السلام عليكم ..
أحبائي نعود أليكم .. ونتجدد معكم
بتواجدكم .. وآرائكم
مالي غناة عنكم
.
.
.
(( الله يسامحني ))
الله يسامح كل شخصً هجرني
والله يسامحني على كلّ هجران
والله يعافي كل شخصً جبرني
بوصاله اللي شال عن قلب احزان
ينصرني الله ان كان محدن نصرني
في قول من هو ذاكر اسمي بنقصان
الحمدلله زاهي الذكر .. (( قرني ))
من نسل أزد اللي تعوّد لقحطان
ومانيب.. افاخر في مدوحً ذكرني
ترى خرير الماي ما يروي عطشان
ان كان محدن فالمواقف.. نطرني
فلا خير حتى في مناداة يا فلان
ماني بقايل .. كنّ محدن خبرني
آعوذ بالله من وساويس شيطان
يا صاحبي تدري وش اللي جبرني
من بعد ما كنّا اصاحيب واخوان
أنّي عذرت لهم ومحدن .. عذرني
أسأل عن الحاضر وتسأل فما كان
عمر الشقا .. في عالمي ما نهرني
والياس ما سكّر فالآمال بيبان
بضحك بوجه اللي فباله قهرني
واذكّر اللي هان بالوصل ماهان
إذا رفيقي شوق وصله ذكرني
فانا .. على شوفته عجلً وشفقان
أمّا .. إذا باعد بوصله وهجرني
.
.
.
.
.
.
.
فالله يسامحني على كل هجران
وسلامتكم .. |
01-12-2009, 04:19 AM
الله يسامح كل شخصً هجرني .. والله يسامحني على كل هجران
العرض الشجري
