ياللي سالتم ياسر اليوم وين؟
اجيبكم /واقول : وين
البطل/وين؟
ياسر هنا/عند العقول الرزينه
ولا يحسب /للخبول المجانين
ياسر مع الامجاد يقضي سنينه
ياسر هناك/ يطوف كل الميادين
ياسر /يثمن بالكنوز الثمينه
معدن ذهب عيار واحد وعشرين
عند الذي هم بالوفا منصفينه
ياسر مكانه داخل القلب والعين
ابن الوطن وصار للجد حينه
يهدي البشاير للوطن والملايين
موجود ياسر فوق ظهر السفينه
ربان يحكمها من يسار ويمين
في الكاس وكاس العالم خابرينه
وفي اسيا حير جميع العناوين
هذا الفتى المغوار تسلم يمينه
لبس لباس الفخر حله وتاجين
لو ترفعون الصوت ياضالمينه
وتتوحدوا في صف ماهو بصفين
لكم هدف لكن ماتوصلونه
مادام حجتكم بليا براهين
غنوا واحنا كل شي حاسبينه
ونعم بياسر ثم ونعم ونعمين
وشباككم صارت لرجله رهينه
يعتادها في كل شهر وشهرين
احلامكم من بعد ياسر صارت سجينه
وافراحكم ابعد من الهند والصين
من جهلكم واحقادكم والضغينه
قامت تلاعبكم قرون الشياطين
كلامكم ياكم لنا سامعينه
لكن صعبه توصل العرض الوالدين
والكذب صورتوه ومصدقينه
مابه ضحيه لا تحدوا السكاكين
انتم ضحيه للفقر الغبينه
والله يستر حالكم يامساكين
واللي يوجهكم عسى الله يعينه
لابد يجي يوم يقضي به الدين
لولا الامانه في ايادي امينه
ماحلت البومه بوكر الشياهين
والخاتمه ياهل العقول الذهينه
لا تضلمون الصقر راعي الجناحين
خلو نظركم في مدى لمح عينه
وخلو الشتايم في حلوق البزارين
والا الكلام يمر شينه وزينه
ويبقى الكلام الزين ويغادر الشين
وبيقى على مر الزمان وسنينه
ياسر قصيدة في قلوب المحبين.....



انشاء الله تنال على اعجابكم واعجاب قناصنا,,,

صابها سهم قناصها

اهلا فيِكْ ،، وحياكالله في صدى النــثر ،

لكن العذر منك المنقول ممنوع ،

موفقه !


’.’.’. لَحّـظَـهْ مِنْ ` [ . . قَلّـبِكْ . . ] ’.’.’.