السلام عليكم ورحمه الله وبركاته
تنبيه هام:
يحذر دخول الحوامل وسريعي التأثر والحساسات والحساسين والحشاشات والحشاشين وجميع الأصناف الأخرى يعني تبون نصيحتي لحد يدخل :D
أبو نايف شاب لطيف ظريف خفيف دم وعلى قولة أحد الظرفاء ( شاب يئطش ) و قال آخر ( شاب يطيح الطير من السما ) وقال ثالثهم ( ياعيال وش انتم تقولون ) فيما هم الرابع بالكلام فما كان من أبو نايف الا ان صكه بالطفايه وصاح في خشته قائلا ( فاضي لك انت وخوياك تبتلون تسذا بموضوعي خلوني اكمل الموضوع لا اكرشكم منه :mad: ) فما كان من الاربعه ان عطو ابو نايف ظهورهم وكملوها بلوت :o
ابو نايف شاب بدأ الحياه (Wrong Side) حيث يقال ان والدته يوم ولدته كانت اصلا ماتحس بشي ولا انتفخ بطنها ولا شي ولما بدت تحس بشي يتحرك في بطنها كل ماراحت دكتور قالو يابنت الحلال مابه شي صدقيني مافيه شي ببطنتس الا شي كنه تحميله وماندري وشهو صراحه شكله شي من غداتس ما انهضم زين !! وكانت تصدقهم وترجع البيت الا في ذلك اليوم حست بمغص أليم وراحت تراكض للمستشفى ومعها أبو أبو نايف (<< حلوها عاد ) يعني أبوي انا :D ويوم وصلو المستشفى قالو يتضح لنا ان حرمتك يا ابو ابو نايف حامل وشلون ماندري وكيف ماندري لكن بالماريه انها لازم تدخل غرفة العمليات وقتها لزم ابو ابو نايف الجدار وقام يصايح ويرافس ويقول ( انا السبب انا السبب ) وفي هاللحظة كان ودي اني مولود عشان اقول ل ابوي وقتها ياليتهم رقدو ياشيخ ياحياتي ترفق بس :o ولكني للأسف ماكنت مولود وماكان فيه بلوتوث ولا كان ارسلتها له مسج على الاقل :D وبعد مرافس ومصاقع بالممرضات والدكاتره في غرفة العمليات خرجت أنا عليهم في كرتون صغير ومكتوب عليه رجاءن ادخل الرقم السري (<<< قمة الاستهبال حتى وانا مولود خخخخخ ) ولما توهقو الدكاتره وماعرفو وش يسوون طلعو لا ابوي الكرتون ماسكه واحدن من الدكاتره ولما شاف ابوي الكرتون صاح با اعلى صوته وقال والله اني قايل لها الكورن فليكس ماينوكل بكرتونه مير هي ماتفهم (<< كنايه على قراوة أمي الله يطول بعمرها ) ولكن الدكتور جاوب ابوي با ابتسامه صريحه قائلا ( هههه ظريف ) وانا داخل الكرتون اضحك على ابوي ولو الود ودي اني اطلع واختم على جبهته ( ماصل ) مير مايمديني الرقم السري ماعرفناه !! وفي هذه اللحظة جرب أبوي كل الارقام اللي يعرفها وبدى يتميصل وجرب ارقام الجوالات اللي موجوده في جواله الى ان ضبط معه رقم سميره وهي خوية أبوي مصريه متعرف عليها في مصر يوم كان يبكش على امي ويقول بروح رحلة عمل وهو يفلها اسبوعين ويرجع :D و رجع ابوي بطفل صغير لطيف برئ ظريف أسماه ( ابو نايف ) ويوم جاء عند امي خمت ابوي وقالت حبيبي وش الباسورد فمع الفرحه والوناسه وبمزيد من الدباشه كع ابي قائلا رقم سميره فما كان من امي الا ان شالت الغذايه ونشبتها بجبهة ابوي وقالت طلقني يا ابو ابو نايف طلقني وانا اصفر و أصايح على هالموقف العصيب وباقي الدكاتره يصفقون والسسترات يخمون بعض فرحا بهذا الموقف الرومنسي الخطير فما من ابوي الا ان قال للدكاتره الله ياخذ اللي يردها بخاطركم ياشيخ روحي انتي طالق طالق طالق و حبه البواجي ذا خذيه معتس ما ابيه :mad: وهنا بدأت العقدة تكبر و تكبر معي :( وفقدت أبي في يوم ولادتي :( وعشت كاليتيم ولاكني يتيم يعني انا منيب يتيم صدق بس اني كني يتيم لا ان ابوي طلق امي عرفتو كيف ولا اشرحها زياده خخخخ (<<< حسيت اني ابن خوري وانا اشرح الذبه :D )
مرت الايام والسنين والسنوات والسنيات والسنون (<< جمع مذكر سالم وجمع تكسير وجمع مؤنث سالم وجمع مع الناس عيد خخخخ ) وانا عايشا كني يتيم وبنفس الوقت منيب يتيم يعني ... (<<< الله من كم واحد و وحده بيقولون اخلص يابثر خخخخخ ) وبعد ستين سنه مت وانتهى الموضوع
<<< تخيل عزيزي القارئ واختي القارئه (<< أخاف اقول عزيزتي يقولون يغازل ) انه الموضوع كذا خلص هل سوف أنجلد !! أم انفرش !! أم سوف تتوطوني !! الرجاء اختيار الجواب المناسب وارساله على الرقم ايخ ايخ سفن سفن سري خندرد ومرفقا معه حرف ضف وجهك .
بدأت في الشهور الاولى بدايه غير موفقه حيث انه شوي وكان بيغيرني المدرب (<< يستظرف رياضيا خخخ ) وبدأت كطفل غريب الاطوار صغير الراس طويل اليدين قصير القدمين جاي سفري بدون ركب وكان شكلي يروع لدرجة ان أمي لما يقولون لها جيرانها ورعك ضعيف ورى ماترضعينه طبيعيا تقول تستهبلون انتم !! شوفو شكله قسم بالله اني اخاف انام معه بغرفة بلحالي اخاف بكره القاني في صفحة الأحداث في جريدة الاهرام المصريه خخخخخخ (<<< ظريفة امي وانا اقول من طالعن عليه خخخخ ) وأمي لم تعلم اني استطيع ان اسمع وافهم مايجري وهنا بدأت تكبر المأسأه وتكبر في داخلي :(
كبرت قليلا وبعد أن بدأت أحبي كنت من زود الشين فيني أحبي على خشمي حيث كان خشمي يوصل الارض قبل رجولي وكنت اسود شديد القبح متجعد الشعر لدرجة ان أمي لابغت تسبحني ملت البانيو كلوركس وفلاش وذبتني فيه وانا في البانيو اسمعه يقول انا وش اللي قردني وخلاني اصير بانيو لذا الوصخ لو اني صاير مرحاض ولا سيفون اهون شي :( والفلاش والكلوركس يترادون بينهم اللي يقول قسم بالله يالارض ازين من ذا المعفن والفلاش يقول ياشيخ اسكت قسم بالله اني كارهن اليوم اللي صنعوني فيه :( وانا اسمع وهم لايعلمون اني اسمع وهنا بدأت تكبر المأساه فيني أكبر و أكبر !!
بعد أن اصبح عمري ثلاث سنوات وبدأت في الكلام والمشي والحديث وتدخين السجائر وشرب الشيشه (<<< من النوع اللي اعرس وهو عمره 8 ومات و عمره 16 خخخخخ ) بعد بلوغي ثلاث سنوات بالتمام والكمال كان شكلي هو حديث الاوساط المحليه حيث اني أشين ورع مر في أوساط جماعتنا على الإطلاق حيث انه من الشين اللي فيني لادخلت المجلس كل اللي في المجلس يقولون اكرمكم الله ويهجون :( عشان ماينحرجون ويسلمون علي والشيبان اللي مايقدرون يطلعون يتلطمون ويكحكحون يقال لهم مريضين ولا يقدرون يسلمون علي :( حتى بالماريه واحد من عيال عمي سلم علي وباسني بالغلط جاه إحباط نفسي وطلع الثمامه ومن بعدها ماعاد رجع حتى لقوه منتحرا جنب إثله وكاتب في الارض ( الله من بوستن من عقبها عفت دنياي .. انا وش اللي خلاني ابوس ذاك الشيفه ... هذا اولها الله يعين اهله على الجاااي ... عبد وشين وبثر وفوق هذا خشته مخيفه ) :( وهنا لما علمت ببيت الشعر في طفولتي بغيت اتحمس وارد عليه مير تذكرت اني في القصة مابعد تكلمت عشان كذا قلت خلها شوي لين عقب سنه لابديت احتسي رديت عليه هالماصل :(
وبعد ان ضاق با امي الذرع من شيني وبثارتي قررت استقدام خادمه لكي ترعاني وتاخذ بالها مني وقررت انها تجيب هنديه لا ان عندها قناعه مهيب صاحيه أن الاندونيسيات مافيه أمل يتعايشون مع الكئابه اللي بتجيهم من مقابل وجهي وبثارتي !! فقررت استقدام هنديه وذهبنا انا و والدتي العزيزه إلى المطار لا استقدام الشغاله وعند دخولنا المطار راكبن عربيتي الجميله وامي تدفني برجلها عشرين متر قدام ولا دحدرت كفختني مرة ثانيه عشان لاشافها احد من خوياتها ولا شي تسوي نفسها مالها دخل فيني والله من كم مرة ومرة جيتها مشطف وضايع بالمطار وشوي يعلنون بالمطار الرجاء من اللي مضيع له جزمه أو زرار او اي شي داخل عربيه لونه اسود انه يراجع استعلامات المطار !! وبعد ان وصلنا لا استقدام الخدم دفتني أمي ونستني عشان ما اروع الشغاله وبالغلط طبيت على كونتر احدى الرحلات المغادره وفي الخط وفي لحظات بس !! فضى الكونتر وبدأ الإعلان عن كنسلة الرحله وان الطيار مريض وان حتى الطياره تقول قسم بالله اقلب قاري ازين لي اما ذا الشين يركب فيني !! والطيار يقول ياعيال الكرسيدا مافيها شي !! و المسافرين يرددون هاجين والله كعابي اصرف من ان حنا نركب مع ذا الشيفه وراعي الكونتر قلبها اشتر تذكرة واحصل على ثلاث مجانا !! كلهم يعتقدون اني مسافر على نفس الرحله :( وبعد ان دحدرت مرة أخرى وعدت ل أمي لا اجد جنبها كائنا جميلا يدعى فطيمه وهي شغاله هنديه الجنسيه سمراء اللون جميله المنظر ممشوقه القوام ولما رأيتها من الحيا اللي فيني تغطيت ولما رأتني ضحكت وحتى يوم اني متغطي وشالت الغطا الابيض مني شفت طبعه بالشرشف حمراء وسوداء مما دلني على اني استحيت بقوة :o ولما شافتني ناظرت الشغاله با أمي وقالت وازيد هلووو ملابس هدا وقامت تقلبني بحثا مضنيا وشاقا على خشتي البهيه لا انها مابعد استوعبت ان هذا وجهي !!! ولكن أمي حاولت اقناعها بشتى الطرق ومافاد !!!
وبعد أن قلبتني وقلبتني !! واستوعبت ان هذا وجهي !! شهقت واطلقت ساقيها للريح قائلتن ( مابي سغل ) ( مايبغى سغل ) ( مافيه سغل ) ( نهي سغل ) وكلها بما معناه يخسي ذا الشين اصير شغالتن له !! وماردها الا محرك طياره توها واصله نفاثه شفطها وقلبها باربكيو مشوي التم عليه الضيوف بشكل مهيب وتناولو وجبة الغدا بشكل رهيب.
القادم أجمل مع أشين خشه !!
فقط أنتظرو ابو نايف Biography ( الجزء الثاني )
15-02-2006, 02:13 PM
أبو نايف Biography ( الجزء الأول )
العرض الشجري
