جدت ود: اخبارك واخباراهلك
عفاف :الحمد الله تمام
بغيت اكلم ود
جدت ود: ود ايه لحضه اصوت عليها
ود :الو
احمد اخذ السماعه يسمع صوت ود
عفاف :الله يلعنك جيب السماعه
ود :الو
عفاف :هلا والله
ود :هلا فيك
عفاف :كيفك وش اخبارك
ود:الحمد الله تمام
عفاف ماهي سامعه زيين لان السماعه
لان احمد كل ماتكلمت ود سحب السماعه من
عفاف وسمع صوت ود واذا سكتت عطاء عفاف السماعه تتكلم وهي ماتدري وش ترد عليه
ود :الو
عفاف :احمد فضحتنا مع البنت
احمد :طيب حطيه سبكر
عفاف :طيب
الو هلا والله معاك انا
اخبارك ياحلوه
ود:الحمد الله
منو معي
عفاف :انا عفاف بنت .....
ود:هلا والله عفاف
اخبارك
عفاف :الحمد الله تمام
يقولون انك طالعه ملكه جمال
ود :تبتسم عيونك الحلوه تشووفني كذا
عفاف :ابي اخطبك لعمي فهد
ود: تبتسم لا ابوك احسن
عفاف :ههههه
بغيت اجيكم بس قلت ادق واحدد معك موعد اخاف تكونيين برا ولا شي
ود :حيال الله باي وقت
عفاف :بكره يناسبك
ود: اوكيه على خير ان شاء الله
عفاف :طيب مااطول عليك
تامرين شي
ود:سلامتك
عفاف: مع السلامه
ود :هلا والله مع السلامه
احمد:يس
عفاف :الحمد الله والشكر جايب هدف
احمد:اسمعي ابيك بكره تسولفيين عني
امدحي فييني لين ينبط راسي
عفاف :مادح نفسه يبي رفسه
احمد :قولي لها ان لبسي كشخه
واني مره ذوق
من هالسوالف الحلوه
وقولي لها على مره لمارحت اجيبك من الثانويه البنات وشلون خقوا عندي
وقولي لها اني احب اتسبح كل يوم
عفاف :انقلع
تبيني اقول لها انك تتسبح كل يوم وش
تحس فيه
احمد :هههههه
طيب قولي لها اني اطول في الحمام
عفاف :كل تبن
والله منت صاحي
احمد :طيب قولي لها على مره لما ضربتك على يدك يوم طلعتي يدك للصايغ على شان الخاتم
عفاف :خلاص الله يقروش مخك قروشتني
وعدت الليله واحمد يقول لعفاف
وش تقول عنه لاراحت للبنات
وجـاء بكره
البنات اللي تسوي شعرها استشوار
واللي تسوي ميك اب
واللي ماتدري وش تلبس
تنوره ولا بنطلون
وجت عفاف واستقبلوها
وشاي وقهوه وحلا
وسوالف
منال ود راحوا للمطبخ يجيبون القاتوه والعصير
منال :ود غريبه عفاف سوالفهامن قعدنا كلها عن احمد
ود:ماادري يمكن البنت ماعندها شي تسوالف فيه
ههههههه
منال :هههههههه
يمكن
ود :ياالله قطعي القاتوه
وانا بسوي العصير
منال :يله
وجابن القاتوه والعصير
وجاء وقت العشاء
وتعشوا
وبعدها قالت ود للبنات
ود:الجو مره حلو وش رايكم نطلع فوق السطح
البنات :اوكيه
وطلعوا البنات وخذو الشاي والمكسرات
وهم قاعدين سالفه تجر سالفه
عفاف :احمد يحب يتابع افلام هنديه
مره دخلت عليه وهو يرقص هندي ولما شافني استحى
البنات :هههههه
ود:ايه الافلام الهنديه حلوه
بس اغانيهم صوت بس اما معنى الكلمات
ماش
عفاف :اي والله صوت فيه بس
معنى ماعندك احد
منال بكل خبث
خلاص قدام البيت فيه ارض فاضيه مااحد باني عليها للحين ارقصوا فيها انتي واحمد ياود
ودوجهها طماطم
منال :خلاص ياعفاف لازم نزوج بنتنا لولدكم
عفاف ماصدقت على الله ولقتها فرصه حلوه على شان موضوع احمد
عفاف :خلاص اكلم احمد واشوف وش رايه بالموضوع
ود تصرفها
ود:على شان يجي خالي ويلعن شكلنا
الكل :ههههههه
وعداالوقت بالضحك والسوالف
وجاء وقت روحت عفاف للبيت
طبعا بيت عفاف قريب من بيت ود بس
الوقت متاخر وابوها موصيها ماترجع لحالها
البنات كلهم عند الباب
عفاف :وين خالتي توصلني للبيت ابوي موصيني مارجع بلحالي
منال :ريم تعالي خلينا نطلع نادي
خالتي توصل عفاف
ود:خليك عن عفاف
ود:اوكيه
طلعوا البنات عفاف ود بلحالهم
عفاف اخذت كلام منال على محمل الجد
وتبي تكلم احمد
تذكرت ود الكلام
وقااالت لها
ود:عفاف لاتصدقيين كلا الخبلات منال وريم
عفاف :طيب
وجو البنات
عفاف :يالله بنات مع السلامه
البنات مع السلامه
احمد في البيت وينتضر عفاف
متوتر وقاعد على اعصابه
حبايب قلبي اكمل لكم وقت ثاني
لاني تعبت <<< تبي تشوقكم
عطوني رايكم باللي كتبته
اذا تبون اكمل عاجبتكم القصه ولا لا
لكم