.
بسم الله الرحمن الرحيم ..
مساء / صباح الخـير
مصافحه جديده لـ قسمي المفضل
بعد غياب وإن شاء الله تنال على إستحسانكم ..
.
.
.
عروقي تنبض بحبٍ رضع فيني من صغـري ..
ـــــــــــ عجزت أوفيه لا بـ حـبة رآس ولا قـلاده ..
جمعت القاف وتعذرت مني أوراقي وحبري ..
ـــــــــــ تقول أخاف أقلل بوصفي منهي للسيوف جلاده ..
يا يمه شلونه قليبك ؟ عساه بخير على خبري ..
ـــــــــــ ووشلونه بيتنـا الصغـير وبنت جارتنـا ولاده ..
يمـه صمتك القاتـل يخلي دمعتي عبـري ..
ـــــــــــ يمه شهادتي اللي طلبتيها وتمنيتيها فرحه خـلاده ..
رفعت الرآس ودنقته ولمحت تراب وبـري ..
ـــــــــــ ألا يا دفان وقف , وقف وأخذني أنا له إلحـاده ..
لييش الموت لك يحضن وانا الحضن لي صبري ..
ـــــــــــ من سنتين وانا أحسب لهالجيه بأول يوم ميـلاده ..
ولكنه وافق موتك يمه يا كسري أنتي وجبري ..
ـــــــــــ بقايا غرفتك تبكي نظاره وبالطرف هناك سجاده ..
وهذاك بخورك اللي بقى ريحة فجلالك الشبري ..
ـــــــــــ وهذا قرآنـك تقولي هديه لا درس اول أولاده ..
وهذيك الشنطه شريتيها واللي للقلم نبري ..
ـــــــــــ تقولي كلها لوليدك ولا تنسى بعد تشتري لغاده !
يايمه أدعي الخالق يجي قبرك بس بجنب قبري ..
ـــــــــــ أبي أضمك وأرتاح من شعور اليتم وقل هالمـاده ..
أبي حنانك وطيبك يدفيني وأنا هذا كبـري ..
ـــــــــــ يا ربي بس أبي همي حليب امي وحضنها لي وساده !
قفلـه نثريـه :
أستغفـر الله .. ليـه متّـي !
أستغفـر الله .. ليـه منتي أنتـي !
يمـه صح ...
نبض عرقك باقي ينبـض ..
وما إنوضعتي تحـت هالأرض !
صح نمتـي ..
وصمتي وقلتي يا بنتي , بأقضي أيامي الفـرض ..
صمتـي !
بس متـى قمتـي ؟؟؟
لا تقولي أنك اللي جسمها لامسته وإندفنتي ..
مو أنتـي , مو أنتـي !
أنتي نمـتي وتركتيني أدوّر تحت
أقدامك جنتـي ؟....
لكـل من راقت له أبياتي البسيطـه
.